|
صبغت شعري وانعدددم
السلام عليكم ورحمة الله وبركاته
كيفكم ان شالله تمام بنات شوفو لي دبرة ، خربت شعري* شعري انعدمممممم خلاص كله بسبب تسرعي قهر سنتين اهتم فيه وبالاخر خربته بالصبغة ، شعري طويل الي اخر ظهري رحت اليوم الدانوب وقلت بشتري صبغة بغير لون شعري في البيت بنفسي بدون كوفيرا وشغلانة المهم شريت اربع علب صبغة وعلبة وحدة أكسجين 9٪ ما بغيت اكثر عشان لا يخشن علي* قريت التعليمات وسويت مثل ما مكتوب بالضبط اللون طبعا اشقر ثلجي فاتح لان شعري مو اسود صافي ف قلت بيجي اللون ع بني نحاسي ومن بلاهتي ما بحثت بالنت ولا قريت المهم خليتها بشعري ساعتين وبعدين غسلته بالكريم اللي جا مع الصبغة اول ما طليت بالمراية انصدمت و بكييييييييت شعري لونه غبي صار مقسووم نصين من قدام لون فااااتح زي لون عروسة باربي حلو اللون عجبني مرا ونفس اللي كنت ابغاه لكن من الوسط صار بني مو نفس درجة اللون اللي من فوق الحين وش الحل كيف أداوم انا وشعري مخلوط خلط وملون وعندي مناسبة يوم الأربعاء واصلا صبغت مخصوص عشانها وشكلي ما بحضر مررررة قهر ، اللي عندها خبرة بالصبغات تفيدني مشكورررة* أخيرا ،،،،، اتمني ان يكون هدا مكان موضوعي* واتمني برضو ما ينحذف لأني ماني عارفه اذا كان مخالف ولا لا* وان شالله مو مخالف * |
والله ضحكت ............ مشكوره:d روحي اقرب صالون الكوفير بتعدله لك:30: الحمدالله على سلامتك |
خوفتيييييييني يابنت
على بالي صار شي لشعرك اذا على اللون بس مقدور عليه المهم شعرك ماتضرر لانه الاكسجين بالبيت خطير ويخرب الشعر .. الحمدلله سلم شعرك المهم ممكن تروحي صالون بكرة و تعدلي اللون او تشتري صبغة بني داكن و تسويها بشعرك و يصير شعرك كله لون واحد وخلاص ولا تصبغي فترة عشان يرتاح من اللي سويتيه فيه :) وبعد 3 و لا 4 اشهر روحي لصالون و سوي الصبغة اللي تبيها |
حبيبتي موضوعك مو مخالف .,~
الله يكوون بعونك أحسن حل زبطيه عند الكوفيره وريحي نفسك .,~ واحضري المناسبه ليووم الاربعاء .,~ الله يتمم امورك على خير =) ان شاءلله يكون درس لكِ |
يالله نفسس طريقتي قبل العيد صبغت اشقرعند مشغل وبعدين ماعجبني وصبغت بعده اسود وقبل العيد بيوم رجعته اشقر وطلع مبقع مع الاسف والحمدلله على كثر الصبغات ماطلع فيني شيب:d
تقدرين توحدين اللون عند كوفيره سهاله حبيبتي لاتشيلين هم بالتوفيق |
وضحى ..
الله يهديك مو وقت ضحك انا مقهورة ع شعري صار شكله عدم وما ابغى اروح كوفيرا تزيد تعدم الخصلتين اللي بقت |
نورا ..
كل هدا وما اتعدم لسه ، اصلا خشن ملمسه صار سلك مواعين ايش ممكن يصير فيه اكثر من كذا يعني انا ما بطلع اليوم للدوام مستحيل اخرج وهو كذا شكله مشكل ثلاث ألوان والله زعلت مررررة مدري ليه مع اني اتبعت التعليمات حرفيا وحتي زودت ساعتين قلت عشان يمسك اللون بس اتاري النتيجة عكسية ومو من صالحي طيب انا ما ابغي اروح المشغل بيحطون لي أكسجين كمان وبيلعن ام الشعرتين اللي بقت مو كفايه اللي فيه يعني اذا صبغت كمان ايش حيصير له .. بس ممكن اسوي صبغه في البيت ارجع أوحد اللون لكن بدوووون أكسجين هو اساس الخراب ياليتني ما سويته وخبصت الدنيا اساسا انا اكره الصالونات من الشي دا انو ما تعرفي أش يقربعو بشعرك .. وانا مخلوقة اقدر الشعر مرررة وابكي ع الشعرة اذا صاحت الله يعين ما دامها خربت خربت يلا ببدا كورس جديد علاج للقرف اللي سويته بشعري |
زهرة الرمان
الله يسعدك يا قمر بس انا مااحب المشاغل مرررة وأخاف يحطون أكسجين برضو بس اذا اضطريت حروح وامري لله |
صرخة حب ..
طيب بالله لما حطيتي ثلاث صبغات بوقت واحد ما خرب شعرك ؟؟ يعني ما صار ملمسه خشن واذا دخلتي أصابعك تحسين متشربك انا اكره الخشونة مرررررة ودائما مهتمة فيه وحمام زيوت ع طوول عشان ما يتقصف ولا يخرب ملمسه أجي بالاخر اخربه بصبغة ليتني ما تلقفت ولا سويت شي المشكلة انو كل خوفي الحين من حكاية الأكسجين أخاف برضو يطيح الشعر .. مااقدر اغامر فيه واجلس مقرعه بعدين وحليني سنة ثانية لين يتعدل يا من يعيش |
طيب لمن بتوحدي اللون في البت اكيد بتستخدمي اكسجين
الاكسجين وراك وراك فخلي الكوفيرة تعدله لك افضل لك بدل ماتسويه وينعدم ثاني وتضطري تصبغي مرة ثالثة فمادام انك تهتمي فيه روعة خلي الكوفيرة تصبغه وتضبطه وبعدين اهتمي فيه بحمامات زيت وماراح يخرب شعرك ولمن تبغي تصبغي مرة ثانية مو تحطي الصبغة كلها مرة وحدة لالالالا تصبغي الشعر اللي تحت وتخلي الجذور واللي فوق ولمن يمسك اللون تحت تصبغي الجذور لانه الشعر من تحت مايمسك اللون بسرعة ويبغاك تنتظري عليه اما من الفروة والجذور على طول يمسك اللون بسبب حرارة الراس واذا صبغتي من تحت غطيه بكيس وحطي الاستشوار على راسك عشان يطلع اللون بسرعة تقبلي مروري |
أنيسة الروح ..
تهقين يعني لازم منها الكوفيرا بس انا ما ابغي احط أكسجين المرة هاذي خلاص بس بصبغه باللون لوحده ما ينفع ؟ تووووبة اصلا ماعاد بستخدم شي في شعري كفاية يا زينه وهو طبيعي بلا خرابيط بلا هبل |
انيسة ليش لازم اوكسجين مرة ثانية ؟؟
الاكسجين بتستخدمه مره ثانية اذا حبت لون فاتح بس اللون الداكن مايحتاج اكسجين الفردوس غايتي اذا بتصبغين الان اصبغيه لون داكن عشان ما تضطري للاكسجين راح يتوحد اللون و تخف حدة التقصف االالوان الفاتحة تبين تقصف الشعر الالوان الداكنة تخفي شوي من التقصف اصبغيه لون بني داكن او اسود حسب اللي تحبي و ارجعي استمري على حمامات الزيت و الاهتمام و الله يعينيك ان شاء الله فترة و يرجع زي ماكان سويت زيك من فترة سويت اكسجين (بس طلع اللون الي حاباه :) ) بس حسيت شعري صار خششششن و تعب فوق تعبه الاصلي و بعدها قررت خلاص اهتم فيه الحين لي تقريبا سنة مهتممممة واسوي له حناء و زيوت و ماعاد اسوي استشوار يومي زي اول والحمدلله في تحسن داائم .. وامس اختي تكلمني عن حمام زيت دابر املا قالت فظيييع للشعر فقلت باستخدمه و اشوف المهم الان اذا تقدري تصبري اسبوع و بعدين تصبغي لون موحد يكون احسن عشان بس تريحي شعرك شوي و اذا ماتقدري خلاص سمي و اصبغي بصبغة داكنة و لا تسوي اكسجين ولا شي و اهتمي و خلاااص احمدي ربك ما انعدم في بنات اعرفهم بعد الصبغ اللي طاح شعرها و اللي تقطع بسبب قوة الاكسجين على شعورهم موفقة حبيبتي |
عندك صبغة غارنيييه رقم اظن اثنين اوثلاثه غامق مره ..
اصبغي شعرك فيه ،، ولمدة خمس دقايق او عشره بتوحد لونك .. وبيكون على غمااااق .. وجربي على خصله قبل المغامره .. ويمكن صبغ الجذور الفاتحه فقط .. وسمي واذكري الله يا حلوه قبل اي افعال مغامرتيه هاذي الصبغه عموماً خفيفه على الشعر وما تخشنه .* |
أنا بصراحة مالي خبرة بالصبغات لاني ماقد صبغت الحمدلله , أحنيه وبس ويطلع لونه محمر بس الشي اللي أعرفه انه الأشقر والميش يبغيله وحدة متخصصة وبروفيشينال علشان تضبطه لك شخصيا لو كنت مكانك يا غلاتي مستحيل اجازف من جديد لوحدي وأروح لكوافيرة واتفاهم معاها على تفاصيل الصبغة واحط لون غامق وبدون اوكسجين واوحد اللون دابر املا يجنن احطه لبنتي صاير شعرها يهبل فديتها بسم الله عليها |
اقتباس:
|
غلآي الشغله بسيطة و مآيحتآج تقلقي ..
حكم خبرتي المتوآضعه آنو لازم يتساوى كمية الصبغه مع الـأكسجين الخشونة ماتجي من الصبغه العادية إذا كانت لك عنايتك الخاصه في شعرك .. اللي يعدم الشعر هو (( الميش )) + عدم الأهتمام .. كون اللي في المقدمة كان فاتح شئ طبيعي جدا .. لآن الشعر في مقدمة الراس يقبل اللون بسهوله .. آمممـ إذا حابه تعدلينه في البيت رآح آعطيك طريقه سهله بس لازم آحد يساعدك فيها عشان تتوزع الصبغة تماماً على شعرك .. لآن لو رحتي صالون راح يتفلسفوا عليك وياخدوا دبل السعر بما انك كاتبه ان شعرك طويل .. آنآ شايفه انو الموضوع يوم 20 فبراير و اليوم 24 .. ما أدري اذا حليتي المشكلة أو باقي .. : بالتوفيق عزيزتي |
أهلين فيكم كلكم مشكورين ع الرد
الحمدلله انحلت المشكلة ههههههه رحت المشغل وهزئتني الفلبينية عشان الخريطة والألوان كله جهه لون مدري ليه من قدام جاي ع ابيض وفوق شوي ذهبي وبعدين بني غامق قالت ماله حل الا اني أصبغ لك ياه بني غامق عشان يتوحد اللون ويكلف 900 ريال انسطلت انا قلت لا حبيبتي قصيه لي بس واعملي حمام زيت قصيته مدرج لانه تلف خلااص و ربي توبة ماعاد المسهً لا بصبغة ولا بحنا ولا بسدر مع اني حريصة عليه أسبوعيا سدر وحمام زيت بس خربته بلحظة .، الزبدة اني رجعت البيت وجبت معايه زي ما قلتي يا شقردية غارنيه لون بني وحطيتها عشر دقايق بس والحمدلله غمق اللون وتوحد وبدون أكسجين فكة منه هو اساس الخراب . والله يعيني الحين ع عصير الجرجير لين ما يرجع لي شعري القديم تهي تهي يعطيكم العافية حبيباتي وربي يحفظ لك بنوتتك يا فكوهه |
| الساعة الآن 06:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©