|
زوجة خال زوجي تتكشف امام زوجي والجميع..كيف اتصرف
السلام عليكم ورحمة الله
اخواني موضوعي يمكن عادي بس هو يجرحني باعماقي انا متزوجه وزوجي انسان خلوق بس دايم يثير غيرتي ولو اتهمته باي شي الاقيه يضحك ومايدافع عن نفسه عنده خال متزوج من حرمه جنسيتها عربيه واحنا عيال لقبايل متشددين حتى النقاب مافي وعباية الكتف عيب وشق جيب خاله هذا صار استغفر الله بدون غيره زوجته العربيه تجلس مع اولاد اخته مع زوجي واخوانه وتقهويهم وتضحك معاهم بدون حجاب وياليتها تسترفي لبسها ماتلبس بناطيل الله يستر عليها انا صحت وبكيت وحلفت ماعاد يدخل لهم بيت بس صارت ضروف وصار لازم يروح لهم البيت وانا على نااااااار :30: تكررت الزيارات بسبب هذي الضروف الا هي مرض امه الشديد ولولا هذي الضروف ماسمحت له امه عند اخوها تتعالج عنده في منطقه ثانيه انازوجي كل مره يزورهم اوقات اطنش اوقات اضحك اوقات استهبل واوقااااات امووووت خاصه لاصرت ساكته وجا زوجي يرفع ضغطي والله فلانه سوت عصير وانا اشتريت لهم وقالت لي يووووه بموت بس وش اسوي زوجي يقول لازم اروح عشان امي وهي ماتستحي تخرج مااقدر اقلها لاتخرجي وهي اكبر منه ب10 سنوات خالته هذي اللي صار انه اليوم اخته صايره تدق بالكلام انك غيوره لا تروحي مع زوجك عند خالي ويحق لك لان خالتنا كشخهوبتخرج عند زوجك يعني احسها تزيد النار حطب حسبي الله عليها الله يجعلها تشوف قهري واضعاف مضاعفه مو عارفه ايش اسوي موقادره انام من القهر انا سسكت اخته وقلت حرام عليك زوجي مايشوفها الا خالته ومارح يطالع خالته وهي ماتشوفهم الا مثل عيال اختها مثل ماانا اشوف فلان واحد من عيال اختها في ثاني متوسط وانا قبل كنت اغارا بس الحين تطمنت لاني متاكده اني زوجي يشوفها خالته وبس وهي محترمه واخلاق وسكتت اخته وشكلها اقتنعت اني مااغار بس انا ماقدرت انام من القهر من كلامها ومن قهري من زوجي نفسي بكره اوريه كلام اخته بالواتس اب عشان يعرف قداايش انا اتحمل واطلب منه بس يحترمني قدامهم ومايعلق على شي ويبين اني معبيه عينه واقله يسكت اخته باي طريقه كييييييييييف وكيف امنعه مايروح وهل اعتبر مضلومه لاني بقلبي دعوتين نفسي ابرد قلبي فيهم |
لا يا اختي ما توصل لدرجة تدعين على أحد ولا حتى تخبري زوجك كلو كلام نسوان ماله داعي ابدا توصليه لزوجك بلاش ينقلب ضدك وتسمعي كلام ما يسرك
وبصراحة يااختي وماتزعلين مني واضح انك جدا تغارين على زوجك وغيرتك مش بمحلها أبداً هذي تبقى زوجة خاله وواجب يصل رحمه وابدا مابصير تمنعيه الافضل حد من عيلتكم يتكلم مع الخال بخصوص زوجته انها لازم تستر نفسها قدام غير المحارم الله يعينك |
مدري وش أقولك
بس الصراحة بعذرك تزعلين زوجة خال زوجك مؤ من محارم زوجك عشان تطلعلهم كاشفه وجهها لا وتلبس بنطلون وحتى لو هي من المحارم حرام تلبس بنطلون قدام محارمها فما بالك بوحده غريبه معك حق تزعلين وليتك قايله الأخت زوجك انه أنا اللي مزعلني وقاهرني انها مؤ من المحارم وكل مره يشوفها أخوك عليه ذنب وعلى كل خوانك مؤ تسكتيلها غريبه صراحه خال زوجك ما عنده ذرة غيره وعيال أخته مالت عليهم مستانسين على اللي يسويه تقل ماصدقو المفروض يقولون له مانجيك بيتك لما تستر زوجتك الله يعينك ويوفقك يارب |
واللله يحق لي يااختي اغار زوجة خاله مو محارمه وتلبس بنطلون بعد وماتتستر يعني انا عادي اكشف على زوج خالتي والله غير زوجي كرني كر اقصد يذبحني يمكن اذا انتي مو مسعوديه تشوفي هذا الشير عادي بس عندنا بالسعوديه في القبايل محد يسويها ونتغطى عن اولاد الحما والحموات قبل البلوغ بكم سنه
|
اختي سعودية او غيرها يبقى الدين واحد(اصلا نحنا ما بنجلس مع اولاد الحما ابدا بس سلام وخلص كل واحد بيروح بحاله)
ما ألومك انك غرتي على زوجك منها بس الي اقصده ما توصل لدرجة تمنعيه من الزيارة او انك تدعين على احد نصيحة مني مثل هالموضوع خلي حماتك(الله يشفيها) تفتحه مع اخوها وتفهمه انو مابصير مرتك تلبس هيك قدام اهلك |
اقتباس:
:22: :22: :22: أدعي ربي يهديهم انا نفس راي الأخت استغفر الله |
ترا حماتي وبناتها مبسوطات من الوضع واذا شافو احد تضايق يجيهم ضحك من قلب وعارفين انه غلط تصرفاتها بس يقولو مانقدر نقلها شي وبدال مايسكتو على الاقل لا يحاولو يقهرونا بعد ويقولو عادي خالتهم ولو وحده من بناتها زوجها عمل كذا كان الله اعلم احساسهم بس ياااااارب يذوقو هذا الاحساس وانا اشوف يااااااارب
ولا تفكرونا ماتكلمنا انا وسلفاتي ياااااااما حذرناهم هذا حرام ومايجوز ومايجوز عندناحتى السلام بعد من متى نسلم على رجال خالتنا بس هم فرحانين بالوضع وزوجي مو مبسوط لانه بيروح بس مضطر واخر مره زراهم قبل هالمره كان قبل سنتين ونص وماكنا ناويين نعيدها الا لما مرضت عمتي |
حل بسيـط .. خليـه يشوف ردك اللي في اللواتس أب ..
بيحتـرمك أكثر ويقـدر كـلامـك .. غيـر كذا خليك ذكيـه زوجك واضح أنه عاقل ولاتهمه حركات زوجة اخوه .. والدليل على هذا مايدافع عن نفسـه لأن واثق أنه ماسوا شي يغضب ربي .. ويقـول لك الكلام هذا بس عشان يشوف غيرتك لا أكثر ولا أقل .. بينـي غيـرتك له بس بحـدود بدون ماتزعلينـه .. وأدعي الله دائمـا .. اللهم أني أستودعتك زوجي يامن لاتضيع ودائعك .. وأجتهـدتي بهـداية زوجـة أخـوه ويكون لك الأجـر وتهـدأ غيرتك :d.. |
شوفي اذا حسيتي ان زوجك يحاول يثير غيرتك بكلامه عن زوجه خالة قوليله صح انا في الاول كنت اغار منها بس لما فكرت في الموضوع استغربت من تفكيري وغيرتي من وحدة اكبر منك بعشر سنين وهي في مكانه خالتك بالنسبة لك بصراحة كنت غلطانه وغيرتي مو في محلها ومشاعري اتغيرت من ناحيتها
اكيد زوجك راح يستغرب ويحاول يتاكد من كلامك ويثير غيرتك منها باي طريقة وممكن يكذب ويالف عشان يختبر صحة كلامك امسك نفسك وحطي اعصابك في الثلاجة وكل ما جاب سيرتها خليكي باااردة ولا تظهري غيرتك ابداا منها مع الوقت راح يتاكد ان كلامك صح وماراح يحاول يثير غيرتك منها لان زوجك اصلا مايعاملها الا على انها زوجه خاله ووحدة اكبر منه شوفي للجوانب اللي تخليك تقللي من غيرتك منها اكبر من زوجك بعشر سنين زوجك مو مهتم بزوجة خالك وماعنده اي مشاعر ناحيتها هي صح ماتتستر بس ماعندها حركات ونية لجذب الرجال ولبسها وعدم تسترها يرجع لتعودها وليس للفت نظر الرجال ماعندها بنت في عمرك او اصغر منك في البيت ولا ساعتها غيرتك كانت راح تكون اضعاف مضااعفة داايما اقنعي عقلق الباطن انك مابتغيري منها ومع الوقت حتشوفي النتائج |
الشي الغريب وين خالك من الموضوع ؟
دياثه هي ولا ايش ؟؟ كيف يرضى ان زوجته تتكشف بدون اي ساتر امام الشباب !! |
[FONT="Arial"]قولي لزوجك انا مااسامحك تضحك معها ولا تحط عينك بعينها ولا تجلس بمجلس معها ومع خالكم لحالكم
بتجلس مع امك بكيفك مع خالك براحتك بس معها مااسامحك رايي تحاكين ضميره F |
رأيي ما عاد تفتحي معاه الموضوع أبدا .. لا يجي أحد يقول لي ما عندكم حمية وشرف ... أعرف تمام المعرفة انه وضع زوجة الخال غلط وحرام لكن يا جرح مو بيدها تغير الوضع .
كلمتي حماتك وبناتها انتي وسلفاتك وتقولي عاجبهم الوضع وشايفينه موضع مزح وتنكيت . وكلمتي زوجك أكثر من مرة ... وتوقفتي عن زيارتهم .. يعني حاولتي بكل الطرق .. وأمس كنت أسمع برنامج يتكلم عن الحوار الناجح للأستاذ حسام علي صالح ببرنامج جنتي على محطة اقرأ وقال نصيحة لمتصلة زوجها يطيل النظر بالنساء في الأسواق وما يغض نظر.... قالها ... لما تقولي لولدك لا تسوي لا تسوي لا تسوي .. وتظلي تكرري راح ترسخي الأمر عنده ويصير يحاول يسويه بكل الطرق ... فلا تظلي تكلميه بالموضوع وتنهيه عن النظر لأنه نهيك راح يدفعه يصير يطيل النظر أكثر .. هذي طبيعة البشر ... |
لا تسبببي مشاكل في العيله
وانتي اللي حركك مجرد غيره يعني لو كانت اكبر منه بعشرين سنه وقبيحه ما كان همك الموضوع وصار عادي عندك تتكشف او تتستر ..اقصد دافعك ليس ديني بالتالي مالك غير انك تتغاضي عن الموضوع واستودعي زوجك عند رب العالمين واجتهدي بالدعاء لحماتك بالشفاء حتى لا تضطر ان تقيم عند اخيها وزوجته .. |
أنا مع الأخت الفاضله بيتا صح الوضع متعب ومؤلم لكن مابيدك شي عزيزتي
غير الدعاء وانتبهي تفتحي الموضوع مع أحد او تبيني غضبك وقهرك من الوضع حاولي تبيني ثقتك بزوجك للكل ولزوجك كمان بيني قد ايش واثقه فيه وباذن الله أنه قد الثقه والحمد لله زوجك مايروح ألا للضروره استعيني بالله وادعي له وولخاله وزوجته بالهدايه ولامه بالشفاء الله يحفظ ازواجنا من الفتن ماظهر منها ومابطن |
السلام عليكم ورحمة الله وبركاته
ما في داعي تكبري الموضوع الوضع مؤقت مجرد ما تتعافى حماتك الوضع بيتغير تلقائياً بالتوفيق ان شاء الله |
انا ماجبت سيره لزوجي ابدا عن كلام اخته انا عارفه انه رح يزعل بس مابستفيد شي امه لازم يزورها وخالته بتخرج له فقلت اسكت احسن
اليوم قلت له بتروح لامك يوم الخميس قال ايه رح اخذك معايه مو عارفه ترددت بس قلت طيب فتح موضوع وانا انفعلت وعصبت وقلت الله ياخذهم في ليله واحده اقصد خاله وخالته ويفكنا منهم ضحك زوجي ضحكته المعهوده اذا عصبت من موضوع الحريم قالي زوجي ليش كل هذي غيره تذكرت كلامكم واني لازم ابيييين اني واثقه فيه رجعت قلت مو غيره والله اني ماغار منها ولاابيني وبينها شي وهي خالتك واكبر منك بكثثيييير وانا متاكده انها ماتشوفك الا مثل ماشوف انا ابن اخوك اللي بالمتوسط قال طيب ليش ذبحتيني وليش تزعلين واحسك متضايقه يوم رحت لهم قلت ات تعرف طبعي انا اتضايق حتى اذا طولت مع اصحابك انا تضايقت لانك تاخرت علي وانا الاحظ انك تحب تشوفني اغار عليك فاعطيك جوك لا اكثر حسييييت عيونه طلعت مو عارف ايش يصدق حركاتي اللي تدل على غيره حقيقيه كل مره يروح والا كلامي الحين بس الاكيد انه مارح يستفزني ثاني وهذا هو الاهم طلب مني اسوي كم صينيه موالح وقهوه وشاي ونروح لهم يوم الخميس اشرايكم اكيييييييييييد رح اغااااار ويمكن اخرب كل اللي قلته فوق اذا رفعت ضغطي خالته ولبست محزق وملزق وراحت تقهويه راح ينقلب مزاجي اكيد فافكر اني اخليه يروح بحاله اريح لي وله |
ماشاء الله عليك عجبتيني واصلي زي ما انتي ولا تبيني غيرتك ابدا وسيطري على حركاتك بس لي تخليه يروح لحاله روحي معاه لا تغيري منها هذي ما تستاهل انك تغيري منها .. احزني واشفقي عليها وعلى حالها وكيف راح تقابل ربها وهي ما تتستر من الرجال
انت غيري نفسك وغيري مشاعرك ناحيتها ماشاء الله زوجك حكيم وعاقل وباين انك ماليه عينه زيدي ثقتك في نفسك قولي لنفسك انا زوجي يحبني وما يطالع لغيري انا ماليه عينه اجل كيف لو كنتي اني وزوجك عايشين برة في فرنسا او امريكا تعالي شوفي الحريم ايش لابسين في الشارع !! كيف كنتي راح تتصرفي ؟كنتي حتمنعيه يطلع ؟اكيد لا ... مو بيدك تغيري الناس اللي حولك كيفي نفسك مع الوضع حتى لو لبست ضيق ومحزك لاتغاري زوجك مايهمه غيرك ولا راح يفكر فيها اصلا خليكي مطمنة روحي معاه واثبتيله انك مابتغيري منها زي ما قلتيله واذا رجعتي لاتفتحي معاه موضوع زوجة خاله |
| الساعة الآن 08:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©