|
ناوي اخطب باذن الله
السلام عليـــكم
كيفكم ياحلوين بستشيركم اخواني واخواتي ,, وبستفيد من وجهة نظركم اول شي الحمدالله تم الانتهاء من اساسيات التقدم للزواج من تجميع المبلغ والشقه وكذا والاهل امس كلموني يالله خلنا نخطبلك الي بغيتها وانا دليتهم على بنت جارنا وقالو خلاص وقت مابغيت نروح نخطبها لك بس تدرون الحين بديت احس برهبه وبديت افكر كيف البنت وكيف بتكون معاملتنا يعني بدت الهواجيس عندي وجالس احط بمخيلتي الف بنت من شكل ونوع مره احط وحده دبدوبه ودمها خفيف واتخيل كيف حياتي معها وشويتين احط وحده نحيفه وعقليتها ناضجه بس خفت بعدين توسوس وتقول ياليتني اخذت شخص مثقف<<والله انا الي وسوست :d ويعني اشياء زي كذا دامني لسى عالبر ابشوف ايش الي يناسبني واكتشفت الي يناسبني تدرون ايش ,, اني بس ابي انسانه اكون سبب بسعادتها اغير حياتها للافضل اخليها متفائله ويوم تطرح موضوع بمنتدى تكتب فيه فرحتها بالزواج :) وانا كلمت اهلي على بنت الجيران لان اخوانها وعايلتها جدا مقربين لي وكاني واحد من عايلتهم وخويان سمن على عسل وبس الحين ابي هالانسانه الي ادخل الفرحه على قلبها الي تروح تبشر كل صديقاتها انخطبت وتبي تسوي بعرسها كذا وكذا وانا اقول لها سمعا وطاعه,, لدرجة دخلت على عضوية بعض الاخوات اقلب بمشاركتهم الي قلقانه مانخطبت والي تتمنى متى تنخطب وجلست اتخيل اني المنقذ على غفله :d واتمنى اخطب وحده منهم بس اكثر شي يكسر بخاطري لما وحده تقول انخطبت بس ماعجبتهم او اكتشفو مريضه بالسكر وهونو ودي هالانسانه تكون لي حتى اعوضها والحين ياخوات وياخوان حايس حوسه مع هالتفكير وقلت لاهلي خلاص خلوها الاسبوع الجاي لان بفكر اكثر بالانسانه الي ابيها واسعدها وانا سعادتي بتكون لسعادتها كل ماشفتها مبسوطه بزيدها دلال وحنيه وعمري حاليا 25 والسن المناسب لي من 18 الى 25 بس بنفس الوقت اخاف من تفكيرها اخاف تفكير الوحده يكون سطحي واهتماماتها ماركات وهالشغلات يعني ودي بحاجتين : الاخوان: ايش رايك بالبنت الي تبي تخطبها وكيف تعرف انها مناسبه لك الاخوات وهو الاهم: ايش تبين بزوج المستقبل والاشياء الي تخليك تحمدي ربك على هالشخص ,, يعني كيف ممكن يدخل بقلبك ايش الاسلوب الي تبيه فيه لان باخذ كل الايجابيات وبحطها قدامي وبمشي عليها والاهم من هذا كله الاستخارة والتوكل على الله :22: |
شوف حبيبي
وكل أموركـ كلها لله و أستخير وهذا الشي قسمه و نصيب ربي كاتب لك بس أنت أدعي وقول يالله يارب أرزقني الزوجه الصالحه .. أنا مثلك في البدايه متردد كثير مرتين أرجع في قراري " أكلم الوالده الله يحفظها و أقول خلاص توكلنا ع الله أخطبي لي فلانه و استخير الله و أدعي " شوي أكنسل و أحط أكس ع فلانه مارتاح لين طال عمرك جتني الوالده وقالت بنت عمتك قلت لا يمه انا من زمان أقولك مابغى من الاقارب مشاكل و ماني عارف مين المهم طلعت 1000 سبب و سبب وبعدها طال عمرك شفت حلم يارباااااه والله شي رهيب ياخي هههههههههه المهم استخرت الله ولاحظ اني كنت من المعارضين من الزواج من الاقارب ولكن ربك فوق بعد ماستخرت الله تيسرت أموري الحمدلله وشفني الحين باقي لي كم شهر ويجي الزواج والله يتمم ع خير ع فكره انا ماكنت مشترط الجمال ولكن الحمدلله " اخوك صادم برميلين زباله الله يكرمك والحاضرين " بعد الشوفه الشرعيه المقصد من كلامي هذا كله يالغالي توكل ع الله و أستخير مره و مرتين و ثلاث ومابيصير في خاطرك الا كل خير نصيحه لا تخلي مشاعرك تسيطر عليك خلك بعقلك الله يوفقك و يسعدك ويسهل أمرك دعواتك لنا يالغالي أسال الله ان يجعل عملنا خالص لوجهه الكريم ** |
احيي فيك الاحساس
ابصارحك بشيء ترا البنت الي تبي الزواج ومستعجلة علية موب شرط حياتها مأساوية عندك انا مثلا خخخخ ابي اتزوج وانتظر هاللحظة التاريخية (يالله التوفيق بس) مع ان حياتي العزابية حلوة ولله الحمد ومستواي المادي كويس وبيتنا عائلة متربطة وامي وابوي ناس كويسين* هذي نقطة والنقطة الثانية المواصفات لاتقعد تتخيل نفسك مع بنت بمواصفات انت حط المواصفات اللي تتمناها اقرب لنفسك وابحث عنها العمر 21-23كويس 1819 20صغيرة مرة |
لا لا لا تكفى يالمنـقـذ ..
علاء الدين على غفلـه ..:):) عمـوما .. لو مثلا كل بنت هنا.. كتبت المواصفات اللي تبغاها .. أنت في النهايه وش راح تستـفيد .. ؟؟ عندك الوالده الله يحفظها لك أجلس معها على جنب .. وقل لها أبغى البنت تكون كذا وكذا وكذااا وهي ماراح تقصر معك .. بتمقـل لك كل بنات جماعتكم أو جيرانكم على المواصفات اللي ولدها يبغاها .. وأهم شيء ماتدخل هالحيـاة ألا وأنت مقتـنع تمـــام الأقتناع .. والله يكتب لك اللي فيه الخير .. |
اقتباس:
اكثر شي محيرني يعني لو اخذت وحده وبعدين قلت يووه لو اخذت هذيييك وانت فاهم عاد الله يجبر بخاطرك ويتمم امورك على خير يارب |
اقتباس:
والله يسعدك بالزوج الي يستاهلك |
اقتباس:
بالعكس ياختي هالشي بيفيدني كثير,, اجمع الاساليب كلها واحطها بشريكة العمر ومافيها شي لو اعرف تفكير البنت وقد ماقدر اسوي الي فهمته واخذته من مشاركتكم وهذي مشكلتي اني اجلس مع الوالده,, لاني اصلا مابي غير انها مقبوله الشكل واخلاقها تمام يعني مافي مواصفات معينه ابيها لا اهم شي اني افرحها بالخطوبه :22: والحمدالله مقتنع اقتناع تام وشكرا عالطرح |
اقتباس:
شكل مقبول وأخلاق .. لكـن كل اللي يهمـك أنها تفـرح بخطـربتك لهـا وتعتبـرك المنقــذ المغــوااار لهــا .. وتروح لصديقـاتها وتسوي كذا :17::17: وتقول لهن أبشركن أنخطبت محـد قدي :14::14:.. ولا يهمك اذا خطبت .. البنت بتسوي كذا أن شالله .. بصراحه أنا متفقه معك في هالنقطـه لأن أفضل شيء أن الأنسان يقترن بأنسانه مرتاحه معاها ومو مغصوبه .. |
اقتباس:
والله بالضبط هذا الي اقصده ويختصر كل المعاني الي فيني (( انسانه مرتاحه ومبسوطه وسعيده معي,, بالمقابل ايش حستفيد حتبادلني هالشعور بتضحي عشاني بتغرقني بحبها )) هذا الي ابي اوصله لكم.. وجزاك الله خير انك لقيتي التعبير الصحيح... ابي انسانه اسعدها ومرتاحه وساعتها بتقدملي كل الي اتمناه واكثر :) |
السلام عليـــكم
وعليكم السلام ورحمة الله كيفكم ياحلوين بستشيركم اخواني واخواتي ,, وبستفيد من وجهة نظركم واكتشفت الي يناسبني تدرون ايش ,, اني بس ابي انسانه اكون سبب بسعادتها اغير حياتها للافضل اخليها متفائله ويوم تطرح موضوع بمنتدى تكتب فيه فرحتها بالزواج :) أي بنت رآح تخطبها مهما كانت أكيد بتكون سبب في سعادتها (= لأن فارس أحلامهآ وصصل وانا كلمت اهلي على بنت الجيران لان اخوانها وعايلتها جدا مقربين لي وكاني واحد من عايلتهم وخويان سمن على عسل ممتآز وبس الحين ابي هالانسانه الي ادخل الفرحه على قلبها الي تروح تبشر كل صديقاتها انخطبت وتبي تسوي بعرسها كذا وكذا وانا اقول لها سمعا وطاعه,, لدرجة دخلت على عضوية بعض الاخوات اقلب بمشاركتهم الي قلقانه مانخطبت والي تتمنى متى تنخطب وجلست اتخيل اني المنقذ على غفله :d واتمنى اخطب وحده منهم بس اكثر شي يكسر بخاطري لما وحده تقول انخطبت بس ماعجبتهم او اكتشفو مريضه بالسكر وهونو ودي هالانسانه تكون لي حتى اعوضها الله يحقق امنياتهم يارب و ربي مقسم الأرزاق على النآس ركز على اللي بتخطبها الله يجزاك خير:d والحين ياخوات وياخوان حايس حوسه مع هالتفكير وقلت لاهلي خلاص خلوها الاسبوع الجاي لان بفكر اكثر بالانسانه الي ابيها واسعدها وانا سعادتي بتكون لسعادتها كل ماشفتها مبسوطه بزيدها دلال وحنيه استخير وتوكل على الله واهم شيء خل امك تدعي لك ودآم امك شافت إنها مناسبة لك خلآآص توكل ترى هي أكثر وحدة عارفتك وعارفة إش يناسبك وأول مآتخطبها احمد الله على إنه أكرم عليك من نعمه و يسرهــآ لك شباب كثير يبغوا يتزوجوا بس مآيقدروا بسبب المآدة وعمري حاليا 25 والسن المناسب لي من 18 الى 25 بس بنفس الوقت اخاف من تفكيرها اخاف تفكير الوحده يكون سطحي واهتماماتها ماركات وهالشغلات مآفي بنت مآتحب المآركات وهالشغلات .. وهاذا مايدل على سطحية التفكير ابد لأنها طبيعتنا كذا نحب التزين (= وشي طبيعي إنك تكون أعقل منهآ ^_^ إذا لسى في الثانوي شوي صغيرة ويبغالهم معاملة خاصة إلا إذا كنت مستعد يعني ودي بحاجتين : الاخوان: ايش رايك بالبنت الي تبي تخطبها وكيف تعرف انها مناسبه لك الاخوات وهو الاهم: ايش تبين بزوج المستقبل والاشياء الي تخليك تحمدي ربك على هالشخص ,, يعني كيف ممكن يدخل بقلبك ايش الاسلوب الي تبيه فيه لان باخذ كل الايجابيات وبحطها قدامي وبمشي عليها كون صاحب مسوؤلية >> وإنتا دامك مضبط وضعك اتوقع إنك قدها ماشاء الله يشآركني في قرآراته وياخذ رأي (= الكلآم الزين والطيب يمدح شكلي وأنآقتي اخيرا احضر دورات واقرأ كتب عن فهم نفسية المرأة والتعامل معها وعن الزوآج كمان لاتتوقع إنك حتعرف كل اللي تبغاه خطيبتك وإش تتمناه بسهولة والاهم من هذا كله الاستخارة والتوكل على الله :22: |
اقتباس:
ممـكن تأجل موضوع الخطبه لبضعـة أسابيع ومو مشكلة ألى شهـر لأن الزواج من أهم القرارات في حياة الأنسـان .. وفي هالفتـره ..ألـزم الدعاء وأكثر من الأذكـار.. وبعد كذا الوالده تشوف وحـده عاجبتها بأخلاقها .. وتجـس نبضها تجاهك ..بس بشكـل غير مباشر .. طبعا البنت تكون من قرايبكم عشان موضوع الميانه يعني .. فبعد ماتجس نبض البنت تفهم أذا البنت تبغاك أو.. لا . وبعــد كـذا عليك بصلاة الأستخاره مو مره ولامـرتين .. لا .. الأفضل تكرار صلاة الأستخاره . أنا قبل كذا .. وحده من قرايبي حاولت معاي بنفس التصرف .. وبينت لها بأسلوب لبق أني حاليا ماأفكر بالزواج .. فـ أنت كلم الوالده تشوف اللي تكون على مواصفاتك .. والله يسهـل أمرك .. |
يشآركني في قرآراته وياخذ رأي (=
الكلآم الزين والطيب يمدح شكلي وأنآقتي اخيرا احضر دورات واقرأ كتب عن فهم نفسية المرأة والتعامل معها وعن الزوآج كمان لاتتوقع إنك حتعرف كل اللي تبغاه خطيبتك وإش تتمناه بسهولة والاهم من هذا كله الاستخارة والتوكل على الله :22:[ كثر الله خيرك ياسما على هالنصايح لافض فوضك :22: بس احضر دورات اممم ماشوف لها داعي بصراحه,, لان الانسان الي يتكيف على طبع معين من البيئة او صغره مستحيل بيوم وليله يتغير ,, ممكن صحيح يحسن شوي من اسلوبه ويوسع فكره شويتين وهذي سهله من الي حولك وبالمنتديات مثل حضرتكم استفيد منكم وافكاركم يعني على قولتهم من كل بستان اقطف وردة :22: وكثر الله من امثالك |
اقتباس:
انتي مو عيوني تحكيني,, انتي قارئة الافكار :11: وانا قلت اباجل اسبوع بس الحين ممكن ابخليها اسبوعين ومثل ماتفضلتي احسن شوي اخذ وقت على رواقه بعدين قريتي فكرتي من قلتي جس النبض........؟ انا هنا كلمت اختي تجس نبض هذي بنت الجيران ومارضت ورفضت وقالت عيب ومايصير تبيها نخطبها,, شفت مانها فايدة رحت لخالتي وكلمتها نفس الشي تجس نبضها,, طبعا رفضت وقامت تكلمني عن كذا وحدة وقلت لها طيب جسي نبض وحده منهم ,, حطمتني وقالت انت متاثر بالافلام ههههههههه وتحسب اننا عايشين مثل ((دوله عربيه)) بدون ذكر اسماء وانا الي ودي فيه بالضبط اجس نبض وحده وتعرف شخصيتي وتعرف تقريبا كل شي عشان لما توافق توافق وهي مرتاحه ومبسوطه,, مو توافق وحده من ناصيح اهلها لايفوتك القطار ومدري ايش وتخاف وتقول اهم شي اتزوج وكلامك كله والله توب التوب :17: الله يسعدك دنيا واخره |
مرحبا بك
تفكيرك غريب .... شو اسعدها و اعوضها و انقذها بتتزوج من افريقيا يعني !!!!!!!! لي عودة لك بعد الإجابة |
اقتباس:
ايش الطنازه هذي....؟ وافريقيا ما افريقيا,.,؟ مافهمتي الموضوع الباب يوسع جمل ,, بس لاتجين تفليها على دماغي واستفسري عدل المره الجايه |
اقتباس:
ههههههههههههههه لا تزعل اسفه ترا بينا عيش وملح لا تنسى :28: يعني كيف ما فهمت انقذها .... والله ما فهمت !!!! |
اقتباس:
انتي ممكن فهمتيني غلط يوم قلت بنقذها,, هذي من باب الدعابه بس قلتها قصدي يعني انسانه تحلم بتكوين اسره وزواج وانا مناسب لها بشخصيتي واسلوبي يعني اخاف اطب بوحده هي شمال وانا غرب,, ومثل مانلاحظ هنا بالمواضيع يجيك الواحد رومنسي وخطيبته العكس,, او يجيك واحد بيتوتي وهي العكس تمل منه...؟ فهمتي كيف وضحى ودي اكون الشخص للانسانه حلمت بنفس الشخصيه الي املكها وكذا,, فعشان كذا متردد وافكر وابي اعرف شلون اعرف المناسبه لي بالتحديد,,,, على فكره تقفل ذاك الموضوع:d واسف عالي حصل |
فيه بعض الناس يحرص على الزواج من عمياء أو معاقه او من عرجاء أو من عقيم أو من يتميه من دار الايتام ..... يتزوجها لإجل الله ..... هذا نسميه منقذ .
بالنسبة لك نصيحتي لا تصير طيب بزيادة يهمك البنت وسعادتها بس وما تفكر في نفسك وشو اللي يسعدك يعني حط شروطك وشو اللي يريحك إذا أنت أرتحت بتريحها |
اقتباس:
انتي عرفتي اللي ببالي بس بالعكس انا هنا اختلف معك ,, الحين يوم يجي شخص يسعدك ويفرحك بغض النظر انتي عجبتيه او لا كذا جاك واحد يسعدك ويهتم فيك,, اممم ايش موقفك انتي كيف بترديله الجميل لما يسوي كل هذا عشانك..؟ مايحتاج تجاوبي لان الاجابه معروفه وهذا اللي ببالي اقدم الشي الي يحتاجه الشخص عشان يردلي الجميل من قلبه يعني همي الاول ادخل على شريكتي بالقلب يعني من الداخل مايهمني مظهرها ولاشي وبالعكس انا لو ريحتها وقدمت سعادتها على سعادتي بيجيني المردود ايجابي الا اذا كانت من نوعية ثانية وهذي تكون شاذة ونادرا تحصل وثانكس عالمشاركه |
اقتباس:
كان ولد خالي حزين جدا بسبب طلاقه ووده يفضفض لي وانا كنت خايفة من الي بعد الفضفضه المهم فكرت بنية حسنه نفس تفكيريك وقلت يكفيني اني اساعده واكون سبب في سعادته و جلسنا سنه فضفضه لما خرج من الحزن اللي فيه والحمدالله انخطبنا وانا مرتاحه وهو مرتاح. لكن ساعات افكر بيني وبين نفسي احسه تعود على الدلع وانه يحتاج الاهتمام والدلع الأكثر. لكن الله يشهد أنه قدر هذا الشي ... لكن مو كل الناس تقدر موفق يارب |
لا ضروري تتفـاهم مع أختك عشان تساعدك ..
هذا وقت الأخـوه .. وبعدين فهٌم أختك انك ماسويت شيء غلط عشان ترفض .. أنا أخوي كلفني في هالمهمه مع أني أصغر منه بكثير .. بس الحمدلله أتممت المهمه على أكمل وجه .. أخترت لأخوي بنت أعجبتني .. وأخوي نفس تفكيرك .. ماكان راضي يتقدم لها.. ألين ياخذ راي البنت نفسها . رحت أنا كلمتها وقلت لها .. أنا بصراحه معجبه بأخلاقك .. ولو أفكر أخطب لأخوي ماأختار غيرك .. شفت البنت أبتسمـت حسيت أنها عندها تقبل .. قلت أنا أخوي على وجه زواج وأبيك أنتي زوجه له .. طبعا ماردت على كلامي ألا أن قالت يصير خير .. قلت شوفي الموضوع سر بيني وبينك .. فكري وأستخيري وكل شي تبغين تعرفينه عن أخوي بكون صادقه معاك فيه .. وبعد أسبوع كلمتها والحمدلله قالت لي أنها موافقه .. واللحين أخوي متزوج ومرتاح .. يعني الموضوع سهل مايبغى كل هالتعقيد .. |
اخي في القرارات المصيرية متل الزواج مهما فعلنا و اجتهدنا لن نعرف ما هو الانسب لنا و اين يكون الخير .... لذلك وكل امرك لله تماما ... و أكتر جدا من الدعاء لان الله سبحانه يحب العبد الملحاح ... و اكتر من الاستخارة مرتين يوميا او اكتر ... و ادا قدرت تصلي في جوف الليل و تدعوا افضل ... و بعدها قم بالاسباب و انت متوكل تماما على الله و تطلبه ان يوفقك للخير و يبعدك عن كل شر ... و سترى يد الله سبحانه تسير و تيسر لك كل شيئ و ترتب الامور ترتيبا عجيبا ... عن تجربة :)
من كلامك تستاهل كل خير و بالتوفيق ان شاء الله |
جزاكم الله كل خير على هالردود الي تخفف ضغط الواحد
وبالنسبه للاخ عبدالجواد: الموضوع الحين بيدي بامكاني اختار لو من المريخ وهذا قرار مصيري وربك الاعلم بالانسب لنا وصحيح نتوكل عليه بكل الامور بس برضو الواحد ياخذ بالاسباب من البيوت المناسبه ,, انا لما افكر بالزواج ابتلافى قد ماقدر اخطاء وتجارب غيري بها المنتدى وغيره ونسمع بوحده ماهمها الزواج, او وحده متشرطه,, او وحده لها علاقه بشخص تحبه وبتجرب حظها معي ابعدها عنه او او او وبس ببالي والله افكار توديني وتجيبني وخلها على ربك ,,, وسلم يدك اخوي. عيوني تحكيني: بصراحه اهني اخوك على اخت مثلك,, وبيني وبينك ماعتبرها ان هذي وقفه ولازم توقف معي اختي,, بالعكس هي ماهي حابه او تشوفها فشله بالنسبه لها بس ايش نسوي مقدر وضعها وفكرها ,, مع ان هذا انسب شي لي ابي انسانه بدون ضغوط اهلها ولاشي هي تجلس بينها وبين نفسها وتسئل نفسها انا مناسب لها اقدر اسعدها وبس..., وتأتي الرياح بما لاتشتهي السفن ومشكور مره ثانيه وثالثه |
الله يعطيك على قد نيتك
ويرزقك الزوجة اللي تسعدها وتسعدك |
اقتباس:
ويسعدك اختي |
الله يوفقك ويسعدك ويهنيك ويرزقك الزوجة التقية النقية الصالحة
الزم الاستغفار ونصيحة من اخت لك قبل ماتتزوج اقرا عن نفسية المراة وطريقة تفكيرها من كتاب الرجال من المريخ والنساء من الزهرة او من الدورات المختلفة للتأهيل للزواج وربي يوفقك |
وعليكم السلآم أخوي ..
بآرك الله فيك ويااارب تيسر أمووورك وتلاقي العروووس اللي تشيلك في عيونها وتسعدك وتموت فيك ... فعلا عجبتني طريقة تفكيرك ونظرتك المستقبلية ... وياابختهااا المحروسه اللي بترتبط فيك .... أخووي نصيحة لا تستعجل وفكر براحتك وخذ وقت ولاتقددم على خطوه إلا وأنت مستعد من كل النواحي وواثق في الانسانه اللي بترتبط فيهاا .. أهم مقيآآآآآآآآآآآآآآس للإرتبااط <<< الـــــــــــــــــــــــدين والخـــــــــــــــــلق ... بعدهااا يجي الجمال والمستوى التعليمي وووووووووو ... وبحكم لساتي آنسه راح أجاااوب على سؤالك // ايش تبين بزوج المستقبل والاشياء الي تخليك تحمدي ربك على هالشخص ,, يعني كيف ممكن يدخل بقلبك ايش الاسلوب الي تبيه فيه ..؟؟ لو احكي عن المواصفات اللي أتمنااهاا ماراح اسكت ههههههههههههههههه احمد ربي واسجد له شكر واطير من الفرحه لماا أعرف انه هالشخص اللي بأرتبط فيه أخــــــــــلآقه عال العال شخصيه عقلانيه وواقعيه وقيااديه له كلمته .. رزين وهاااادي ومحترم يقدر أنوثتي يعامنلي معامله خاااااااااصه .. خفيف دم وفلآوي ومرح ومزووح .. يحاور بتفااهم يسمع لوجهات النظر .. يكووون موسوعتي في هالدنياااا مثقف جدا جدا خصوص في مايتعلق في الحياة الزوجيه .. بـــــــــــــــــــــــــــــــــــــــــــــــــ ـــآآر بأهله .. مستقل بقراراته ... وأخيرا يعشق شئ اسممممه سفـــــــــــــــــــــــــــــــر ... ...... نصيحه أخيره // أخووي افتح على اليوتيوب واكتب (( الدورة التأهلية في الحياة الزوجيه )) أو (( اختيار شريكة الحياة طارق الحبيب )) صدقني راح تستفيد كثير وتعرف اشياء كثيره .. ادعيلك من كل قلبي // اللهم يا رب يا اللـــه يا حنان يا منان يا بديع السموات و الارض يا ذا الجلال و الاكرام يا حي يا قيوم يا بر يا رحيم ,,,اللهم اني اسالك بعزتك و ذلنا و قوتك و ضعفنا و غناك و فقرنا و اسالك بانك انت اللــه لا اله الا انت الاحد الصمد الذي لم يلد و لم يولد و لم يكن له كفوا احد و اسالك بكل اسم هو لك سميت به نفسك او انزلته في كتابك او علمته احدا من خلقك او استأثرت به في علم الغيب عندك ان ترزق أخووي زوجه هنيه دينه مرفوعا ذكرها في السموات و الارض صالحه حنونه مطيعه و ترزقه منها الذرية الطيبة عاجلا غير اجل انك على كل شيء قديــر,,, موفق يااااخووي وان شاء الله نسمممع خبر خطووبتك ... :14::14::14::14: |
جزاك الله خير اخت نوتيلا عالدعوه الحلوه
كفيتي ووفيتي روحها عطر,, فعلا هالاشياء الي محتاج اسمعها ,, واكيد بعد التفكير ذا والتحميص مابرتبط الا بالانسانه الي بحط كل ثقتي فيها انشالله من بعد استخارة وربك كريم اهم شي انك فهمتي ايش اللي ببالي... اني ابحث عن انسانه بدون لاضغوط ولامشاكل اختارتني هي بنفسها وطبيعي كل خير تقدمه وكل نيه صادقه بيجي مردودها ايجابي وحكاية اليوتيوب امممم مو عاجبتني ولا حتى الكتب ,, بالاول والاخير الواقع غير وبتعرف شخصيتها وتفكيرها وايش الي تحب والي ماتحب وهذي تكفيني والباقي يجي مع العشره وعاد ماشالله بها الدعوه مابقيتي شي للردود سحبتي كل الدعوات حقتهم هههههههههههه,, بجد بجد اسعدني ردك ودعوتك يارب ينورلك طريقك ونسمع اخبار تسرك عاجل غير اجل يارب ومع هالمواصفات الي ذكرتيها والله اهنيك على عقليتك وموفقه يارب |
مايحتاج تسال وتجس نبضها خلاص راح زمن الغصب والضغط على البنت
تفائل وتوكل على الله واخطب |
وعليكم السلام والرحمة ..
ألف مبروووكـ أول شي أستخير وأستشير وتوكل على اللهـ .. ثانيا ركز على بنت جيرانكم وبس ولا تفكر في غيرها .. ثالثا أحنا يالبنات وش نبغى : أبي زوجي يحترمني ويحبني أبيه يعاملني بحنيه وطيب أبيه إذا غلطت يطول باله علي شوي وأبيه يعلمني شلون أصحح غلطتي وأبيه لا كنت مضااايقه يسمعني ويكون لي عون ويخفف علي وبعدهاااا أنا بكون له الزوجه اللي تسعد قلبه وروحه وعلى فكره أنا الحين صارلي سنه مخطوبه وهذا اللي أبيه من خطيبي وبالفعل كل هلأشياء فيه وأحنا الحمدلله متفاهمين ومبسوطين بشكل (الله لا يغير علينا هع منجد أحبه مكن كل قلبي على الرغم أني ترددت بالموافقه عليه بس الحمدلله الله وفقني وكان التردد مجر وساوس ومخاوف العزوبه ) الله يسرلك أمرك ان شاء الله ... ياخوي نصيحه من قلب لا ردت تكون لك جاريه كون لها عبد .. واتخذ من الحبيب المصطفى قدوة لك ,,, صدقني أنك راح تدعيلي ,,, |
الله يعطيك على قد نيتك
ويكرمك من واسع فضله شي جميل الواحد يدخل الزواج بنية صافية وبنية انه يسعد شريك حياته .. هذا شخص مؤهل للنجاح لحد كبير عشان يزيد مستوى فهمك انصحك تقرا كتب اكثر والاهم من هذا اذا خطبت البنت لا تتسرع بالملكة خلها فترة خطوبه شهرين او 3 كلمها خلالها تعرف على افكارها الاساسية ونظرتها العامة للحياة كيف ... وبناء عليه قرر تملك عليها او تشوف غيرها اتمنى تاخذ هالنصيحة بعين الاعتبار ما تستعجل مثل كثير ناس استعجلو وكلوها على روسهم .. بخصوص سؤالك الاخير للبنات : عن نفسي احب الرجل يكون شخصيته متجددة وفكره منفتح على الاشياء في الحياة بحيث يقدر يستفيد من الايجابيات احبه يجتهد بفهم شخصيتي ويحرص يعطيني الي ابيه انا .. مو يعطيني الي يبيه هو ! .. واحب يكون عنده ضمير وانسانية تمنعه يظلمني وبس ... الله ييسر امورك وبس .. |
الف حمد وشكر لك يارب الله من علي بالزوج
وبالنسبه لسؤالك ايش اتمنى بخطيبي لو الشخص الي متقدم لي انت و قريت موضوعك هذا في المنتدئ بديهم الموافقه على طول الله يوفقك اهنيك على تفكيرك وحكمتك و طيبه قلبك ربي يوفقكم |
طيب حنون رومانسي كريم يحبني ويموت فيني يقبلني بحسناتي وسيئاتي
والحمدلله زوجي فيه كل هالصفات ماشاء الله الله يخليه لي ولايحرمني منه>>>قولو ماشاء الله وطبعا الحياة الزوجية لاتخلو من المشاكل اهم شي الصبر ومراعاة المشاعر من كلا الطرفين الله يوفقك يارب ويرزقك ببنت الحلال اللي تسعدك وتسعدها وتكون فارس احلامها |
طيب حنون رومانسي كريم يحبني ويموت فيني يقبلني بحسناتي وسيئاتي
والحمدلله زوجي فيه كل هالصفات ماشاء الله الله يخليه لي ولايحرمني منه>>>قولو ماشاء الله:d وطبعا الحياة الزوجية لاتخلو من المشاكل اهم شي الصبر ومراعاة المشاعر من كلا الطرفين الله يوفقك يارب ويرزقك ببنت الحلال اللي تسعدك وتسعدها وتكون فارس احلامها ونسمع خبر خطوبتك عن قريب:14: |
اقتباس:
والله يسعدك مع زوجك ويوفقكم يارب بس تعرفي الحين ماندري مين الصادق ومين ومين, يعني لو قلت هالكلام لخطيبتي ممكن ترقعلي وتسوي مبسوطه وهي من الداخل تقول مجرد كلام مدري ليه حاس كذا...!! بس على ارض الواقع كل شي يبان وتتاكد وربي يوفقك ويهنيك كمان وكمان |
اقتباس:
ويارب يعطيني على قد هالنيه والحمدالله هذا الي حاطه امامي تبي تكسب ود الشخص وقلبه ومحبته تقرب له شوف ايش محتاج اهتمام رومانسيه غزل كله بلبيه لها من غير لاتقولي بس مجرد مافهم ايش تبي بكون لها هالشي وزياده بس الخوف لما تجي وحده ماتقدر هالشي او تشوف هالي اسويه لها ضعف شخصيه <<وعمره ماكان الاهتمام والمحبه بالزوجه ضعف شخصية بس كذا تعودنا من كلام الناس والمجتمع((الشاب السعودي ماهو يم الرومانسيه))والله يوفقك يارب وويحققلك امالك وكل احلامك |
بنت اطيب انسان, شقاوي, فديت تاج راسي
الله يسعدكم يارب ويهنيكم بحياتكم وين ماكنتو وماشالله تبارك الله يافديت تاج راسي الله يجعلها محبه دائمه وعجبني مواصفاتك جدا قنوعه وبمحلها ماشالله ودي بانسانه مثل هالفكر تبحث عن الاستقرار الدائم واراعيها ومالوم محبت زوجك ومعه انسانه بها العقليه الله يهنيكم كمان وكمان |
آآمين الله يسمع منك
صراحة اخجلتني والله يرزقك ياللي تتمناها عاجل غير آجل |
اخر المستجدات ياخوان واخوات
جلست مع شخص افضفضله واشرحله موقفي وكل الي براسي وجلسنا نتناقش حدود ساعتين واكثر شي حصل بالنقاش وهو المهم واتفقنا عليه انا وهو انه الحياه الزوجيه مغامره واستخاره وتوكل على الله ياتصيب ياتخيب وذكرلي باحد البرامج انه ارتفعت حصيلة الطلاق بالسعوديه والسبب عد التوافق وبهذي صحيح اذا ماحصل توافق فكري بين الاثنين محد بيتقبل الثاني مهما عوضت من اشياء او سويت اشياء بنظر البعض حلوه ورومنسيه بس الي ببالها هي ماحصل ماراح تحس بالي اسويه والمهم عرض علي فكره وصادف ان هالفكره هي الي ودي اسويها بس مايتقبلها لا الشرع ولا المجتمع الي هي تتعرف على انسانه تبين لها وجهة نظرك وافكارك وشخصيتك وهي نفس الشي وتشوف في توافق في قبول وكذا يعني,, واذا ارتحتو لبعض تقدم لها,,, يعني بالمختصر اني اتعرف على انسانه نتبادل الحوار والنقاش وساعتها تحس هل هي مناسبه لك او لا وهي نفس الشي بس هالفكره ادري انها مايجوز وادري انها ماتنقبل بمجتمعنا ,, وقلتها لخويي,, انا خلاص ابريح راسي من التفكير واستخير واتقدم اخطب والي يصير يصير ,,, لان مهما فكرت بحلول ومهما تكلمت وشرحت اخرتها هذا الي بيصير صح ولا لا........... والله يوفقكم جميعا ويسعدكم,, ويشهد الله انكم طيبتو بخاطري شوي وارتحت من ردودكم ومدري ليه احس اني مكبرها وهي صغيره,, وكاني اول واحد بخطب ,, ياعمي الله يكتب الي فيه الخير |
خوفك طبيعي هذا زواج مو لعبه أهم شي الدعاء ثم الدعاء ثم الدعاء .... وخاصة في السجود وفي كل الصلاوات ادع ربي يرزقك بالزوجة الصالحه تكون قرة عين لك موفق يارب |
| الساعة الآن 12:45 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©