|
اعاني من خفة الشعر في مقدمة الرأس , هل من حل؟
السلام عليكم ورحمة الله وبركاته كيفكم ياحلوات؟؟؟
بنات انا زواجي قريب ان شاء الله بس اعاني من مشكله وهي قلة وخفة الشعر في مقدمة الراس وهالشي متعبني نفسيا ومو مريحني ابدا والحين انا جالسه استخدم زيت النارجيل الاخضر القديم قريت بالنت مرره الكل يمدحه بس انا متوقعه ان مفعول الزيوت جدا بطئ بس اناراح استمر عليه بس اللي عندها حل سريع وماله اي آثار جانبيه تفيدني لاني والله مررره ماني مرتاحه واخاف اصلع من قدام الله يرزقكم من حيث لاتحتسبون يارب ويوفقكم بحياتكم القادمه يارب |
أولا أكثري من أكل البيض عن تجربه وروحي لدكتور بيعطيك حديد وفيتامينات
|
نفس مشكلتي بس من كلامك شعرك جدا جدا خفيف انا اهون في خفه مس مو مره المهم عالجتها اخذت من العطار محلب اسود حق الشعر مطحون معاه زيت النارجين اللي علبته خضرا وزيت سمسم وزيت زيتون وزيت خروع قسم بالله شهر وشعري رووووووووووعه من جد اختلاف كبير الكل صار يسال كثيييف وطويل حتى النتقصف خف مرررره جربيه وحتدعيلي بالتوفيق ياقلبي00
|
ياليت تعملي تحاليل ،، للغده الدرقيه والهيموجلوبين والزنك واوميقا3... واللازم لك ..
هناك ؛؛ دواء فيتامينات خاصه للشعر ،، ويقويه .. استشيري طبيبك في ذلك افضل لك ،، عصارة الزنجبيل الطازج ،، تفتح المسام و ينبت الشعر .. مع التدليك للمنطقه عشر دقائق وضعيه لمدهنصف ساعه ثم اغسليه عادي ،، تكرر يوم ورا يوم .. |
نفس المشكلة عندي بس فراغ بسيط وهالموضوع جداا مضايقني
أنا شكلي بسوي تحليل للغدة سبق وطلبها الدكتور وقلت له ماله داعي لإني كنت أشكي من شغلات ثانية اقتباس:
بجرب طريقتك ن شاء الله |
نفس المشكلة بس انا اقول يمكن مع الرضاعة
بنجرب اللي قلتو عليه و نشوف ... شوشو قولتك الزنجبيل ينفع لمكان الثعلبة ؟؟؟؟ |
والله يا روح ويا نورا وعن تجربه ..
ذكرته لوحده من معارفنا كان تشكي من الغده الدرقيه ،، وشعرها صلع وبقع .. بعد فتره اشوف شعرها نبت وقالت انه بعد الله وبعد الزنجبيل .. تقول بعد اسبوعين بدأت المناطق يظهر فيها الشعر ويسود مكانها .. والحمدلله شعرها الان لكتوفها ولله الحمد .. روح افضل طاااازه بدون تثليج .. يبشر ثم يعصر باليد في طبق او يطحن ثم ينشخل .. حتى انه مفيد جداً لمن يشكي من القشره .. تعقيييييم نورا ؛؛ ما ادري والله ينفع للثعلبه اولا ولكن جربي وخبرينااا الثعلبه ؛؛ اللي اعرفه تتعالج بفص ثوم ينقص نصين ثم يفرك به المكان المصاب .. الى ان يظهر الشعر .. |
حطي عبار من زيت زيتون و..عبارمن زيت الخروع ..عبار من زيت اللوز المر.. وطبقيها بشكل يومي وترقبي النتيجة بعد شهر سترين الفرق واضحا .. تنفع عالشعر والرموش والحواجب. |
نسيت اقولك استعملي ايضا زيت ارقان مدري اداموجودة عندكم ولا لا.
|
عندنا خلطة تسويها الحريمـ بالنفاسـ ،، علشان بعدينـ مايتسلقط الشعر بعد الولادة ،، هي : تجيبي 2 كوب موية وتحطيها بقدر وجيبي 2 بصل و 3 فصوص ثوم وقطعيها علي الموية و اغليها دقائق واتركيها تبرد واعجنيها بسدر وحطي معاه شوي من أي زيت تستخدميه لشعركـ ،، واستخدميها قناع للشعر مرتين إلى 3 مرات بالأسبوع بجد ينبت الشعر ويكثره ويوقف التساقط وبالنسبة للمحلب جربته جددد رهيب لتطويل الشعر نستخدم مويته فقط ،، بس مو أسود لونهـ أصفر يشبه الحلب بس ريحته غير،، اللهـ يوفقكـ ويسعدكـ ،، |
اقتباس:
طيب كمان سؤال أحطه بالثلاجة ولاكيف لإنه معروف الزنجبيل لو انحط برا فترة يخترب ويعفن مع أجوائنا الجميلة نحلة ذكية أنا جات فترة أستخدم الخلطة اللي قلتي عنها تبع السدر رووعة قليلة عليها توقف التساقط واللي شعرها مموج يفرده عن تجربة بس لازم تداوم أنا مشكلتي لما جا البرد خففت من ذي الخلطات والإهتمام |
ماشاء الله عندكم خلطات رهيبة. باذن الله بس يخف الشتاا ببدا اسويهم
الله يجزاكم الخير |
بنات ايش هو المحلب ؟؟؟؟ قصدكم الحلبة ولا شي ثاني
|
اقتباس:
|
اقتباس:
http://www.khayma.com/hawaj/herbpic/MAHLAB.GIF |
حبايبي الله يشفيكم ويرجع لكم شعركم وانتم بأتم صحة وعافيه .,~
تنبيه : :: لآ تستخدي اي وصفه او خلطه حذاري يا أخيتي .,~ أحتمال كبير مايناسب شعرك .,~ فبدل ان ينمو الشعر تزاد الطين بلة ويتساقط أكثر من الاول .,~ :: أكثرو من شرب المياه .. أكل الخضروات والفواكه الطازجه . >> جميعها مأكولات صحية وان لم تجدي نفعه فليس بها ضرر باذن الله .,~ وان شاءلله بتلاحظو الفرق في شعر رأسكم وبشرة وجهكم =) حبيت اذكركم يا حلوات ودمتم بود =) |
أختي الفاضلة ..
انا رجل و اشارك في هذا القسم بعد ان استأذنت مدير المنتدي .. و ذلك رغبة مني في ابداء النصح لوجه الله تعالي .. حيث انني لدي خبرة جيدة في الادوية بحكم عملي و دراستي الطبية .. اختي الكريمة .. اسألي الصيدلي عن مستحضر يحتوي علي مادة (مينوكسيديل) سواء سبراي او كريم ، و ضعيه علي فروة الرأس مع التدليك .. و ان شاء الله ستجدين نتيجة رائعة خلال ستة اشهر |
| الساعة الآن 09:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©