|
وش الحل بها المشكله...
بسم الله الرحمن الرحيم
السلام عليكم ورحمة الله وبركاته .... بداية رسالتي اتمنى ان اجد لديكم الحل فقد كرهت نفسي وبحالة نفسية جدا سيئه الان اعيشها بدايتي انا اريد ان اتكلم عن نفسي انا بنت وعلى وجه زواج فد تم تحديد يوم زواجي وكنت موظفه بمدرسة اهليه والحمدلله ناجحه في جميع اعمالي لاتوجد مدرسة كفئ مثلي من ناحية احترام للطالبات ومن ناحية احترامي للمدرسة ولوظيفتي وكنت نعم المعلمة من جميع الجوانب القصة بدأت قرابة نهاية الفصل الاول يوجد مجموعة من الطالبات من قامت بوصفنا برسائل البلاك بيري طبعا وصف لأشكال المعلمات وكنت انا من ضمنهن يعني مثلا المدرسه فلانه خشمها طويل او فمها كبير والى ذلك تم وصف اشكالنا بالكامل طبعا نحن المعلمات زعلنا واخذنا موقف من الطالبات انه لابد ان يتم محاسبة الطالبه صاحب المدرسة رفض ذلك بحجة انها مدرسة اهليه ولايحق لنا ابد محاسبة الطالبات (خايف على سمعة المدرسة اكثر من المعلمات) ومن هنا بدات المشكله ان الطالبه تعذرت لنا بالطابور مجرد اعتذار عادي ولكن كل مدرسه لها احقية بالمراجعه بحكم انها اهليه لابد ان يتم حذف نصف المنهج انا عن نفسي اعطيت البنات مراجعه ولكن لم ابين لهم صيغ الاختبار وعندما حان موعد اختبار مادتي طبعا انا كنت حريصة كل الحرص ان يكون الاختبار من داخل المنهج ومن المراجعه تفاجأت بعد الاختبار ان الطالبات طلعن يبكون من صعوبة الاسئله واني مغيره صيغ الاختبار مثلا الاختياري اصبح فراغات واالتعريف والصح والخطا وما الى ذلك تفاجأت انه بعد خروج الطالبات انهن يشتكن من صعوبة الاسئله وحاولن التهجم علي بالضرب والالفاظ القذرة والدعاوي وما الى ذلك انا رفضت الخروج نظرا لأن حدود 64 طالبه يردن التهجم علي طبعا الاداره طردت البنات للساحه والبنات بنفس اليوم نشرن رسائل بالبلاك بيري دعاوي بأسم المعلمه ( اسمي )لأنها صعبت اسئلتها ودعاويهن فعلا تشيب الراس انتشرت الرساله بين اغلب اهالي المنطقة التي اعيشها بشكل رهيب وثاني يوم اتى عدد من الموجهات ليفهمن الموضوع من الاداره لانه اثناء تهجم الطالبات علي كان فيه موجهه وابغلت اداره التوجيه وفعلا اتي اليوم الثاني عدد من الموجهات ليفهمن الموضوع قالت لهم الاداريه ان معلمة مادة ( )غيرت صيغة الاختبار ردت الموجهه وقالت هذا شيء عادي ومافعلته المعلمه يعتبر عادي وماله داعي الفوضى التي حدثت امس بالعكس هذه المعلمة كفىء وانا بعد هذا كله كرهت المدرسة وكرهت التدريس وكرهت كل شي وكل يوم ابكي معقولة انا ظلمت البنات اساسا انا ماجبت اي سؤال خارج المنهج او خارج المراجعه قدمت استقالتي حتى حقوقي كارهه اخذهم ولحد الحين اسمع من الناس سب وسخط فيني ان اسألتي كانت صعبه مع العلم ان درجات الطالبات كانت جدا مرتفعه ولكن القيل والقال ما انتهيى بين المعلمات وبين الطالبات حالتي النفسية جدا سيئة انا خايفه من دعاويهن علي وخايفه اني اكون ظلمتهن ؟؟ الحين انا كلما اتذكر ابكي وفعلا باين التعب والارهاق على وجهي ما ادري وش الحل وش اسوي حتى اطلع من هالهم وهالدوامه اللي انا فيها هل فعلا انا ظلمتهم ؟؟ما رأيكم خطيبي لايدري بهذه المشكله هل اخبره ؟هل هذا الشيء سياثر علي بعد الزواج؟؟ |
|
أختي الله يحفظك أنا معلم ثانوي وصدقيني لو نعطي الطلاب الأسئلة كان طلعوا وانتقدوك ,, رضا الناس غاية لا تدرك ,, وواثق الخطى يمشي ملك ,, ما عليك منهم ولا تشيلين همهم ,, الرسول وهو الرسول عليه الصلاة والسلام فيه من تكلم فيه وآذاه في نفسه وفي عرضه عليه الصلاة والسلام ,, هل ترك الدعوة وقال خلاص هالناس ما فيهم خير ؟ لا ,, بل استمر في الدعوة إلى أن انقاد الناس للإسلام بطوعهم ,, أحزنني تركك للمدرسة بسبب هذه المشكلة ,, لو كل واحد حصلت له مشلكة وترك المدرسة كان ما بقي مدرسين يدرسون الطلاب ,, كان يجب عليك الصبر واحتساب الأجر عند الله وما فيه شيء يضيع عنده ,, ولكن بما أنك تركتيها فنقول لعل في الأمر خير لك إن شاء الله ,, والله يوفقك في زواجك ويسعدك |
ماأشوفك ظلمتي البنات أبدا بالعكس وحتى لو سويتي أيش ماسويتي أش قلة الأدب الي تسمح لطالبتها بالتطاول عليهم سواء بالألفاظ او نشر الرسائل فعلا ان لم تستحي فاصنع ماشئت وخير لك أنك طلعتي من مدرسة كذا طالباتها
صراحه يفور دمي من الطالبة الي ماتحترم معلمتها لايهمك الموضوع أختي شموخك تعداك من حق المعلم يحط الأسئلة الي يشوفها مناسبها يوم كنت في الثانوي كنا مستحيل نناقش المعلمه ليه حطيتي أسئلتك باطريقة هذه |
مشاكل التدريس و الله تشيب الرأس و هدا التقدم التكنولوجي عاد على الامة بخيبة و خدلان
وقاحة من البنات يوصفون اساتدتهم و اشكالهم عاى البلاك و استهتار عدم معاقبة الطالبات من قبل الادارة و وقاحة من البنات تقديم الشكوى و محاولة التهجم عليك ممكن في هده الحالة يخرج الانسان بنتيجة و هي تفادي المشاكل و اعطاء النقاط للمجتهدة و الفاشلة و الي تثير المشاكل على السواء انتي في مؤهل و منصب يخولك اخد تدابير و تقييم الطالبة النجيبة من المشاغبة فلا تخلي شوية مراهقات يرهبونك و يهزون شخصيتك ادا فيك ارجعي لشغلك و لا تخلي شوية مرهقات يغيرون الخط المستقيم الي رسمتيه لنفسك و مستقبلك هم الظالمين ارجعي و برهني انك انسانة كفؤ و تتحملي المسؤولية |
عزيزتي في مقوله
انا اؤمن فيها جدا ماينضر الا الشخص الناجح وهذا اذا دل دل على نجاحك انا صارلي 3 سنوات عن الثانوي وافهم للبنات صدقيني هذا ماهو الا طيش بناات ، و خصوصي انهم باهليه عندهم لا مبالاه الله يسعدك يارب |
بنات آخر زمن لو حليتي الاسئلة لهم كان انتقدوك
يحسبون نفسهم يشترون كل شي بفلوسهم انتي مظلومة ومو ظالمة وقولي حسبي الله ونعم الوكيل واحسن شي انك طلعتي من المدرسة وربي يعوضك بمدرسة احسن منها عيشي حياتك وانبسطي والف مبروك مقدما يا احلى عروسة |
اقتباس:
امين يارب الله يسعدك يازهرة الزمان ردك اثلج صدري تحياتي لك |
اقتباس:
اشكرك اخوي ابو عزام على ردك ولكن لو ارجع راح يقولون هذي ماعندها كرامه بالبداية تم وصف شكلي والرساله الثانيه فيها الفاظ قذره ودعاوي علي وين راحت كرامي والمشكلة انهن يتوعدنني بالضرب تخيل الرساله منتشره بين اهالي منطقتي بشكل رهين ففضلت تركها والله يعوضني خير اشكرك على الرد اخوي |
اقتباس:
لو تشوفين الطالبات اثناء التهجم علي واثناء تلفظهن امام المعلمات والله يشيب راسك من الفاظهن ومن قلة ادبهن طبعا الاداره لم تفعل شي للطالبات سوى طردهن للساحه الخارجيه ياليتهم حاسبوهم ونقصو من درجات السلوك ولكن هذي مدرسة اهليه اهم شي راحة الطالبه والحمدلله على كل حال |
اقتباس:
لا صعب ارجع لهم كيف ارجع وانا احس ان شخصيتي خلاص انهزت وصارت سيرتي على كل لسان والله العظيم كنت اكثر المعلمات يجيها تكريم من الاداره على طريقة تعاملي واسلوبي وقدرتي تدريس المادة حتى كلفوني بشغل ماهو شغلي كل هذا لأني كفء اكثر من غيري من المعلمات لكن صار الللي صار والحمدلله على كل حال |
اقتباس:
فعلا كنت ناجحه بكل شي والله ماهو غرور لكن الاداره كانت تضرب المثل فيني فجأة بين يوم وليله تغير كل شي مدري هو خطا مني اني كنت مخلصه لعملي او طيش بنات انا اللي تحملت اخرته الله يعوضني خير يارب |
اقتباس:
الله يبارك فيك يارب ويسعدك بحياتك على قولتك حسبي الله ونعم الوكيل |
عادي اختي لاتحزنين ولاشئ انا معلمه في مدرسه حكوميه ويصير عندنا نفس الشئ العيب من الوزاره وكذلك من تربية الاهل
احنا في الحكومي نعاني من الطالبات ويجبرونا ننجحهم فما بالك بالاهلي فالله يعين مدرسات الاهليه والاهالي ع بالهم بفلوسهم يشترون كل شئ عندهم قصور في الفهم |
منھو غير اللھ *يعين ومنھو غير اللھ لنا.....£
صراحه... قلة أدب ... وقلة تربيه... الوزاره هي من قللت من قيمة المعلم...بكثرة التعاميم اللتي تأتي ضده£ حسبي الله ونعم الوكيل...£ انا معلمه في مدرسه حكوميه تجبرني الأداره على كتابة أسئلة الأختبار مع حلها كمراجعه للطالبات وتصويرها لكل طالبه... لينجح الكل طبعاً... الطالبه المشاغبه والمستهتره والمتفوقه وهذا فيه ظلم كبير...£ فأنا مغتربه بمدرسه جميعها من قبيله واحده....والوضع عندهم منذ سنوات ...وليس في مدرستي فقط بل في أغلب المدارس في تلك المنطقه ونتيجه لذلك أختبار القدرات لطلاب في المنطقه ضعيف جدا على مستوى المملكه£ لذالك الطالبه لا تحترم معلمتها لأنها تعرف في النهايه انها في الأخير ستستلم أسئلة الأختبار وتنجح...£ لعل في ترك تلك المدرسه خير كثير لك.... ولا داعي لأخبار زوجك... واذا اردتي ان تخبريه فاستخيري في جميع امورك وفقك الله وتمم زواجك على خير ورزقك ربي الذريه الصالحه المصلحه اللهم أمين...£ دعواتكم لي بالنقل...😢£ |
اخبريه بما حصل بلطف و تدرج بالاسلوب المناسب و اكيد سيتفهم وضعك ان شاء الله
|
| الساعة الآن 05:17 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©