|
لدي مبلغ من المال أريد استشارتكم كيف أتصرف به بشيء يفيدني
مساء الخير كيفكم بنات ..
امم ... بصراحة أنا حصلت على مبلغ حلو ... وكنت ناويه بالبداية أسافر فيه وأتسوق وأشتري كل اللي بخاطري .. لكن أمي قالت لي : لاتضيعي فلوسك .. احتفظي فيها يمكن تنخطبي عن قريب .. وراح تكوني محتاجه للفلوس لأشياء خاصه وكذا .. المهم .. أنا قررت أحتفظ بفلوسي ... لكن بخاااااااااااطري أرتب غرفتي على ذوقي .... رحت لمحلات الأثاث ولقيت غرفة نوم أعجبتني كثييييييييييير سعرها 4500 ريال أختي تقولي سعرها غالي ! دوري على شي أرخص من كذا .. بس أنا حبيت هالغرفه مره أعجبتني ألوانها وفخامتها .. ودورت مالقيت شي يعجبني الا هالغرفه ! أبي آخذ آراء بنات هالمنتدى ... أنتظركم ,, |
والله ياأختي بنسبة الي ما أضيعها على أثاث أو أسافر أو سوق .....
ممكن أدخل فيها جمعية أو أستثمارها على مشروع عشان أتكسب منها .. طبعنا فتح حساب .. وفكري كذا بشروع صغير تبتدي فية وتتكسب منة ممكن يعطونك فكرة أفضل مني البنات ... فاقولك أثاث الغرفة والله ما راح تستفدين منها ماغير بتامين فيها فكري بالفضل ممكن تخليك تتربحي منها ممكن اعطيك مشروع صغير تبدي فية اذا حابة وانا تحت الخدمة |
أهلين أختي حياك الله ..
أشكرك على ردك بموضوعي .. اممم يعني انتي شايفه ان غرفة النوم ماهي ضروريه ..طيب أعطيني أمثله على المشروع مثل ايييش ؟؟ |
ممكن تسوين تغييرات بسيطه بغرفتك
ممكن تغيرين لون الاثاث او لون الجدران وتضيفين شوية اكسسوارات والباقي احتفظي فيه او استثمريه والله يطرح فيهم البركه يارب |
كذا شئ ممكن تسويه بالمبلغ .. ممكن استثمار زي مااقالوا .
لكن انا معك في الغرفه لانها تجدد من نفسية الشخص .. فاحسب غرفتك لو جديده زي ماقالت الاخت وابل الندى غيري الوان او اشتري ورق جدران .. اضيفي رفوف معلقه او اكسسوارات وتغيري مفرشك .. او ممكن غرفة جديده بسعر اقل بس عشان ذيك عجبتك فما ملى عينك الا هي ^_^ |
اقول خذي الغرفه ترى الحياه مره وحده متعي نفسك والباقي افضل شى ادخلي جمعيه ولاخليه في البنك اما بالنسبه للمشروع مو مؤيده لانه ماتدرين ينجح ولايفشل لاسمح الله وخذي الغرفه لاتترددي وسعرها مره حلو ماعتبرها غاليه0000
|
أي حبيبتي انا شايف كذا وانتي حرة برايك أختي
وهو صحيح ممكن أنك تعدلي شئ بسيط في غرفتك مفرشك و اكسسوار الغرفة اما أنك تشتري أثاث جديد والله حرم ما راح تستفدين منة شئ أسمعي وأنا أختك لا تستعجلين وأخذي كذا شور شخص وأذا حبة أساعدك في راي مشروع على العين وارس بس ما قلتلي المبلغ كم؟؟ عشان أقدر أحدد لك مشروع أحليو تسوينة |
والله انا مع انك تغيرين غرفتك
لانها تجدد النفسية وانا لاحظت هالشي بنفسي بين كل فترة وفترة حوالي اربع خمس شهور اجدد وأغير لو حاجات بسيطة واضيف اكسسوارات او حتي اغير التصميم لأني بطبيعتي ملولة جدا وشوفي عاد اذا غيرتها احس ودي اعزم كل الناس ينامون فيها خخخخ ف زي ما قلت لك .. غيري فيها حاجات بسيطة والباقي ادخلي فيه مشروع واذا تبين أفكاري حاضرة لك يا عسل |
تسلمون حبيباتي كلكم ماقصرتو ...
بصراحة أنا تراجعت في شراء الغرفه ... وفضلت إني أشتري دولاب بس وكمان في رفوف عجبتني افكر اشتريها ... أما غرفه كاملة أخاف تيجي السنه الجايه والقى نفسي مليت منها تماما وابي اغيرها !!!! وبالنسبه للمبلغ اللي عندي حوالي 30 الف ... أما فكرة المشروع بصراحه اخاف أفشل لاني ماعندي افكار مشاريع ... ولما كلمت امي قالت لي : في مشروع هي بتسويه وقالت لي اذا بتشتركين معي انتي حره ... المشروع انو امي راح تشتري 30 كتكوت دجاج بلدي وتبغى تربيهم في الحوش الخلفي وتبني لهم غرفه تحط فيها قش ... واذا كبرو الكتاكيت راح نستفيد من البيض شي ناكله وشي نبيعه ... بس انا بصراحه ماقتنعت احس قرف الدجاج في البيت وريحته ... واخاف لما يجوني صديقاتي يشمون ريحة الدجاج في البيت :29: وغير كذا أمي تشتكي من الام في ظهرها ... والدكتور قالها ماتتعبي نفسك كثيير .. وخايفه ان اهتمامها بالدجاج وتغذيته .....الخ اخاف يتعبها ... ايش رايكم ؟؟؟ ماادري انتو ايش رايكم بفكرة امي |
اشتري بنصها ذهب + فضة .. والباقي استمتعي بها
بالتوفيق |
انا بعد زيك عندي مبلغ صغير ومحتاره فيه
ياليت لو تعطونا أفكار لمشاريع مضموووونه مانبغى خسارة مثلاً فكرة الذهب حلوة يعني ان شاء الله مافيها خسارة إذا رخص اشتري وإذا ارتفع بيعي وهكذا أنا بصراحه ماجربتها بس اتوقع كذا الحين الأسهم أول ماتنزل شركة اشتري وبسرعة إذا ارتفعت بيعي لو تكسبين ريال أحسن من تخسرين |
عزيزتي .. ربي يرزقك من حـــلاله .. ويبارك لك .. مع رأي الأخوات .. بإمكانك إضفاء لمسات بالغرفة.. بتغيير الصبغ وزيادة بعض الاكسسوارات الرقيقة .. بالنسبة لمشروع ماماتك .. ربي يحفظها لكم .. امممممم أنا مثلك ما أحبذ فكرة تربية الدواجن .. أتخيل 30 كتكوت .. وبعدين يصيرن 60 .. وبعدين يصيرن 180 .. ههههه بالغت شوي .. بس لو جيتي تدرسين" الجدوى الاقتصادية " على قولتهم .. هل فعلا هذا مشروع مربح؟!! الدجاج يحتاج اهتمام تغذية وشرب.. وتنظيف للقفص مع هالعدد يوميا .. وراح يكون عمل متعب نوعا ما لوالدتك يعني لابد حد يساعدها .. والبيض لابد حد يجمعه .. ويعزلهن حتى تجمعينه ووو .. هذا غير الريحة اللي بتطلع .. بس لا تردي أمك واشتري لها عشان خاطرها 5 كتاكيت حتى هي تهتم بهم .. وتقضي وقت معهم.. مع رأي الأخوات إنك تنتظري جرام الذهب ينزل شوي . وتشتري أشياء منه تعجبك ... خصوصا إن كنتي تحبين تلبسينه.. ترا الذهب قيمته فيه .. |
أنا مع تجديدات الغرفة .. غيري الستائر واللحافات , وبعض الديكورات .. واجعليها بلون مغاير تماما للحالي وبذلك يصبح عندك غرفة جديدة .. أما بالنسبة للمشاريع فهي كثيرة ولكن لن أفتي بما ليس لي فيه خبرة في كثير من المنتديات مخصصة للتاجرات بإمكانك البحث عن احدها والقراءة والسؤال والاستفادة من الخبرات .. نصيحة أخيرة .. اخرجي مبلغ بما تجود به نفسك وتصدقي فيه , حتى لو قليل .. في جمعيات ممكن تدفعيلها تتبرع عنك بمصاحف أو ببناء مسجد في الاماكن المحتاجة .. تكون لك صدقة جارية لك إلى يوم الدين .. و حتى يبارك الله لك في مالك !! وفي النهاية تصرفيه بالعافيه عزيزتي |
مشروع ب 30 الف صعبه جدا
عشان كذا انبسطي بفلوسك والله الواحد مايدري متى يموت اشتري غرفة و سافري و تدلعي بفلوسك |
أكثر من الإستغفار فهو علاج لكل مشكله :
من ثمار الإستغفار : 1- إنشراح الصدر والراحة النفسيه . فيه الطمائنيه والراحة النفسيه لأنه من ذكر الله قال تعالى (الا بِذِكْرِ اللَّهِ تَطْمَئِنُّ الْقُلُوبُ ) . 2- أنه حل لك مشكلة ولكل هم . قال رسول الله صلى الله عليه وسلم ( من لزم الإستغفار جعل الله له من كل هم فرجا ً ومن كل ضيق مخرجا ً ورزقه من حيث لا يحتسب ) . 3- الرزق ( المال والولد ) . قال تعالى : (فَقُلْتُ اسْتَغْفِرُوا رَبَّكُمْ إِنَّهُ كَانَغَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍوَيَجْعَل لَّكُمْ أَنْهَارًا) . |
انا اشوف تصدقي بجزء بسيط من المبلغ
وراح تشوفي المردود ... |
| الساعة الآن 01:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©