|
اشاعة أم حقيقة ؟؟ والله اني في حيرة!!
كتب الله الانفصال بيني وبين زوجتي ام عيالي قبل سنة من الآن بناءا على طلبها وبعد جهود مكثفة مني للأصلاح بلا جدوى و تحريض من والدتها ,, المهم ان الاطفال معها ولد وبنت الله يصلحهم ازورهم باستمرار كل اسبوعين لاني اقيم بمنطقة ثانية واحول لهم مصرف 2000 كل شهروالبنت تدرس مع امها بنفس المدرسة والولد رضيع عمره سنتين وتحب اولادها بشكل جنوني وحريصة عليهم وانا لا زلت افكر بارجاعها لاني لا زلت احبها وانا اعلم بانها تحبني لكن لم يحدث بيننا اي تواصل منذ الطلاق لكن سمعت اشاعة لخبطتني وهي انها تزوجت لكن لا توجد تأكيدات الى الآن من الاقارب والمعارف والاشاعة مصدرها طالبات في الجامعة التي تدرس بها اختي وزوجة اخي ولا ادري هل استمر في محاولة ارجاعها ام أخذ الاولاد والله يوفقها محتار والله؟؟
|
اذا كانت ماتزوجت وقدرت ترجعها يكون افضل لك ولها وللاولاد عشان يتربو بين امهم وابوهم
والله يقدر لك اللي فيه الخير اهم شي الاستخارة والله يوفقك |
شكرا (فديت تاج راسي) لكن المهم كيف اتعامل مع الاشاعة اللي سمعتها اطنش ولا اتعامل مع الموضوع بجدية؟
|
اخوي الامر سهل
بكل سهولة تروح تشرب فنجال قهوة عند ابوها او اخوها وتسال ( انا اسمع ان ام فلان تزوجت واذا هالخبر صحيح انا جيت اخذ عيالي وانا اولى اربي عيالي اذا الام ما تزوجت حاول تفتح موضوع الرجعه مع ابوها او اخوها اذا فعلا تزوجت فالله يعوضك بغيرها واهم شي لا تنسو الفضل بينكم تحياتي |
اقتباس:
|
حلوة فكرة دراما بانوراما
استخير ربك وروح لابوها وان شاء الله تكون اشاعة مو حقيقة وربي يسهل اموركم ويصلح بينكم في اقرب وقت يارب |
أخي اذا أنت متأكد من حبها لك....حاول أن تتقرب منها و خير وسيلة هي أبناؤك.اسأل ابنتك عنها و عن حياتها هههههههههههههه هو يقلك الحقيقة.......وان لم تتزوج فعجل بخطبتها لا تروح منك.ربي يسهلك
|
يمكن هم مطلعين اشاعة عشان ترجعها ...
|
اقتباس:
|
سواء إشاعة أو غيره
شخصيا أرى أن تجعل أطفالها معها لأن لمست من كلامك أنها تحب أطفالها وهي ثقة فلن تجد أحن عليهم منها |
دامك تبيها ليه ما رجعتها من زمان
الحين تاكد من الأشاعه ولا تسلم نفسك للوساوس وريح راسك موفق يارب |
اسأل ابنائك
|
لحظه لحظه ......
انا عندي رأأي ... وش راأيكـ...انكـ تخلي اختكـ تتأكد من زواجها ...واحرص ع اختكـ ان الموضوع يكون بينكمـ...لحين مايصير الموضوع جدي... وتعرف الحريم لابغن يعرفن الشي دبرنه هههههه... خلها بس تتأكد لكـ من مصادر موثوقه...والله يكتب الي فيها الخير... |
اقتباس:
|
اقتباس:
مادام تأكدت ان الخبر اشاعه سارع في خطبتها ان كنت لازلت تحبها حتى تلم شمل عائلتك وتريح ضميرك اسال الله ان يوفق بينكما ويصلح حالكما |
الله يوفقك يا اخي
|
اقتباس:
يا أخي ليش هالأنانية ؟؟ أو هو إنتقام ؟؟ ما تشوف عيالها الا مرة في السنة وهي كانت تخليك تشوف عيالك مرة كل أسبوعين ؟؟ ماحرمتك من اطفالك وتسمح لك تشوفهم لأنك أبوهم وأنت تبي تحرمها من شوفتهم وانت عارف انها تحبهم بجنون وتهتم فيهم حييييييييل ؟؟ |
عاشق الجواهر..كلامكـ بمكانه ...بس مانبي نفنح مواضيع ثانيه....
أأهم شي ان خبر زواج طليقته طلع اششاعه..وهالخبر حلو.... الحين مافي حجه انه يتردد بخطبها من جديد.. بالتوفيق اخوووووووي.... |
تبي نصيحتي اذا اشاعه
حاول بيدك ورجولك وبكل ماتملك انك ترجعها دامها تحب عيالها خذ نصيحه مجرب انا مطلق وعندك اطفال والله حتى اذا مرضو ماتقعد عندهم بالمستشفي ولاهي مهتمه فيهم ياولد رجعهاااااااااااااااااااااااااااااااااااااا وضف عيالك وبوس ايدك وجه وقفي |
انت في آخر ردودك قلت ما تقدمت لخطبتها عشان خايف انو يرفضوك
طيب ليش كنت زعلان لمن سمعت انها تزوجت،،، ما فهمت قصدك من الموضوع هل ثارت رجولتك لأنها عايزة تتزوج خليك من أمها وفاتح أبوها في الموضوع،،،، اذا انت تبغاها حتعرف كيف ترجعها اما اذا خايف انها تتزوج وحتحرمها من العيال وما تشوفهم الا في السنة مرة فتذكر ان الظلم ظلامات ،،، وتنجب دعوة المظلوم ،،،ندعوة صادقة منها ممكن تهدم حياتك |
اقتباس:
ياربي ...الله يهديكمـ ويصلح بااااالكمـ لزوجاتكمـ..وأولادكمـ... |
بعض الأخوات فاهمين خطأ انا مقر عملي يبعد عن مدينة الأم 1500كم بمنطقة ثانية وطبيعي يكونون معي لأن البنت عمرها 6 سنوات ومحال اتركها تتربى عند احد غريب وطبيعي اني ما راح اوصل العيال لها كل اسبوع او اسبوعين او حتى شهريا هل معقول احجز طيران لي وللأولاد علشان حضرة الأم تشوفهم لو تريد رؤيتهم تجي تشوفهم زي ما كنت اسافر كل اسبوعين لشوفتهم ولو هي حريصة على ضناها كان ما طلبت الطلاق ارضاءا لأمها وكان ما فكرت تتزوج ارضاءا لأمها فهي لا تكرهني لكن اهلها كرهوها فيني وللمعلومية جدهم ابو الأم يضربهم وقاسي عليهم وبنتي تقول لي يا بابا امي تكره جدو لأنه يضربنا ويضربها فهل معقول اترك اولادي ساكنين في بيت جدهم ولا شخص غريب في ظروف متردية ويتركون بيت ابوهم ؟؟؟؟
|
اخى العزيز هل جربت قيام الليل والدعاء والتضرع الى الله ان يجمع الله عز وجل الشمل ويجمعك مع اطفالك وامهم يا اخى الموضوع يستاهل والا من سيضيع فى النهاية الاطفال حرام ينحرموا من امهم او ابوهم وهم احياء يرزقون استخير الله وتوكل على الله واجعل هناك وسيط ذو حكمة وعقل وقبول لاهلها اسأل الله ان يجمعك عاجل غير آجل |
السلام عليكم ورحمه الله وبركاته
اخى العزيز اذا تاكدت ان غير متزوجه فنصيحتى برساله من جوالك تكون رساله حلوة وتذكير بالايام الحلوة |
اقتباس:
|
الاطفال محد يتحملهم غير أمهم ومحد يحن عليهم مثل أمهم وكلنا عارفين ان اليتيم الحقيقي هو يتيم الام وليس يتيم الاب. وحرمان الام من أطفالها تعذيب للأطفال نفسهم قبل لا يكون انتقام من الام معروف الاطفال دائماً متعلقين بآلام وبعدهم عنها يأثر فيهم نفسيا
|
اقتباس:
الحين هي ماتزوجت عشان تفكر هالافكار الجهنميه والخبر طلع اشاعه بدال ماتفكر هالافكار السودا روح تقدم لهـا يمكن هي تبغاك بعد |
| الساعة الآن 04:43 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©