|
انا اسمع الناس يقلون لاتكثري من الكلام الحلو رايح يمل منك بعد الزواج
مرحبا
انا مخطوبه وهالحين فتره ملكه وباقي لزواج 4شهور تقريبا ونتواصل بالرسايل وخدمه الواتس اب هو يكتب لي كلام حلو بس انا ماعمري كتبت له لاني انحرجي واسمع من الناس يقلون صيري ثقيله معاه ومره طلب يكلمني وانا رفضت لاني منحرجه منه وبالفتره الاخيره يقول انتي ماتوضحي حبك لي وشكله طفش ويرسل عتب احاول ارضيه بس مو عااارفه شلون لاني انا ماعمري كتب له اني احبك او من هالكلام اذا سأل اجاوب بشكل رسمي واحيانا ادلع عليه وكان الوضع عادي يقول عارف انك منحرجه بس بعدين احس انه طفش من عندي وايش اسوي انا وهممممممي وهل يؤثر اسلوبي هذا معاه بعد الزواج ولا لان انا اسمع الناس يقلون لاتكثير من اللكلام الحلو رااااايح يمل منه بعد الزواج والله انا ماسجلت الا ابغى حل من عند كم وبتصرفه ذا. يجيني شعووووور اكره وايش اسوي يمكن اني حسااااااسه شوي ولا كل البنات كذا ومره كتب كلام احرجني وقلت له لاتكتب لي كلام تحس. انه يحرجني. قال خلاص اوكيه |
خلاص بعد الملكه أنتِ زوجته الحين ليش كل هاذا الثقل والتصنع !؟
كلمي زوجك يا أختي وناقشيه وافتحي قلبك له وخليه يفتح قلبه لك تري أحلي وأجمل فتره في عمر الانسان هي هاذي الفتره فلا تحرمي نفسك وتحرمي زوجك حلاوة وشغف هاذي الايام وخلي كلام الناس يولي وربي يوفقك |
إذا بتسمعين كلام الناس بتطلقين خليك عاقله وعيشي حياتك اقراءي وتثقفي وخاف ربك في زوجك والله الناس ما بتنفعك كل وحده مبسوطه مع زوجها وانتي زعلانه بسببهم |
مشكورين ع الردود الاكثر من رائعه اقنعتوني
وجزاكم الله خير الجزاء |
اعذروني ع الاخطاء في الكتابه لاني كنت اكتب وانا متضااااااايقه مرررررره وما ادري ايش كتبت بس وصلت لكم المعلومه
|
الله يفرج همك اتصلي عليه وكلميه واشبعيه بالكلام الحلو خليه يفرح أنه تزوج ولا تعطي اذنك لكلام الناس موفقه يارب |
والله يااختي تضحكني كلمه ( اثقلي عليه ) .. ولماذا الثقل ؟!
والى متى ؟! اختي ان استطعتي ان تبوحي بمشاعرك تجاهه اخبريه ولاتحرمي نفسك من السعاده وتحرميه هو كذلك ،، بسبب كلام الناس ( اثقلي) !! اجعلي حياتك تمشي بعفويه تامه لاتصنع فيها ولاثقل ولاغيره ،،كوني طبيعيه معه الله يوفقك ويسعدك |
من سمع كلام الناس مات همآ يا أختي الله يرضى عليك و يسعدك بحياتك يارب هذا زوجك الأن على أي أساس هذا الثقل ترى أحلى لحظة في الفترة الملكة أرجوكي لاتحرمين زوجك لو تشاهدين بعض المواضيع في هذا القسم أغلب المملكين يريدون الطلاق و السبب إن زوجته جالسه تثقل عليه و لا تتكلم معه بالعكس إبدي بالكلام معه إسأليه عن وضع حياتكم عن مملكتكم عن كل شي يدور في حياتكم بادريه بالمشاعر أسأل الله العظيم رب العرش الكريم أن يوفقكم لبعض ويسخركم و يألف قلوبكم يارب ويجعل حياتكم سعيدة .......
|
انا بقولها لك بصريح العباره وانتي بكيفك
شفتي الكلام الي كتبتيه وربي لو تكتبيه له وتقوليله عندي مشكله وتكتبيله هالكلام وربي لايحطك بعينه وين ماكنتي ياختي احنا بشر ونحس ونشوف الي حولنا ،،بترضين انه شايل هم بقلبه ويقول بينه وبين نفسه ماحس اني متزوج؟ ناقشيه ياختي بها المسءله ولاتترددي افتحيله قلبك عالاقل يعرف انتي ليه مو معبرته وخل كلام الناس على جنب وبالتوفيق يارب |
اقتباس:
وكـل الأخـوان ماقصـروا معاك .. لاتتبعين كـلام النـاس ترا بتضيعيـن.. وتضيـع حيـاتك مع خطيبك .. وأنصحك بكتب ثقافيه موثوقه .. شوفي هنـا موضوع عن الكتب اللي تفيـدك .. لأختنـا روح المسـاء ,, أطلعي عليه .. والله يسعـدك يارب .. |
ثانكس ع الردود
|
اثقلي عليه !!!
غريبة العبارة هذي يتعبى راس البنت بها قبل الزواج واظنها مع التكرار تترسخ في العقل الباطن لدرجة ان البنت بعد الزواج يصيبها خرس وما تعرف تتغزل في زوجها لأنها تظن انه عيب , وبعدها يدور الزوج على العاطفة بالخيانة والزوجة تكتب في المنتديات وتشكي من خيانته وجفاه ويمكن الامر يوصل للانفصال ويتشتتوا الابناء ويتفكك المجتمع وتكثر المطلقات وتنتشر خيانة الازواج وكله من ورى كلمة " اثقلي عليه "!!! |
ياخواتنا الله يرضى عليكم
ماتعلمتم هالحقيقه المسأله سهله حياة المتزوجين تتأثر بأراء الاخرين لاتدخلون احد بحياتكم يعني زوجك فليها وستانسي تراانا بنعيش مره وحده |
لاحظت ان كثير من الناس (خصوصا في المنتدى) يتكلموا عن "الحب" في فترة الملكة. انا استغرب كثيرا ، يعني على اي اساس "يحبوا بعض"؟ يعني يمكن اعجاب او تعلق،ولكنه بالتأكيد ليس حب.
|
اقتباس:
كلامك صحيح الحب لايأتي الامع العشره فقط . اما فتره الملكه هي فتره يتعرف بها الازواج عن شخصياتهم واهدافهم واهتماماتهم ومن الممكن ان يتكون الانسجام في فتره زمنيه قصيره او فتره اطول او ممكن لاينسجمو مع بعضهم بتاتاً اما الحب التي يتكلمو عنها تعتبر انسجاماً |
مــرآحل الحب ثلاث:
إرتــيآح ثم إعجــآب ثم حــــــب المرحلتين الأولى في الملكة والأخيرة بعد الزوآج ^_^ |
اقتباس:
لأنك أخذتي كلام النـآس تبرير لخجلك مو لأنهم قالولك سوي كذا الحل هنــآ التدريب ابدأي ارسلي كلآم إحترام وتقدير أولا مثل : يالغالي ياتاج راسي الله لآيحرمني منك حتى تتعودي شوي شوي وبعدين قوليهآ في المكآلمـآـت ..بالتدريج عزيزتي وترى الواحد ماينولد وهو عارف كل شيء لآزم يتعلم افتحي عالنت عندك لليل اشكال والوان خذي إللي يناسبك والله يتمم لكم على خير (= |
ألف مبروك ياأختي
والله يعين زوجك عليك اختي المباركة أيام الملكة أحلى أيام العمر فلاتضيعيها تجاوبي مع زوجك ولاتثقلي عليه لأن الزوج قد يظن أنك لاتحبيه _ أهلك غاصبينه عليكي_ ماتحبي الرومنسية وتروح الأفكار وتجي ويدخل الشيطان بالموضوع و تندمي |
اقتباس:
بعدالسلام والتحية أنصحك أن تعاملي زوجك بمثل مايعاملك لان الدين يقول أن أحسنت أحسن ولابد أن تتكلمي معه كلام حسن والأنطباع الأولي يبني علية أشياء كثيرة مع التحية والتوفيق لك وأنصحك بالدين أن كنتي تريدن حياة سعيدة . |
تاجوراء سبقتني
البنت توها مملكه والاخ يبغاها تقوله كلام حب يا اخواني هذا قلب .. هذه مشاعر واذا صدرت كلمات حب بدون ما نشعر فيها بتوصل جوفاء خالية ومصطنعه انا عن نفسي ما ارضى اقول كلام ما احس فيه .. فهميه يا اختي الغالية انك تحتاجين لوقت علشان تتعودي عليه وترتاحي وبيطلع كلام الحب بالتدريج اما اخطب امس واجي اليوم اقول احبك !! ما تدخل العقل اصلا كيف رح يتقبلها ما اقولك اثقلي .. لكن اعملي ما تشعرين به .. لو بعد يومين حسيتي انك تحبينه بيني له شعورك .. لو بعد شهرين حسيتي بعدم ارتياح لقول كلمة احبك ما تغصبي نفسك عليها.. افعلي ما يمليه عليك قلبك الا المشاعر .. لا تتلاعبي بها |
شوفي يا حلوة
كلام الناس ارميه ورا ظهرك الا المشاعر لا تبخلين فيها عليه خلك واضحة وبيني له لا تستحين تدلعي نزلي كل اللي براسك ذا حلالك والناس ما تفهم بكرا لا تعقد رجلك محد بينفعك .. ترا بعض الرجال يفهمون علي البنت من ايام الملكة ومتسرعين ومطالبين بالعاطفة ع اكمل وجه وحساسيين مرة .. انا أنصحك اذا حبيتيه بادليه الحب واغدقي عليه العاطفة لا تقصرين ابدد واذا ما حبيتيه حاسة بس باعجاب طوري هالاعجاب عشان توصلين لقلبه وتمر عليكم هالفترة بذكريات جميلة .. بالتوفيق |
قفلي اذانك عن الناس
وماراح يمل منك الله يوفقكم |
ايه صح كلامهم بس اذا طار العريس ما تلومي الا نفسك يا كثر كلام الناس ويا كثر الحساد
|
نفس حااااااااااااااااااااااااااالتي
الله يتمم لنا ع خييييييير |
الكلام الحلو مهم بين الازواج لكن الاهم ان يكون صادقا و الا فقد قيمته تماما ..
اعني الا تتناقض الافعال مع الاقوال .. |
اذا ماتعودتي الحين
بيصعب عليك تتعلمين بعدين وبتحرمين نفسك قبل تحرمينه من الاستمتاع |
| الساعة الآن 08:50 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©