|
نفد صبري
السلام عليكم
انا البارحه حصلت لي مشكله مع زوجي وافكر اترك له البيت والسبب اني صار لي فتره مشاعري تجاه تغيرت لانه من ولدت وهو هاملني طبيعة عمله يغيب اسبوع او اسبوعين عن البيت يجي ويك اند بس والحين شهر عنده دراسه فموجود معانا والله قسم بالله ما اشوفه الا ساعات معدودة يطلع من الصباح ويرجع من دوامه الساعه 3 وبعد دوامه يجي ينام ويطلع وما يجي الا قريب الصباح ودى وضعه حتى ايام الويك اند وما يحب يجلس وياي حتى لمن يكون في البيت يجلس في المجلس ساعات لوحده يشاهد فيلم او يجلس على النت ولا يسأل عني ولا عن البيت وش محتاج ولا عن ولده يمر اليوم ما يتصل لي نادرا اذا أتصل علي وينام لوحده اني قلت يمكن اكون اني السبب واني أهملته بعد ما ولدت وغيرت في شكلي والله الشاهد علي اني لمن اروح زوج دائما يسألو عني حتى اخر مره سألو عني عند أمه وقلت له ما قصدي اغيضه بس ابي اوصل له شي اني الفت نظر الجميع بس هو مو معبرني ومر عيد زواجنا وعيد الحب ولا كانه صاير شي اغراض البيت اجيبهم رجعتي من الدوام واني راجعه طلاعاتي الوالد متكفل فيهم هو كله يتعذر انه مرتبط مع اصدقائه مع اني ما اطلع كثير لاني موظفه ودوامي ثمان ساعات باليوم وساعه رايحه وساعه راجعه يعني اتطلع من البيت معدل عشر ساعات يوميا واكون مرهقه دائما صحباتي يجون عندي اني ما اتطلع واختار وقت هو ما يكون موجود ولا مره من المرات عزمني على شاء من بعد ما ولدت اني اقول له ويقول لي ولدك ما ابيه يسوي ازعاج بالمطاعم ويزعج الناس اقول له بوديه بيت اهلي بالموت يرضى واني بالمطعم يخلص اكله قبلي لمن اجلس اكل كل شوي يطلع بساعته ها ما خلصتي ويحن على راسي الين ما اكره الاكل ونتطلع حتى السفر بالموت وافق عشان اجازته وانه مايقدر اخر شي سافرنا ونفس الشي افتكرت السفر بيقربنا لبعض بس بعدنا اكثر نتطلع قدام الناس متزوجين وفي الفندق ينام لوحده ويقول لي انا تعبان واني بالصراحه بديت أشك فيه صرت افتش في جواله في حسابه حتى على الاب توب بس مالقيت شي عليه وهو بالصراحه سمعته طيبه والرجال مؤدب ومتفوق في دراسته و ماكان كذا قبل ما أولد جلست وتكلمت وياه يسكت ولا يرد حتى اني كلمت ابوه وكلمه بس ما فيه فايده يصير زين معاي كم يوم ويرجع وعايش حياته عزوبي يجي البيت بس ينام وطول الوقت ساكتين ما نكلم بعض والبارحه كنت تعبانه ومصدعه بعد ما رجعت الدوام كنت ابيه يساعدني في شغل البيت على الاقل يمسك ولده قام حقرني يشاهد ولا كأنه يسمعني اخر شي صرخت من القهر في وجهه قلت له الحياة الزوجيه مشاركة مساعده موجود ومنت موجود خد ولدك راسي يعورني قال لي لا تصرخي وش فيك مجنونه وضربني واني انصدمت وما صحت اخدت ولدي ورحت نمت ولا حسيت من وجع الراس يوم ثاني صحيت وحسيت بصدمة الموقف كأنه توه ضربني جلست ابكي في الدوام والي معاي يسألوني وش فيك وما بينت الى أحد حتى امي تكلمني تقول لي صوتك متغير وماقلت له شي واني خلاص شايله بقلبي عليه صار له سنتين هاجرني وما ينام معاي والرجال مو طايق يشوفني ورخصت عنده مررره لدرجة يمد ايده علي ولا فكر حتى يعتذر او يتكلم معاي واني والله بموت قهر في داخلي وتعبت اجامل قدام الناس اني سعيده بزواجي خلاص تعبت نفسيا وحتى ولدي كله مريض لانه يشوفني دائما ابكي ويأثر على نفسيته ومسكين كله مريض |
أختي العزيزة ... كان الله في عونك و قلبي معاك
زوجك صحيح ناجح و متفوق في دراسته لكن للأسف يبدو لي إنه راسب في الحياة الزوجية مثل ما قلت الحياة الزوجية مشاركة و هو مفكر نفسه للحين عزوبي... و هذه المشكلة تعاني منها كثيييير من البنات. تحمل المسؤولية ليس بالأمر الهين و للأسف في مجتمعنا احنا نتعب على تربية البنت وتهيأتها لتكون زوجة صالحة و أم عطوفة و ربة منزل ممتازة ، و للأسف ننسى نهيأ الولد أن يكون زوج صالح و أب حنون و متحمل للمسؤولية. إنت قمت بخطوات صحيحة مثل مصارحته و كلامك مع أبوه. طيب من ناحية ثانية إنت ما حاولت تشوفي ايش هي الأشياء المشتركة اللي بينكم؟؟ يعني إذا مثلا يحب يشوف الأفلام شاركيه هالهواية و افتحي معه المواضيع اللي يحبها. ركزي على الأمور اللي تقربكم لبعض و حاولي تجذبيه. إذا أمه إنسانة عاقلة ممكن تلمحين لها على بعض تصرفات زوجك. أنا مثلا أم زوجي مسكينة - الله يطول في عمرها - إذا شافت ولدها تأخر تتصل فيه تقول له ليه تارك بنت الناس لحالها. بيتك أولى بك من القهاوي. والله إنها إنسانة ذهب و ياما أنا صبرت على تصرفات زوجي العزوبية عشان خاطرها. و بالنسبة لرعاية الولد.. حاولي تعوديه يمسك بعض المسؤوليات. إنت تشتغلي مثل ما هو يشتغل ، و هو ولده مثل ما هو ولدك ... ما فيها شي لو مسك ولده و لعب معاه و لا حتى لبسه. أصلا كيف راح يحس بالأبوه تجاه إذا ما قعد معه و بنى علاقة طيبة.. لا نقول هذا طفل صغير .. هذا في النهاية إنسان و له مشاعر و يحس للي يهتم فيه. للأسف هو تهاون في كثير من واجباته تجاهك و من أهمها حق الفراش.. يبغالك وقفة جادة معاه عشان تحطي النقاط على الحروف لأن ما ممكن تستمري بهذي الطريقة و تتعبي نفسيا. ايش ذنب ولدك يعاني معاكم و يكون كله مريض؟؟ و الله عندي كلام كثير بس ما حبيت أطول عليك. ربي يهون عليك و يسعدك |
نصيحتي ...لكي
زوجكي ناجح في حياته العمليه ................كما قلتي .............فلا تتركيه يفشل في حياته الزوجيه التي انتي طرف فيها ................... اختي ....الاحتفال بعيد الزواج وبعيد الحب ......لا يجوز .........فحتفلي مع زوجك متى شئتي ....ولا تنتظري منه ان يهتم فيكي .......................انتي الملكه ...اهتمي انتي فيه كل الناجحين العمليين في حياتهم ................يحبون المراه المستقله التي تعتمد على نفسها .........وتستغني عنهما وقتيا اسمعي نصيحتي .............. سامحيه ......وتجاهليه ..باحترام ........اظهري انكي معجبه بدراسته وتفوقه حسسيه انه عبقري زمانه وانك محظوه لرتباطك بمثله عودي نفسك على ان تكوني مستقله ......حاولي تدبر امر بيتك وخصوصا انكي موضفه افهمي نفسكي ......انه سيعود اليكي قريبا ................. احترمي رغباته في الجلوس لوحده .....................ومشاهدة التلفاز لوحده لا تعاتبيه لا تصارحيه موقتا ......بل اتركيه ........... حافظي على دينك وصلاتك .........الفتي نظره بالتدين ...وكانك ستتغيرين ....اقصد مثلا لو كنتي محافظه على صلاتك ...فممتاز لكن اظهري له هذا المحافظه بدون ان تذكريها ......اما اذا كنتي مهمله في صلاته ....وهذا ما اضنه ....فعودي الى الله ...فهو خير ملجا لللانسان .................. الرجل ....اذا حاول ان يلعب بذيله ..............وستقلت عنه زوجته ولم تعد تراقبه وتبحث في اشيائه فان الغيره ستاكل قلبه .........لان كلا يرى الناس من عين طبعه .... يعني ..مثال ...............لو فتح النت في المجلس ........... افتحي النت في الصاله لكن يجب ان يعلم انكي ايضا على النت في نفس الوقت فان كان يلعب .....ويراهق ...............فشيطانه سيقول له ...ان زوجتك تعمل نفس الشي ....... وان كان لا يفعل ذللك .................فعاجلا او اجلا ......سيحترم تصرفكي ...وسيقدره انما نصيحتي ...................زوجكي نجح خارج بيتكي فلا يفشا داخل بيتك ...........................لان المتغير الوحيد في الحالتين هو انتي مجرد راي |
رجل أهبل ، من جدك تتكلم ؟!
الرجل هاجرها ولا قام بأدنى واجباته ، وتبيها تقوم بالبيت وتدير البيت وتسامحه وتتغاظى عنه وتتجاهل عيوبه وتحترم رغبته في الانفراد وووو ؟!! والله ما ألوم الحريم لو ثاروا على الرجال !! كل شيء تتحمله المرأة لعيون سيدها اللي تكرم عليها بأنه أنقذها من العنوسة !! الحين لو واحد منا زوجته غابت عند بيت أهلها عشان تساعد أمها أو أهلها على طول فكر في الطلاق أو الثانية ، وبنت الناس تبيها تتحمل رجل مو قد المسؤولية ؟! لا والله إذا ما يبي ينضبط ويصير رجال ويقوم بواجباتها ولا يطلقها ويخليها تشوف حياتها ، حياة المرأة وحدة ، مو مثل حياة الرجل بعدد نساء الدنيا !! آسف ، تعليقك استفزني صراحة ، خاصة أنه بمجتمع المرأة فيه كأنها جارية وقاعدة تنضغط والله يستر إذا انفجروا علينا .. |
ي على دينك وصلاتك .........الفتي نظره بالتدين ...وكانك ستتغيرين ....اقصد مثلا لو كنتي محافظه على صلاتك ...فممتاز لكن اظهري له هذا المحافظه بدون ان تذكريها ......اما اذا كنتي مهمله في صلاته ....وهذا ما اضنه ....فعودي الى الله ...فهو خير ملجا لللانسان ....
أخي العزيز ( رجل أهبل ) الحمد الله من الناحية المحافضة على الصلاه محافضه على الصلاه في وقتها وعلى اي اساس حكمت انني لست محافضه على الصلاة |
انصحك أختي صاحبة الموضوع ، اجلسي معه بنفسك مو مع أبوه ، وتناقشوا بجدية إذا في أمل ينضبط ، ولا الحياة قصيرة ..
وتفوقه في دراستك ما يضيف لك شيء ، ما يعتبر صفة مدح في الزوج ! صفات المدح في الرجل كزوج أنه يعرف حقوق زوجته ، مو أن المرأة تضيع عمرها وتتحمله عشان يحقق طموحه الشخصي ! |
اني بالصراحه ما كتبت مشكلتي في دى المنتدى الراقي الا لاني بنفجر واعتبرها منفس لي لاني ماعندي خوات وزوجي طول اليوم بلى طول السنة ما يكلمني وصديقاتي ماخدين عن زوجي فكره حلوه ماحب اشوه صورته قدام احد فالله يخليكم لاحد يستفزني بكلامه
|
الله يعينك ويوفقك وييسر امرك
للأمانة : قد يكون صراخك بوجهه قد فجر السد الذي كان يحبس التراكمات اللتي بينكم فانهمرت وطمرت اغلب حياتكم يا اختي الحياة الزوجية لابد ان يكون فيها ألفة ومودة وان كان زوجك لا يريد هذه الحياة ويريدها للنوم والانجاب فقط فأنتي تفاهمي معاه على هالموضوع لأني أشوف سنتين شئ كثير وأقل من الحد المعقول ولا يصدق زوجك متزوج بإقتناع هل كان يرغب بالزواج او فقط لإرضاء والديه ؟؟ هل هو اختارك بقناعة تامة وكاملة ؟؟ لابد من جلسة طويلة ومصارحة بينك وبينه لوضع النقاط على الحروف فهل ستستمرين هكذا 3 سنوات واربع و10 ؟؟ وشئ أخير قد يكون مصاب بالعين تحبين ان يبدو زوجك أفضل الأأزواج بنظر الناس والمجتمع الذي يعج بالمشاكل في الأزواج من سكير وعربيد وزير نساء ومدمن ومهمل ويظهر زوجك بالشكل المثالي وانة الزوج الفاضل بنظرهم فشئ أكيد بيطرحونه ^_^ |
اختي ابحثي عن الاسباب اللي خلاه بعد عنك بعد الولادة
يمكن انتي صرتي عصبيه ومكشره في وجهه ابتسمي اذا دخل عليك ادخلي عليه البهجة سولفي عن ولدك وحركاته ....... يعني لايكون سواليفك معاه كله انتقاد له واكثري من الاستغفار وهالمرحله يمر فيها اغلب المتزوجين صدقني راح تحلو حياتك بس الصبر زين |
وعليكم السلام ورحمة الله وبركاته
لفت نظري كلمة عيد زواجنا وعيد الحب أولا لايوجد مايسمى عيد زواج وإنما يقال له ذكرى يوم زواج وعيد الحب معروف حكمه ولايجوز ان نحتفل بأعياد النصارى بالنسبة لزوجك هل كان كذا بداية الزواج ؟ ولاتغير بعد فترة الحمل والولادة ؟ لإنه بعض الرجال بس يشوف منظر زوجته بالحمل مايشتهيها وتصد نفسه عنها وحتى بعد الولادة ممكن يحس بتغييير او حاجة حبوبتي شغلي سورة البقرة في البيت بشكل دائم وارقي نفسك وحافظي على الأذكار وتقربي إلى الله أكثر اختاري وقت مناسب مايكون لاعنده دراسة ولاشغل ونومي طفلك واجلسوا على رواقة مع كوفي او عصير او أي حاجة حلوة وتكلمي معاه وصارحيه باللي خاطرك فيه وبآخر كلامك بس مجرد جس نبض قوليله شرايك أروح أهلي فترة أسبوع مثلا نقاهة وعشان نشتاق لبعض وشوفي ردة فعله تفاهموا على أساسيات ماينقبل النقاش فيها الضرب ممنوع كل شي بالتفاهم يمشي وانتي حاولي ماترفعي صوتك عليه أو تستفزيه وتنكدي عليه موفقة عزيزتي والله يفرج همك |
اشكرك روح المساء على تفاعلك اني عارفه انه الاحتفال بالاعياد محرم بس على الاقل احنا ما نحتفل بدى العيد لانه بداية زواجه كان يذكرني بدى اليوم بعتبار ان كل يوم معاي هو عيد حب بذاته والرجال اني تنقاشت معاه بدل المره الف وما عصبت بكل هدوء حتى اخر نقاش لنا نيمت الولد وسويت له حلى يحبه ورحت له المجلس اني ابي اكلمه واتنقاش معاه وقلت له انه صعبان علي سنتين ينام على كنب وقلت له انت نام على السرير واني بنام على الكنب قالي لا خليك مع ولدك يمكن يصحى الليل ما يلاقيك وقلت له اذا انا زعلتك او صدر مني شي يظايقك اني من زمان ساكته ومتحمله وكل مره اوجد لك عذر كل يوم انام لوحدي والمخده الي جنبي فاضيه الى متى بنعيش كذا سنتين انا لا متزوجه ولا مطلقه مخليني معلقه لا الك ولا لغيرك اذا كنت ماتحبني ولا ترغب في العيش معاي خلاص خلنا ننفصل لاني تعبت نفسيا تعبت اكابر وتعبت اجامل وفي النهايه المحبه من الله كل واحد يشوف حاله انت بعد يمكن ترتبط في وحده تحبها وتحبك ... طبعا يصغي الى كلامي وساكت ما رد علي فالنهاية طلبت منه ننفصل قال لي على راحتش يعني عادي عنده ننفصل وهو الحين مسافر سفر عمل بعد كم اسبوع طبعا الله الشاهد علي سمعت من اخته التقيت وياها وسالتني كيف بيكون وضعي مع العمل لو سافرت !!!!! اني مستنكره اي سفر قالت لي مو اخوي بيسافر تبع عمله اني انصدمت ماعرفت وش اقول لها مافتحت معاه الموضوع قلت قلت يمكن بعدين يقول لي ولا تكلم اخر شي سالته قال ايه بسافر يمكن سنتين ويمكن اكثر اذا بتروحي بيت اهلش والمصروف بحول لك على حسابك ... واني خلال دي الفتره ابي موضوعي معاه يخلص قبل ما يسافر لاني ماني قادره اوصل الى قرار العشره الي بينا ما تهاون علي وبيني وبينه شي اكبر من العشره بينا ولد من صغره ينشأ بعيد عن امه وأبوه في نفس الوقت ماقدر استمر معاه لانه جرحني جرح واتوقع الكل يتفهم لمن الزوجه زوجها يهجرها وش يكون شعورها خصوصا لمن اطلع واشوف احد ماسك يد زوجته او يلعبون عيالهم مع بعض واني لوحدي مع ولدي الغصه تقتلني الرجال تاركني حتى اكله من المطعم اشتاق له والله قبل ما أغسل ملابسه احضن ملابسه اشم ريحة عطره وهو لا معبرني ... وسؤالك هل هو اختارني بنفسه ... نعم اختارني بنفسه ماحد فرضني عليه لاني ما اقرب له وهو الي قال الى اهله اني ابي البنت الفلانيه واني اتوقع زي ماقلت مصاب بعين لانه كان عكس كذا تماماً من ولدت وهو بدأ يتغير اني ما اتكلم مع امه لانه دائما عندها اعيالها على حق ومدلعتهم تخاف عليهم من نسمة الهوا ابوه يمكن يتفهم اكثر تكلمت معاه والرجال حس بالذنب انه ما ربى ولده عدل ولا وجها عدل لانه اذا صدر من ولده شي يأذي أحد فالخطا منه هو ومحاسب عليه يوم القيامه وارتفع ضغطه فما احب افتح وياه الموضوع مررره ثانيه
|
ترى هل هذا الزوج يعي ما يفعلة من لا مبالاة مع زوجته
الم يجلس مع نفسه دقيقة واحدة وواجهها بما يجري حوله تبارك الله انه ناجح في دراسته وعملة بالمقابل الا يستطيع ان يقدم لزوجته ادنى اهتمام ماذا اذا حملت الزوجة وماذا اذا تغير جسمه الا يقدس هذا الزوج او اي زوج عظمة الخالق المتجسدة في الروح البريئة التي خلقت في رحم المراة لماذا هذه التفاهة ؟؟؟؟؟؟؟؟؟ الم يتغير شكل امه وحجمها عند انجابها له ؟؟؟؟؟؟ متى يفيق الرجال ان المراة جد حساسة تحب من يهتم بها ..تريد من تلفت نظره والزوج هنا هو كل ما تريد والعاطفة جياشة بداخل الانثى تغزو عليها غريزة الامومة لكن حب الرجل وعشق الرجل لها هو ما يسعد قلبها ويريح انفاسها سيدي الرجل ان كانت زوجتك صامدة ليس معناه انها ستصمد العمر كله ..وان صمدت هاته المراة تاكد ان الاخرى لن تصمد فكر ايها الرجل مليون مرة قبل ان تفكر في اهمال زوجتك فما ستجني باهمالك الا التعاسة والحزن او الدمار الشامل للعائلة فكر مليون مرة في اولادك قبل ان تفكر مرة واحدة في نفسك رجل اهبل اعجبني جدا ردك في موضوع سابق ..لكن هنا جعلتني افكر انك حقا رجل اهبل اعذرني اخي على صراحتي المخلوقة ما قصرت ابدا هو الي مقصر ولا يعلم او مقصر ويعلم اختي واجهيه |
اقتباس:
بالعكس يا اختي هذا امر غريب مايمر به اكثر المتزوجين اكثر المتزوجين بعد فترة النفاس كانهم في اول ليلة زفاف ويتجدد عرسهم هذه الليله ابحثي رعاك الله عن الاسباب التي غيرته ربما انه يعاني من شئ لا سمح الله (عين او حسد ) اجلسي معه جلسة مصارحه واذا لم تنفع اكتبي له مابداخلك واطلبي منه ان يكتب لك اسباب هجره لك وقولي له صبرت سنه واكثر لكن ربما لن اصمد ....اما امساك بمعروف او تسريح باحسان اسال الله العظيم ان يصلح لك زوجك ويرده اليك ردا جميلا وان يرزقك الصبر ويعينك |
اللي تمرين فيه شعور صعب فعلا وحاسة فيك والله
اقتباس:
أبيك تنفذين اللي قلته من ناحية القرآن والرقية والأذكار خليها روتين دائما وأخلصي النية لله عن أنس بن مالك رضي الله عنه عن النبي صلى الله عليه وسلم فيما يرويه عن ربه عز وجل، قال: ((إذا تقرب العبد إلي شبراً تقربت إليه ذراعاً، وإذا تقرب إلي ذراعاً تقربت منه باعاً، وإذا أتاني يمشي أتيته هرولة)) رواه البخاري. تقربي إلى الله أكثر وإذا عندك ذنوب جاهدي نفسك على تركها عشان تشوفين النتيجة على نفسك ومن حولك انا خاطري أقول كلمة ويمكن تكون غلط واكون ظلمت زوجك يعني ممكن يكون على علاقة مع أخرى لاقدر الله مثلا لاحظتي فيه تغيير بتصرفاته يعني الجوال مثلا من قريب حط له باسوورد قعدة النت تطوول طلعاته ولاشي انتبهتي عليه أتمنى يكون كلامي غلط بس الله يوفقك ويفرج همك |
مشكوره روح المساء على النصائح الجميله اني دائما وقت الاذان ارفع على صوت التلفزيون لانه يطرد الشياطين ومن ناحية انه يعرف وحده ثانية كنت شاكه وكنت ابحث وراه في جواله في النت في محفظته مالقيت عليه شي شفت مرره يكلم وحده صديقتي على الببي بس كان يطلب منها اوراق من البنك لانها موظفه بنك بس قال لي بالصراحه من غير اني ما اكتشف بنفسي ورقمها اني عطيته وياه لانه لو احتاجني ضروري هي دائما معاي بس ما شكيت انه معاها على علاقه ولا واحد بالميه وما اتوقع انه له علاقه مع احد
|
اختي الكريمة قبل ان تتخذي أي قرار او جلسة مصارحة وحوار جديد مع زوجك
جربي الرقية الشرعية من العين والحسد وشوفي النتيجة اذا لاحظتي تغير فالحمد لله لكني اشك بالعين والحسد فإنها تحصل كثيراً خصوصاً ان من ترزق بزوج صالح يحبها ويدللها أصبح شئ قليل في هذا الوقت فتكثر العيون حولها بالتوفيق ان شاء الله |
سمعي ..
يمكن انك جرحتيه بكلمه وانت ماتدرين او بموقف وشال بخاطره راجعي نفسك .... وبعدين مسأله الضرب لاتسكتين عليها علمي اهلك وابوك او اخوانك لان الرجال اذا بدء يضرب وسكتت الزوجه ولا علمت احد راح يتمادي وطحين من عينه وراح بالطالعه والنازله يضربك |
اللله يكون في عونك ويصبرك عليه بس ماللصبر محل اقدمي على خطوه جديه في الموضوع هاجرك معناه مايبيكي والله اعلم000
|
مااقدر اقول غير الله يكون بعووووووونك امييييييييييين يارب
|
| الساعة الآن 07:31 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©