|
زوج اختي ماحدد الزواج
السلام عليكم ورحمة الله وبركاته كيفكم اخواني اخواتي اتمني انكم تكونوا بخير ومرتاحيين حبيت انكم تساعدوني بمشكلة اختي اختي متملكه لها 6 شهور والولد بداية الملكه قايل الزواج بشهر سبعه بس لحد الحين ماحدد لنا تاريخ زواج ولا حتى حدد لنا اذا هو صغير او كبير يعني ماندري اذا بيكون بسبعه او خلاص ناجله لبعد العيد مره ضايعيين وتايهيين واختي تقول مستحية احكي معه او اساله متى تبي الزواج بس اختي بينت له حدد موعد الزواج مو شرط بسبعه عادي لو تاخره بس اهم شي ان حنا نكون واضحيين لمحت من هالحكي بس ماحكته كذا بوجهه واتوقع ماينفع معاه التلميح والله اني ارحمها اذا سالوها اهلي حدد الولد ولا لا انتم تعرفون لازم يحدد لان البنت وراها امور لازم تسويها قبل وهي ماتبي تبدي بشي الا اذا اعرفت هي وش عليه ابيكم تساعدونا بالحلول والله يجعله في موازيين حسناتكم |
معليش ياختي اول مره اسمع انهم يتملكون من غير مايحددو الزواج
هالامور مالها دخل اختك,, ابوك او احد من اخوانك يتكلم معه متى موعد الزواج عشان نكتب الجوابات ونعزم ولا انتو عاداتكم غير..؟ هالامور بين الرجال واضحه مافيها مدري او يمكن,, بعدين الرجال قال الزواج شهر 7 طيب حجز القاعه ولا كذا قال يبيها بشهر 7 لان لو حجز بيدفع عربون ويحدد التاريخ ويقلكم |
شهر سبعه قريييب مره , الله يكون بعونها وييسر أمرها يا رب
اذا فيه ابوتس او اخوتس يكلمونه وهم الرجال يحددون الموعد خلو واحد من الرجال يكلمه هالامر مافيه حياء البنت عندها اشياء لازم تخلصها والوقت قرب مره الله يوفقها يا رب ويكون بعونها |
مشكوريين للي ردوا احنا عندنا يحدد الوقت اللي يبيه بس التاريخ والامور هذي بين الولد والبنت وابوي مايبي يكلمه ومن هالحكي لانو بجد مو حلوه بحق اختي بيقول ليه انتي ماحكيتي ليه تخلين اهلك يحكون هو المفروض انه يحدد علشان يحجز القاعه اذا يبي زواج ومنها اختي تخلص اغراضها ماادري والله عنهم وعن طبعهم وبصراحه مررره بارديين يتوقعون انو البنت ماوراها حجوزات وانو كل شي ع كيفها واالله مدري حتى امه ماحكت لامي اي شي ولا حتى هو حكي |
قد يكون الزوج خجولاً جد ولا يستطيع ان يحدد التاريخ خوفاً من ان تصادف يوم عادتها الشهريه
لماذا لا تفاتحه اختك بهذا الموضوع ؟! * |
هذا الموضوع خاص بالرجال فقط |
الرجال اللي يحددون مو البنت خلي ابوكي او اخوكي يسالونه مرررررررره عااادي وهذا المفروض
|
مشكورين للي ردوا
اولا خلاص هو بين لاهلي انو الزواج يبيه بشهر سبعه وانهم راح يحددون التاريخ مع بعض بس هو مو خجول ولا شي بالعكس هو قال لها بعد الشبكه بحدد الزواج سوينا الشبكه وقمنا فيها وكل شي ولاحدد الزواج هو يحب أختي واي شي تبيه أختي يسويه لها ماشاءالله واختي بينت له ان اهلي يبون يحددون ويعرفون هم شنو عليه بس أبدا موفاهم واحنا مو من النوع اللي نتشرط من البدايه نبي زواج وكذا بالعكس مريحينه وأبوي رفض يكلمه علشان مايحرج الولد وبعدين الولد بيعصب ع اختي بيقول ليه ماحكيتي معليش إحنا عادي لو يخليه بعد سنه بس اهم شي يعطينا تاريخ نعرف حنا شنو عليه ومشكوررين لكل اللي رد إخواني بما أنكم رجال تكفون ساعدوني برايكم |
اقتباس:
وتدرين لو قلتيلنا من البدايه انه يحبها ويحب هالامور هي الي تبيها كان قلنا كيف تناقشو باسلوب حلو والله يتمملها على خير امرينا احنا بالخدمه نساعدك باي رأي..؟ |
انا اختي هالفتره صايره عصبيه ومضغوطه من دراسه ومن هي مو عارفه هي شنو عليه
هي تقول. ماابي اضغط عليه عن اختي قالت له ومسهله له امور كثيره لدرجه الولد يقول كنت متوقع تتشرطين وتطلبين وتحطين يس اختي اي شي تبيه تقوله لابوي وبيسويه لها بدون ماتطلب وتتعب ولد الناس طيب ورآهم أجار شقه اذا يبي زواج لازم قاعه وفرقه عن اختي قالت له ماابي زواج بس هو مصر يقول هذي فرحتك يعني هو اللي مصعب ع نفسه الامور اختي مررره مريحته وتعبت وهي تلمح له انو بس تبس تعرف اذا الزواج بشهر سبعه ولا بعد العيد ولا بعد سنه خاصه ان إحنا ورانا ضغوطات كثيره |
اقتباس:
بصراحه ماشالله عليكم تستاهلو كل خير وهذي اخلاقكم ومريحين الولد بس برضو امسك العصا من الوسط لاترخون له مره ولاتششدو عليه مره دام هذي علاقتهم مع بعض ياختي وهذي اخلاقكم العاليه ماشالله,, لو هالكلام الي ذكرتيه لنا ببداية موضوعك وتخلي اختك تنسخه له , انتظرو ساعه ويمكن يحددلكم الوقت والدقيقه كمان :d بالعكس دام الولد شاريها ومهتم لفرحها ويبي يسوي فرح لاجلها تقوله بكل دلع حبيبي في موضوع شاغلني بس ابيك تقولي الي ببالك والي تبيه وانا تحت امرك بقدر ضروفك وبقدر كل الي بيشغلك وبقدر كل الي تبيه ويريحك ,,, بيقول خير ايش هوا وترسله هالمشكله الي كتبتيها وتقوله بس هذا الي شاغلني ,, وشاغلني لان ورايا حجوزات وماني عارفه من وين ابتدي وبمعنى اصح تايهه ومن غير لاتلميح ولاهم يحزنون تقولها بصريح العباره مثل الي قلتلك فوق خليها تقوله كذا ,, والنتيجه بيقولها يا عالموعد المحدد او ياجله من اجل كذا وكذا اما الحياء الزايد بها الامور تخلي الانسان بدوامه, ويمكن هو يحس ويقول ليش مو مهتمه بفرحها وماتسئلني متى ولاتبي تسمع مني ليش ماحدد ؟ لاتستغربي تفكيرنا :) عندك المواضيع بالقسم هذا وتبينلك افكار اشكال والوان |
مشكوررين لكل اللي ردوا
اختي فهمت زوجها وكلمته وقالت له انو هي مضغوطه هو يتوقع ان البنت ماتنضغط ولا حتي تشيل هم قالت له شوف حبيبي اذا ماتقدر ان الزواج بيكون بشهر سبعه عادي اخليه بعد العيد صحيح أني ادرس بس راح أحاول اضبط وضعي علشان ماتنضغط اكثر وقالت اهلي انا بفهمهم أني ابي الزواج بعد العيد وأهلي يدورون راحتي وماراح اقولهم عن ظروفك والزواج ماله داعي نسوي زواج كبير الزواج بيكون في بيتنا بما انو بيتنا كبير ونقدر نقلبه ونخليه قاعه وانت بس تستاجر قاعة الرجال وفي البيت يجون امك وخواتك الزواج الكبير مو مقياس انو حنا نكون سعيدين فيه وقالت له انو هي فرحتي سوا كبير او صغير لان انا العروس واهم شي اهلي وأهلك معنا ومبسوطين ماحكي شي ولا قال شي ولا حتي طمنها المفروض اهله يفهمونها ان البنت تنضغط وراها اشيا كثيره إحنا كنا نفهم إخواني ونعلمهم مشكوريين لكل اللي ردوا جعله الله في موازيين حسناتكم |
اقتباس:
هل زوج اختك اخبرها الى اين سيقضو فيه شهر العسل ؟ هل حجز تذاكر السفر ؟ هل حجز فنادق ؟ اذا كانت الاجابه نعم , فقد حدد زوجها التاريخ ولكن لم يخبرها , اختك يجب عليه ان تقول له ( متى الزواج وبس وانتهى الموضوع ) ؟ |
لا سألها بداية الملكه وين تبين قالت له اللي تبي واللي تقدر عليه
لكن ماحجز شي لاتذاكر ولا فنادق ولا شي حتي الجواز ماطلب انها تجهزه حتي الشقه ماحجزها ولاقام يبحث او يدور وين يسكنون تكفون ساعدوني |
حبيبتي معليش ؟!
خلي اختك تنتبه من تنازلاتها هاذي احيانا تكون في غير محلها دام هو مافتح الموضوع ليش تتنازل عن الفرح؟ حتى هو نفسه ماطلب يتأجل الزواج لحظة ..مو واضحة عندي كيف الزواج يكون في بيتكم ؟! تكاليف الزواج مو على العريس وأ÷له كيف أختك تبغى تحطه في بيتكم وحتى ماشاورت ابوها ولا قالت لأمها؟! |
اقتباس:
اعتقد ان اطباع هل الزوج تختلف عن اطباعكم , لاتشيلي هم اكبر من حجمه ببساطه اهلك يحددو التاريخ ويخبرو الزوج , ( مافيها حرج ولا زعل الوضع طبيعي جدا ) كثير من الاهالي , اهل الزوجه هم من يقومو بتحديد تاريخ الزفاف , فلا تخافي ولاتحزني اخبري والدك بالتاريخ المناسب لك وتوكلي على الله |
اختي هي قبل ماتنازلت عن الفرح الا باسباب عندها وبخصوص تأجيل الفرح
ماراح يضرها ان شاءالله خاصه انو بيكون نهاية شهر سبعه الزواج لو صار مثلا وبخصوص انها ماشاورت لاهلي أكيد اهلي عندهم خبر بكل شي وأهلي اهم شي راحة اختي واحنا عندنا طبع انو لو صار زواج كبير إحنا نتكفل بزواج قسم الحريم بما انو اختي راح تنزف وأبوي مايخالفنا باي شي نسويه واختي فهمت زوجها هالشي الحين مو مهم تسوي كبير صغير لا المهم نبي نحدده ونريح لو يكون بعد سنه اهم شي يتحدد الزواج وتعرف اختي تحجز وتختار وتسوي فهمتوا علي * |
اقتباس:
طيب دامه مصر على الزواج خلوه يفرح بعرسه يبغى يخليه بقاعة وينبسط ويجونه اصحابه واختك مصممه إلا زواج مختصر؟! لو طلب منها زواج مختصر واختك قالت ابشر باللي يسرك هنآ نقول إنها كفو ومراعية زوجها بس لا والله ماطلب ولا شيء وليش تلمح؟.. بسيطه تسأله الزواج متى؟؟ إذا قال ماحددت تسأله ليش؟ ويعلمها .. وإذا ماجاوب لا تخليه حتى يعلمها تقول له انا وراي تجهيزات وابغى اسويها من بدري.. |
هو مو قصة تتعب أبوها ومن هالحكي
اختي تبي زواج الحريم مختصر بكيفه يبي يكبر زواج الرجال بكيف يكبره بش إحنا خسرانين خسرانيين سوا صغير او كبير واختي تقول انا مو يم الناس أبدا في ذاك اليوم ابي امي وأهلي حولي وقريبين مني وبعدين اختي ماتسوي شي الا بإذن من امي وأبوي وهم راضيين بهالشي واختي مامنعته انه يفرح ويسوي له زواج اختي تقصد زواج الحريم وصعبه اختي تحكي له كثير متي الزواج ومن هالحكي اختي بس تبي تعرف علشان تسوي فستان الزواج تعرفون صعبه تسويه وتخسر وهو ماحدده هو متوقع ان البنت ماتنضغط وان كل شي سهل ومافيه تعب فهمتوا علي يعني لها 6 شهور وهي تلمح وفتحت معاه الموضوع وانتم شفتوا ماطمنها ولا حكي لها شي |
سوري حبيبتي عآداتكم تختلف تمآمآ عنا عشان كذا مستغربة اعذريني ^_^
حآولي تطمنينهآ وتكوني قريبة منهـآ الله يفرجهــآ على اختك وييسر زوآجها يارب ويكون من أروع مآيكون |
اختي سما وكل اللي ردوا مرره مشكوريين
وجعلها في موازيين حسناتكم وعاتي والعادات تختلف من مجتمع الي مجتمع واحنا طبعنا الوالد اللي يسويه للولد لازم يسويه للبنت المهم جيت لكم بخبر يقهر ويفقع المراره دق الاخ وقال لاختي انه بيسافر دبي لمدة اربع ايام وقت الاجازه قالت له اختي فيه امور تسويها اهم من انك تسافر طبعا اختي قفلت منه لانها انقهرت انو مومهتم بهالشي |
طب وين المشكله انها تسأله مباشرة متى الزواج ؟
ليه احس انكم مكبرين السالفه وهي ماتسوى سؤال طبيعي وين الاحراج فيه !!!!!!!!! |
انتبهي إنها لا تغلط نفس غلطتي
كنت مثلها اسكت و ما أتكلم وووو إلخ ، أهله و هو بدل ما يقدروا الشي هدا شافوه إني مجبرة و إني و إني و إني الدليل ، شوفيه بكل استهتار بيسافر لدبي .. |
إحنا موقصة مكبرين الموضوع بس الأصول انه يحدد كل شي
مو يسوي هالشي وهالحركات انا قلته لاختي وان شاءالله ربي يعيين |
والله ماتنلاااام من العصبية ,’~
انااا ادهى منهااا زواجي بعد اسبوعين ومأدري بيتم او ينتهي او يتأجل ’,~ وكروت الدعوة باقي مأرسلها العريس وعذره حتى يشوف ظروفه المادية’,~ والنااااس أكلتنااا بالاسئلة واحنا نتعذر يمين ويسار مانبي نعلن حتى نعرف المصير ’,~ الحمدلله ع كل حاااال ’,~ ومثل ماقالوا الأخوان السؤال بين الرجال افضل بكثيييييييييييير من انهاا هي تسأله ؟؟!! والله يصبرنااا ويكتب لنا الخير |
الله يعينك ان شاءالله كل شي يتحدد وان شاءالله زواجك
يتم تفائلي بالخير وبأذن الله ربي بيسر لك أمورك وحاولي تكلمينه يوم قرب الزواج فكرت بحالتك المادية قولي له انا حاجزه اشغالي وكلها دافعه عربون الله يساعدكم يارب ويريحكم يارب |
السلام عليكم ورحمة الله وبركاته
1000 مبروك ع زواج أختك والله يتمم لهم ع خير ..~ أختي شغل التلميح مع الرجال ماينفع لأن في بيئة الرجال مافيها تلميح كل كلامهم صريح يعني متعودين مع بعضهم ع الصراحه وهذي حياه جديده يعني تختلف كلياً عن حياته قبل وماعنده خبره في هالأمور :d لازم تعطيه العلم ع بلاطه سيراميك ياباني :22: خليها تتكلم معاهـ دام إنك تقولين عاداتكم أن يوم الزواج يحدده الرجل و زوجته هذا شي من حقها مثلاً قولي لأختك تقول لزوجها سالفه مثل " والله اليوم رحت السوق وشفت فستان الزفه بس ترددت أخذه لأني ماعرف موعد الزواج و الزفه متى و خفت ينزل موديل جديد " يعني تلميحه يتبعها سؤال صريح وتلحقها بعذر :22: :18: و إن شاء الله يجونك بنات يفهمونك أحسن مني بالتوفيق / |
اخوي عاشق مررره شكرًا
ويعطيك العافيه اختي الحين جالسه تشجع نفسها انها تساله وتكون صريحه معاه وتبعد الحاله عنها والله يكتب اللي فيه الخير يارب |
| الساعة الآن 09:08 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©