|
شيروا علي الله يخليكم // زوجي خاين
عليكم ورحمه الله وبركاته
الى من يستطيع حل مشكلتي انا لي سنه متزوجه وبيني وبين زوجي عشر سنين زوجي يحبني واحبه حنون وعطوف ويخاف ربه ويصلي لكن مشكلته اني من فتره اكتشفت يكلم بنتين بالتلفون ولما واجهته جلس يتأسف ويطلب اني مازعل عليه ولا اتركه واخذني وطلعني وغداني بمطعم وانا كنت بحاله انهيار مو مصدقه فطلبت منه اذا يبيني ويبغى يستمر معي ينفذ شروطي قال اللي تبين بسويه قلت اول شي تحذف ارقامهم وتغير رقمك وتخذف رقم صديقك الحقير ( هذا له سالفه كمان) فوافق وفعلا حجب ارقامهم قدامي ومسح كل الرسايل اللي عنده وقال هذا جوالي قدامك كل يوم شوفيه وفتشيه واذا تبيني اكلمهن الحين قدامك وامرمطهن انا مستعد فخفت عليه منهم فقلت لا لاتكلمهم ورقمي يبيله وقت علشان اغيره لان الناس يعرفوونه فلازم انتظر شوي وطلعلي اعذار مالها أول وان رقمه مميز وماراح القي مثله ومن هالحكي طبعا تبريره لي انهم هم هذولي البنات اللي متسلطين عليه وان صديقه الحقير طلب منه يكلم وحده من هالبنت لانها كانت على علاقه بصديقه وانه بيصلح بينهم لانهم متهاوشين طبعا صديقه متزوج وعنده أطفال معروف عنه انه لعاب ونصاب وحرامي ياكل اموال الناس بالباطل ويخوون زوجته مع نساء وانا ماتبلاه لكن هذا اللي عرفته عنه من كلام زوجي وكلام أهله كمان يعررفونه زين المشكله ان فيه وحده غير حبيبه صديقه ع قوله اكتشفت من يومين انه للحين يكلمها وفك الحجب عنها لاني انا حافظه رقمها زين مشكلتي كيف اواجه افكر اخذ شناطي وروح بيت اهلي او اصارحه بهدوء واتكلم معه برويه من دون ماطلع من البيت شرايكم ؟؟ أسفه جدا ع الاطاله السلام |
وعليكم السلام والرحمه
لاحول ولاقوه الا بالله ، لاتطلعي ولا شى صارحيه وفهميه ان هذا الشى انك مو راضيه عليه زي ما هو مايرضى عليك بالشئ هذا بعيد عنك ، وعلميه ان إلى تسويه غلط وخوذي منه وعد انه مايسوى هالشئ والله يصلح شانه ويوفقكم ويتمم عليكم |
للقسم الانسب
|
"اكلمهن الحين قدامك وامرمطهن "
ياااحمشش!! واجهييه ي حبيبتي واجهيييه روحتك لبيت اهلك ماراح تفيدك بشي انتي حافظه رقمها اطلبي منه يتصل بهالرقم وانتي مموجوده |
من جد ...مللك داعي ...................
ضحك عليكي ...............ومسح ارقامهم ................عادي ...ياخذ الفاتوره ويشوف ارقامهم ...ههههه قال يمرمطهم قدامي ......................اذا هم قليلات حيا ...على باللك الوحد منهم عندها كرامه ...لو زعلها بتزعل ...هذولي بلاستك .....ماياثر فيهم الا النار ههههههههه واذا ودك تشيلي شناطك لهللك فاحسن ...له .....هو بينسط ................بيكلم على كيفه ...ويمكن يطلعهم ....صار عنده الان كرت عايله ....ههههههههه...................ونت اخرتك تردين وكلمتين ....وعلى قولتك مطعم واكل وبتسلين هههههه جينا للجد وهذا رايي انتي السبب ....................اي حب واي بطيخ وتتركي زوجك يلعب بالعواطف مع بنات غريبات لا تمسحي ارقامهن من جواله بل امسهين من قلبه وعقله ....................والجوال ومسحه ياتي تلقائي .... طوري نفسك العيب فيكي انتي ....صدقيني ................هناك شيء ينقصكي ...هو وجده عندهم .............اهتمي في زوجك ..........وحبيه ..................فاذا استطاعت امراه بكلمات في هاتف ان تاخذه منكي ............................فانتي فاشله ............هي احسن منك ..............هي رمنسيه اكثر منك تعرف تتكلم وتغازل وتحب وتكره وتسولف وتجامل وتمدح ...................ونت ...مسكينه ....!! الحل عندك والمشكله مشكلتك ..................فحليها ................والهروووب ليس حل بل انهزام ................................. اعتذر لكن هذا رايي |
اقتباس:
واذا كانت ماهي مقصره معاه بكل شي بس حب الممنوع والحرام عنده طاغي وش تسوي بهالحاله بقول رأيي الشخصي وبحط نفسي مكانك بس ماتحمل اي مسؤليه من اللي تسوينه بناءً على رأيي لو مكانك ماستنى ولا دقيقه ولا اشاور ولا مخلوق على طوووووول انفجر فيه واطلع كل حرتي مادام اني متأكده انه شاريني معناته بيتحمل اي شي يصدر مني من تصرافاته الطايشه وراح اطيش عليه واخليه يعرف مين انا ومين الوسخه اللي يكلمها المهم ما اكتم بنفسي شي على اغلاطه (ليه اتحمل وليه اكتم اصلا على شي حرام هو يسويه) همسه في الايام العاديه والجايه ان شاء الله اتصلي على زوجك كل شويه وبيني له حبك له وهايطي عليه من الكلام المعسول لين ينسى نفسه لو مالك خلق تحملي ولو تكون المكالمه اقل من دقيقه بس كلام مشفر (بيعجبه) وانتبهي تكون اغلب اتصالاتك بس عشان الطلبات حبه حبه ينسى الوسخات ويعرف ان عنده درة تلبي كل نزواته واخيرا الله يسخره لك على الخير يارب |
اقتباس:
لكن المشكله يأختي انك رضيتي بسرعه !! للأسف كأنك لم تحسسيه بخطأه ,, المهم واجهيه قولي اتصل عالرقم هذا وهذا مو محجوب عندك ومو كل مره يسلم فيه شي اسمه حد وذكريه هل يرضى احد يكلمك ؟ او يكلم اخواته ؟ من طق باب الناس طقو بابه بالتوفيق |
لو انا بقلب الدنيا فوق راسه واروح بيت اهلي واخليه يتربى بيروح يطلع معاهم
خليه يطلع وقت مايطفش بيرجع واعرف كيف امرمطه زيييييييين ويتادب |
أخي الكريم رجل ليس أهبل
ترى بديت شوي تخورها كل موضوع فيه رجل خاين , يكون السبب زوجته!! طيب العكس يصير و الحل مع العكس يصير اتقي الله لا و يقولون يا معشر الحريم فيكم عنصرية !!! |
باختصار خليك ذكية
هذي حياتك وهذا زوجك ولو تركتيه لهن مارح يرجع لك ولو رجع رح يرجع لك جسم بدون روح الساقطات دواهن اغراق زوجك بما يفتقده انتي زوجته وتعلمين مايحب ومايكره وما ينقصك انتي العفيفه ولا يمكن يقارنك فيهن ابد ولكنها نزوة* لها سبب فابحثي عن السبب وداويه صح اللي يسلك هذا الطريق مايملى عينه الا التراب(تكرمون) ولكن في اعتقادي المتواضع زوجك ليس منهم فهو لازال على الشاطئ لا تدفعينه بيدك لداخل ظلمات بحرهن ولا تتري امواجهن تستميله وتداعبه حتى يغرق خليك ذكية و ارجعيه لحدودك .. فما لا يدرك جله لا يترك كله ذكريه بالعفه وانك عفافه وهو عفافك واياك ومراوغته بالانتقام |
ياسلام يارجل اهبل
يعني انا ناقصني مع زوجي كلام حب وكلام رومنسي وطغا علينا روتين الحياه اروح اكلم وهو الغلطان فاشل ماطور نفسه وصار مثل المغزلجيه صح يعني هذا اللي تبغى توصله لنا ؟ اختي زوجك بس يتسلى بس انتي شوفي وش يوجع زوجك اكثر خوفه من الله وان الزمان دوار والا خوفه من الناس والفضيحه والا انه يخسرك والعبي على هذا الاساس وامسكيه من يده اللي توجعه |
اختي الغالية
هذا زوجك (((((( زوجك )))))) , ولا تملكون من العشرة سوى سنه فلا تستعجلي بقراراتك تذكري انه انسان ومازال الشيطان على قيد الحياة , فكري لو كنتي انتي مكانه ماذا سيكون التصرف , فكري دائما بالانسانية ولاتفكرين ابدا بشيء اخر , فكرة بعلاقتكم فكري بايجابياته فكري بااخلاقة واولا واخيرا صلاته وعلاقته بربه , كلنا مقصرين , لكل باب مفتاح ابحثي عن مفتاح زوجك تذكري لوكانت الزوجة لزوجها أُماً اصبح له عبداً , لاتفكري بالرحيل من اتفه الاسباب , دائما فكري كيف تحافظين على بيتك دائما فكري كيف تصونين نفسك بيتك فكري دائما كيف تجعلينه لايرى سواكِ في هذا الكوكب . اختي الغالية تذكري صلاة الليل تذكري كثرة الاستغفار تذكري هناك رب عظيم رب جل في علاهـ لا يظلم ولا يطغى . لي صديق متزوج وكان مدخن وكان دائما بالمولات , تزوج ولم يعد يدخن ولم يعد يرى سوى زوجته بهذه الحياه اللهم سخرهم لبعضهم حتى الممات وارزقهم يارب , فكري دائما كيف تحافظين عليه وتكونين له ويكون لكِ وحدك لا لغيرك :) |
سبحان الله كل ما جات وحدة تشتكي من زوجها الخاين اتهمتوها بالتقصيرفي حق زوجها
حتى لو بينت اعترافه هو شخصيا بأنها زوجة مثالية |
السلآم علييكم
شووفي حبيبتي انا من وجهة نظري انك تسكتين عنه فتره بس بنفس الوقت لاتغفلين عنه , وانا عندي طريقه سامعتها من قريبه لي كان تعاني من خيانة زوجها لها وجربت الطريقه ونفعت معاها الطريقه انك تخلينه يششك فيه يعني مثلا تسوين روحك تكلمين او مايدخل تقفلين ع طول , او مثلا ع اللابتوب اول مايجي قفليه , سآعتها اهو بينسى البنات والربع وكل شي بيتم يلاحقك ويركض وراك بيشوف انتي مع من تخوننينه وبعدها لما يحترم نفسه ومايخونك , تسوين طرق ايجابيه ترجعين ثقته فييك ومنها بيتأدب ان شااؤ الله نصيحه لك :/ اذا كان لك القدره تسوينها وحاسه نفسك قويه مو مشكله بس اذا مالك قدره ابعدي عنها الله يسخره لك يآآررب |
أختي/أخي : لا أملك ظل
مو كل واحد ييصلي الخمس اخلآقه عاليه ومآآيخون نآسس كثير ماتشوفينهم الا بالمسآجد يتعبدون والصلاة ع النبي صلى الله عليه وسلم ماتروح من لسانه بس كل هذا شكل وريااء وسمعه , بعدها تسمعين من اقرب الناس له الهوايل عنه , لاييغرونك حبيبتي ! اسمعيني ياصاحبةة المشكله :/ مشكلك يبغى لها ذكآء وصببر اذا كنت تحبينه اما اذا كنتِ ماتحبينه فما انصحك تتعبين نفسك وبما انك بدايةة الطريق تقدرين تختارين اللي يناسبك .. |
اقتباس:
|
شكراً لكل من وجهني بكلمه راقيه وجزاكم الله ألف خير
(أسال الله ان يصلح مابيننا وبين كل زوجين) |
أغلب الرجال يتعرفون على بنات إلا من رحم ربي، الله يعينك على حياتك
|
| الساعة الآن 02:44 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©