|
هل ادعي عليهم او اقاطعهم
السلام عليكم
انا قربت انجن رغم اني ولله الحمد متدينه وملتزمه اخواني يتهزون فيني ويلقبوني بابشع الالقاب ويسخرون مني رغم انهم كبار بال50 وال40 وامي مقعدة وماتدافع عني ولابكلمه لانها من النوع اللي يقدر الرجال ويفضلهم علي البنات الي جانب مرضها الوالد متوفي الله يرحمه ولاعمرة انصفني حتي وانا طفله لما اجي اشكيله من اخوي الصغير اللي امي تحبه اللي الان وتفضله علي حتي بعد ماتزوج يقول روحي عند امك انا تعذبت كثير وتعبت كثير وجتني اهانات من اقرب الناس لي حتي من عيال اختي اللي حبيتهم واحد منهم شتمني برساله وعايرني اني ماتزوجت الي الان انا عمري 33 او حولها حسبي الله ونعم الوكيل انا عارفه ان هالشي نصيب والحمدلله لاينقصني جمال ولا اخلاق بس مالي نصيب ولاواحد من اللي تقدموا ناسبني وبعد ال30 مايجي الا المتزوج وانا مابغا من جرف لدحديرة ابغا ارتاح تعبت من حياتي اللي ربع عمري بنات اختي تزوجوا وبنت خالتي بدايات ال20 وانا مازلت انسه عندي حسد معطل زواجي عالاغلب رغم اني اقرا البقرة والرقيه ايش تنصحوني اتصرف مع اخواني اقاطعهم ولا كيف دعواتكم لي |
الله يعينك اختي تاثرت بقصتك كثيرا
لكن ثقي ان الله معك وسياتي يوم تفرحين بتاخرك وترين فيه الخيره ,,, |
والله ياختي طنشي اسمعي من اذن وطلعي من الثانيه اللي يبي يتكلم بكيفه في النهايه هم التعبانين من جد لاتعليق اخوانك وكذا وش خلو للي برا مدري الصراحه هو جهل ولاعدم وعي من بعض الناس لمساله الزواج هذا شي نصيب مقدر ومكتوب الواحد مايدري وين الخير الله يكون في عونك ويصبرك عليهم ويرزقك بالزوج الصالح000
|
حياك الله اختي
احسك حساسه كثير ، وبعدين ماعليك منهم وطنشيه والي يزودها حاولي تتعاملين معه رسمي وبتكلف حتي يحس وبعدين انتي تقولين مابي متزوج . ومن رايي لك اذا جاءك من ترضين دينه وخلقه تتزوجيه لانه مو عيب انك تتزوجين مزوج ولك بأمهات المؤمنين زوجات الرسول صلى الله عليه وسلم قدوه حسنه تزوجو الرسول واهو مزوج وبعدين عمرك شوي متقدم يعني احرصي ان تقدملك مثل ماقتلك طيب السمعه واجودي خذيه وتوكلي علي الله حتى لو كان مزوج |
اســآال الله ان يرزقك بالزوج الصصالح
احنا لو جلسنا ناخذ بكلام النــآس مرح تمشي حياتنا لا واحنا نفسيه وهموم |
الله يسعدكم ويفرج همومكم بحق هاليوم الفضيل واللي تقول عمري كبير انا عارفه وعارفه ان الله ماينسي عبيدة
وانه علي كل شي قدير والمتزوج يبغا يقهر مرته عشان تتعدل وفيه بعضهم يجون مطلقين ويقولون نبغاها طيبه مع الاولاد يعني مربيه للاولاد يعني اترك خدمه امي عشان اخدم عياله اعرف بنات فوق ال35 تزوجوا اللي مطلق واللي شاب اصغر منها الله سبحانه لايعجزة شي في الارض ولافي السما وانا واثقه انه بيعوضني احساسي مايخطي |
ياقمر خليك متفائلة مافي شئ صعب ولا بعيد على ربنا
وربي يكتب اجر خدمتك لوالدتك انتي جددي النية دائما وربي محا يضيع لك تعب انت ثقي بالله والزمي الدعاء والاستغفار وقراءة سورة البقرة ورددي ( ربي لاتذرني فردا وانت خير الوارثين ) و( اللهم ارزقني زوجا تقيا نقيا مخموم القلب ) وربي بيكرمك ويفتح عليك حبيبتي بالنسبة لاهلك انت اكسبيهم بالطيبة والكلمة الحلوة جربي تقدمي لهم هدايا ووقت مايغلطو عليك اتركيهم ولاتبيني انك مقهورة مارسي اي شئ يشغلك عنهم واستمتعي بحياتك وبوقتك وطنشي كلامهم هذولي مهما كان اهلك والظفر مايطلع من اللحم وصلة الرحم واااااااااجبة اانا حاسة فيك كثير لانه انا يجيني تجريح من اعز الناس لي الوالد والوالدة ربي يحفظهم وابكي كثير لكن بعدين اتذكر محاسنهم واتذكر ايجابياتهم وانسى لانه الاهل على حسب مااتربو ممكن يتربو بطريقة ماتراعي المشاعر لكن هما من الداخل بغض النظر عن كلامهم يحبوك ويهتمو لامرك ولكن الاسلوب للاسف خاطئ الزمي الاستغفار غاليتي وتذكري انه لن يغلب عسر يسرين والفرج دائما يأتي بعد الشدة |
الله يفرج همك ويرزقك من حيث لاتحتسبي
|
الجئي الى الله بثلث الاخير من الليل وبثي اليه همك وشكواك وراح ترتاحين ياقلبي
الله يوفقك ويرزقك ويحقق كل كل امانيك ويصرف عنك السوء يارب العالمين |
وعليكم السلام والرحمه
أختي لاتدعين عليهم ولاتقاطعينهم ,بل ادعي لهم وصليهم . إذا سمعتي من الآخرين مايؤذيك فهوني على نفسك فإنه لم يسلم من الأذى أحد حتى الله جل في علاه ففي الحديث "ليس أحد أصبرعلى أذى يسمعه من الله يزعمون له ولدا ثم يعافيهم ويرزقهم " ولن يرمى من الشجر إلا المثمر |
اختي مو معقوله الكل ضدك
انتي تشاهدين هذا من منظورك انتي يعني امك وابوك واخوانك وعيال اختك شي مايخش العقل اسمحيلي اكيد انتي فاهمه خطأ او تفسرين تصرفاتهم انهم مايحبونك اذا انتي طيبه ومايطلع منك الا الكلمة الطيبه صدقيني ستجذبين الاخرين بسحر طيبتك ابتسمي لهم شاركيهم اشعري بحبهم لك لانك بنتهم اكيد يحبونك شيلي النظارة السوداء من عيونك وانظري للاخرين بحب وتفاؤل |
اقتباس:
ظلمات يوم القيامه يام النظارة السودا ايش رايك بكرة اشتري الورديه:11: |
اقتباس:
كل ماارد ان اقوله ان تبحثي عن الجوانب المشرقه في علاقاتك مع اهلك مو معقوله فيه اهل مايحبون بنتهم وبالذات انتي قايمه على امك يعني بارة فيها مااردت ان او صله اليك ان تغيري نظرتك السوداويه وتقولي في نفسك انا محبوبه والكل يحبني صدقيني ستتغير اشياء كثيرة في حياتك أما دعائك علي فهذا اكبر دليل على انك انسانة تهجمين على طول وتحللين على كيفك سامحك الله واسأل الله العزيز الحكيم ان يرزقك الزوج الصالح التقي الحنون |
بلاء
ومالنا الا الصبر يا اختي الحبيبية الله يريد يرفع درجتنا في الاخرة |
لاتدعين عليهم ولا تقاطعيهم
روحي لشيخ يقرى عليك يمكن فيك عين اونفس وحطي اسمك عند خطابه مافيها شي اهم شي الستر اما من ناحية بنات اخوك او عيال اخوك يستهزأون فيك انك ما اعرستي ردي عليهم ماناقص الا بزران ترفع صوتها وباالتوفيق |
اقتباس:
لاجل اختلاف بوجهة النظر دعوتك على اختك هنا لماذا؟؟؟؟ ردة فعلك قويه جداااا اسأل الله ان يغفر لك خذي نفس عميق مع الجميع ولا تهتمي باحد الا بحب الله سبحانه وتعالى وانتي تلاقي الكل يحبك علقي قلبك في الله سبحانه وتعالى حاولي ختم القرآن الكريم كل اسبوع ولا تفكري باحد اي اساءه من اي شخص تعود اليه هو وليس لك انت اذا لماذا تزعلين هم ما اساءو لك قدر اساءتهم لانفسهم وسيدفعون ثمن اقوالهم |
هل انتي تعانين منهم من صغرك يعني عندما كنتي مراهقة او في العشرينات اذا كانت الاجابة بلا اعتقد انكي واهمة وحزنك وهمك على تأخر زواجك هو من سيطر عليك وجعلك لا تنظرين الا لمساوئهم .. اشغلي نفسك بوظيفة او دراسة او دورة واي شئ حتى لا تجعلي للشيطان مدخل عليك وحتى لو كان اهلك يسيئون معاملتك اعتزي بنفسك وحسسيهم انك قوية شامخة ولستي بحاجه لهم
|
|
| الساعة الآن 11:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©