ابوي رفض طليقي(المستجدات بالرد 57)
 

دعواتكم لي ابوي رفض طليقي

الله يختار لك الصاح يا رب

يارب يارب يارب تكفون اللي يدخل يزيد فيني شعور م الدعاء والكلام اللي يلين القلب ويخفف علي يارب ادري الله اللي كاتبه لي وراضيه بس فيني غصة بكاء

ياعمري انتي
قولي الحمدلله هذا خير واصبري واحتسبي
صدقيني وربي خير وربي بيعوضك باللي اطلق منه
انتي بس استغفري كثير عشان ربي يرحمك ويجبر قلبك
والهم والحزن ما بيتلاشى الا بذكر الله صدقيني
الله يفرج همك ويكتب لك الأجر ويعوضك

لا بس جتني رساله من طليقي قال انا سويت اللي علي بس ابوكي رفض

عفوا اختي الموضوع مبتور اول شي ماسبب الطلاق وماهي اسباب رفض ابيك لطليقك؟

مدري ماشفت ابوي ولا ادري سبب ارفض اذا تكلم معي ابوي خبرتكم انا اللي صدمني اكثر موقف ابوي من ارفض ولا من عادة ابوي يرفض بدون مشاوره

سبب الطلاق مشكله صارت بسبب موضوع الحمل وطلقني لي 8 شهور من طلاقي يوم رجع اليوم يريد ارجاعي ابوي رفض وقال لا

دائما نقول ونردد الخيره فيما اختاره الله
اعلمي اخية ان الله اختار لك الافضــل
بس فعلا كيف ماتدرين عن الموضوع وهو يخصك ..؟
الله يفرج همك يارب

بسيطة
افتحي الموضوع مع والدك.. وهل جاء طليقك فعلاااا؟
ولماذا رفضه؟

شاكره لكم الردود افتح مع ابوي الموضوع وش اقوووول؟؟؟

حبيبتي إذا ربي كاتبه لك والله لا إنس ولا جن يردون أمر الله

وإذا ماانكتب لك والله لو اجتمعوا الثقلين على أن يجمعونك معه ماراح تتزوجينه إلا بإذنه سبحانه

اسألي الله من فضله ، واطلبي الله الخيرة دوما

ونعم بالله الحمد الله على كل حال يارب ارضيني بما كتبته لي

من حقك تعرفين سبب رفض ابوك له

اسئليه عادي انتي مانتي صغيره حتى تستحين ولا تقولين وش اقول

قولي له طليقي ارسل لي رساله يقول فيها التالي خلك واضحه مع ابوك

المشكله ابوي مو قاسي ابدا ابدا ابدا الله يخليه اعرفي انصدمت من ردت فعله بس الله كريم ومدري ماقد تكلمت مع ابوي بلمواضيع هذاي شاكره لكم الردود

هل من حقي الدفاع عن حقي وخلي اخوي يكلم ابوي ويساله ليه وكيف ؟ ولا انسى الموضوع

عندك عيال منه؟؟
شنو سبب الطلاق؟؟
هل قل أدبه عند أبوك؟؟

لا ماعندي اولاد سبب الطلاق مشكله بلعلاج عبشان الاولاد لا ماتوقع يقل ادبه لانه راجع ندمان يريد الرجوع وشكرا لك

الله يكتبلج اللي فيه الخير

امين يارب وياك

مدري صراحة اشوف انها مو حلوه انك تسألين ابوك
اساسا ليش تتواصلين مع طليقك خلاص هو الحين يعتبر غريب عنك
طيب ممكن تدخلين الوالده بالموضوع مثلا تسأل الوالد مافي اي خبر عن طليقك او اذا ناوي يرجعك
ومافي رجال بالدنيا يرضى ان بنته تكون مطلقه ويويقف بطريقها اكيد ابوك شايف شي انتي مو شايفته
فكري بالعقل مو بالقلب
والله ييسر لك امورك

الله يسلمك ايه حنا مانتكلم عند ابوي بالاشياء هذي زواج وطلاق خطبه مستحيل نتكلم اخواني ايه لكن ابوي نستحي منه ولا الوالده الله يخليه لنا شاكره لك الرد

ليه مافي ردود اقولكم طليقي راح كلم اخوي يقول توسط لي عند ابوك علشات ابي ارجعه

لازم تتجرئي و تكلمي ابوكي هادي حياتك و انتي الي تقرريها لازم تتصرفي بشكل سريع هادي فرصتك مادام انتي تبغيه كلمي امك اخوكي و انتي اتكلمي اعرفي سبب رفض ابوكي و امكن الوالد حابب يتقل عليه عشان ما يعيدها و يعرف قيمتك لازم تسئلي ابوكي

الله يكتب اللي فيه خير

أختي يلزمني الصبر هل تريدين العوده لزوجك أم لاتريدين إذا نعم فكلمي أحد مؤثر على والدك في العائله أو دعي طليقك
يتوسط بهم وأسئل الله أن ييسر لك مافيه خير وأن يجمع بينكم في خير عقبال ماتفرحينا بخبر طيب إن شاء الله ...شااااب

شاب انا بعد الاستخاره وحكم طلاق دام 8 شهور تقربيا اريد العوده لحياتي السابقه فانا اشتقت لحياتي السابقه بس ابوي رفض ولا ادري هويرجع يطلب العوده او لا وشاكره لك الرد

أختي يلزمني الصبر هل تريدنه بعينه أم تريدين أن تهربي من وضع مطلقه أجيبي بصراحه إذا كنتي ولازلتي مقتنعه بطليقك
كزوج فحاولي بشتى الطرق فهو أمر مباح أما إذا كنتي تريدين الهروب من وضع الطلاق فالله لن ولم ينساك سيرزقك بزوج
صالح تقي نقي إن شاء الله كلامي هذا ليس إطلاعا على الغيب ولاكن تفاؤل بالخير وظن بالله عن أبي هريرة - رضي الله عنه - قال : قال النبي - صلى الله عليه وسلم - : يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) رواه البخاري ومسلم أسئل الله أن ييسر أمرك وأن
يختار لما فيه خير لك ولن أنساك من الدعاء .......شااااب

السلام عليكم ورحمة الله وبركاتة
معليش هذي اول طلقه؟؟؟ وهل طليقك بيرجعلك عن محبه

ايه اول طلقه بس عن محبه مدري بس الاكيد ان شاء الله فيه اشياء تدل على الشي هذا شاكره لك المرور

شاب شاكره لك الدعاء والرد لا انا ماهربت من وضع مطلقه لان قبل الحمد الله الوضع. عندي عادي بس يوم رجع وطلب الرجوع حبيت اني ارجع له ومع ذلك سبب منع الحمل منه ومع ئدلك اريد الرجوع له

اختي يلزمني الصمت السلام عليكم ورحمة الله من اي مدينه انتي وهل انتي ترغبين بالعودة وانتي واثقه انكي سوف تغيرين للاحسن وانشاءالله سوف نساعدك

ايه ارغب بلعوده واكيد ابغير عن اشياء كثيره بس ابسال كيف تبي تساعدني

انتي من اي مدينه اهل الخير كثير وعندهم الاسلوب والحكمه وصدقيني ان كانت نيتك ونيت طليقة الخير ربنا بوفقنا

عزيزتي..

لا يوجد شيء اسمه (أنا سويت اللي عليّ بس ابوكي رفض) .. ثم هي مرة واحدة فقط التي كلم فيها والدكِ فكيف يعني سوا اللي عليه؟!!!!!!

أسباب عديدة قد تدفع والدكِ للرفض ـ من أول مرة ـ وطليقكِ إن كان راغباً حقاً في إرجاعكِ فعليه بالصبر وإعادة المحاولة .. على الأقل حتى يثبت لوالدكِ أنه جاد وشاريكي وراغب بصدق في إرجاعكِ.

ثم..

أنتِ قلتِ إن طليقكِ تحدث مع أخيكِ للتوسط .. فما الذي حدث؟

مهره شاكره لك الرد ماردو عليه بشي ولا سمعت شي ان اخوي كلم ابوي واستحي اسال اخوي خليتها على رب العباد يحلها لي من عنده وذا حقا حاب بارجعي بصدق وعزيمه يرجع مرة اخرى وشاكره لكم الردود جمعيا واستقبل اي شي وقفه معي نصايدعاء لان مقدر افضفض لا حد غيركن

أختي يلزمني الصبر تذكري أنه مهما تسكرت الأبواب والطرق في وجهك فهناك باب لايغلق في وجه أحد باب الرحمن

ألتجئي إليه ولن يخيب ظنونك وادعي الخيرة في أمرك وأذا أردتي أن تفضفضي فنحن هنا نسمع لجميع أخوتنا وأخواتنا

أسئل الله أن يسهل أمرك .......شااااب

شاب شاكره لك واكيد انكم ماتقصرون وجزاكم الله خير فعلا باب رب العباد دائما مفتوح والحمد الله على كل حال