|
والدتي هل مافعلته صحيح أم اريد اختلاق المشاكل من لا شيء
السلام عليكم ورحمة الله وبركاته ..
عادة ما انزل مواضيع في هذه الاقسام .. بس حسيت اني ابغا افضفض واكتب واشوف ارائكم هل انو تفكيري سيئ ولا هوا شي صادر بعفوية من والدتي الله يعطيها العافيه وينصرها يآآرب .,~ بداية .. الحمدلله عايشة حياة عاديه ومبسووطه صح بتسير مشاكل لكن مصير اي مشكله تعدي وتنتهي وابدأ يوم وحياة جديده خاليا من التكدرات .. ماما بتطلع لها حبوب في ضهرها وحمرا كبيرة صحيح الحبوب مو كتييير قليل بس تعورها وتحكها مررا الله يشفيها يارب .. وماهي عارفا السبب وقالتلي امس تعالي معايا الدكتور اذا ماكان عندك شي في العصر واذا ماعندك نوووووم ولو عندك نوم او اشغال للجامعه خلاص انا اروح لحالي .. وجا العصر وقولت يا بنت قومي استحي دي امك لازم تروحي معاها وهيا الحق لله ماتقصير معايا او ما امرض تجي معايا وتشتري لي حاجاتي يللي ناقصتني يعني باختصار هيا تروح معايا كل مكان لانها تخاف عليا .. وجا العصر وهيا لابسه بدي عرياني وماشاءلله لا قوة الا بالله والدتي بيضا وجسمها حلو يعني يلفت الانتباه وطبعاً دآآ دكتور جلديه رجال ولآزم تكشف ضهرها وتوريه الحبوب من ورا يعني اتمنا تفهمو قصدي :( ممكن عشنها منفتحه شوية يعني هيا مو سعوديه وصحيح كلنا عند الله واحد بس سارت سعوديه واتزوجت والدي وزي كدااا مالو داعي تلبس دي البلوزة يعني لو لبست شي ساتر كان احسن بس والله يا جماعه انا لو فتحت فمي وقولت لها مايسير تلبسي كدآآ تصررررخ وتزعق لي ماما ماتحب اي احد يقول لهااا انتي غلطانه او حتى يحسسها بدآآ الشي وماتتقبل نصيحه :( .. وانا ساكته خلاص ورحنا الدكتور واول مادخلنا الغرفه كشفت وجهها يعني فكت الغطوة من وجهها وانا الحمدلله مافكيت شي جالسه بحجابي .. الا على طووووول سألها الدكتور انتي سووريه؟؟ قلها لا انتي سورية ولا مصريه ؟!!!! قالت أنا سعووووديه مو مهم ايش ارجع . كان نفسي اهرج واقوول في وجهو انتا اشل اهلك صلآآآآآآح سعوديه مو سعوديه شوف شغلك وخلاص:( بس سكت طبعاً .. قام يقولها انتي مدرسه؟!!!! قالتلو لآآآ مو مدرسه .. قلها والله باين انك مو سعوديه ماشاءلله وباين انك صغيره في السن( على فكرة الدكتور من جنسية عربية) . قالتلو : انا عندي بنت متزوجه الا طالع فياااا قالتلو لا مو دي المتزوجه . الا سألني انتيي ايش تدرسي؟؟ قمت زي الهبله جاوبتو :( مررا على نياتي ماقدرت اقلو مالك صلاح ماقدرت اقول شي كان نفسي اقولهم الاتنين خلااص مالو داعي الكلام بس طبعاً سكتت .. الا قالها طيب يللا اطلعي فوق السرير عشان يشوف حالتها ويشوف الحبوب يللي بجسمها . ولمن بتفك العبايه حقتها مرررررا انقهرت لانو جسمها بان مو جسمها من جوا لا من برا وهيا لابسه بلوزة مو ساتره صراحه .. وبس شاف الحبوب حقتها وسالها كم سؤال بخصوص الحبوب يللي في ضهرها وبعدين قالها انتي حلوة قالتلو عيونك الحلوة يسلمو :( بغيت اصرررخ انا هنا والله وانا ساكته :(:( أنا اعرف والدتي ماعندها حركات القلة الحيا والشباب وماشاءلله تصلي وتجلس تقرأ قرآن بالبيت وكلللل شي ماشاءلله بس مادري ليش امس حسيتها نقصت من عيني وانا ماقدرت اتكلم او اقول لها كلمة :: ابغا اعرف هو انا مبالغه شويه بحركاتها .!! :: ولا عايدي هيا صح بعفوية بس انا اغار عليها لانها ماما ومابغا احد يتكلم معاها بدي الطريقه .~ والله كانت فضفضه ونفسسسسي اطلعها لاني ماقدر احكي احد اكييد حيقول انتي عااااااقه وامك العاقله انا مو عاقه الحمدلله بس مادري كيف اوضحلكم يارب محد يلومني ان شاءلله فهمتو قصدي |
اقتباس:
وأكثري م الدعاء لها .. بالنسبة لك دعائك لوالدتك واجب وتثابي عليه الله يهيدها ويهدينا ويصلحنا أجمعين .. مين فينا ما عنده أخطاء حبيبتي :) |
طبعا اللي صار مو عادي..وموقفك كان صعب الله يعينك
انت المفروض تتشجعي وتتكلمي مع الدكتور..اذا عندك اخوان ذكور خلليهم يروحوا معكم امك انصحيها بأسلوب حلو..واذكري لها قصص دينية وثقفيها عن الحلال والحرام والحدود والرسمية |
اقتباس:
أكييد حبيبتي كلنا نخطأ ومافي احد كامل والكمال لووجه الله تعالى .,~ كلآمك برررررد على قلبي الله يسعدك ويريحك ياقلبي ولا يحرمني من طلتك يآآآرب .,~ والله يهديها ويدينا جميعاً ياارب .,~ اقتباس:
المفرووض اتكلم بس خايفا انو تسير مشاكل وزي كدا :( ياليتني اتكلمت خلاص ما اقدر اسوي شي .,~ اليوم قبل شويه جابت السيرة قمت قولتلها ليش اتكلمتي معاه انتي اعطيتيه وجه قالتلي ترى شكلو مخرف وعجوز .,~ قلت بقلبي نحنا المخرفين هو مو عجوز ماشاءلله والدليل انه قدر يميز الجنسية وطالع في شكلها فاهمين عليا أخواني؟؟!! ياقلبي عليكِ ان شاءلله يسير خير : ) الله يسعدك وشكراً على كلامك يللي يريح الوااحد ساعدوني الله يخليك في مراجعه بعد 10 ايام ومحا اخليها تروح لحالها طبعاً عشان الدكتور لا يتمادى بكلامو معاها .. ايش تنصحوووووني |
شوفي اختي نحنا مطلوب منا انه ناخد ونعطي مع المرضى لحتى نبين لهم اننا مهتمين + نريحهم نفسيا قبل الكشف + ما ح يدخل المريض على طول ونحنا يلا ايش مشكلتك روح اجلس اكشف عليك !!
يعني لهون نحنا كويسين ولكن امك شلحت الغطوة + العباية !؟ هذه انا ماتقبلتها ... ولو كانت امي كنت كلمتها وصارحتها ليش تكشف وجهها والمشلكة في ظهرها ؟ والعباية ليه تنزلها كلها وهيا لابسة كاشف تحتها .. كان ممكن تكتفي بتنزيل ظهر العباية للمنطقة المطلوبة واذا ماناسبها دايما في دكتورات نساء .. ليش مانروحلهم يعني ؟! والله انا ماعجبني الدكتور هذا .. يعني انت حلوة ابدا ما كان لها أي داعي .. يحتفظ برأيه وبالمناسبة .. مو عشانه عجوز يعني ح يكون تقي ولا محترم أكثر من الشباب .. الصراحة أنا اعرف عواجيز مايستحوا ولا يحترموا اعمارهم طولت عليك .. صارحي امك بس بأسلوب , يعني ممكن تقوليلها انك حسيتي عيونه للدكتور طويلة , وماعجبك نظراته ولا الأخذ والعطا معه ياماما .. ماله داعي تكشفي وجهك المرة الجاية .. لأنك بتغاري عليها , زي هيك وخذي وقتك في التفكير بالكلام المناسب الله يهديها ويهدينا جميعا |
الغاليه امج ماسوت شي الغلط
الغلط انكم ماسرتم للدكتورة موب دكتور يعني روحوا الخاص عند مختصه نسائيه بهالموضوع ولانكم تتكشفون عند رجال والشي الثاني اتركي امج في حالها لانه امج ماسوت شي غلط راحتت تتعالج مافي نيتها شي موب زين لاسمح الله والشي الاخير اللي ابا اقوله واللي هو اهم من كل اللي انذكر امج ربت انسانه تميز بين الصح والغلط .. فكيف اتشكين للحظه انه تصرفها غلط ...؟؟؟؟ |
اقتباس:
ياقلبي ماما ماتهتم اذا كان رجال او حرمة اهم شي البلا يللي بجسمها يروح وان شاءلله ربي قادر يشفيها .,~ بس مني عارفاا كيف اتصرف :( .. مشكورة على ردك الله يسعدك يارب . اقتباس:
وانا اغار على ماما وعلى اهلي كلللللهم .. شكراً على ردك اختي . |
اقتباس:
فولي لها واحده بالصدفة عرفت عن وحده من زميلاتي راحت طبيب أعصاب واضطرت يكشف على ساعدها لكنها قالت انه الشرع يقول بمثل هالمواقف ما تكشف وجهها وتظل بعبايتها وتنزل بس عن منطقة الاصابة ... والله ودي أبحث عن الحكم وأشوف << كأنك تكلمي نفسك . واتركيها .. هي راح تتصرف باللي يعجبك باذن الله .. وممكن ترجع تسألك عن الحكم . وانشبي للدكتور .. اذا قال كلمة خارجة او ما عجبتك قاطعيه واسألي أي سؤال عن الحالة حتى لو ما كان له السؤال محل من الإعراب بوسط كلامهم .. وحضري ببالك سؤال.. أو قوليله بعد اذنك دكتور لو تباشر الفحص احنا مستعجلين ... خل يفهم انه كلامه غير مقبول عندكم . |
وعليكم السلام ورحمة الله وبركاته
أمك غير مذنبة ومافي بنيتها شيء سيء بس هي عفوية زي ماما بالضبط لكن هالدكتور قليل حيا بعضهم مادري كيف يطيح الكلفة بينه وبين شخص غريب عالعموم تقدري قبل كم يووم من المراجعة تقولي والله ياماما هذا الدكتور ماارتحت له أبداا حسيت عيونه طويلة او قولي شدخله يقعد يمدح فيك وليش يهذر معاك ؟ ومن الكلام بس انتي بعد ماغلطتي لما تكلمتي هنا وأسلوبك محترم عادي فضفضي بأي وقت ياعسل إحنا هنا الإخوان والخوات لبعضهم |
بصراحة شئ يقهر :19:
أولاً : اسأل الله سبحانه وتعالى أن يشفي والدتك ويعافيها ويهديها ثانياً : طريقة الدكتور غلط جداً ومو من حقو يتكلم زي كده .. ولو كان معاكم راجل كان ماقدر يفتح فمو المهم .. عليكي إنك تنصحي أمك وتقوليلها تروح عند دكتورة .. دائماً في كل أمورها .. إلا إذا مالقت دكتورة في نفس المجال .. أو أضطرت إنها تروح لدكتور .. عاد هذا شئ تاني وأما لو أصرت .. فالله يعينك تروحي معاها إذا ماراح معاكم راجل على الأقل توقفي الدكتور عند حده إذا غلط مرة تانية . بارك الله فيك |
اقتباس:
باذن الله الواحد الاحد راح اكون قوية وح قوي شخصيتي ويارب يارب تزبط واتمنى فعلاً انه مايتكلم بوقااحه زي اول مره :( وبالنسبة لماما راح اخبرها انو ماما الله يخليكي مايسير كدآآ وانا اغار عليكي ومابا اي احد ياخد ويعطي معاكي .. ونشوف ايش ترد عليا:( الله يستر الله يعطينا خيرو ويكفينا شرو يارب .,~ وانا راح اطمنكم بالمستجدات أكيييد : ) الله يعطيكي الف عافيه يا خاله بيتا ياقلبي . اقتباس:
بجد الواحد يستحي يتكلم مع شخص تاني بهذا الاسلوب يعني انا مابغاه يكون خفص وجااامد وشديد لآآ بالعكس بس لو طيب خاطرها وهدا من روعها يكون احسن زي مثلاً (( ان شاءلله خير ومايكون فيكي شي , يسألها اذا كانت تتحسس من طعام معين او مثلا من تغيير جو وهكذا لكن ماله دخل بجنسيتها وبجمالها وكم عدد بزورتها لا احسسسسسن قول لها هاتي رقمك :( )) استغفرالله العظيم بجد شي يقهر والله يستر علينا وعليكم .,~ شاكره لكِ مرورك الطيب ياعسل : ) اقتباس:
ماعندنا رجال ابويه عمله تقريباً طول الصباح ومسكين يرجع يالله يتغدآآ وينام في العصر ..~, ويصحا على المغرب يشرب الشاهي تبعو , وماما تبغا خلاص في العصريه .,~ الحمدلله اني رحت معاها كانت بتروح لحالها عشان كنت نعسانه بس ربي كتب لي اني اروح والحمدلله رحت وان شاءلله المرة التانيه راح اكون حازمة وان شاءلله ربي يقدررررني على هالشي والله يستر يارب .,~ ووووانا راح اكلم ماما من بدري وياالله تفهمني ان شاءلله وراح اخدها بالسياسه .,~ شاكرة لك مرورك الطيب : ) |
وعليكم السلام ورحمة الله وبركاته
اختي زهره اولاً جزاك الله خير على محافظتك على الحجاب والتستر الله يوفقك يارب ثانياً باختصار شديد كل المطلوب منك شيئين مناصحة امك ولا فيها شي انك تناصحينها ولا فيها اي عقوق بالعكس هذا بر وحرص منك عليها والشيء الآخر حاولي مرافقتها دائماً لأي مكان تروح له اذا استطعتي الله يسعدكم ويملا قلوبنا وقلوبكم بالخوف من الله |
اقتباس:
اخي الكريم والله كلامك صحيح وانا بعد ماشفت تشجعيكم اني اكلمها واناصحها بهداوة راح اكلمها وان شاءلله ربي بيكوون معايا والله المستعان : ) آآآميين ويسعدك أنت واهلك ومن تحب إن شاءلله شاكرة لك مرورك الطيب . |
اتفق معاكي يازهوره بكل كلامك ..
والدتك تتصرف بعفويه .. الاهم هنا هو الاسلوب .. وتعقيب الاخت بيتا حلوووو جربيه .. |
اقتباس:
ان شاءلله راح اجيها بأسلوب حلو ويارب ينصرني ويقووي قلبي .,~ والله يشفيها ماما حبيبتي من كل شر يآآرب .. دمتي بوود : ) |
ما فعلتيه انتِ صحيح أما أمكِ هداها الله.. وذهابها لطبيب من الاساس خطأ
خاصة موضوع حبوب بالظهر مو شيء خطير وحاجة ملحة حتى تتكشف أمام رجل اجنبي حتى لو طبيب يمكن أمكِ تجهل الاحكام الشرعية في هالمسألة, فهنا دوركِ توضحيها لها بإسلوب طيب وبعدين أكثر شيء جر بعض النساء للمهالك هو هالعفوية اللي تعبنا من كثر مانسمعها كل مااحد انكر على احد قال بعفوية قلت .. وبعفوية عملت.. المسلم محاسب على أفعاله وأسلوب الطبيب بالكلام واضح فيه الوقاحة ورد أمكِ عليه فيه تجاوز الله يهديها شوفي هالموضوع ولو خليتي امكِ تتصفحه معاكِ بعفوية على قولتكم يكون أفضل، وتكون نصيحة لها غير مباشرة، ويارب تستفيد منه http://www.66n.com/forums/showthread...16#post2780616 |
اقتباس:
ماماتي حبيبتي بتعاني ومن جد عمرو محد حيحس بالتاني =) مشكورة على ردك |
اقتباس:
شوفي يا غالية الأصل انه المرأة ما تكشف على أجنبي حتى لو طبيب إلا للضرورة يعني لو مرأة في حالة حرجة بين حياة وموت وراحت مستشفى وقالوا: لا يوجد إلا طبيب.. هنا ضرورة فيباشر الطبيب حالتها.. لكن لو وحدة راحت على مستشفى عندها مثلا حبوب شباب وقالوا: ماعندنا طبيبة جلدية، هنا تروح مستشفى ثاني ، الطبيبات متوفرات، يعني ماراح تموت لو أجلت الكشف وبحثت عن طبيبة .. فأنا يا غالية ما قصدت ان امكِ حالتها ما تستدعي تتعالج ، قصدي ما تستدعي انها تسمح لطبيب يكشف عليها، كان بالإمكان الذهاب لطبيبة جلدية.. وإن شاء الله الآن فهمتي قصدي ولا يكون بصدركِ شيء يا حلوة |
اول شيء الله يشاااااااافيها ياااااارب ويعافيها ثاني شيء حاولي انك تكلمينها والدكتور هذا مايستحي على وجهه
|
اقتباس:
جزاكِ الله خير : ) اقتباس:
آآآمييييين يارب ويشفي جميع مرضى المسلمين مشكور على ردك الله يرزقك السعاده : ) |
| الساعة الآن 11:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©