|
متــردده و قلقــانةة .. إنصحوني ؛(
،
السلام عليكم .. / خطبني شخص قريب لي وكنت جداً متردده ومحتاره بين الموافقةة و آلرفض .. ( يمكن لاني ماكنت ابي ارتبط بشخص من اقاربي ) ، أهلي يمدحون الرجال وانه ع دين و خلق .. وبعد نصايح من الأهل وافقت بعد النظرة الشرعيةة طبعآ .. بس المشكلةة بعد موافقتي عشت بضيقةة و تفكير و تردد اكثثر وفكرت اكلم أهلي اني غيرت رأيي .. مدري وش سبب هالحالةة فيني .. ! تنصحوني ارفض بما اني متردده وقلقانةة قبل لا اتملك و اتندم او هالششي طبيعي ب هالفتره .. طمنوني الله يجزاكم خير ؛( |
طيب حبيبتي أسئلك أستخرتي؟
أذا أيه خلاص تأكدي أن أمرك فوضتيه لرب العالمين وهو بيختار لك الخيره.. وبعدين خيتو المقياس موب أنه من أقاربك أولا دامه زي ماذكرتي على دين وخلق وسألتو هذا المقياس الأساسي والي وصى فيه الرسول عليه الصلاة والسلام,, ايه بقووولك طبيعي جدا أتذكر أول مره أنخطبت جتني حاله هههههههه مو مستوعبه وكنت رافضه كذا.. أهلي يبون يقنعوني ماخليت لهم مجال أصلا هههههههه وعندي وحده من صديقاتي من كثر خوفها وقلقها ترفض الخطاب يعني مخاوفك جدا طبيعه وأعرف سببها عند البنات// يعني هذي باقي حياتك والشخص الي بترتبطين بيرافقك طول عمرك,,يعني شي طبيعي يكون مدعاه للقلق ,,بس أن شاء الله تسيطرين على هالمخاوف. |
^
ايةة ي آلغلآ استخرت اكثر من مره والله يكتب لي ولكم الخير أينما كان .. كلامك ريحني تسلميين قلبي وماقصرتيُ : ) |
اذا فهمتي انتي ويش تبين من الزواج اكيد راح تجاوبي على نفسك كونه من الاقارب فقط هذا ليس سبب مقنع لترددك خصوصاً انه ذو خلق ودين |
بالنسبه لي مافضل زواج الاقارب
يعني يصير سي بينك وبين زوجك الكل يدري!! يعني لو تكونين ماخذه واحد بعيد بيكون لك خصوصيه اككثر هذي وجهة نظر لكن بالنسبه لموضوعك مخاوفك عادي كلنا مرينا فيها القلق من الارتباط بكائن غريب هههه مخاوفك طبيعيه ولاتحاتين ودامك استخرتي اتركيها على الله وترا الاستخاره مالها علاقه بالراحه والضيق يعني اذا فيه خيره راح الله يصرفه عنك واذا فيه خير راح اموركم تمشي ياالله التوفيق |
ترددك طبيعي جدا ومر علينا كلنا
إذا الرجال كويس لآتطيريه ^_^ |
والله خديها مني ياقلبي الواحد ماينعرف هوا طيب ولا مو طيب الا بعد العشرررره
يعني فترة الخطوبة والملكه صح بتكون حلوة وبتفهمو بعض بس مو زي لمن تعاشريه اكثر من سنه او سنتين .,~ واستخيري واذا بعدك مو مرتاحه الله يوفقو ويوفقك للخير ياقلبي : ) |
اذا الرجال صالح وابن حلال لاتضيعينه من يدك دام الكل يشهد بأخلاقة ابعدي الوساوس عن طريقك
بالتوفيق |
اقتباس:
|
استخيري ربي يوفقققككك
|
الخوف والتردد شي طبيييييعي والله يكتبلك اللي
فيه الخيييييير |
أكثر من الإستغفار فهو علاج لكل مشكله :
من ثمار الإستغفار : 1- إنشراح الصدر والراحة النفسيه . فيه الطمائنيه والراحة النفسيه لأنه من ذكر الله قال تعالى (الا بِذِكْرِ اللَّهِ تَطْمَئِنُّ الْقُلُوبُ ) . 2- أنه حل لك مشكلة ولكل هم . قال رسول الله صلى الله عليه وسلم ( من لزم الإستغفار جعل الله له من كل هم فرجا ً ومن كل ضيق مخرجا ً ورزقه من حيث لا يحتسب ) . 3- الرزق ( المال والولد ) . قال تعالى : (فَقُلْتُ اسْتَغْفِرُوا رَبَّكُمْ إِنَّهُ كَانَغَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا) . |
حبيبتي .. ازا ما بدك العريس من هلأ وقفي وقولي ما بدي اياه .. اصرخي بوجه الكل ما بدي اياه .... لا تستحي وتسكتي والله لتندمي ... المفروض البنت تفرح لما تخطب مو تقلق وتندم ... انا كنت مثلك متردده وما ابغاه وخجلت والكل مدح فيه وسكتت ... وبس ملكت ندمت ... والي صار صار ... تزوجت والحمد لله هوه رجال طيب وشاريني ... لكن لاني مو مقتنعه من البدايه ومو حاببته ما احس بسعاده ولا راحه ولا حسيت اني عرووسه .... مع انه لسا انا عروسه ... نصيحتي .. اذا ماكنتي على قناعه تامه ومبسوطه مثلك مثل كل هالبناك لا تملكي عليه .... ولا تتممي الموضوع وانتي حره ... لا تغلطتي غلطتي ... لانها خلاص بح ... غلطه العمرررر
|
،
الف ششكر لكم جميعًا والله يجزاكم خير .. تم الرفض و الله يعوضناا .. |
الله يرزقك بالأفضل
وصدقيني دامك مستخيره,, ربي الي كتب أنك ترفضيه,,لشي فيه خيره يعلمه سبحانه.. |
هلا فيك ,,
فيه ناس تقول ما تبي زواج الأقارب عشان اي شي يصير بين الزوجين يعرفوه القريبين ,,, انا اشوف ان تحفض الزوجين على اسرارهم هو دليل النجاح القوي ,, انتي وافقتي ,, استخيري ,, وحاولي انك تعرفي عنه اكثر باي طريقه ,, ولا كن فكره انك تبي تتركي , لا بد يكون هناااك اسباب واهلك راح يسألوك ,, الله يكب لك اللي فيه الخير |
| الساعة الآن 12:43 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©