|
..مواقفكم ياابنات مع (الخطاااب)..
السلآم عليكم ورحمة الله وبركاته..
بينما كنت أمس اتصفح المنتدى,.طرت علي هالفكره,, واليوم قررت تكون رهن التنفيذ.. كثير نمر أحنا يالبنات بمواقف مع الخطاب او الخطاطيب.. منها الي محرجه,,ومنها الي تفشل ومنها المضحكه الي تعلق بأذهانا وتضل ذكرى ,,لأن الخطبه من المحطات المهه والي لها وقعها بحياة البنت.. راح ابدى بمواقفي: الأول)وصارت بأخر سنه بالكليه قبل عام.. نمت بعد الدوام وماتغديت.. فلما صحيت العصر على طول درعمت المطبخ بحثآ عن شئ أسد به جوعي.. المهم لايفوتكم شكلي وأنا صاحيه من النوم الكشه الطايره,,والشكل ابد مو مرتب.. طاحت عيني على حبيبي قدر الغدا,,عاد أنا من الزواله من الكسل يعني تكيسلت اخذه بصينيه وش قمت سويت أخذت القدر مع أذنه=يعني حلقاته,,وانا ماره طاحت عيني على كاس الخلاطه فيه سلطه حاره وأخذها هم بيدها.. (ادري بتقولون معقول ذي بنت^_^) بأختصار شكلي عربجيه.. المهم حنا باب المدخل قريب من باب المطبخ مره يعني الي يدخل يشوف .. وأنا طالعه التفت الا فيه مره واقفه عند الباب عاد انا تذكرت هيئتي أنا وقدري قمت تداركت الموقف وارجع بحركه بهلوانيه ورى,,, بس هيهات هيهات شافتني.. طبعا لازم ارجع اطلع لها واقلطها,,حاولت اهجد كشتي وارتب شكلي,,واحفظ شي من ماء وجهي الي راح.. رحت لها وسلمت عليها ورحبت ودخلتها المجلس ,,بس لاحظت فيها شي,,تقزني =تنطر لي بعمق وتمعن.. عاد هنا جا دور فراستي وحدسي,,دريت انها جايه تخطب..)ارحمينا تكفين^_^ المهم أنا قلت بعد المنظر الي شافته ,,اكيد بيهونون,,لكن الغريب بالأمر انهم استمرو بس ماكتب الله نصيب تم الرفض .. الموقف الثاني) اتصلو علينا ناس من الرياض وقالو بنخطب,,وحددنا موعد حنا بقريه مره نائيه وبعيده,,فقالو ترى بنجيكم بعد الفجر لايفوتكم خطبه صباحيه.. (بتستغربون ادري^!^) المهم طبعآ من الصباح الباكر,,وحنا على أوج الأستعداد,,والبيت كله صاحي.. وأخواني مشخصين,,وريحة العود تعج بالبيت لاأخفيكم لاأخفيكم حسيت اننا بعيد^_^ المهم انا ذاك اليوم مدري وش طرى علي وحلة علي رومانسيه وأقعد أتمشى بالحوش بقسم الحريم طبعآ,, ابوي بالصدفه شافني وربي بقق عيونه فيني ورمقني بنظره فهمت مغزاها يعني كل ذا فرحه بالخطبه.. وانا ماكان قصدي شي وربي تهي تهي... المهم أمي نادتني وقالت استحي يابنت وروحي اندعسي بغرفتك,,وأروح اندعس.. حتى ماخلتني أجهز الفطور معها,,لأنهم بيفطورن عندنا.. بالأخير احتاجتني بشغله ونادتني,,أخوي كان بالمطبخ انا اسوي الشغله بسرعه وبضمير على قولتهم قال أخوي:كل ذي فرحتن بالعرس شافني متحمسه وربي كأن احد كاب علي مويه باااارده,,وحسيت بالأحراج الي يقولونه ,وأروح ركض لغرفتي.. المهم رفضنا الخاطب بعد السؤال,,يعني ماتسوى علي ركضتي بس^_^ يالله يابنات شمرو عن يدينكم واستلمو الكيبورد وقولو لنا مواقفكم... والشباب الي يمر ويقرى ويبي يضيف شي حلفت اني ما أرده |
معليش أدري العنوان لكم عليه,,حاولت أعدله ماعرفت..
|
أولا ً: ما فهمت نص الكلام
ثانياً : تأكدي من أنك بنت وافحصي هرموناتك ومعدل الأيض والإنقباض والارتداد العضلي وسوي تخطيط للقلب والدماغ للتأكد من النبضات العصبية والعصبونات الدماغية لأني أشك في ذلك ثالثاً : ما عندي ولا موقف |
الله يسامحك
|
اقتباس:
ما هكـــــذا تورد المواضيـــــــــــــــع يا أخـ / ــت .. ::: ::: ما عليك حبيبتي العذال وايد بالدنيا ^.^ حبيت سردك يا بنت .. :22: ذكرتيني بتعليقات أخوي عليه أيام الخطبــة ما كان يخليني بدون تعليق .. ربي يحفظه ويرجعه لنا سالـــم مواقـــف وايد .. بس من اللي أتذكره يوم النظرة الشرعية .. ما رفعت راسي أشوفه << من الخجل يمكن :d.. كنت أشوف على أمه "ما شاء الله تبارك الله " حلوة وما مبين عليها الكبــــر أبدا .. حتى بنفسي كنت أقول هذي معقولة عندها بنات متزوجات وهي جدة ..!! ومن طلعوا أدركت إنــــــــي ما ميزت ملامحه هالرجـــــــــال <<< يعني لو شفتـــه بمكان ما بعرفه :21: بس مشت الأمور والحمدلله :o |
أوراق ملونه
لبى الذوق فديتك.. ههههههههههههههههههههههههههههههه أجل نسيتي الرجال ,,وقعدتي تمقلين في أمه ,,والله أنك فله هههههههههه والله يرجع لكم أخوكم سالم يارب مشكوره خيتو بجد على ذوقك الراقي ,,وردك اللطيف |
اقتباس:
تسلمـــــــــي عزيــــــــــــــــــزتي .. إيـــــــــــــــه يختــــــــي .. واستحيت أقول لأهلي إني ما شفتـــــــــــــــــــــه >.< ربي يرزقــــــــــــــــــك الزوج الطيب الصالح اللي يسعدك .. |
هههههههههههههههههه
أكيد استحيتي أجل بتقولين خليته وقعدت أطالع بأمه ادري الحيا يمكن يسوي أكثر أمييييييين يارب والله يسعدك بعد انتي,,على أخلاقك العاليه.. |
اههههههههههههههه يابعد حيي والله اثاريك فرحانه تبين العرس ولا كتب الله
الله يرزقك ان شاء الله ، اما سالفتك اول وحده اهههههه ودي اشوف شكلك بالكدش وانتي صاحيه بسمناه الرحمن الرحيم :( وزين منك انك ماشربتي الشطة تحسبينه فراوله اهههههههه الموقف الثاني مابقى الا تلعبين فتاحي ياورده بالحوش اهههههه وش مطلعك خليك بغرفتك لين ماتسمعي هاتو الشربات يالله مع الزغاريت غلولولوش :) اضحك الله سنك مواقف طريفه وعسى الله يوفقك ويسهل آمرك ، ولا عليك من غني بربي وعيشي حياتك الحشيمه والله لهالمنتدي والاعضاء والا نعرف نرد عليك |
وعليكم السلام ورحمة الله وبركاته
فطست ضحك على مواقفك ,,ماشاءالله عليك وعلى خفت دمك .. اممممم ,اتذكر موقف كانوا ناس جايين يخطبون بس الخاطب وأبوه المهم جايين من صباح الله خير أبوي عادي يفتح مجلسه الصبح يعني ماعندهم مشكله المشكلة بي كنت نايمه مدري عن شي ‘إلا أمي تصحيني قومي على صلاة الظهر خافت تخرعني على قولتها تنتظر اني اقوم وتأخرت وقومتني وكالعادة شوي واقوم إلا أمي معصبه قومي الرجل جاء أنا مدري منه قلت أنا وش دخلني ,قالت :يبي يشوفك وأنا انهبل واقعد اهذر وش يبي قليل الأدب ومدري وش إلا أبوي يجي وانحاش اروح اصلي واطول بالصلاه ماابي اشوف ابوي ,آخر شي طفش قال خليها تجهز نفسها الرجل مستعجل وراهم خط طوووووويل بعد الغداء وهي جاهزة . وأنا انقهر الحين أنا أصلاً ماني موافقه ,غصب يعني <<بس مااقدر اقول شي قدام أبوي انطم .. رحت لبست عبايتي وانتظرهم يخلصون غدى وافتك من الهم ,,جاء أبوي ليه كذا . قلت وانا خايفه ماني متجهزة ليه يجوون كذا من دون مايعطوننا خبر ,أول مرة مايقول لي شي . وفكه ماصار نصيب نظام شيبان ماعنده وقت اول ماطلع دق على ابوي كم مهركم <<<ههههه واثق من نفسه ماشاءالله .. |
اقتباس:
ههههههههههههههههههههههههههههه ¤وش أثاريك تبين العرس أنت الثاني تبي تحرجني مثل أخوي أنت هههههههههه ¤أي والله كان شكلي أنا وكدشي توحفه,,والتفهيه في أقصى درجاتها مهيب بعيده اشرب الدقوس.. ¤مدري وش طرى علي بعد ادوج بالحوش يعني جتني حركات ذاك اليوم وربي مو مقصوده بس هم الله يهداهم مدري كيف فسروها ماينلامون ههههههههه أمييين وأياك أخوي بجد تسلم على ذا الدعوات وعلى ردك خفيف الدم .. |
اقتباس:
هلابك خيتو,,وربي ماعليك زود حتى اسلوبك ضحكني تدرين كنت أحسب ان بس ذولا الي جو يخطبون الوحيدين الي جايين الصبح طلع فيه مثلهم لا على الأقل هم عطونا خبر,,اما أنتم كذا لاأحم ولاد ستور ههههههههه وياعزتيلك صحيتي على فجعة أحد يشوفك من جد موقف ماتخيله هههههههه أحلى ياااااثقه هههههههه من جد يسلموووو على موقفك الحلو,,وعلى طلتك الخفيفه فديتك.... |
ههههههههههههههههههههههههههههههههههههههههههههـ
هههههههههههههههههههههههههههههههههههههههههههـ الله يسسسعدك مواقفك تضحك أفتكر يوم الشوفة كنت جآلسة في المجلس وابوية قدآمي والعريس جنبه أنا موآجه الباب وهمآ في الجهة الثانية كنت جـآلسة ميييته خجل واحس الدنيا حر وإحنا بعز البرد شوي إلا أسمع صوت يناديني بشويييش هَي هَي بنت سسسسسسسس وأطآلع جهت الباب والقى أخواني الثلاثة يسوون لي كذا :23: :18: :23: هههههههههههههههههههههههههههههـ بالله وش يحسون فيه مررة مو وقتهم وأشر لهم روحوا فضحتونا خخخخخخ اللي يرقص واللي يقلدني بحركاتي يسوي مستحي مثلي ههههههههههههههه الله يصلحهم كويس محد انتبه |
بصراحه موااااقفك مضحكه
بس انا باقي ما تزوجت بس حصل مع اخوي موقف مضحك للغايه طبعاً هو اول واحد من اخواني يتزوج ,, المهم الرجال مو باقي فيه صبر ,, خلصنا عرسه وراح هو وزوجته لبيتهم المهم ثاني يوم جلسنا نعلق عليه ونحرجه وشفنا انه بقلبه شي بعد اصرار قال والله البارح السرير انكسر هههههههههههههههههههههههههههههههههههههههههههههههه ساعتها تعال دورني من الضحك ... مشكوره على هالموضوع |
اقتباس:
من جد موقف تحفه,,وش ذا الأستعراض الي سوووه لك,,وش يحسون فيه على قولتك ههههههههههه بس تعرفي زين حافظتي على توازنك وهدوءك يمكن لو أنا بضحك ولا بنحررررج موت فديتك مشكوره خيتو على تواجدك الجميل وموققك الأجمل..لاعدمنا طلتك |
اقتباس:
|
مواقف طريفه
اما عن موقفي جاء خاطب واحضر معه تورته من محل محترم المهم طبعا حبينا نقيم التورته وفتحناها كانت غايه في الجمال ولكن للأسف وجدنا فيها ذبابه ميته طبعا كلمنا المحل واشتكينا عشان ياخذوا التورته وكان الخاطب في الخارج وامي الله يحفظها اخبرته بالاحداث طبعا كان في موقف لا يحسد عليه يعني احراج فوق الاحراج هذا ما يحضرني الان وبالتوفيق للجميع |
اقتباس:
|
اقتباس:
صراحه كسر خاطري الخاااطب جاي كاشخ بالتورته وأخر شي ذبابه,,,من جد موقفه صعب ههههههههه بس ماقلتي عسى بدلها وجابلكم غيرها هههههههههههه شاكره لك خيتو ,,فضل تواجدك,,وذكر موقفك الجميل,, |
هههههههههههههههههه
بنات انا ابقول لكم عن موقفين الاول كان لاخوي: كبيت العصير على نفسي بدل ماالبنت تكبه عليها هههههههههه من زود الاحراج كنها النظرة لي الثاني لي : دخلت اقدم العصير يوم جا ياخذ الكاسه ويرفع نظره لي انا الف وجهي وتطيح عيني على رجله كان لابس شراب اسود بس واجلس والله ماقرت ارفع عيني لانه طووول الوقت وهو مبقق عيونه وكنت احس بحر شديد مع ان التكيف شغال المهم طلعت بعد محاولات فاشلة مني في النظر له لاني كنت خايفه تطيح عيني بعينه ساااعتها مدري وين بروح من الخجل طلعت لاهلي قالوا هاه شفتيه قلت لا شفت رجله بس ههههههههههههه جلسوا يضحكون علي ويقولون اغرب نظرة شرعية سمعنا عنها وبس ومع ذلك ربي ماقدر بسبب ظروف الزواج ادعوا لي اخواتي فانا بصدد نظرة قريبة والله اني خااايفه ومتوترة اخاف مايصير نصيب بصراحه البنت تحس بكسر اذا ماتم نصيب حتى لو كانت جميلة ومزيونه والسبب خارجي عن النظرة فمابالكم اذا كان السبب النظرة الله المستعان |
هلابك عصفوره...
هههههههههههههههههههههههههههههههههههههههههههههههههه ¤موقفك الأول شكلك خاشه جو معهم ههههههههه ¤الثاني ههههههههههههه اما رجوله تدرين لو داري هو كان حط كل زينه وكشخته برجوله,,, ههههههههه هاه انتبهو ياشباب لرجولكم ههههههه وكلامك صحيح,,بس حتى لو ماصار نصيب مهما كان السبب اكيد فالأمر خيره يعلمها الله سبحانه.. والله يسهل أمرك ويوفقك,,ويجعله من نصيبك لاكان فيه خير لك,, شاكره وجوودك |
متابعه بصمت
:25::26: |
أفهمني تملكني هههههههه
حياك أختي.. متابعه ممتعه |
والله مواقفكم جميله جدا بالاخص موقف سمآ والله انا لو بمحلك كنت انفتحت بالضحك لأن من عادتي ما اعرف اخبي ضحكتي والحمد لله ربي سترك ....
اما عن موقفي انا يوم حضر زوجي للخطبه كان من غير مواعيد وهو اصلا ولد خالة امي حضرو بعد صلاه المغرب هو وامه وابوه ولسوء حظي اهلي كانو كلهم بره البيت بس انا واخوي وكمان هو نايم وانا عامله خلطه بوجهي وشايله الخيار بيدي وحضرت الكااارسه سمعت جرس الباب يرن توقعتهم اخواتي قمت اصيح واقول لهم ما راح افتح انتو معاكم مفتاح بس ما ادري ايش اللي صار قمت وفتحت الباب وتفاجأت بهم كثيرا والذ ما في الموضوع كنت لابسه بجامه ووجهي فيه الخلطه وشكلي يخووووف المهم دخلتهم ورحت ظبطت حالي والحمد لله اهلي ما تأخرو كثير يعني على بال ما ضيفتهم وجلست وياهم شويه وهم وصلو البيت طبعا كنت فاكرتها زياره عاديه زي كل مره ...... والله انا حتى الآن ما اعرف كيف اليوم ذاك انتهى بس ذكرى حلوه كل فتره زوجي يذكرني ذاك اليوم وكيف كان شكلي .... |
هلابك خيتو أم محمد..
هههههههههههههههههههههههههههه موقفك تحفه صراحه..بس أتوقع هو عارفك وشايفك قبل ,,ماعليك تلاقينه قال بنفسه والله أنك حلوه ولو أنك كذا هههههههههه شاكره فضل وجودك,,وأضافتك الجميله.. |
هههههههههههههههههههههه
مواقفك تضحك انا عن نفسي لسه ماملكت لان ملكتي بعد شهر ان شاءلله بس الي اتذكره ان بالنظره الشرعيه جا يلبسني الشبكه كانت الاسوره كبيره وانا يدي نحيييفه فقلتله لاشعوريا كبيرره وطالعته هو ابتسم ومسك يدي وضغط عليها وقال معليش انا هنااا خلاااص تفشلللت حسيت كلمتي هبله ههههه |
ضحكتيني بنص الليل وآنآ خآطري متكدر .. آنآ .. كنت بيوم النظره الشرعية ( طبعاً المحروس طلب يشوفني آمشي .. هههههههههههههه .. ولآتفوتكم المشية .. شكلة قآل يآليتها مآمشت .. آرجف ويميني وشمآلي خآلآتي متغطيآت .. وغير النغزآت.. المهم ذآك اليوم طآح قلبي .. خزني من فوق لآتحت مآخلآ فيني شي .. حتى آمي خآفت .. و’آسمع إخته بسك كلت البنت .. المهم وبالغلط وليته مآصآر هالغلط .. طآحت عيني بعينه .. وإنفجعت .. متتتتتتتتتتتت .. متتتتتتتت خوف زيآديه وكنت ميييييييييييييته ضحك وزوجي يطآلعني يقول لأخته وشفيها هآذي كذآ تضحك خرعته يحسبني مجنونه مآدرى وش آشوف خلف الكوآليس البنآت متجمعين وضحك ورقص وعيآره ونآسه وآنآ شآبكه معآهم ضحك.. وبعدي لآ والحبيب يسأل وش أخبآرك؟ آي أخبآر وإنت قطعتني من الخز .. آول مآطلع لآشعوريا ًصرخت وه وه حششششششششششششه وركضت ع المجلس إلا ألقى نفسي في حضن إخته هههههههههههههه وفشلتاه |
اقتباس:
بجد أحس تصرفك في برائه وعفوووويه وهو تصرفه أحلى وأحلى هههههههههه دوم الضحكاات خيتووو..مشكوره على تواجدك الجميل .. |
اقتباس:
هههههههههههههههههههههههههههههههههههههههه يمااااااي يمااااااااي...من جد موقفك صعب وش الي قومي وأستعرضي وأمشي قدامي ههههههههههه موتيني ضحك يوم تقولي أرجف يميني وشمالي ههههههههه وموقفك كله يضحك.. تسلمين خيتووو على تواجدك ,,وموقفك التحفه ودوم الضحكات..الله يسعدك.. |
ههههههه مواقفكم توحفه ..
اما انا موقفي غير شكل يفشل ويطيح الوجه .. الموقف كان تقريبا قبل خطبتي بساعات من ولد عمي .. وحنا ميانا حيييل مع بعض .. لان عايشين مع بعض كانا مخيمين بالبر .. واذكر اني طفشت وابرجع للبيت .. وبيتنا قريب من المخيم .. وازعجهم ابرررجع للبيت .. ودوني للبيت .. وكان مافيه احد الا ولد عمي هذا اللي خطبني .. جاء ولد عمي .. قال انا ابروح للبيت ..بتروووحين معي .. قلت ايه ايه .. واخذ قشي بسرعه واركض وحالتي حاله .. من الخوف انهم يروحون ويخلوني .. عاد من غبائي ماسالت من بيروح معك .. اهم شي عندي اني اروح للبيت .. توقعت ان احد من العائله الكريمه بيروح معنا .. يوم جيييت عند السياره تفاجاءت ان السياره فاضيه .. واطل قلت يمكن فيها احد ماشفته ..الا مافيها احد وانا اوقف عند السياره .. الا يوم جاء قال .. ليش ماتركبين .. قلت وين الناس .. قال ماحد رايح .. جاني التردد .. اني اروح معه لحالي ..بس صعبه وش اقووول له ..و قلت بنفسي اذا جلستي من اللي بيوديك .. قال وشفيك واقفه مو انتي اللي مزعجتنا تبين البيت .. عاد مافيه امل اني اتراجع واغير رائي ..وكنت بوقتها تعابنه ومالي خلق اجلس ابدا .. ابروح للبيت باي وسيله كانت .. قلت هااا الا ابروح .. وانا اركب وراء .. وهو يلتفت علي قال تعالي قدام مافيه احد .. وادور عذر .. قلت لا بس اذا ركبت قدام يشوفني زوج خالتي .. وكان هو مقابل للسياره.. ماكانها لابسه عباءه ومتغطيه .. شوفوا بس العذر ..ذابحني الحيااا .. هههههه عاد واذا شافك .. قال بس .. وهو يلف السياره .. للجهه الثانيه .. قال الحين مايشوفك .. قلت بنفسي هي شوي وحنا واصلين ..ي الله نمشيها ..وانا انزل واركب قدااام .. وياليت ماركبت قدام .. لان كل هذا يهووون ..عند الموقف هذا ويوم اقبلنا ع البيت الا عمي واقف عند الباب ويطالع فينا بنص .. عييين .. وخزنا خز .. و ي حلااات شكلي بس وانا راكبه قدام .. ولا بعد لحالنا .. ابتخلص من هذا الموقف باي شكل ..وانا افتح الباب .. والسياره لسى ماوقفت ..وانزل طييييران ع البيت .. هههه مايشوفون الا عبااتي طايره وغبررتي ورائها لاسلام ولاكلام .. هههه مالي وجه.. بس الله ستر م طحت تحت السياره عاد يوم نزلت .. وانا اتذكر اني كنت ابي بيتنا .. هههه وانا نزلت بيت جداني .. وش هالورطه وبعدها بساعات .. الا جاء عمي عند ابوووي .. قال حنا بناخذ خجل .. لفلان .. يوووه ي عمي فهمتنا غلط الله يصلحك .. وحنا ع نياتنا.. بس عاد لاتفكرووون انهم خاطبوا من الموقف .. هم مفكرين من زمان .. عاد انا ماخذت الموضوع جديه .. لان اعتبره مثل اخوووي .. بس بعدها بشهر الا خطب واحد من برااا .. مادريت الا عمي يدق قال لاتعطونه حنا خاطبينها .. عاد هينا عرفت ان الموضوع جد .. ولحد الحين الموضوع معلق .. لاني بالبدايه رفضت بس اهلي الا تاخذينه .. ادعوووولي .. |
اقتباس:
من جد موقفك لاتعلييق هههههه والله يكتب لك الي فيه الخير..ويتمم عليك.. شكرا أسعدني تواجدك خيتو.. |
| الساعة الآن 05:17 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©