|
كُــل يوم تسوء حآلتي أكــثْر..~
السلآم عليكم ورحمة الله وبركآته كيف حآلكم ؟.. إن شآء الله تكونوا بأحسن حآل بدآيةً/ سأخبركم عن عآئلتي .. تربيت بأسره بمحآفظه .. أسره محبة ترعرعت بين يدي وآلدي اللذي أغدقني بالحب والحنآن والدلع إلى أن أسمآني بـأمه .. كآن وآلدي يحبني حباً جما لآ يرفض طلباً لي .. عندمآ يخرج ويرجع لآبد أن يحمل بين يديه مآيفرحني يقبلني يضعني بين أذرعيه.. وحيآتي كآنت هكذآ.. عشت في نظر وآلدي طفله إلى أن جآء اليوم الذي قلت لوآلدي (يبة) صآر عمري 14 .. قآل لو يصير إللي يصير عمرج 9 عندي مآيتغير .. آخ أيه الاب .. آه آية الحنون .. آه,. عندمآ بلغت 17 تزوجت .. (:14:) واليوم اللذي يليه هو يوم مولدي فكبرت عآماً بعد زوآجي آحببت زوجي اللذي آعطآني مآ أريد .. ولم يقصر في شئ عشت معه أجمـــل حيآتي .. والآن بلغ ع زوآجي عآمان.. وبلغت سن (20) .. سآتكلم عن زوجي .. إنسان حسآس وعآطفي .. وحذر .. آحبني كمآ أحببته لكن الغصه هنآ’ ( زوجي ) صقــآر.. يحب هوآية تدريب الصقور وتربيتهم .. حيث هذه الهوآية دمرتني .. جعلتني مكتأبه .. بتكلم عن الصقور .. موسم الصقور يبدأ من شهر 9 وينتهي نهآية شهر 5 .. وهنآ كل معآنآتي 9 شهور وآنآ مكتأبة وحزينه.. بلآ إحساس وعدم مبالاة من زوجي يصر جدوله اليومي .. ( يصحى من نومه يروح الدوام .. يرجع من الدوام يروح يصيد حمآم وأحياناً لآ .. السآعه 3 يروح يمارس هوايتة .. يرجع الساعة 9 وأحياناً 10 .. يدور عشآ وينآم ).. هذآ جدوله يوم السبت إلى الثلاثاء الآربعاء والخميس ينآم بالبر .. وآنآ يآفي بيت أبوي يآ بيت أهله مليت من وضعي ودي أترفه ودي أطلع معآه .. ودي أغير جو وتخنقني العبر لمآ أشوف كلهم يطلعون مع أزواجهم إلآ أنآ والله يضيق بي الحال تعبت نفسياً .. مره لآ شعورياً قلتله آنآ مآ أصدق يجي الخميس أبيك تقولي نبي نطلع نبي نغير جو وإنت مو حآس كل يوم تروح وتجي ولآ أقولك شي .. فكر فيني لو شوي.. قآل أنآ مآصدق يجي الخميس أبي آروح البر .. وإنتي تربطيني مآعمري قلتله لآتروح ودآيم أسوي نفسي سعيده .. وآحآول أتمآلك نفسي وآسوي نفسي مهتمه لهوآيتة قلت يمكن إني آحسسه بشي لآكن لآحيآة ...... تعبت أجآري نفسي إلى أن طفح الكيل آحس مآفية مسؤولية ألحق ولدنا طول يومي وأربي بالحالي وهو ولآ شي والله تعبت بالحيل .. هاليومين نفسيتي خآيسه بالمره .. ولآ أكلمة ولآ أضحكله مع إني صآحبة الوجه البشوش .. لكن مآعدت أتحمل المجآآآمله لآن أحيآناً يجي البيت معصب والصقر حقه يلعب بنفسيته وكالعآده اليوم الأربعاء رآح وتركني .. وبينام برا.. وآنآ مآغير مكتأبة ودي أصآرحه ولآ قآدره مآ أحب أنكد عليه ولآ عآرفة وش أسوي أهلي بكرة بيمشون الإمارات وهذآ يزيد همي أحسه طول هالإجازه النآس بتستآنس إلآ أنآ هو بينآم بالبر وآنآ ببقى بالبيت لوحدي للعلم أنآ آدرس بالجآمعه وآنتظر الترفيه .. لكن لم أجد ولما آقوله خل نطلع .. ( يصرفني .. ويجي معصب عشآن مآ أقوله هآ شرآيك مآرديت علي ) زي اليوم قآل بروح أصيد حمآم ( قلت جد أنآ بروح معآك ) قال من صجك؟ قلت إي أغير جو .. قآل وش تغيرين فيه جو وآنآ أصيد حمام .. قلت آبي أشوف شلون تصيد سكت ودآنآ للبيت ونزل ونآم .. كلة عشآن مآروح معاه.. |
آرجو آن ينقل الموضوع لقسم المتزوجين .. بالغلط وضغته هنآ |
مشآء الله الله يكثر الزوار .. لكن آين الردود ؟ |
ما دام انه مرتاح وانتي تخفي ضيقك ليه يتحرك وليه يغير الوضع :)
الرجل بطبعه أناني واذا مصالحه لم تمس وما دام حقوقه تصله كامله فلا تتخيلي بأنه بيوم من الأيام راح يتبرع من عنده ويقلل من راحته حتى يريحك انتي ... مين بزمننا هذا حبيبتي تشوفيه يعطي بدون ما ياخذ ؟؟؟ ضعيه أمام مقايضه ليدفع كما يأخذ .. يكفي تبرعات :) بهدوء وبدون صوت عالي وبدون نقاش كثير .. لا تناقشي نهائي ..هو يعرف تماما حاجتك . لكن مش مجبوره تكوني مبتسمة بوجهه وهو هاضم حقك .. مش مجبوره تتبرعي بما يزيد عن طلباته الاساسية . وكل ما سأل قولي له نفسيتي تعبانة ..حزينة .. مرضت غصب عني من الملل . أتمنى وليتني أكون مثل ما تبي بس غصب عني للأسف . بهدوء ... خلي أعصابك باااااااردة .. لا ياخذها عليك حجة انك عصبتي أو ناقشتي أو نكدتي .. جربي وراقبي الوضع وخليكي ذكية .. تصرفي وفق الظروف ... جربيها شهر وبلغيني بالتطورات حتى نتجنب نتيجة عكسية . أغلب الرجال يتجاوبوا ويعدلوا وضعهم لأنه يهمهم ان يكسبوا مودة زوجاتهم لكن بعضهم تكون ردة فعلهم عكسية لو طال الجفا . وأرجو منك أن تكثري من الاستغفار ومن الدعاء .. مفعولهم عجيب :) |
هو لو جفيت يجفآ .. ويضل سآكت مثل مآ آنآ سآكته ويبتعد بهدوء .. وآنآ آكلهآ زووود |
حبيبتي بيتآ .. آشكر أهتمآمج والله آفرحني مرورج وتعبيرج .. آقدر لج شكرآً لك ..~ |
الله يعينك ويفرج همك
ؤالله ماعندي شي أقوله إلى أني إدعيلك وان شاء الله الأخوات مايقصرون دمتي بفرح |
اقتباس:
وكيف ترجعوا للحياة الطبيعية مرة ثانية ؟ اذا انتي اللي تبادري بالرجوع هل تعاتبيه قبلها وللا ترجعي بسكات ؟ ربي يهونها عليكي يا أمي .. أعرف انه الدراسة والأطفال ياخذوا أغلب الوقت لكن حاولي هالمرة تقرئي سورة البقرة خلال مدة الجفا .. وقبل المعاتبة تستغفري وتقرئي المعوذات والكرسي وتطلبي من ربنا العون وتهجمي بشراسه ::) ههههههههه ... أمزح قصدي وبعد الدعاء تعاتبيه :).. عندك رب يلين قلوب الحجر مو بس البشر :) |
هلا يا غالية أنا حاسة فيك والله
لكن شخصية زوجك ماتنفع معاه التطنيش أبدا هو عاطفي حساس زاحميه بهوايته إقري عن الصقور إطلعي على مواقع خليه يعرف إنك تعرفين بهالهواية وانه بيستمتع معك إذا جلس جمعي له أنواع الصقور مثلا شوفي له محلات بيع أفضل .إبتدعي تشطري لا تخليه يشوف إنك تغارين من هوايته لا خليه يشوفك انتي بهوايته يعني اذا شاف هوايته يشوفك انتي خليه يربطك بهالهواية غصب جربي معاه هالطريقة والله يسعدك يارب |
اضافة الرجال العاطفي الحساس يحتاج إحتواء أكثر من تطنيش
إحتويه هو زي الطفل يمثلك الحين شايف لعبه قدامه وقاعد يلعب فيها خليكي انتي اللي تلعبيه هاللعبه واصبري عليه شوي شوي يبدأ إلين ماتصيرين انتي وهوايته بمستوى واحد وشوي شوي يمل من هوايته ويتذكرك انتي ويحن لك اكثر لأنك احتويتي هالطفل . |
اقتباس:
ههههههههههههه آمين يآرب فديتج حبيبتي أنتظرج |
اقتباس:
تسلمين يكفي دعوتج وبصمتج تدخل السرور ع قلبي.. آسعدني مرورج آكثر |
اقتباس:
ههههههه لآ تجيبيها ع الجرح:d سويت كل شي ومثل مآتفضلتي .. يحب يجلس معآي نتفرج باليوتيوب ويحب يقولي وش صآر .. ولآشرى صقر جديد يوريني إيآه.. لكن آنآ مآبي يقولي ولآ آبي شي من هذآ .. آبيه يحس بالمسؤولية يحس إنه عنده زوجه وولد يحتآجون من وقته شوي |
اقتباس:
والله مو مقصره دآيم آحطه في عيني وبيديني .. وآدلعه وآحسسه إنه طفلي الآول .. لكن إلى متى دلع و إللي يبيه تم ومن هذآ بدون مقآبل آسعدتني حلولج .. كوني هنآ عزيزتي |
معك 100%
اقتباس:
|
عند نقل الموضوع ستجدين تجاوبا أكثر عزيـــــــــــــزتي إن شاء الله ..
::: وكأنكِ تتحدثين بلســــــــــــان حالي ،, مع اختلاف بعض التفاصيـــل واهتمامـــــــــــــــه الذي يطغى على أغلب وقته .. به من الصفات الطيبة ولله الحمد .. لكن هذا الموضوع كان ولا زال يضايقني .. واجهته وكان من المواجهة ما كان .. تحسن يومين >> بعدها عادت حليمة لعادتها القديمـــــــــــة أحاول مشاركته اهتمامه .. وكم ينشرح صدره للحديث عن هذا المجـــــــــــال .. أعلم أن حاله أفضل بكثير ولله الحمد من العديد من الأزواج ،’ لكن لماذا هي المرأة بالذات التي تصبـــر وتتنازل وتشارك الرجل اهتماماته .. دون حدوث العكس !! لست بامرأة "حنانة ونكدية" لذلك تركت له المجال ليتطور بمجال عمله واهتمامه.. وهو يمدح بي هذه الصفـــــــــة .. لكن إلى متى سأظل أتغاضى .. حتى يموت الإحســــــــــــاس ؟!! عزيزتي // أم رتودي أعلم أنني لم أفيدكِ .. لكن كلام الأخت العزيزة بيتـــا أثار بي الشجون.. لكن أدعو لك بقلب خالص أن يفرج ربي أمرك .. فهم الدراسة + الزوج+ الطفل ليس بالأمر الهين .. |
آورآق ملونه إي والله آعآني الكثير .. وآحس الدنيآ ضآيقة فيني آمس وهو نآيم بالبر آرسلتله رسآلة ,, إنه عندمآ يعود سآخبرك بأمر مآ ويوم رجع يسآلني وش بتقولين لسآني إنربط وترآجعت وقلت لآ خلآص هونت .. ورآآآح ينآم .. يقول صحيني السآعه 4 ( ليعآود الرجوع لهوآيته .. ويتركني مع ولدي ويذهب ليسرح ويمرح ).. |
آشكر آخوآتي اللي ردوا علي وشآركوني همومي.. لكن 339 زآئر .. ! فالحمدلله آخوآتي مآقصروا شكراً حبيبآتي |
الله يجبر بخاطرك يا الحبيبة
مدامك جربتي كل شيئ المواجهة والتطنيش وووو.. مابقى لك غير دوري على هواية خليه يستمتع مثل ما يبي وانتي استمتعي كمان بحياتك لا تنتظري منه انه ياخذ بيدك ويكون همه دايما سعادتك انتي فكري شلون تسعدي نفسك يا الحبيبة |
فديتج آختي آسمآ .. سأحآول التطنيش والضغط ع قلبي .. |
ايوا كذا قوي قلبك يا ست الكل
والله يسخر لك زوجك يارب ^_* |
حبيبتي أم رتودي ... أنصحك نصيحة محبة أنك تشوفي هذا الموضوع وان شاء الله بتجدي فيه الفائدة
http://www.66n.com/forums/showthread...08#post2782608 الى جانب ما قلته لك عن الأذكار والدعاء .. وهما الأساس بنجاح أي حل تجربيه . صدقيني :) |
ياروحي لا تضيقين الله يكفيكم شر كل هو ما يضيق الصدور
إختي زوجك عنده هواية راقية إسعدي لهذا الأمر والله ان هوايته تجعلك فخورة فيه شوفي هوايات الغير اكيد فهمتيني لازم تنبسطي على قد ماتقدري معاه في هوايته كم مرة حاولتي شهر شهرين 3 حاولي 6 شهور سنة معليش الموضوع يبيله صبر عشان تعيشو سنين وانتم مرتاحين ماتفرق هالشهور جربي حبيبتي ولا توضحي له انزعاجك خليه يستغرب " غريبة وش فيها ما عاد يضايقها هالأمر " وبعدين هو اللي راح يدور عليك |
"شوفيه هو لما يكون مبسوط وانبسطي فيه ولا تشوفين هوايته
عشان هو بعد يشوفك انتي ولا يشوف هوايته " |
هههههههه انا تركتها وزوجك مازال
هي ماتعتبر هوايه بالنسبة لي انا طبعاً ، هذي فتنـه وانا كنت من الفتونين بها لدرجه اطلع اسبوع او اسبوعين بالبر طبعاً وقت الحبارى والكراوين ، وتصدقين هالاسبوعين او الاسبوع مرات نلقى فيه وحده او ثنتين ومرات نرجع ولا نلقى شى ومع كذا نطلع ، كل سنه اقول خلاص هذي آخر سنه لين ماقررت الزواج والحمد الله ما اخفيك استراحه الشباب كل بعد فتره اروح لهم رغم اني بعت طيري ، ويدي تحكني ودي اشري وارجع مثل اول ، بس خلاص ، ما اخفيك اطلع معهم يوم يومين وارجع لبيتي بس الحمد الله ما اقصر بحق زوجتي ابد تخليني اطلع وهي راضيه تمام الرضى الله يعينك ارضى بالامر الواقع ، وصدقيني مع الايام يبي يمل وتروح عنه الفتنـه اذا جا من الدوام ، جهزي له دس الطير ، البرقع ، المركاب ، السبوق واذا تغدي قولي سم ، يعني على شوي شوي صدقيني يبي يحس فيك ويبطلها |
ههههههههه تقول بطلتهآ يآولد حآئل هو له 9 سنين.. ولآ قآدر يبطلهآ حتى آول قصيده سمعتها منه .. إنه يوم بيتزوج رآح يتركهآ ,, لكن مآزآلت هوآيتة التي يحبها حبا جما مع إني رآضية إنه يطلع وينبس وينآم بالبر ويقنص ويصيد وآفرحله وآبآركله بس .. آنآ لآينسآني بالبيت ملطوعه .. آشكر كل من وقف معآي ولو بدعوه .. صرآحه أثلجتوا صدري .. سأخبركم بمستجدآتي تمآلكت قوآي وآخبرت زوجي بمآ في دآخلي طبعاً حدث نزآع .. (وخرجت منه وآنآ زعلانه).. وذهب لينآم في مكآنه المعتآد(البر) .. فاليوم التآلي أستيقظت ع صوته .. قومي الحين الظهر بسك نوم ..(بروح أصلي الجمعه .. إجهزي بعد الصلآه) توقعت بنروح بيت أبوه لآن الجمعه غدا عند أهله .. قلت ( وين بنروح ؟ بنبرت زعل ) قآل ( بنروح مكآن سري ) وطلع للصلآة والحمد لله تحقق مرآدي .. وخرجنا وانبسطنا.. |
الحمدلله
الله يبشرك بالخير الله يديم عليك الفرح والسرور ويزيل عنك كل ضيقه وهم ؤالله فرحتلك من كل قلبي:17: ماشاء الله تبارك الله دمتي بفرح |
الحل انك تنشغلين عنه سوي لك حياه اجتماعيه واذا اهلك بيروحون الامارات روحي معهم وعادي طنشي الدراسه يومين ثلاثه احسن من جلستك لحالك بالهم.
زوجك ماراح يتغير عشانك ممكن يخفف بس صعب يتغير وبعدين ماتدرين خيره ينشغل مع طير احسن من ينشغل مع بنات صح سوري كتبت الرد وماقريت مستجداتك الله يديم عليكم السعاده :) |
المفروض يكون عدد الايام و الساعات التي سيقضيها الزوج مع زوجته تكون في اتفاقات ما قبل الزوج كالاتفاق علي المهر و الذهب
|
حآلتك بَ آلضبط نفسْ حآلة خآلتي
وذكرتيني فيهآ لماً قآل مً أصًدق يجي آلخميس واطلع تربطيني . . ب آلضبط نفس زوجها .. أنا أقولك أنشبي له قولي بروح معك كل مآتروح للبر وأنا متحملة وسآكته عدم قل أهتمآمك فيني لكن هآلمرة لآ بروح أغير جوُ مليت من جلسة آلبيت .. صَآرحيه يهتم فيكِ وحسسيه بتصرفآته آللي مو متحملتهآ .. وآلله يخليكم لبعض |
الله يسسر امرك كما تحبين ..
|
عااادي. انا. علمت زوجتي جميع انواع الصقور
شاهين وحر وكري وقرناس وجير حتى عيالي علمتهم تابعي معة قناة الصحرا. ولا قناة الدانة اذا جاء المقناص روحي معة للبر. وهدو الطير على الحمام ولا. تنسين. تعلفين الطير بالسمان انبسطي معة وعطية جوه. والله انه. ليعطيك جوك واي شي تبينة تراني مجرب سلمي لي على زوجك |
ينقل للقسم المناسب
|
| الساعة الآن 06:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©