|
زوجي ما يحبني
السلام عليكم ورحمة الله
حقيقة لا اعرف من اين ابتدئ بإدخل بالموضوع مباشرة زوجي ما يحبني ويحب زوجته مرة من المرات اللي وصلنا فيها لطريق مسدود قالي هالكلام طبعا وقتها قلت له حتى انا ما احبك - وفعلا انا ما احبه الى اليوم- ودائما ما يطري طليقي على بالي وأتذكر شلون نظراته وحبه لي اشعر اني ندمت على زواجي منه ومالي خط رجعة لا تقولون لي توددي وشوفي شنو اللي يحب وسويه لأني حاولت اتودد له بكل الطرق ما لقيت الا اللي ما يسر الخاطر امس طلع معاها وطبعا رجع والأرض مؤ شايلته من الفرحة والله اني ندمت ندمت. وودي اتطلق منه ادري كلامي ملخبط جداً انا ما ابيه يحبني ولا ابي احبه بس كلامه جارح وقاسي شعور يقهر ان عايش معاي جسدا ومعاها الحب والغرام وانا كزوجة من حقي اني احس بانوثتي من غزل وغيره وهالشي محرومة منه جزاكم الله خير نصايحكم |
الله يهدي بالك ويصلح أحوالكم عزيزتي
أستغرب من زوجك .. بما انه يحبها كل هالحب ليه ما يرجعها بشكل عملي بدل لقاءات العمل هذي .. ليه ما تقعد ببيتها ومعها بناتها وتتحمل مسؤولية ونشوف بعدها اذا راح يظلوا بهذا المزاج أو لأ .... أتذكر كلامه قبل وبأول زواجكم بأنه لا يمكن يرجعها وانها ما تصلح تربي بناته .. شو اللي تغير ؟ حبيبتي .. هل في احتمال أن تكون هرمونات الحمل ومع التعب صرتي حساسة بزيادة ؟؟؟ هل ممكن يكون راجع فرحان من بعد طلعته معها لسبب ثاني غير انه يحبها ؟؟ أخاف بطريقتك وحساسيتك يصير بينك وبين زوجك كره مو بس عدم حب . انتبهي .. وخففي تركيزك على علاقته فيها .. حاولي تبني حياتك معاه بالوقت اللي يكون هو موجود فيه معاكي .. أما وقت وجوده خارج بيتك فهو ليس ملكك فاجعليه خارج اهتمامك وخارج حدود حياتك معاه |
اذا انتي مستغربة يا خالتو بيتا انا صرت مجنونة من فعايله
هو حتى اذا فتح لها شقة راح تكون بروحها معاه اما البنات فهم عندنا والله يا خالتو بيتا غصبن عني واحس فعلا كرهته وكرهت فعايله الله يجبر بخاطري |
موهبة الكويت
مشكلتك أنك لا تنظري الا لما يفعله زوجك وزوجته لا تنظرين الى نفسك ابداً لذلك هو لا ينظر لكِ كل تفكيرك يريد أن يرجعها او لا يرجعها التفكير بهذه الطريقة مقلق انتي كمن تنتظر زواج زوجها عليها فكري بنفسك انظري الى وضعك اذا ما كنتي مرتاحه لوجودك ببيت اهله اطلعي ببيت لوحدك وهي تجي عند بناتها هذا حل ممكن تطرحينه على زوجك بشكل انك تبحثين عن حل واستقرار للجميع الآن اهم شيء في حياتك بالنسبة لك وصار والله يقومك وطفلك بالسلامه بس إعتقد الآن صرتي تعرفين زوجك والاسلوب الي يجذبه إذا بالك طويل وحابه تدخلين بالمعمعه مارسي حتى انتي دور الخليلة وإذا مالك بهالحركات انشغلي بنفسك وبالطفل الي جاي واضمني لك بيت يعني فكري بشكل عملي حتى لا تتعبي |
اختي ذكريات لا تغيب قلت له هالحل
مؤ راضي. لان اهله ما يبونها في بيتهم وما يقدر يفتح بيتين مع بعض يعني بيتشتت بيني وبين زوجته وبين بناته فكرت بشكل عملي وانا عايشة بشكل عملي معاه بس انا بشر احتاج احد يحبني وأحبه مؤ جماد الحياة كلها عملي بعملي مشكورة على مرورج |
الله يساعدج حبيبتي شوفي اكبر غلط تقارنين شخصين مافيه 2 يشبهون بعض ثانيا طليقج لو فعلا كان مريحج ماتطلقتي منه ثالثا قعدي وفكري هالشخص انتي قلتي له انج ماتحبينه وهو نفس الشي ليش تزوجج عيل؟ قدامج حلين تقعدون وتصارحون بكل شي وكل اللي مضايقج منه ومضايقه منج. وتختارين عقبها ياتصبرين يا تتركينه. اما هالحياه العذاب اللي مافيها حب صعبه.
الله يسخره لج ويريح قلبج |
انآ بصراحـه مافهمت .. او ماستوعبت
يعني انتي قد تطلقتي أول وتحبي طليقك وتزوجتي من انسان متزوج من ثانيه !؟ او خطأ هالكلام ! |
اختي heart225
انا وإياه عقليا مقتنعين في بعض يعني هو كأب والنعم فيه وانا بالنسبة له كزوجة والنعم فيني بس سبحان الله القلوب مؤ متوالفة |
و ليش البنات تاركتهم عندك ؟ ليش ما يجلسوا مع أمهم ؟
|
موهبة عزيزتي اتوقع والله اعلم زوجك يجذبه الزوجة اللي عايشه
حياتها ومطنشه ولها جوها الخاص يعني لاتقصرين معه بشي من واجباته ولكن لاتهتمين وين راح متى جاء ومع مين طنشي وخليه آخر شي تفكرين فيه بيني له ان لك اسرار واشياء منشغله فيها وخليه لاهيه عنه وروحي لاهلك واطلعي ووسعي صدرك وصدقيني بيجي يركض وراك بيشوف وش اللي شاغل بالك وخلاك تبعدين عنه وقتها قولي ولاشي بإبتسامة فيها كيد !! اشتري اللي تبين واهتمي بنفسك واكشخي بس مو عشانه عشان نفسك ولاتسولفين معه كثير لاجاء ولاتعاتبين ولاشي عيشي حيااااااتك ع الآخر زوجك والله اعلم من النوعيات اللي يحب المرأة اللي عايشه حياتها ومب لاصقه فيه تستجدي عطفه اتوقع كذا انتي جربي ومب ضارك شي اهم شي خليك محترمة وقايمه بكل طلباته بس كوني غامضة معه وبنفس الوقت بيني له انه حتى لو مايحبك مايهمك هو اهم شي نفسك وانك سعيدة مع ذاتك ومع اهلك ولاتقولين له اي شي عن اسرارك |
موهبة طولي بالك حبيبتي
معظم كلامك عن زوجك وزوجته الاولى ومثل ما قالت ذكريات شوفي نفسك .. وانا مع كلام مشكلة والله ! كلامها منطقي الصراحه .. وخليكي مهتمه بنفسك ولاتدوري بدائرة وتعيدي وتزيدي بالكلام .. بعدين ليش البنات عندك مو عند امهم..؟؟ طيب شو بنظرك علاقه زوجك بزوجته الاولى ...؟ هل هي بعدها على ذمته وليش مو ناوي يرجعها .. ؟؟ |
باختصار يحب زوجته لكن ما يقدر يطول معاها على طول لكن يبيها لأنها ساكنه قلبه ، لكن ما عرف يعيش معاها هي كذا مرتاحه لا مسئولية أطفال وزوجها متعلق فيها حتى لو كان متزوج عليها مشكلة زوجكك باختصار يا موهبه يحب زوجته الأولى رغم كل عيوبها ، وهي جالسه تلعب على هالوتر لازم تتعلمين كيف تموتين قلبك وتعيشين حياتك لا تقولين أتطلق ، مو حل! كوني كبقية أغلب نساء دول الخليج ، اقتلي مشاعرك وادفني نفسك في أي شي ثاني انشغلي يارب يفرج همكوييسر أمرك |
حبايبي خواتي
انا مؤ موضوعي بناته هذا موضوع منتهين منه موضوعي مثل ما قالت اختي شوك بالضبط ما يقدر يعيش معاها وحابها وساكنة قلبه وانا العكس مؤ حابني ولكن كعيشة مرتاح معاي والصراحة حاولت اني أجمد عواطفي بس للأسف فشلت وينطوي مؤ حياة هذي انا عايشة مع انسان لا يحبني ولا احبه اختي مشكلة والله سويت اللي قلتي عنه بس هو حتى الطلعات ما يرضى دائماً اطلع مرة تهاوشت معاه ورحت بيت اهلي لأني خفت على جنيني احس اعجبه هالوضع بس غلط مؤ صح انا وزوجي وكل واحد في بيت والله هالريال مخه داير ويبي يدور مخي معاه |
اقوول / والله انـي للآن مافهمت .. أو اني بصراحـــــــه متكاسل افهمـ ابغى اريح مخـــي شوي ..
ماصدقنآ تجي الآجآزهــــــ .. أمآ انتي احب اقولك / أسأل الله ان يثلج صدرك ويطيب خاطرك .. ولا يجعلك تنامين الا مستقرة الفؤاد قريره العين ... |
اقتباس:
تحتاجين كيد النساء تعلميه يا موهبه وكوني قويه |
يزاك الله يا عاشق الاروى ولك بالمثل يارب
اختي شوك بالضبط هذا اللي احتاجه انا تربيت على المباشرة والوضوح والصراحة و هالاسلوب ما ينفع مع زوجي أبدا لازم الف وأدور لين ادوخ ممكن تساعدوني بهالشي |
القصه وما فيها زوجك مبسوط على وضع انه مثلا يمر ياخذ زوجته الاولى ويطلعو مطعم وبعدين كل واحد يرجع ببيته
وبكره يطلعو يتمشو مع بعض وبعد فتره يطلعو مدري وين الظاهر داخل ازمة منتصف العمر او المراهقه المتاخره وعايش دور الصديق والصديقه او الحبيب والحبيبه اللي ما تربطهم ببعض غير العواطف اما ارتباطات رسميه فلا بدليل يتعاملو مع بعض وكان ما عندهم بنات او كانهم ما كانو متزوجين من بعض.. يمكن تكون فتره وتعدي وبكره يمل وهي تمل ان شاء الله .. الان فكرة الطلاق غير مناسبه لك لانك حامل لو كنتي مو حامل كان اقولك فكي عنه لانه شكله مو جدي بزواجته بيك..لكن بما انه صار فيه بيبي جاي بالطريق فانتي مو حره باتخاذ قرار الطلاق لانه الطلاق يخصك ويخص ابنك اللي جاي بالطريق وحسب كلامك بتقولي انه (ونعم الاب) معناته هو اب جيد حرام تحرمي ابنك من ابوه وتعيشيه حياة مشتته وربما مع زوجة اب مثل حال بناته الان.. ان تطلقتي فهذا يعتبر الطلاق الثاني لك وحسب ما اذكر انك لم تكوني سعيده لما كنتي ببيت اهلك فبرايي ابقي مع زوجك وربي ابنك وزوجك رح ياخذ واحد من الطريقين يا امي رح يرجع زوجته الاولى وتصيرو زوجتين في ذمته يا اما رح يمل ويرجع يستقر معاك .. لانه وضعه الان لا يمكن يدوم مارح يستمرو (خليل وخليله ) لمدى العمر ..زوجته الاولى بمجرد ما يجيها زوج مناسب رح تسحب على زوجك وتتركه ..الاهم الان ان تكسبي اهله في صفك وتخليهم يحبوووووك حتى يكونو سند لك ضده لو قلب عليك اكثر.. الله يوفقك.. |
هلا باختي كرستيلا
اي نعم وايد عاجبه جو الخليل وخليلته ودام هي بذمته شرعا فهو انهتز هالفرصة طبعا الطلاق مجرد وساوس شيطانية لان فعلا هو كاب وايد زين ومربي ممتاز بس ابي طريقة تجذبه لي من كيد النساء |
اقتباس:
انتبهي على نفسك ربي يسعدك الأهم هو انتي والجنين الكلام اللي اقتبسته مو من الأخت كريستالة ماأفكر فيه هو فعلا عاجبه هالجو وهالدور إنه يكون له عشيقة بدون مسؤولية بسسس بالحلال يعني ضامن إنه مو قاعد يسوي شي حرام موهبة عزيزتي ليش ماتمثلين هالدور تخلينه يدور عليك دوارة ويدوخ وهو يلاحق فيك مثل ماقالوا الأخوات خليك غامضة شوي وتعلمي تحبي نفسك أولا وتهتمي بنفسك وتعيشي حياتك وماتقصري معاه كواجبات فقط اما الدلال الزايد انسيه بشكل مؤقت فقط عشان يحس بالإختلاف أشغلي وقتك بدورات تعليمية زيارات ووو إلخ ولاتدققين واجد عليهم ووين راحوا وين جو إيش جاب لها ومن هالكلام لإنه تبقى زوجته بالأخير وإنتي رح تتعبي نفسيتك بس ولاهم مبسوطين وماخذين مجدهم بس فيه نقطة مع إنه قريت ردك إنك متفقة ويا زوجك على سالفة البنات !! إيش الإتفاق مايصلح كذا عيشتهم هي حضرتها مبسوطة لامسؤولية ولاهم يحزنون طلعة ووناسة وانبساط والهم عليكم سواء جدتهم او إنتي أو أبوها ماني فاهمة ليش أبوهم مايبيهم يجلسوا معاها وتربيهم هل الموضوع يتعلق بأخلاقها او كيف ؟؟ بكرة جايك بيبي بالطريق ورح تنشغلي ويمتلى وقتك ومارح يمديك تهتمي فبناته موهبة تقربي إلى ربك اكثر من الإستغفار والدعاء والصدقة ربي يفرج همك موفقة |
مشكورة على ردك حبيبتي روح المساء
ما راح اقدر اخليه يدور علي ويدوخ وراي الا اذا رحت بيت اهلي وهالشي انا ما ابيه ما ارتاح في بيت اهلي كثر راحتي في بيتي بالنسبة لبناته انا مالي اي دخل في بناته كلش هو وأمهم وامه يسطفلون انا مالي شغل فيهم يعني يا دوب اشوفهم دقايق باليوم النقطة الثانية انا ما ادور عليه ولا اتصل عليه وايد يعني الكلام اللي اقوله أهني لان من قلبي فماخذه راحتي اما تصرفاتي معاه كلها ثقل ورزانة اذا هو اتصل وسال انا اسأل واذا ما اتصل اسأل بمسج فقط لا اكثر وأحاول اختصر معاه المكالمات مع هذا لأني موجودة جدام عينه وهي الغائبة الحاضرة فهي العزيزة الغالية بالنسبة للطلعات هو طبعه بيتوتي ويبيني اكون معاه لو كان هو بالبيت يعني انا مجابلته و متحملة مسئوليته وهي لها الحب والهيام والله حاولت كل اللي اقدر عليه بس هي مسيطرة عليه وعلى قلبه احس شعور قهر ان قاعدمعاي وهو يحبها الله بكتب كل خير |
اقتباس:
ممكن عاجبه التجربة لكن تأكدي انه شعوره تجاهها مثل شعور من يكلم بنت بالنت مثلا .. لو عنده شيء قوي وحقيقي بقلبه تجاهها ما كان قلبه طاوعه يظل بعيد عنها .مع انه موضوع انه عايش التحربة برضه مو كثير داخله مخي لأنك سبق وقلتي بأنه رجل عقلاني جدا وبعيد عن العاطفة لا ... وبناتها عنده كمان ويربي فيهم وحده .ومستغني عنها كأم لهم !!!!! لا موهبة .. مو قادرة أجمع الصورة .. ما انجمعت معي أبدا .. في شيء غلط .. والغلط هو شعورك بأنه يحبها .. صدقيني ما يحبها فلا تخربي على نفسك بوسوستك . ما أعرف سبب تصرفه معها لكن أكيد في سبب غير انه يحبها زوجك بيتوتي يعني يحب يقعد ببيتك .. بيتك انتِ .. وما يتحمل تتركيه لوحده !!! هل هذا تصرف زوج ما يحب زوجته ؟؟ واخر نقطة بقولها .. بما أنه زوجك له صفات الأب المثالي والمحب فتأكدي بأن مكانتك بقلبه راح تتضاعف بعد ولادتك ... بناء علاقة يحتاج وقت وانتي اللي كنتي تقولي لنا هالكلام :) وللا نسيتي ؟؟ لا زلتي بمرحلة بناء فلا تملي بسرعة حبي |
الله يبارك فيك غاليتي بيتا نفس تفكيري لو كان يحبها كان رجعها وجاب لها بيت لو من تحت الأرض
غاليتي موهبة الكويت أنتي الحين حامل وصدقيني انتي في فترة حرجه وحساسه جداً وبكره بعد ماتولدي ان شاء الله رح تشوفي أنك كنتي مبالغه بمشاعرك الله ييسر لك أمرك ويسعد قلبك انتبهي على نفسك وجنينك ترى مو زين للجنين ضيقة صدرك |
مشكورين خالة بيتا وحبوبتي ندى
مرة تهاوشنا بشكل كبير جداً ووصلت الى الطلاق كل هذا بسبب سوء أخلاقه وتصرفاته معاي مع ان يوم كنا بلندن ما كان بهالسوء أبدا فقالي ان قلبه مؤ بيده وان هي حبه الاول والأخير وقتها قلت له حتى طليقي حبي الاول وحتى انا ما احبك هالكلام جارحني منه حيل كلامج خالتي بيتا عدل وهو عاجبه جداً وضع العشيق وعشيقته يعني قاعد يماطل في مسالة الشقة والبيت لها الحين شنو الأحسن أني اسوي اصبر الى الولادة وأتفاءل خير والا أعيش من غير عواطف |
اقتباس:
|
اختي موهبة اعانك الله
تصدقين افكر اخذ لو متزوج لأنه الله العالم بالوضع بس بعض اللي اخذوا معدد ماتشجع تجربتهم اخذ نصف رجل صالح احسن من رجل لا رجل اختي لاتنسين الهرمونات عندك وايد ملخبطة لأنك حامل الله يقومك بالسلامة وخذي هذا الرابط http://www.66n.com/forums/showthread...08#post2782608 الله يوفقك |
الله يزاج خير اختي أنثى أبكت القمر
صح أني امر بمشاكل بس هذا ما يعني أني ما مريت بلحظات سعيدة وحلوة سبحان الله باليوم الواحد تطيرين لي السما وتنزلين الارض خالة بيتا بالنسبة لكلامه انه يحبها وما يحبني ما كان بلحظة الغضب لما رحت بيت اهلي وخليته جم يوم يحاسب نفسه بعدها قالي هالكلام اعتقد الحل مثل ما قالت اختي شوك يبيلي دورات في كيد النساء |
ماتحتاجين كيد نساء ولا شيء
كل اللي تحتاجينه بإذن الله هنا لابد قراءة الصفحة الاولى http://www.66n.com/forums/showthread.php?t=234498 اختي لاتجعليه اكبر همك وبنفس الوقت اعطيه كل حقوقه يعني اطبخي له واعملي حقوقه بس لاتنبسطي له فترة معينة يعني وضحي انك متغيرة لاتحاكينه مثل اول لعله يتغير بعدين ممكن يلاحظ فيك تغير وإذا قال وش فيك قولي مابيني شيء بعدين ممكن تصارحينه على الفاظه والله اني خايفة اخذ ذنبك اختي كوني مع الله وسوي الطريقة اللي بالرابط راح تشوفين تغير بنفسك تصدقين عندي احساس انك راح تضحكين على موضوعك هذا بيوم من الايام وراح تفتكرين الاطفال لما تقول مامـــــــــــــــا ماتحبني ههه بإذن الله تعود الايام لمجاريها مرة سمعت الدكتور طارق الحبيب تشتكي وحدة او بيتكلم عن من تشتكي من زوجها قال يعني اعتبريه أداة للانجاب هذا الي فاكرته اصبري وفكري بوضعك قبل وضعي مزاياه وعيوبه ورجحي فكري انه الكل بيشتكي بهاالزمن وتذكري العاقبة للصابرين ادعي الله ان يكون لك مكانه بقلبه بكرة تجي البنوته بإذن الله ومعاد تحاتينه |
الله يفتح عليج اختي أنثى
كلامج أثلج صدري والله بعض المرات ابليس يكبر الشين ويصغر الزين الله يجزاج كل خير ويرزقج من حيث لا تحتسبين |
السلام عليكم
الله سهل امورك امييييييين شوفي اختي زوجك بيتوتي اضربي على هالوتر , اذا صار موجود بالبيت حاولي تكونين برا البيت حاولي هالفترة خصوصا تبعدي عنه حتى تتجد العواطف والمهم جدا عند عودتك ان تكوني باحلى زينة والعطور فايحة ,,,مرة عن مرة راح يتغير لاتنتظري التغيير في يوم وليلة ,,, وانتي عنده لاتحاولين التودد اليه ,خليهك مشغولة عنه وخلي ضحكاتك توصل لاخر البيت ,,واذا قدرتي روحي سفرة مع احد اقربائك بدونه وغيري جو,ونصيحة لاتشترين له هدية,حسسيه انك زعلانه عليه وبنفس الوقت عايشة حياتك,اتركي المواجهه معه حاليا لانك انتي الخسرانة لحد الان في المنافسة معها على قلبه واعذريني على صراحتي , يعني خليك من بعيد لبعيد الى ان تنجبي ومن بعدها ابدأي لعبتك ,,, اطلبي بيت مستقل لك ولا مانع من مساعدته اذا كنتي موظفه... وبعدها ايش راح يصير انتي مع ولدك في بيت وهي في بيت لحالها وبناتها في بيت ... ابدأي بكيدك انا مااقدر استغني عن ولدي كيف البعض يسوي كذا ,واللي مافيه خير لعياله وشلون بيصير فيه خير لولد الناس ,طبعا كل هذا عن طريق قصص لاشخاص وهميين ... في نفس الوقت وثقي صلتك بامه جدا حتى تستغلي ورقتها لدرجة مثلا اذا صار خلاف بينك وبينه تقدرين تخلين ولدك عندها وتروحين لاهلك حتى تستعملينها كورقة ضغط ... انا لو مكانك ايش راح اسوي زيادة على اللي فوق راح اصير اضغط على بناته يقولون له كل يوم نبي نعيش معك انت وماما في بيت واحد,قولي لهم دايم ليش ماتروحون لماما واشعريهم بفقدهم لها, حتى تخربي عليهم بوضع العيشيق وعيشقته , وهي اصلا ماراح يعجبها الوضع ...بس يبي لك دهاء حتى تقدري تعلقين البنات بامهم وهي بعيدة عنهم ! ركزي على نفسك هالفترة , قولي له انهم عينوك في منصب اعلى في وظيفتك حسسيه باهميتك, وبنفس الوقت ابعدي عنه... اقراي قصة ناعمة الهاشمي مع من تغلبت على خيانة زوجها , اتوقع اسمها (برود ومطر) ,فيها الكثير من كيد النسااااااااااااء !! الله يفرج لك في هالساعه المباركة |
اقتباس:
أقصد الكلام اللي اقتبسته من الأخت كريستالة هو ماأفكر فيه |
غناتي الحل بايدج وانتي موب ياهلة وانا واثقه انج لو حطيتي هدف بانج تتقبلين روح بفراشج قبل الجسد راح يصير
فديتج الموضوع وايد بسيط انتي بادري بالهدايا والغزل والكلام الحلو وغيره من الكماليات بين الزوجين وانسي انه متزوج .. حطي في بالج انه هذا ملكج انتي وبس خليه يركض يتمناج كل ليله لاتحطين في بالج انه هو متزوج ومايحبج وماتحبينه .. فكري في نفسج ووضعج الحالي وتقبليه بطريقتج انتي وبس ... وبتنجحين عزيزتي ..متاكده انج بتتاقلمين بطريقه مريحه وحلوة بس بادري قبل لايبادر بالامور الغزليه ... والله يهدي سركم |
اقتباس:
هو اللي صاد وجافيها ومضايقها ، وهي اللي تهدي؟!! يا عزتي لحال الحريم اللي كذا |
|
اقتباس:
ماعليه ساعات تنازلات بين زوجين امر ضروري ... ويمكن حد لاعب بعقله اول لاسمح الله مسويله سوى ترى الناس ماتخاف ربها .. بس بعد ارجع واقولج نفس ماقلتج سويه وبتنجحين .. وحاولي وقت النهار او الليل يوم هو محد تشغلين رقيه شرعيه وشي ضروري لاتسغفلين عنه حواجبج لاتشيلينهم شقري وقصي لانه الناس مستهينه بموضوع الحواجب والبعض عادي يحف يقول لا مايضر او يتجاهل اللعنه في حياته .. حاولي جوفين بشو انتي مقصره اتجاه ربج وبادري فيه عشان تتجنبين اللعنه .. والسموحه اكتفي بهالقدر |
يا سلام عليج يا قلب الماما
بإذن الله راح اسوي اللي قلتي عنه والله يكتب كل خير وصالح |
مشكورة حبيبتي روضة بؤ ظبي
كلامج حلو بس مؤ واقعي يعني فرضا لما اتصل عليه والقاه انتظار أكيد بيحز بخاطري بعدين انا حاولت أتقرب واتودد وكل الامور تنقلب ضدي الله يصلح الحال يارب للعلم هالايام أمورنا طبيعية جداً ما كو مشاكل ولا اي شي بس هو الموضوع مآثر فيني نفسيا بشكل كبير |
ما لك غير الدعاء الله يكون بعونك
رفع |
حيبتي موهبة
في رد لي قديم على واحد من مواضيعك قلت لك لا ترجين من معدد راحة و لمتيني و قلت لا تعممين تجربتك كل واحد و ظروفه إنت كنت متوقعة إن الحمل بيرده لك بالكامل و كنت حاسة إن له ميل نحو زوجته و ظنيت الحمل يعدل الكفة و من تجربتي القاسية أقول لك اقعدي مع نفسك يا زوج تعدينه مثل المطر إن جاء فرحت فيه و إن راح ما سألت عنه و إلا آخرتك الانفصال و أكيد بتندمين بعدها لأنك ناشبتيه و لا مشيت الزواج من معدد يتوقف نجاحه على ثلاثة أطراف مو طرفين مثل الزواج العادي يعني لو هو ملاك و إنت مريحته و عايش فوق السحاب و فيه طرف ثالث له قوة و هو الأولاد فعيشتك بتتأثر نادر من الرجال من يعدل أو يتزوج زاهد بالأولى إن كنت تبينه لك وحدك و ينسى الأولى فأقولها لك مستحيل و إن بغيت تعيشين مثل الناس مشي قد ما تقدرين و بقولك الجملة إلي عذبتني و عجزت أفهمها : اشغلي نفسك عنه الله يعينك و يصبرك احتملي قسوتي و تأمليها تجدين فيها خلاصة تجربة توفر عليك كثير ... |
حقيقة موهبة أردت أن أقف على مشكلة عميقة في زواجك لم أجد , فالكفة راجحة لك من حيث أمور مختلفة ومع هذا غير مرتاحة .. السؤال الذي يطرح نفسه : زوجك راح وانبسط كم يوم مع زوجته ورجع وباقي الايام وأكثريتها عندك فوين المشكلة من جهتك ؟ هل يسرك يعني تكونين مكانها ؟؟؟؟!!!! لو كنتِ بدالها وبنفس موقعك الان زوجة ثانية كنتي قلتي ظلمني وأخذني مسيار .. وأنا تزوجته على أساس المبيت والعدل صح ولا لا ؟ كل زوجة جديدة ما راح ترتاح لهالوضع وبتقول يفضل الاولى علي ومعطيها حقوقها ومايعدل وووووو الخ !!! ارضي يا أختي بنصيبك وتذكري ان حالك ممتاز بالنسبة لغيرك زوجات ثانيات لك نفقة وعدل واحترام من اهله وبيت مستقل وغيره وين المشكلة مادري .. انت لما تزوجتيه تزوجتيه معدد على اساس يوم هنا ويوم هنا , ولكن اللي صار انه 5 او 4 ايام عندك والباقي عندها فعيشي حياتك واستمتعي واحمدي الله كون الوضع مايل لك... بالنسبة لرأيي الشخصي أعتقد ان مشكلتك هي بينك وبين زوجك مالها دخل لا من قريب ولا من بعيد بزوجته الاولى وهي فقدان المحبة والحميمية فيما بينكم .. دوري عن حل لينموا الحب فيما بينكم وأعتقد انك سبب من الأسباب في وجود الجفاف العاطفي بينكم واذا اردتي توضيح اكثر ممكن اوضح فكري بكلامي زين موفقة |
آفاق المجد وفاكهة الشتاء
انا أخذته على اساس ان منفصل عن زوجته ولا بينهم اي تواصل بس من درت انه تزوج قامت تلعب عليه لعبة العشيق والعشيقة اختي آفاق المجد المعلومة اللي ممكن راحت عن بالج ان هو عندي كل يوم يروح يطلع يتعشى معاها ويرجع فقط او يروح لها 2-3 ساعات ويرجع اختي فاكهة الشتاء انا مرتاحة ومبسوطة ربي لك الحمد وراضية بنصيبي بس اللي حاز بخاطري ان الحب والعاطفة والشوق والهيام كله لها اما كل اللي قلتي عنه انا احمد ربي عليه ليل ونهار يعني اللي ابي اعرفه ليش مؤ حابني مع أني انا اللي يفضلها عقله عليها |
| الساعة الآن 08:47 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©