|
شششلون أتقدم لأهلها .!
السسسسلام عليكم ورحمة الله وبركاته ( صبحكم / مسائكم ) الله بكل الخيرات اخواني واخواتي الأعزاء اليوم موضوعي شوي غريب .! وشوي مدهش .! لكن تقبلوهـ .! يا اخوان انا واحد مدمن إنترنت طبعا سابقا المهم سبحان الله فيوم من الأيام تعرفت على بنت بالإنترنت لكن هالبنت من عائله محافظهـ جدا وهالبنت هذي كانت الناصحه لي دائما إلى أن قطعت الإنترنت وتركت كل شيء وكانت دائما الداعم المعنوي لي لين بذلت جهدي بدراستي وصرت من الأوائل وقريبا سوف اتخرج من الجامعه وبإذن الله سوف اتوظف صراحه حبيت هالبنت وعشقتها عشق ونويت أخطبها واتزوجها على سنة الله ورسولهـ عليه الصلاة والسسسلام لكن صراحه فيه عقبه كبيرهـ أمامي أنا من منطقه وهي من منطقه أخرى بعيدهـ فشلون اتقدم لأهلها بيقولون من وين عرفتنا .! وأهلي بعد بيقولون من وين عرفتها ..! صراحه هذي تحديات تواجهني .! ولازم لها من حل .! صراحه انا ابيها ابيها بأي حل يكون اهم شيء يكون على سنة الله ورسوله فطرحت لكم المشكله طبعا انا فكرت اقول لوحده من اخواتي فقط واعلمها بكل شيء واخليها تتعرف عليها وكذا حلو لكن يوجد مصيبه البنت عمرها 21 سنه واخواتي كلهم فوق 27 سنه .! يعني صعبه جدا .! شلون تتعرف عليها اصغر منها بكثير ماينفع تكون صديقتها ..! صراحه فكرت كثيرا وكثيرا وكثيرا ومرارا وتكرارا إلى ان شيب راسي .! فقلت مالي غير الله ثم انتم امكن احد يطلع لي حل شششلون اخطبها وانا من منطقه وهي من منطقه .! ونبعد عن بعض 600 كيلو وهي من قبيله وانا من قبيله أخرى وصراحه انا مرررررهـ معزم إلا هي ، وهي بعد ماتبي إلا انا لكن اروح لأهلها ويش اقول لهم من وين عرفتهم إن سئلوني .! هذا السؤال محيرني وأهلي ويش اقول لهم من وين عرفتها ..!! اتمنى أحصل عندكم يا اخوان ويا اخوات حل لكم خالص ودي وتقديري اخوكمـ مجـ إنسان ـرد |
وشلون عشقتها وانت ما شفتها ولا شافتك ؟!!
|
لمن يكون الإنسان ناصح لك
ويعونك دائما على الخير تعرف ان هذا هو الإنسان الي يحبك ويبي لك الخير ومير الله كتب لها انها تنقرد واحبها ماعلينا من هالموضوع المهم شلون اخطبها .! |
بالعكس اخوي هذا شي جميل كونك تفكر بالحلال .. وصدقني الرزق يجي على نية الشخص
الاهم قبل تخطو هالخطوه .. فكر في الموضوع من ناحية عقلانية مو عاطفية .. والي اقصده تأكد من نفسك ان الاحساس والاصرار الي داخلك مايكون عاطفي فقط وقرار اختيارك لها كزوجة مايكون امر عاطفي مجرد ما انك تتزوجها تبدى تدريجيا يسيرلك تشبع وتحس انك شاذ عن العالم .. ومختلف عن اهلك وعاداتهم يعني معنى كلامي ادرس الموضوع اول شي من جميع النواحي اول شي قناعتك وقناعتها ان هالشي مرح يسبب لك شك او تشبع يعني مثل العطشان الي يبي الماي بأي طريقة وبمجرد لقاه يشبع .. بعد ما تدرس الوضع كامل .. راح تكون الطريقة سهله لكن عشان احدد افضل الطرق لك لازم اعرف تفاصيل اكثر ولو تحب تراسلني ممكن ترسلي ع الخاص وانا تحت امرك .. اتمنالك التوفيق اخوي |
طيب
ممكن تقول انا ادور من فترة وسألت واحد من زملائي وسأل اخته واخته تعرف وحدة من جماعتكم ودلتنا عليكم لكن هذه اللي تعرفكم ماتبغى تظهر ابداً بالصورة لانها تعرف عز المعرفه ولا تبغى تظهر بالصورة قولهم اصلاً انا مااعرفها اخت صاحبي تعرفها وبس وحاول ان تكون عندك معلومات بسيطه جداً عنها مثل اسمها ودراستها وبس لاتظهر انك تعرف معلومات اكثر وخلها تعطيك تلفون بيتهم وخل الوالدة تتصل وقل لاهلك نفس الكلام بس استمر ع كلامك وبعدين في ناس ماتدقق وفي ناس تدقق اسئل البنت كيف اهلها يدققون او لا وقبل كل شيء استخير الله بكل خطوة تخطوها هذه فكرتي ان اصبت فمن الله وان اخطئت فمن نفسي والشيطان |
اهم شيء اخي الكريم انك تكون مقتنع بأخلاقها وبالطريقة اللي عرفتها فيها مو بعدين تنقلب عليها وتصير تشك فيها وامو لايحمد عقباها فكر زين وشوف نفسك
|
اقتباس:
اخوي دكتور طلال حاولت اراسلك على الخاص لكن للأسف اخوي لمن ادخل على الملف الشخصي لك يقول لي لا تملك صلاحيات |
اقتباس:
وراح افكر بالموضوع اكثر ما ابي اتقدم إلا وانا متاكد ان الموضوع بيتم زين بدون اي اشكاليه |
اقتباس:
وانا مو من النوع الي يمشي بالعاطفه اكثر انا معروف عني اني اهتم اكثر شيء بالمصلحه العامه اهم شيء بالنسبه لي عيالي ولازم اختار لهم الأم الصح الي تصلحهم لذلك انا اخترت هذي لان عائلتهم معروفه ان ابوهم حافظ عليهم كثير واخوانها حافظون للقرآن واخواتها كذلك وهذا اهم شيء بالنسبه لي لأني ابي عيالي بعد يحفظون للقران ومعروف المثل الي يقول وراء كل رجل عظيم إمرأة عظيمه وانا اقول الأم الصالحه تصلح البيت لذلك انا اخترت وانا متاكد اني احسنت الإختيار |
الله يسهلك ويكتبلك اللي فيه الخير
مالك الا تكلم وحده من خواتك وهي تتصرف مثلا جت زواج وشافتها وتعرف منها اذا كان في زواجات راحت لها قريبه تاخد منها بض المعلومات وتعطيها اختك او تخليها تكلمها جرب وان شاء الله تتيسر امورك |
لو كنت مكانك لابتعدت عن هذا الطريق، دائماً يجب أن نسلك الطرق المناسبة ونأتي البيوت من أبوابها لتستقر نفوسنا ونكون متوازنين بحياتنا، ويزداد الأمر أهمية حينما يكون قرار مثل قرار الزواج الذي هو من أغلظ المواثيق، فانتبه جزاك الله خير وهداك.
|
طيب يمكن ماتعجبك بشكلها...!
|
اقتباس:
يمكن صح مايعجبك شكلها |
اول شي هالاخبار اللي تسر بالخاطر وتفرح
والشي الثاني توكل على الله وسير دق باب بيتها وقولهم الناس بالسمعه بارك الله فيكم ومايبالها كلام .. ومرة قهوتك مشرووبه حرام ماتطلع من بيتهم الا وانت خاطبها ومااتوقع راح يقولون كيف عرفتها لان الناس تشتري الرجاجيل وماتبيعها وترخص فيها وخطوتك يوم دقيت الباب اكبر دليل انك رجال من ظهر رجال .. بارك الله فيك .. بالعكس بيحشمونك وبيرزونك وبيحسبولك حساب ولا بيكثرون الاساله ... واذا سالوا خل شوابك يرمسون ويتكلمون عنك خل الشواب تتفاهم لاتتكلم انت اترك الشواب بيتفاهمون اكثر عن الشباب .. وباجر بتدعيلي وبتقول قالت .. وموب مهم اذا جفتها او لا وحتى لو جفتها واقتعت فيها موب عيب ولاغلط .. المهم انها مسكت ايدك للنهايه وكات صادقه معاك والله يوفجكم ان شالله همسه .. تحمل تخلي اختك تتعرف عليها تراه هاي بدايه الغلط لاادخل خواتك ولاقريباتك بموضوع البنت لاتنسى هذا زواج باجر بتقول انا توسط الواحد مايامن نفسه عشان يامن غيره قولهم الناس بالسمعه وجماعه معاي بالدوام يمدحون فيكم .. بس الخوف كيف بتعرف هي البنت ياخوفي يخطبون لاختها ممم انت حلها وبتنحل ان شالله وفي حل بس موب مقنع البنت عاجبتني وجفتها ولحقت لين باب بيتها وقلت الا ابا اخطبها تراها تصير عندنا بعذر ويقتنعون الاهل عندنا حتى لو من داخلهم مايصدقون بس يمشونها |
أخوي..هذا شي رائع أنكم تكللون علاقتكم بزواج ..وتنقلوها إلى أطار الحلال..
الطريقه هي: ¤~أن أختك تتعرف عليها على أساس أنها تعرفت عليها بمنتدى نسائي..وخلي أختك تتكلم عنها عند أمك كثيييييير وعن أهلها.. تقول أنا تعرفت على وحده بالنت وتتكلم عن البنت كثير وحياتها.. وأذا على العمر عادي..حنا نتعرف على بنات بالنت يكونو أكبر مننا.. ¤~أذا فيه مناسبة زواج عند البنت الي تود خطبتها) مثلا زواج أخوها أختها,,, حتى لو من قرايبها خليها تعزم أختك.. وأختك بدورها تقول للوالده عاد أنت هنا دق الصدر وقول أنا بوديكم..وبكذا تتعرف الوالده على أهل البنت حتى أهل البنت يعرفونكم... وأذا رجعتو من الزواج خلي أختك تمدحها قدامك وقدام أمك وتقول وش رايك أخطبها لك..والباقي عليك... |
ما شاء الله تبارك الرحمن
الله يوفقكم يارب ويسعدكم هناك الكثير من العقبات التي ستواجهك بالنقد على هذا الأمر صدقني هم أنفسهم لم يكونو سعداء مع زوجاتهم ربما أخي توكل على الله وما أجمل هذا الحب السامي النقي كما قال عليه الصلاة والسلام .. لا ارى للمتحابين الا النكاح .. الطريقة : قول ان اختك تعرفت عليها بمكان تجمع مستشفى مثلا مدرسة كلية تقابلتو او او الطرق كثييير وربي بيسهلكم الطرق لأنكم اخترتم الطريق الصح وفقك الله واسعدكم وييسر اموركم . |
والله بصراحه انا ضد ان يدخل اخته بالموضوع
لنظرة بعيدة ممكن اخته تنظر نظرة ليست جيدة عن البنت مستقبلاً وان جاملت اخوها وساعدته الان وممكن حتى تتكلم بيوم من الايام عنها بسوء وهذا كله مو في صالح البنت ابداً انا رأيي ان تذك ان احد من زملائك خطبها امه شافتها بعرس وابوها ماوافق لسبب عمله ودلك عليها واذا هم قلهم اهل الخير دلونا عليكم او عدك خيار اخر نوكلمت امم مسجدكم وصار يعرف احد من اقاربهم ودلك عليهم اهم شيء ارجوك اخوي لاتدخل احد من عائلتك لها ابداً حفاظاً على سمعة البنت عند اهلك هي بنت صالحه باين من كلامك لكن الطريقة هذه مو كل الناس تفضلها او تعجبها ونت بنظري مااخترت عن طريق غلط لا ابداً بالعكس الطريقة انا اشوفها صحيحه اذا التزمتوا حدود الشرع وسلامتك خبرنا عن جديدك * |
اقتباس:
اتفق معاها 100% كلامها للمستقبل مهم وايد |
بارك الله فيكم اخواني على الردود
صراحه يا اخوان انا فكرت قبلكم بموضوع الأخت لكن خفت من المستقبل ما أبي يجي يوم احد من اهلي يسيء لها ابدا وكلنا نعرف أن الطريقه كامله خطأ في خطأ لذلك أنا ابيها تكون بالحلال وليس بالخطأ ولا ابي احد من اهلي يعلم بذلك ابدا صراحه يا اخوان والد البنت متوفي الله يرحمه فبعد تفكير مستمر حصلت فكرهـ هي حلوه وشينه هي أني اقوم بصدمها اما باب بيتهم ولكن مو صدمه بمعنى كلمة صدمه .! لا ولكن فقط اوقف امامها وهي بتسوي نفسها تطيح وتكمل السالفه ..!! وبعد ذلك اعتذر من اخوانها ..!! وبعد فترهـ اتقدم لاخطبها وإن سئلت من اين تعرفها سوف اقول سئلت عنكم ولقيت أنكم ناس اجاويد ومن هالكلام ..!! فما رأيكم ..!! |
ههههههههههههههههههههههههههههه
ناوي تسوي فلم هندي ,,, لا طبعا الطريقة جدا غلط افرض اخوانها اتضايقو منك واتضاربو معاك وصارت مشكله بعد كذا تحلم تتزوجها !! يمكن أحد فيهم يشك انكم تعرفو بعض ؟؟؟ لانهم من منطقه ثانيه وانت رايح تصدم البنت وترجع ؟! شيل الفكره من راسك نهائيـاااااا .. أفضل الحلول انك تقول انها عن طريق أهل واحد من اصدقائك قلتله ابغا اتزوج وسأل أهله ودلوك على هذول الناس وسوي نفسك ماتعرف عنهم اي شي خلي الوالدهـ تدق وتسأل !! او ممكن تكلم خطابة تعطيها فلوس وتتفق معاها تتعرف على البنت .. وبعدين إنت تروح لأمك تقولها انا عندي صديقي امه تعرف وحده بنت وانا بعطيك رقم أمه وانتي اتفاهمي معاها وخذي التفاصيل ,,, والخطابه تسوي نفسها ام صديقك وتكلم الوالدهـ وتوصفلها البنت وتعطيها كل التفاصيل ,,, طبعا الخطابه تكون من نفس منطقة البنت وان صديقك هذا اهله في ذيك المنطقة وهو مسكين متوظف في منطقتكم بعيد عن اهله هذا صح فلم بس ارحم من اللي بتسويه ههههههههههههههههههههههه واكيد فكرة الخطابه بتكون احسن من انك تدخل وحده من اخواتك خليها من بعيد لبعيد وبعد ماتسوي اللي عليها ولا عاد تعرفكم ولا تعرفونها وممكن تدور الفكره براسك وتعدلها وتضيف عليها شي بس حبيت أفيدك ... ويارب يتمملك على خير ويجمعكم في الحلال عاجلا غير اجل .. |
آلله يوفقكـم ويسعدكم ويجمع بينكم ف خير,,
وإدا لقيت آلطريقه آلمنـآأسسسبه ي ليت تخخبرنـآأ عششـآأن آلفـآإيدهـ.. موفق آخوؤيـ .. |
الله يستر بتصدمها عشان تتزوجها
لو صار لها مكروه كسور او جروح وش تنفع الحيل شوف خطابه من منطقتك وخطابه من منطقتها ويكلمون اهلها |
بعطيك عدة اقتراحات
1- اسالها اذا لها اخوان او خوال او اعمام واختار منهم الاطيب وحاول تتعرف عليه , عاد مايحتاج اقولك شلون بتلقى مليون مدخل ومدخل تتعرف عليه , مثلاً لو لها اخو بالبنك تروح له مكان شغله كنك تبي خدمه وبعدين انشبله وشوي شوي = اعزمه عندك بالبيت وتكلم عنه عند اهلك وامدحه وطيره للسماء وقل لاهلك انا جايزيلي هالعايلة وبناسبهم و..مايحتاج اكمل لك باقي الخطة 2- الخطة الثانية ههههههه, قول لاهلك ان صديقي فلان (اي صديق سواء وهمي او حقيقي ) متزوج من وحده سنعة ومرتاح ومبسوط و..و... واني ابي اخذ ختها وش رايكم؟ اذا مالها اخت كبيرة , قل باخذ بنت خالتها , بنت عمتها , زي هيك يعني واذا دقيت عليهم وخطبت قولهم الناس عطوني رقمكم وقالولي عندهم بنات بسن الزواج ومدحوهم لي وبس الله يوفقك ويسعدك |
امااااااا تصدمها حراااام عليك من اولها متوحش كذا:29:
الحين خليت كل النصايح وجاي تصدمها الله يصلحك اخاف بعدين هي تقول ماابيك صدمتني لا شوف موضوع احد اصدقائك مررررة حلو واهم شيء ان نيتك حسنة وصالحه وهدفك العفاف وربي بيعطيك ع قد نيتك اليس حقٌ عليه اعانة الناكح يريد العفاف ؟؟ سبحانه اهم شيء ان اخترت طريقة واطمئنت نفسك لها استخير الله في اتخاذ هذه الطريقه وابعد عن الحوادث ارجوك لاتجيك الشرطه:30: |
اخوي انا مع رأي مستقبل غامض حاول انك تتعرف على إخوانها اسلها عن هوايه واحد من إخوانها مثلا لو يحب الصيد في البحر حاول تروح نفس مكانه وتتعرف او من النوع اللي يروح القهوة يتفرج مرارة حاول تروح نفس القهوة لين تتقرب منه وبعدين عاد انت واسلوبك وان شالله تكون من نصيبك
|
الله يهديكم انا ما بصدمها اوديها بداهيه .!
سسسلامات أنا اولا بتوظف بنفس منطقتهم وبعده يعني اسوي كاني صدمتها بس مو صدمتها .! بس عشان اقدر اخذ رقم اخوها واقابله واعتذر منه ومراح اصدمها واهلها موجودين لا بصدمها بيوم اخوانها مو فيه واخوانها من النوع الي متفهم وكذا اسهل الموضوع بعدين ترى الفكره مو فكرتي فكرتها هي هههههههههههههههههههه |
ههههههههه عاد هي بايعه عمرها تروح تأيدها هههههه
هالحل أخوي أبد مو عقلاني لأن نتائجه مو مضمونه وفيها مخاطره... أقرى رد أختي مستقبل غامض بتمعن..وفكر جديآ فيه..وخاصه أنك بتتوظف في منطقتهم هذا يسهل لك التعرف على خوانها... بالتوووووفيق |
لاااااا تكفى لا تصدمها وتودي نفسك بداهيه حرام افرض مسكينه اتاذت ولا شي !!
بعد الفكرة من بالك نهااااائياً .,~ ماشاءلله الاعضاء كفو ووفو بالاقتراحات الله يتمم اموركم على خير يارب : ) |
انت تكلمهآ من الحين ؟؟
حرآم يآ خي الكلام بدون عقد قرآن الموهم لاتدخل اختك ولااخوك ولاحتى صديقك فكرة الصدمةة حلووة بس افضل ماتكون هي تكون اخوهآ بسيارته الصدمة لان لو صدمتهآ هي رآح يشكون كثيرر وكون هذي الحركةة قصة منتشره ومعرفةة شووف آخوي الافضل انك تكلم شيخ من نفس منطقتهآ ويكون ابن حلال ويخآف الله وخبره بسالفةة وقله ان انا ابيك تكون انت معي عشان مايشكون وانا ابغيهآ بلحلال وليس بلحرام بس يكون الشيخ متفآهم مو شديد هو الامن والافضضل حل بس صدمتهآ ماتنفع كون هذي قصصه معروفهـ والله يووفقك خي |
| الساعة الآن 10:03 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©