|
.. خليفه حبيبي ورضاه عني بالدنيا ..
بسم الله الرحمن الرحيم ترددت كثيرُاً بطرح الموضوع .. الموضوع صارله اسبوع .. وانتهى على خير .. الحمدلله من فضله الا اني مازلت اتحسف ماحدث .. اخواني وخواتي اخوي الصغير عمره 13 داخل 14 .. جريب إن شاء الله .. رد متاخر الساعه 1 في الليل يوم الجمعه وانا متعوده يكون الساعه 10 في البيت .. اتصلت فيه واايد كله تلفونه مغلق تميت مستهمة موب مرتاحه . المشكله مااعرف بيت ربعه والا جان سرتلهم عشان اسال عنه .. حتى تلفوناتهم مسكره والثاني يقولي ماطلعت ويا الشبباب اليوم يعني موب معاهم سرت افتريت بالمول اللي جريب من بيتنا اللي دايمن اخوي وربعه يترددون عليه ادوره والله حتى شنطتي ماشليتها اللهم تلفوني في ايدي وخبرت الخدامات اذا يا البيت يتصلن فيني .. على طول .. مالقيته يلست افتر محل محل ادوره ..عقب رديت البيت .. وترييته لين مارجع جريب الساعه وحده وكان ياي مع ربيعه بدوريولهم .. ودخل البيت بكل هدوء ولاكانه في احد يترياه في البيت قالي .. انتي مارقدي انا ساكته كنت ماسككه اعصابي لاني وايد مستويه عصبيه .. قلتله الساعه جم في ايدك .. قالي بدون مبالا ممممم ساعه 11 .. قلتله الساعه جريب الوحده الحين .. قلتله ليش مارديت ساعه عشر .. هاي اول مرة تتاخر .. عطاني ظهرة ومشي ياجماعه صدقوني ماكان قصدي مسكته من ايده وعصبت قلتله يوم ارمسك ماتعطيني ظهرك انت تتحرى ماوراك اهل يعني قالي مايحتاي تصارخين... انتي بس اللي اهني .. منوه اهلي يعني .. عطيته طراق كف من غير مااحس ... قلتله انا اهلك انا هني بعدني ويلس ساكت ماتكلم ويطالعني بنظره زعل .وفيه صيحه .. . ماكان قصدي مااعرف ليش سويت جي مآ كان قصدي عقب ركض لحجرته وقفل الباب يلست اصيح على اللي سويته ماكان قصدي عقب يلست ادق الباب واعتذرتله لين مافتح الباب وبسته على راسه وحضنته وقلتله اسفه ماكان قصدي بس انا كنت خايفه عليك حتى سرت ادور عليك .. قالي انتي تعرفين اني بيت ربيعي قلتله ادري حبيبي والله ادري بس تأخرت ولااتصلت وليش تلفونك مغلق .. قلتله موب عذر ماتتصل واطمني ...قالي كنا نلعب ونسيت الوقت مر ... حتى عطيته ويهي قلتله اصفعني حبيبي بس لاتزعل مني ماطاع يصفعني .. قالي خلاص سامحتج.. بس لاتعدينها .. بعد يومين سرنا دبي يوم السبت مع واختي وريلها القريه العالميه .. طبعنا رحنا انا وخليفه بروحنا نتمشى وسرت لعبته كل الالعاب وانا مااحب العب الالعاب اخااف المرتفعات بس لعبت غصبن عني عشان خاطره حاسه بالذنب اني صفعته مر اسبوع الحين وحاسه اني مارديت بحقه على الطراق وشريتله سي ديهات اللي يباها ماخليته يرجع الا وهو راضي .. من خاطره حتى كل شوي اقوله انت موب زعلان مني .. صح يقولي لا بس لاتمين تقولين جي .. للحين حاسه بتانيب الضمير .. للحين في شي بداخلي يدعي على ايدي بالقص لانها اصفعت خليفه .. والله ياجماعه كرهت عمري ويلست اتف على ايدي .. مجرد موقف صارلي وحبيت اشاركم الموقف الواحد بلحظه الزعل يتعوذ من الشيطان ولا يتصرف بتصرف يندم عليه واللي عنده طريقه تخليني اتاكد انه خليفه موب زعلان اتمنى يفيدني ابا اطمن صج انه موب زعلان والسموحه |
يرجى نقل الموضوع للقسم المناسب اعذروني ماانتبهت للقسم
|
شوفي
هو يستاهل الي جاه عشان يتادب مهما كان ... ولحين مستحسل ينسى الي جاه صدقيني لاكن انتي حاولي تشترين له هديه وخلي اي واحد يعطيه هي ويقول انه انتي اشتريتيها له ... ولي سلم الهديه يقوله ترا اختك زعلانه منك بسبب كذا وكذا وكذا ولازم تروح تراضيها وتعتذر منها وتقولها معد اعودها وشوف جابت لك هديه وا وا وعاد انتي لو جا واعتذر منك عارفه وش تسوين قولي له تبيني احبك واجيب لك هديه وا وا اسمع الكلام وعاد ما يحتاج اقولك ^_ الطريقه هذي مجربه ههههههههههههههه والله يهديه لطريق الصحيح |
انتي مينونه ههههههههههه لا تبالغين في الحساسية والتفكير الزايد وهو يستاهل طراقين موب بطراق واحد ليه يتاخر وليه يرد على كلامج لازم يتعلم الادب ومن اساليب التربية الصحيحة إذا عاقبتي الطفل على غلط . فلا ترجع تعتذر مباشرة .... شو الفايدة من العقاب ..إذا برجع اعتذر المفروض خليتيه للصبح وناقشتي الموضوع وياه واذا اعترف بغلطه انت وقتها تعتذرين منه الحين هو يحسب انه صح وانتي الغلط |
اقتباس:
لاحرام اخويه لاتقول يستاهل مايستاهل اللي صارله مني .. بس انا اشتريتله الهديه وعطيته بايدي وخليتها يختارها بنفسه .. مم بس ليش لا باطبق طريقتك ولايهمك واشكرك على الاقتراح الطيب |
اقتباس:
لاحرام لاتقول جي اخويه ياهل ها وبعدين انا متحسفه على الطراق ومايصير امد ايدي غلط اصلن امد ايدي .. كان المفروض امسك اعصابي ولا اتهور.. بارك الله فيك خليتني اوسوس الحين بس انا رمسته وقلتله اللي صار غلط ومايصير يتاخر وقالي ان شالله مابيتأخر مرة ثانيه انا ابا شي يخليني اتاكد انه موب زعلان من داخله .. هذا ياهل في الاخر .. المهم اشكرك لمروركك اخويه وتعليقك وترى موب موضوع حساسيتي زايده لا اصلن اصلن بس متلومه فيه وايد وقلبي للحين احس بداخلة غصبه اباها تروح موب عارفه |
لو أنا بمكانج بعصب وممكن أسوي نفسج لأن دمي محترق عليه وهو ولا على باله متأخر ولا عطاج خبر
لكن حاولي المرة الياية تمسكين عمرج وما تمدين يدج مهما يكون بتم اخوج صغير وبالكلام الحلو بتكسبينه ولا تفكرين بالموضوع وايد تلقينه ناسي لأن الأطفال بسرعة ينسون وانتي ما شاء الله عليج استسمحتي منه وطيبتي خاطره وشريتيله اللي يبي الله يحفظ لج أخوج يا رب |
اقتباس:
اشكرج عزيزتي ماقصرتي والله |
عزيزتي روضه..
¤صراحه مقدر أحكم أذا تصرفك في محله ..لأن يمكن تكون له قرصة أذن وماعاد يعاود الكره.. وبعد ماتنلامين أحيانآ الواحد يفقد التحكم بأعصابه ¤بس الي مو في محله أنك كل شوي قاعده تذكريه أنت زعلان مني؟كيف تبغيه أجل ينسى؟ ¤بس هذا درس المرات الجايه..أتبعي أساليب عقاب ثانيه..مثلآ أنك مااتكلمينه ولاتناقشينه مؤقتآ حتى يشعر بلوم نفسه لنفسه..ويحس بفداحة فعلته... |
عادي حبيبتي لاتزعلين روحك
إنتي من خوفك وحرصك عليه سويتي كذا ومثل ما إشاروا عليك الأعضاء حاولي انك تمسكين أعصابك الله يخليكم حق بعض |
اقتباس:
صحيح وهذا عيبي بس ابا اطمن انه موب زعلان مني من جي اساله .. اشكرج عزيزتي لتعليقج لي بالموضوع ماقصرتي فديتج بحفظ الله |
اقتباس:
|
حبيبتي روضه ممكن أستفسار..
معليش بطلع شوي عن سياق الموضوع..عاد وش نسوي البروفايل مايفتح معنا.. كيف غيرتي لقبك؟أبغى أغير لقبي غصة فراق مسببلي غصه>.< |
حبيبتي خففي حساسية شوي ^.^
إنتي سويتي اللي عليكي اعتذرتي واهديتيه و هو قالك انه مو زعلان لا تجلسي تذكريه كل شوي ..خلاص انتوا تصالحتوا ولعبتوا سوا واستانستوا الله يخليكم لبعض موفقة روضة |
اقتباس:
كأنج مكبرة الموضوع يا روضة!! ربما البعض لا يؤيد الضرب كعقاب .. ولستُ منهم :d .. وربما كان يمكنكِ أن تعالجي الموقف بطريقة أكثر هدوءاً وضبطاً للأعصاب .. ولكن الاستمرار في إظهار ندمكِ على ما فعلتِ ربما يوصل رسالة سلبية لأخيكِ. رد فعل خليفة بعد عودته إلى البيت كان فيه قدر واضح من الاستهانة يا عزيزتي .. ولو لم تظهري قدراً من الصرامة والحزم فلا تستبعدي أن يتكرر منه هذا السلوك .. لذلك توقفي عن لوم نفسك ولا تبالغي وكأنكِ أنتِ المذنبة فقط. الأمر الآخر.. لا أعرف كيف هو وضعكم وظروفكم في البيت .. ولا أعرف مدى مسؤوليتكِ الفعلية عن أخيكِ لدرجة تدفعكِ (للفرفرة) بين محال المول بحثاً عنه .. وفي وقت متأخر (افترضت ذلك لأنني افترضت أنكِ بدأتِ بالقلق عليه بعد تأخره عن الساعة العاشرة مساءً) .. رغم أن البحث عنه هو أمر متوقع ومطلوب من رجل وليس من بنت .. ولكن إن كنتِ على هذا القدر من الحساسية في التعامل مع مثل هذه المواقف فالأفضل أن تتركي أمر متابعة أخيكِ لرجل من أهلكما .. خاصةً أنه يعيش مراهقته التي قد تتعبكِ. |
غاليتي الله يحمي لك اخوك و تشوفيه عريس يارب
حبيبتي صح غلطتي بضربه .. مهما كان هو يشوف نفسه رجال الان لكن غلطتي اكثر بتصرفاتك مابعد الضرب .. من اكبر الاخطاء تدليل الطفل او المراهق بشدة بعد ضربه انتي اخطأتي و ضربتيه كان يكفي ذهابك له بعد ما تهدأي و توضحي له انه غلططططان بتاخره و استهتاره بقلقكم و غلطتي بضربه بس الدافع حبك له و تتمني منه عدم تكرار ما حدث و انتهينا اسلوبك معاه محسسه انك انتي الغلطانة الوحيدة و انه ماغلط بتاخر عن البيت و عدم رده عليكم الخ ... وممكن يرجع يكررها بعدين يكفي اللي سويتيه له الان و انسي الموقف كله .. و تعاملي معاه عادي و وقفي اعتذارات له واتعلمي اتعلمممممممي الله يخليك مبدأ عدم التدليل بعد الضرب .. واذا كررها مرة ثانية عاقبيه بان تاخذي موبايله لفترة او تمنعي مصروفه او تمنعيه من الخروج لفترة مثلا وحاولي تمسكي اعصاااااابك . لانك ياما هتشوفي من المراهقين :) الله ييخليكم لبعض |
اقتباس:
غناتي طرشت رساله لاداره طلبت تغير النك وماقصروا ... |
اقتباس:
صحيح كلامج بس بعدني متلومه من تصرفي معاه اشكرج عزيزتي للمستج الطيبه |
اقتباس:
في البدايه اشكرج عزيزتي مهره لمروج على الموضوع ويمكن اكون مبالغه حسب كلامج الا انه تصرفي كان غلط بغلط وبخصوص ضروفي عزيزتي سبق وتكلمت فيه في موضوع ثاني يطول شرحه واتمنى اترك مسؤوليته لرجل الا انه الظروف موب معاي في الوقت الحالي ...وبخصوص فرفتي بالسوق انا مستعده افرفر بالدار بكبرها عشان ادوره موب بس في السوق لانه تلفونه مغلق يوم عندك شخص غالي وتخاف عليه ويتاخر على البيت يروح عقلك حزتها فتره المراهقه حساسه ومتعبه بس ان شالله اكون قد المسؤوليه هابه ريح شرات مانقول .. في حفظ الله ورعايته |
اقتباس:
... |
اقتباس:
|
لما عطيتيه الكف ما كان غلط الغلط انك تمشي تعتذري منه بنفس الوقت كان على الاقل تخليه للصبح وتجلسي وياه وتفهميه انو لو ما غلط ما كان مديتي يدك عليه ,,,,, بس كأنك مكبره الموضوع عادي هالنقاشات بالبيت ولو ما كان ضربتيه كان راح يعملها كل يوم علشان كده ما تزعلي نفسك انتي كده صح ....
بالتوفيق |
اقتباس:
بس انتي لو جفتي نضراته فيها نوع من الغصه والزعل راح يعور قلبج واايد وماراح تقولين جي وانا موب مكبره الموضوع ولاشي انا ابا شي يثبتلي انه راضي عني من داخله وموب زعلان وموب موضوع اني ادبه بهالاسلوب حرام يعني اشكرج عزيزتي لمرورج |
قال صلى الله عليه وسلم: (إذا ضرب أحدكم فليجتنب الوجه) [السلسلة الصحيحة]،
فقد أثبت العلماء أن الضرب على الوجه له مخاطر كبيرة، وربما نعجب إذا علمنا أن نبينا قد نهى بشدة عن ذلك.... في دراسة جديدة يؤكد الباحثون الأميركيون أن الضرب المتكرر على الرأس والوجه يمكن أن يسبب أمراضاً عصبية مثل مرض الزهايمر الذي يفقد المخ وظائفه. وأظهرت عمليات التشريح لجثث 12 لاعب رياضي توفوا بأمراض في المخ أو أمراض عصبية، نمطاً واضحا للضرر الواقع على الجهاز العصبي. وتقول الدكتورة آن مكيي من كلية الطب بجامعة بوسطن في تقرير إن "هذا أول دليل لعلم الأمراض على أن الصدمات المتكررة للرأس التي تحدث في الرياضات الصدامية، يمكن أن يكون لها علاقة بالإصابة بمرض العصب المحرك". |
والله شكلك راح تتعبي كثيييير مع المراهقين ......
وبعدين هو كده راح ينتهز كل فرصه يشوفك هديتي الدلع والحنان ويحسسك بانه زعلان علشان تدلعيه مثل ما هو عايز يعني راح يعملها لعبه ياريت تكوني فهمتي قصدي |
اقتباس:
عفون اخت مهرة نسيت انوه لج نحن في الامارات اذا كنتي من الامارات طبعن راح تعرفين انه الدار امان وماشي فرق بين البنت والولد بموضوع الفرفره هذا اذا كنتي من عرب زايد وجانج تحيدين الفرفره للرييايل بس .. تراج غلطانه اهني ماشي فرق بين البنت والولد وكلنا نتحمل المسؤوليه .. الا اذا كنتي ترجعين للعوائل المتششدده والكلوووز بموضوع طلعه البنت بأي وقت فهني بوافقج الراي بترك المسؤوليه الفرفره على قولتج للرجل |
اقتباس:
لا حراام ان شالله مايسويها خلووف فديته تسلمين الغاليه ماقصرتي عزيزتي |
أعرف أن بﻻحنا حار أمان يا عزيزتي. . ولم أبد مﻻحظتي من باب اللوم أو اﻻستهجان بقدر ما أنها تخص التصرف اﻷكثر بداهة بغض النظر عن مستوى الانفتاح والمساواة اللذين ننعم بهما.
مرة أخرى ﻻ أعلم الكثير عنك. . وربما تسنح لي الفرصة ﻻحقا لﻻطﻻع على مواضيعك السابقة لعل الصورة تتضح لي أكثر. . ولكنني ﻻزلت أقول إنك تحتاجين للتخلي عن حساسيتك المفرطة إن كنت أنت المسؤولة عن خليفة وإن كنت ﻻ تريدين أن تفلت زمام اﻷمور من يدك. موفقة. أعتذر عن سوء الكتابة. . فأنا أستخدم جهازا غير جهازي ومبهذلني وياه. |
عذرا اختي ..
كلمة "ربعه" تعني صديق ام اصدقاء ؟؟ افتريت بالمول ؟؟ ماذا تعني .. ولاكانه في احد يترياه في البيت ؟؟ قلتله يوم ارمسك ماتعطيني ظهرك ؟؟ ويلس ساكت ماتكلم ؟؟ ويطالعني بنظره زعل .وفيه صيحه ؟؟ يلست اصيح على اللي سويته ماكان قصدي؟؟ عقب يلست ادق الباب واعتذرتله لين مافتح الباب؟؟ حتى كل شوي اقوله انت موب زعلان مني .. صح يقولي لا بس لاتمين تقولين جي ؟؟ والله ياجماعه كرهت عمري ويلست اتف على ايدي ..؟؟ عذرا اختي .. ما معني العبارات السابقة من صاحب الصورة التي في الاسفل بجوار الدعاء ؟؟ |
اقتباس:
شكرن لج عزيزتي وعلى خطفتج لي بالموضوع .. |
اقتباس:
اول شي بخصوص الصوره بتوقيعي مكتوب عليه لو تلاحظ تحت بالانجليزي الاسم المرحوم سمو الشيخ احمد بن زايد آل نهيان غفر الله له واسكنه فسيح جناته توفي اثر تحطم طائرة شراعيه في المغرب .. .. كلمة "ربعه" تعني صديق ام اصدقاء ؟؟ أصدقائه افتريت بالمول ؟؟ ماذا تعني .. بحثت عنه ولاكانه في احد يترياه في البيت ؟؟ يعني .. كأنه محد ينتظره في المنزل قلتله يوم ارمسك ماتعطيني ظهرك ؟؟ يوم اكلمك اخاطبك احاسبك اناقشك باختصار ارمسك ويلس ساكت ماتكلم ؟؟ بقي على صمته ويطالعني بنظره زعل .وفيه صيحه ؟؟ بنظره اي بنظرات زعل وفيه نوع من البكاء يلست اصيح على اللي سويته ماكان قصدي؟؟ يعني اخذت بالبكاء لتجراي فيما فعلت عقب يلست ادق الباب واعتذرتله لين مافتح الباب؟؟ طرقت الباب واعتذرت حتى كل شوي اقوله انت موب زعلان مني .. صح يقولي لا بس لاتمين تقولين جي ؟؟ اخذت اردد بسؤالي عنه هل مازال متضايق من الحدث ام انه لايحمل بخاطره عليا والله ياجماعه كرهت عمري ويلست اتف على ايدي ..؟؟ يعني اكره نفسي واخذت بالبصق على يدي ان شالله اكون ترجمتلك صح بالمفاهيم اخي الكريم |
ياختي صاحبه الموضوع
انا قريت اول مشاركه ولم اقرا التعيقبات والصراحه من وصفك للموضوع واحساسك الحنون كدت ان ابكي وان لا اقول ذالك من باب السخريه بل هي حقيقه مشاعر حواء حفظ الله لنا كل بنات حواء فهن السندوالزاد والذخر بعد الله في كثير من امور الحياه لكن اسمحيلي ترى مايخرب الابناء ويضيعهم الا دلع الحريم او الاخوات للابناء شوفي ياختي ترى الخطا يجب ان يكون في عقاب يردعه وانت خلي واحد من اخوانك او الرجال يتفاهم مع الولد بس مافي داعي للضرب باي حال من الاحوال لان الضرب هو وسيله الضعيف يعني الراجل الكلام يهزه ويكسره ويهد حيله والله يوفقكم ويرعاكم ويحفظنا ويحفظ كل شباب المسلمين |
اقتباس:
معاج حق عزيزتي بس مايهون عليا لو راده لكلامج مااخالفج الراي فيه لاهنتي الغاليه على مداخلتج الطيبه |
والله انه صادق اللي قال ما خرب البزران الا دلع الحريم
نحبهم لدرجة ما نرضى عليهم بشي .. بس في وضعك انتي كونك المربيه الوحيدة له ما يبغالك الشخصية المذبذبة هاذي ابددد اسمعي مني خليه يحس انك حازمة في وقت الغلط و بنفس الوقت حنونة يعني اخته و مرجعه بكل شي بس مو اذا غلط زي كدا ... تموتين عمرك على ما يرضى .. بالعكس تراه كل ما كبر كل ما احتاج لكفوف اكثر المراهقه صععععععبه ... ولازم احد غيرك يتولى مراقبته اقرأي في اساليب التعامل مع المراهقين الله يعينك |
اقتباس:
الطريقه التربيه هي الحوار باسلوب وان شالله ماراح يعيدها هو بعد غناتي واشكرج لمرورج وافادتج لي ماقصرتي الغاليه |
تذكرت الوالد والوالدة ايام كان عمري 15 او 16 ان تأخرت تقوم الدنيا وتقعد وتصير سالفه واعصب واحيان اطلع كلام مدري ايش بس جزاهم الله خير مايفكرو فيني خذ تحطيم
والحمدلله الحين معلم وعندي ولد ،،، واذا جلست معاهم اتذكر الماضي وهم ينتظروني عند الباب ويضحكون طبعا لانهم يفشلوني عند ربعي اذا سويت غلط وتأخرت سابقا ولوالد بالحي معروف بحرصه علي ... وبعد ماكبرت عرفت الان ليه يسوون كذا واشكرهم الان بس قبل الواحد مايعرف مصلحه نفسه وصرت الان اتابع اخواني بدل الوالد والوالده ربي يحفظهم* |
اقتباس:
ومنكم نستفيد اخويه الوليد وشي حلو متابعه الوالدين لك وخوفهم عليك وماانكر انه هالشي كان يصير معانا .. والحين اعتبر نفسي الصح؟؟؟ يب يعني تصرفي غلط بس خوفي عليه موب غلط وان شالله باجر اخويه ربي يهديه ويحس اشكثر احبه واخاف عليه وتهمني مصلحته.. ربي يحفظك ويرعاك اخويه الوليد |
| الساعة الآن 09:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©