|
صديقي وطليقته وخطيبته ... مشكله معقدهــ
بسم الله الرحمن الرحيم
مشكله معقدهـــ الفزعة من الجميع .......... والمستشارين. الله فرج هم المهمومين من المسلمين........... اميييييين صديقي مطلق وعندهــ عيال من طليقته وراح في زيارته الأسبوعية المعتادهـ لبيت أهل طليقته ... عشان يزور عياله لم دخل وشاف عياله ... تفاجئا إن ما فيه احد بالبيت غير عياله وطليقته والخادمة سلم على الأولاد بسرعة .... وأسرع للخروج .... ولكن طليقته أمرت من الخادمة اخذ الأطفال وأسرعت لتضم صديقي ... وهو يبعدها وهي تضمه <<<<<< ترغب بــ ؟؟؟ المهم صديقي دفعها بقوهــ وقال لها : أتقي الله أنا محرم عنك. وخرج مسرعا خوفا من أخوانها. المشكلة صديقي يحب خطيبته ولا يخفي عنها شي .... فقال لها ما حدث بينه وبين طليقته. خطيبته زعلت و راضاها ... ولكن ما تزال مجروح منه ...تغير تعاملها معه . الأسئلة؟؟ كيف يتعامل مع طليقته؟ كيف يتعامل مع خطيبته ............ هو أصلا مو غلطان فليش تزعل منه ؟ صديقي يخشى أن خطيبته تذكر ما حدث بينه وبين طليقته لبقية العائلة؟ راسي يعورني ساعدوني وأدعو لهم جميعا بالتوفيق |
صراحه نقدت عليه السالفه ذي ماتنقال لحد الممفروض ماعلمها(وتصرف خطيبته مالومها يعني من جد شي يقهر)
كيف يتعامل مع طليقته سهله لاجا بيروح للعيال لايدخل داخل يقولهم طلعوهم لي..ولايدخل البيت الا متأكد أن أهلها موجودين.. الله يهديها بس.. كيف يتعامل مع خطيبته (مسألة وقت)هي الحين في طور الصدمه..يقدر يقنعها أنه خلاص ماعاده برايح لهم ألا متأكد أن أهلها موجودين..ويقولها لو أني راضي ماعلمتك... وكان بأمكاني أخلي السالفه بقلبي وأسكت فعلمتك لأني كنت أحسب أنك واثقه فيني..ومع الكلآم والمحاولات بتقتنع.. أما أنها تقول الي صار لباقي العائله..ولو هو قالها لاتقولين لهم فماظنتي بتقولهم.. |
انا اشوف بالنسبه اذا كان حابب يشوف أولاده مثلا يتصل قبل لايروح بااحد اخوال أولاده..ويخبره انه يبي يشوف أولاده اليوم.بالنسبه لخطيبته هو غلطان ليش يخبرها بالاساس.وهو عارف هالاشياء تثير غيرتها اصلا تلقاها من غير شي بتغار منها(انا زوجه طليقي بتغار مني ولاشافتني ودها تخنقني.يمكن لأني احلا منها😜)اهم شي يأكد عليها ان ماتنشر الخبر.(بأني أشك في ذلك)واذا يقدر يحاول يقولها ترا كنت امزح معك بس بشوف رده فعلك...لان بعد الزواج راح تسوي له مشكله كل مارحت لهم ويمكن بعد تمنعه يشوف أولاده ..وخليه مره ثانيه يمسك لسانه مو كل شي ينقال ونصيحه لايجيب سيره طليقته لابخير ولابشر عند خطيبته اذا يبي يعيش بسلااااااام وراحه
|
طليقته كانت بيوم زوجته وام اولاده يعني عشرة عمر ..
ليش ما يفكر يرجعها عشان الاولاد ؟ وخطيبته ليش يقولها عن اللي صار ؟ و مو من حق خطيبته تمنعه من طليقته لو رغب برجوعها الا اذا اشترطت بالعقد وغير كذا المفروض تكون حاطة ببالها انه مطلق وعنده اولاد فممكن يرجع لطليقته .. الظاهر شخصيته ضعيفة جدا .. بدليل جراءة طليقته عليه و زعل خطيبة منه و نقله كل شي لها !!! خل يقوي شخصيته و تنحل كل مشاكله هذا ان ما كان قاصد اثارة الغيره ولفق هالمشهد من عنده |
الخبله بالموضوع طليقته
لو انها تافله عليه كان نشب لهـا صار يتفاخر بحبها له ويشوه صورتهـا وسمعتها عند الناس بعد مادمر حياتها فتح عيونها على الدنيا وجاب من الاولاد وعلمها الحب وسرق سنين عمرها بعدين حرمها من الحب والعاطفه والسكن ورماها للدنيا اللي ماترحم احد وحيده ومشكلته شايل هم خطيبته الزعلانه مافكر باللي كانت يوم منها الايام كانت زوجته وبينهم عشره عمر واطفال ليه انقلب حالها وصارت كذا ؟ اقتباس:
فعلا جبان الله يهديهم كلهم بس ! |
مسكين الاخ ...
هو غلطان مرة ترى مفروض ما يجيب خبر لاحد عن ام عياله مهما كان اللي سوته مو هين فضيحة لو انتشر علمها وايش يضمنه الحين ان خطيبته بتكتم السالفه اجلس معه و عطه درس في الكتمان مو كلش ينقال و بالنسبة لخطيبته يطنشها هي و زعلها مالها داعي يعني جاي يشتكي لها قلبت عليه قليلة الخاتمة خله يزعل منها و يقولها انا جيتك عون و ابيك تشورين علي وانتي برطمتي الشرهة على اللي باقي يعلمك و شوف كيف يتراضيه مع اني ما اتوقع منه انه بيزعل مبين انه طيب و حنون ما يقدر يطنش و طليقته هذيك الله يهديها لاعاد يطب لها بيت عياله يطلعون له عند الباب يلعبهم و ياخذهم بالسيارة و صلى الله و بارك |
اقتباس:
خل ربيعك يقول لخطيبته هذا جزاي اني خبرتج بكل اللي يصير معاي؟؟ تبيني اخبي عنج ؟؟ ماعندي مانع كان بامكاني اخبي عنج بس قلت مايصير ابتدي حياتي واخبي عن زوجتي اي شي ؟؟ انا اغلطان اني خبرتك وطلعتي ماتقدرين ولاتراعين صراحتي معاج ؟؟ ومرة ثانيه توبه مااصارج بشي ثاني .. وخله شديد باللجه عشان تحس انه تضايج من سلبيتها في الموقف والله بترجع تكلمه وتقوله اسف حبيبي ماكان قصدي بس انا غرت عليك .. يعني بنظري ربيعك ماغلط يوم صارح خطيبته . بس هي ماتراعي لاسف |
ماله حق يعلم خطيبته ابد
وطليقته كانت بيوم تقتسم معه المره والحلوه ولاتلام ما احد يعرف اسباب الطلاق وعملها يدل ع انها راغبه به بس خويك يبي له درس انه مايرمي كل كلمه تمر قدامه |
الله يجزاكم خير جميعا برجع اعلق على ردودكم واحد واحد
|
المفروض الموضوع لم يطلع الى احد
واذا اراد زيارة ابناءه يعطي خالهم خبر ويحاول اصلاح بيته ويرجع زوجته بالاضافه الى زوجته |
اقتباس:
الله يجزاك خير |
اقتباس:
حلوهــ فكرة أنه يقول لها كنت أمزح ........... بس جت متاخره بعد ما راضاها و تعب حتى ترضى.... يقول كنت امزح .... واضح أنه يكذب . |
اقتباس:
علقة على كل فقرهــ مشكورهــ الله يجزاك خير |
صديقك هاذا غلطان والغلط راكبه من راسه الى كرياسه وتصرف طليقته بتقوله ابيك تبي يرجعها لكن ما عرفت تتصرف عدل وصراحه طليقته الله يلوم الي يلومها نار الشهوه تذبح يقولون عازب دوم ولا ارمل يوم بعد ماجربت وذاقت الحلاو جاه الفطام بيوم وليله انصح خويك يرجع طليقته ويرحمها من النار الي هي فيه ويشدد على خطيبته عشان تنعدل معاه مو كلمه والثانيه مدت البوز مع ويهها
|
اقتباس:
الله يهدي الجميع الله يجزاك خير |
اقتباس:
يلست اقرى ردج اكثر من مره .. وابصراحه عجبني وايد حسيت انج عشتي مكان طليقته وتكلمتي باحساسها هي يوم حضنته هذا دليل انه تباه وشاريتنه وماينعرف شو سبب طلاقهم ابصراحه البيوت اسرار بس لو انها متكبره وجايفه نفسها جان ماتنزلت تحضنه .. جان كابرت بس طليقته حسيتها نست كل شي من كثر مااشتاقتله .. والله صج موضوع يعور القلب وبنفس الوقت اقول ماينعرف شو سبب طلاقه ..من جي مااقدر اعتب على الريال .. بس بعد المفروض يكون صريح مع خطيبته .. ومايخبي عنها والمفروض خطيبته تقدر صراحة زوجها موب تنجرح وتزعل .. لانه بالنهايه هاذيج ام عياله .. والله يهدي سرهم.. ولو فكر يرجع طليقته ماراح تتقبل الزوجه الثانيه .. وهو مايبا يخسر الثانيه لانه عنده اسبابه بالطلاق من لاولى .. |
هو غلطان مو كل شي ينقال للحريم
على العموم يتفاهم هو وخطيبته ويبين حبه لها |
اقتباس:
الله يجزاك خير رغم انك مطلقة إلا أنك اجبتي بكل حياديه |
اقتباس:
|
اقتباس:
الله يجزاك خير بس أحب أقول لك معلومه : طليقته هي اللي طلبة الطلاق ورفعت قضيه في المحكمه .... رغم انه يحبها وتحبه........ لكن هي تريد ان تمشيه بكيفها ... فلما طلقها ..وخطب ... رجعت تجري وراها. وهو لما تكلم لخطيبته تكلم من القهر يقول كنا في بيت مستورين وعملت مشاكل وطلبة الطلاق والحين تريدني بالحرام . صح هو غلطان كان الأفضل انه ما يخبر طليقته. |
اقتباس:
|
اقتباس:
يعني في نظرك طليقته معها حق تسوي كذا وتطلبه في الحرام واذا قلت لك ما يقدر يرجع طليقته لانه مطلقها بالثلاث. وفي نظرك مب من حق خطيبته تغار عليه انتظر ردك |
اقتباس:
فعلا مو كل شي ينقال للحريم |
بصراحة انا طرحت الموضوع وانا من جد راسي كان مصدع ونفسيتي ضايقة ... وصديقي تعبني بمشاكله وانقهرت من بعض الردود على العموم أنا اسف إذا اخطيت بحق احد منكم ودعواتكم للجميع |
صاحبك غلطان لو على الأقل من باب الستر
ولازم يحافظ على مشاعر زوجته والله يرزوق طليقته بالزوج الصالح اللي يسعدها ويعوضها ويرزق صاحبك بالعقل الله يهديه ويرزوق زوجته خير يارب |
تزوج الجديدة وعش معها ونصيحتي اذا كان صديقك هذا صاادق بالكلام اللي قاله بطليقته الاولى وام عياله يرجعها طبعا كذا يشوف طليقته هل بتقبل الرجوع بعد ماتزوج وان قبلت فهذا يدل على تبي بيتها وعيالها وزوجها والثانيه بعد ماترتبط بك اذا عاقلة وحكيمة مابتطلب الطلاق ولو طلبت من حقها وبالتوفيق
|
| الساعة الآن 01:18 AM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©