هل 1200 ريال كافية لمصروف الزوجة؟
 

بسم الله الرحمن الرحيم

السلام عليكم ورحمة الله وبركاته /

هل 1200 ريال كافية لمصروف الزوجة؟
* المصروف يشمل : ( اللبس + الزينة والمشاغل + الجوالات والمكالمات وأمور التقنية الحديثة + مناسبات وهدايا) فقط .

تحياتي

وعليك السلام ورحمة الله وبركاته

تكفي إن شاء الله

بس لابد أن تدفع من مالك كمان شوي إذا لزم الأمر

طبعاً أنا أتكلم عن الأمور التي ذكرتها في موضوعك

بارك الله فيك

قال تعالى(لينفق ذو سعة من سعته)

أذا في سعتك أن تدفع هذا المبلغ ويتناسب مع دخلك بحيث لايسبب لك ضائقه ..فهو يكفي أن شاء الله وأذا كان في سعتك أكثر فلاتقصر..

حبيبي هل اللبس راح يكون كل شهر ؟؟؟ اعتقد لا

هل الفاتورة تكون كل شهر ؟؟ أكيد لان التقنيه الان تختلف عن قبل

الهدايا كل شهر ؟؟ لااعتقد

اذا بأستطاعتك ولا تضغط على نفسك عادي ماتفرق أعطها.

السلام عليكم اتوقع شي طيب منك تعطيهاا مصروف شهري 1200 ولكن وقت العيد والمنسبات ما يكفي الله يعينك ويعين الجميع كل شي غالي الحين

والله على حسب الزوجة نفسها
لا تشاورنا حنا
فيه مننا اللي يكفيها هالمبلغ لانها اقتصادية
و تعرف محلات اسعارها معقولة و ذوق ما تكلفها كثير
وفيه والله اللي ما تقنع الا بالغالي
و فاتورة جوالها جاامدة لانها ثرثارة و ما تعرف تختصر
و لازم كل المناسبات تفزع بهدية
قلت لك على حسب
بس كنظرة عامة
مبلغ كافي و يمكنها تحوش منه بعد

انا مايكفيني ههههه
بس زوجتك ان شالله بيكفيها اذا قسمتهم بالترتيب ..

هالشهر تاخذلها عطر وشنطه وتخش 500 و200 للمكالمات للجوال ..


الشهر الثاني ..
تاخذلها ميك اب وتخش 500و200 للمكالمات الجوال

وجي تستمر .......................

يعني يكفونها ان شالله

اذا زوجتك من هالنوع استمر على 1200 ريال جيدة جداً اذا كان راتبك 9 آلاف او 8 آلاف اشوف انها جيدة جداً

لازم تعلم زوجتك الإقتصاد ومو كل شئ نفسها فيه من الملابس الغالية تشتريه

تخيل تشتري حذاء اعزكم الله ب 500 ريال وبلوزة ب 300 ريال وتنورة ب 300 ريال خلاص خلص المصروف بتسدد جوالها من خارج المصروف غير مصروف الجيب لو تروح لأهلها

وكل 6 أشهر فاجأها بمصروف 2500 ريال علشان اللي كان نفسها فيه وفي الأاعياد زودها الى 1500

هذي سياستي واعتقد انها كانت ناجحة حتى توظفت زوجتي

وسبحان الله لما توظفت صارت تقتصد براتبها اكثر من انها تقتصد بالمصروف اللي كنت اعطيها ههههههههههههه

ههههههههههههههه
كيدهن عظيم !

شبه يكفي .. لان النت والجوال ياكل ! مع بعض ياكلون حوالي 500
الباقي ماتصور يكفي .. لو يزيدها احسن

السلام عليكم المراه الصالحه تعيش مع زوجها بكل حياته تاكل مما يأكل وتشرب مما يشرب هي غير موضفها عنده ولكن ممكن ينعطي الاولاد حتي يتعلمون الاقتصاد ويحافظون علي ممتلكتهم

بالعكس
انت تعطيها شي اكثر من اللازم
1200 * 12
المجموع= 14200 ريال


هل اللبس بيكون كل شهر
هل الهدايا بتكون كل شهر
طبعا لا


أنا مؤيد لك تعطيها هذا المبلغ
بس بشرط تطلب منها تجمع مصروف للمناسبات كالعيد والحفلات وغيره وماتطالبك بشي ثاني

وبالنهاية الموضوع
يعود إلى مستوى الزوجة المادي لأسرتها ومعارفها
أيضا إلى ثقافة الزوجة
وإلى مزاجك انت


أنا عن نفسي ما ابيها ترفع نفسها عن مستوى جماعتنا

والاعتدال حلو

بالنسبة لي ناوي أعطيي زوجتي 500 ريال كل شهر ,, وهذا المبلغ كل اخواني وقرابتي مخصصينه لزوجاتهم ,, طبعا المبلغ خاص فيها تفعل به ما تشاء ,, الجوال علي والنت علي ,, وإذا جاءت مناسبة ولا شيء عادي أعطيها ,, ما أدري هل طريقتي صحيحة ولا ؟

يكفي و بزيادة

انا مصروفي الف ريال كل شهر غير شامل فاتورة الجوال يكفي وزياده الا بالاعياد اللبس من زوجي وفساتين الزواجات يدفع للي مقربين لي اخواني او خواتي او خواته او اخوانه غيره يقول مب ملزوم فيهم ومكفيني وزياده ولله الحمد