|
ساعدوني الله يرضى عليكم
السلام عليكم ورحمة الله وبركاته لو سمحتو يابنات ساعدوني في لون مطبخي دولاب المطبخ لونه وردي وعلى الجنب بيج فاتح ايش لون السيراميك المناسب مع لون الدولاب ساعدوني الله يفرج عليكم كل كربه انتظر ردودكم حبايبي |
جيبي سيراميك بيج ومونس بوردي بتلاقي
|
اسفه اختي شو بتقصدي مونس ترى ماعندي خلفيه كتير بسراميك
|
بنات وينكم ابي ردود اكثر ربي يرضى عليكم لاتطنشون موضوعي والله محتاجه رايكم الله يجزاكم الف خير .نسيت اقولكم لون جدار المطبخ ايش اختار من لون ردو ربي يفرج كربتكم ياااااااااااارب
|
اختاري الالوان الزاهيه او الفاتحه .,~
لون السيراميك خليه بيج ولون الجدار رمادي فاتح دمتي بود : ) |
ام عبودي وزهرة الرمان شاكره لكم حبايبي ربي يسعدكم دنيا واخره
|
غناتي لون الارضيه
بيج او رصاصي فاااتح على ابيض .. ولو حطيتي الغاليه صورة لمطبخج او جزء منه بحيث اقدر افيدج كيف ترتيبه بيكوون .. وشو لون الجداء ولون الارضيه والفرن وباقي الامور وجي وشو اللي يناسب مطبخج والاقرب له لانه الودري درجات والبيج كذالك اذا لون الكبت وردي واطرافه بيج صبغي الحيط بالابيض والاارضيه بتكون بلون بيج بس لاتركبين كاشي حطي الكاشي الجديد اللي شكله خشب .. يعني كتغير بيكون حلو واحرصي تكون طاوله الطعام مدورة صغيره بلون الابيض بنفس لون الجدار بيكون واايد حلوو من جي تمنيت تحطين صورة المطبخ عشان اقترح عليج كيف تنسقينه اكثر ... |
يمشي معاه بيج والابيض
ودرجات البني اللحين السيراميك اللي زي الباركيه حلو انا سويته لمطبخي بني فاتح والبني يمشي مع كل شي مع انه دولابي اورنج لون الجدار اهم من السيراميك |
اقتباس:
|
اقتباس:
|
لون الجدار بيج
|
جمانه222 شاكره لك ياقلبي ربي يسعدك
|
اقتباس:
ابتعدي عن ذوق البايع بيتفلسف عليج جي .. لانه يهمه يبيع وبس بلون وردي فوشي يعني غامج .. البيج الفاتح والارضيه بلون بيج حلو وايد الكاشي اقصد فيه السيراميك بس نحن نسميه كاشي ... الجدار خليه لون ابيض الفاااتح الناصع لانه جوانب الكبتات بيج + الارضيه بيج .... الكبت فوشي + الجدار ابيض بيكون واايد حلو + طاوله طعام صغيره للمطبخ ودائريه ولونها ابيض .. الغاليه اذا الجدار بلون بيج واطراف الكبت بيج والارضيه بيج بيصبح الوردي يتيم وبروحه وبيستوي المطبخ بلونين فخليه بثلاث الوان وبطلع رووعه ولاتنسين الفرن والثلاجه وباقي الامور .. خذيها بلون ابيض .. لاتنسين خذيلج .. قاعده مال السجاجين + طقم مال الملح والبهارات وغيره كلهن بلون البيــــــــــــــــــــيييج الخشبي بتحصلينه ان شالله بهوم سنتر او ايكيااا ... وبعدين انا بكسر اللون وببرز جمال الفوشي وبدخل الابيض معاه .. ومع الطاوله بيستوي رهيب تخيلي مطبخ بلون ابيض الناصع ... كبتات فوشيه اطرافيها بيج وتنعكس بلون السيراميك البيج اللي تلمع مع طاوله بيضه بنفس درجه الحيط .. بتكسر المنظر المتكرر للبيج فاذا كان بيج وبيج وبيج وفوشي بروحه بتملين من المنظر فانتي اكسري الملل وخليه منظرج يبرز باللون االبيض بس لو دخلتي الابيض دائمن الابيض يبرز جمال الفوشي والبيج خذ حقه بالجوانب والارضيه .. انتي لاتلزمين بوجه نظري بس هذا مجرد اقتراح وشاوري زوجج وخواتج وجوفي شو الانسب لج بالنهايه همسه ابتعدي عن الابيض المايل للرصاصي او الزرق انتهي لدرجه الابيض خليه مايل للبيج او يكون ابيض بدون مايميل لاي لون |
روضة بوظبي بصراحه مقتنعه بكلامك وان شاء الله راح اسوي اللي قلتيه بالحرف الواحد شاكره لك ياقلبي ربي يحققلك اللي تتمنيه ياعمري
|
رد : ساعدوني الله يرضى عليكم
اتوقع البيج حلو
|
رد : ساعدوني الله يرضى عليكم
حطي بيج فاتح افتح من اللون الي على الدولاب او اغمق بيكون حلو بس لاتضيفين لون لان الوردي والبيج حلوين بس مع بعض
اي لون ثاني يصير مو حلو ان شاء الله يعجبك يا ام محمد |
| الساعة الآن 04:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©