|
حفل زفاف لمني بشوق وحبي المطر والدعوة عامة
اليوم الكل مدعو لحفل زفاف لمني بشوق و حبي المطر ( ابو عيالي ) اعزائي .. اتمنى تكونين بخير وصحة .. لاني من زمان ما طرحت فكرة جديدة لانشغالي فالسموحه منكم على التقصير .. الفكرة هدفها كان تجديد الحب والحياة الزوجية .. وتعويض زوجي عن الايام اللي ابتعدت عنه فيهم مع اننا مع بعض نتشارك في المسئوليات ولكن ما سنحت لنا الفرصة لقضاء وقت كافي مع بعض بعد ولادة البنتين .. فالتوائم متعبين ويحتاجون اهتمام اكبر وزوجي الله يحفظه كان يشاركني وما يقصر بس حسيت انه اشتاق للمفاجآت وقلت اسعده فديته يستاهل .. والحمد لله الله وفقني في تطبيق فكرة رااااائعه بتحضيراتها وتفاصيلها ونتائجها .. وبصراحة عشنا الجو ونسينا ان عندنا عيال :d الفكرة هي ان نتزوج من جديد او بالاحرى عمل حفل زفاف لي وله .. وبعرض عليكم التجهيزات وبتكون الصور المعروضة قريبة جدا من الواقع لاني ماخذه افكاري منها واسمحوا لي ما عرض تصويري الخاص احتراما لرغبة زوجي ..ولكنه وافق بطرح الموضوع في المنتدى للفائدة ولان الفكرة عجبته وااااااااااااااااااااااااايد .. التفاصيل : (( ملاحظة : ثيــم الحفلة كان هندي ملكي [ اللون الوردي ] )) 1 اخترت بطاقة دعوة وعملت نسخة واحدة فقط لزوجي وارسلتها له في مكان عمله وكانت بهذا الشكل : وارفقت بطاقة صغيرة مع بطاقة الدعوه عبارة عن هديه لزوجي وكانت بهذا الشكل والمضمون : والبرامج هذي كانت موزعه على اسبوع كامل .. 2 اتفقت معاه ان نبتعد عن بعض اسبوع كامل .. فجلس بيت اخواني واخواتي وبيتهم ملاصق في بيتنا ونفس الجدار وبيننا فقط باب .. وفي هذا الاسبوع رجعنا لايام الملجه :d اتصالات فقط وكلام عشق وشوق زوجي صار يعبر عن مشاعره والله استوى شاعر :17: 3 حجزت فندق بالتاريخ المحدد لعرسنا .. وطلبت منهم بعض التجهيزات الخاصة بالمناسبة وبعدها سويت برنامج خاص فيني خلال اسبوع واغلبه كان في الفندق نفسه وكان يتضمن : مسـاج وسبا : تغيير اللوك من قص شعر وصبغ وعناية بالبشرة بشكل مكثف .. حمام مغربي ( الصبح في نفس يوم العرس ) .. في الفندق نفسه ارجو عدم الرد .. علشان يكون الموضوع مرتب ومتابعته سهله .. وشكرا يتبــــــع .... |
4 بما ان ثيم الحفلة كان هندي ملكي ( وردي ) تجهيزاتي كانت كالتالي : الفستــــان كان بهذا الشكل : المجوهرات مثل هذي تقريبا : المسكة كانت بهذه البساطة وهذا الاستايل بس الوردة كان لونها وردي دبلتي انا وزوجي كانت بهذا الشكل بالضبط : 5 خذيت هذا الصندوق لزوجي كهديه او نحن نسميه ( المندوس ) وكنت حاطة فيه هذه الاغراض : الكندورة ( الدشداشة ) خذيت كندورته وعطيتها للخياط يخيطها بدون لا يعرف زوجي .. كل الاشياء الباقية اخترتها بنفسي وحطيتها كلها في المندوس وحطيته في سيارته مع وردة كمفاجأة .. 6 بالنسبة لتحضير الفندق والجناح : 1 الجناح كان بهذا الشكل بالضبط : وطلبت منهم ان تكون الزينة فقط ورود بالوان مختلفة الكعكة كانت بهذه الطريقة : ارجو عدم الرد .. علشان يكون الموضوع مرتب ومتابعته سهله .. وشكرا يتبــــــع .... |
طبعا ما نسيت الـ وكان اختياري للنقش الهندي .. تفاصيل يوم الزفاف : في نفس اليوم .. اتفقت مع الليموزين ان يمر على زوجي الساعة 8:30 مساء بعد صلاة العشاء واخترت هذا الوقت علشان ما تفوتنا الصلاة ... وانا تجهزت في الصالون اللي في الفندق نفسه ورحت الجناح وبخرته : طبعا ما كثرت لان ريحة الورد كانت طاغيه روووووعه :) مر الليموزين على زوجي في بيت اهلي وحجزت له ( همر ) زوجي صور الليموزين وارسله لي من الفرحه :d قلت له اتصل اول ما توصل الفندق .. علشان اجهز السي دي مال الزفة .. كنت مسجلة ابيات شعر باسمي واسمه .. وصل الجناح وفتحت له المصورة الباب .. وانا كنت متغطية والسي دي شغال وعلى ابيات الشعر كان يمشي صوبي .. رفع الغطاء وقال : الف مبروووك حبيبتي .. وما تمادينا بأي تصرف لان المصورة موجودة .. تصورنا مع بعض .. وقالت ان الالبوم بيجهز خلال اسبوعين .. اول ما طلعت .. الحمد لله خذنا راحتنا وجلسنا على الكوشة ( عبارة عن كنبة مزينة بالورد ) .. وتكلمنا اسمحولي ما اقدر اذكر تفاصيل .. لان يمكن ما بتفيدكم بشي .. وبعدها جاء دور الـ : شربنا العصير وبدلنا وعلى طول نزلنا للشاطىء .. كانت المفاجأة عبارة عن عشاء رومانسي على شاطىء البحر .. وطلبت التجهيز من الفندق وما قصروا كان التجهيز بهذه الطريقة : وكان المكان مظلم اكثر لكن مضاء بالشموع .. ومكان خاااااااص جدا يعني ما فيه احد غيرنا ..:22: العشاء كان بحري ودسم .. فطلبت تغيير المنيو .. وطلبت اكل خفيف وكان عبارة عن : سلطة يونانية مع ستيك دجاج بالالفريدو سوس وشوربة الفطر ..وبعدها قدموا لنا صحن من الفواكة الطازجة المقطعه :) بعد العشاء جلسنا في المكان اللي جنب الطاولة .. وشربنا شاي وسولفنا .. ورجعنا الجناح على الساعة 1 بالليل .. وهذي بعض المناظر الحلووووه من الفندق .. والحمد لله رب العالمين السعادة كانت ما توصف .. صدق عشنا الجو .. كاننا معاريس جدد .. اليوم الثاني الصبح زوجي حضر لي مفاجأة .. كانت عبارة عن : رحلة باليخت وتفاجأت ان العائلة الكريمة كلها في اليخت اهلي وعيالي :d وكان فطورنا خاص : استانسنا في الصيد والغوص وغيره ورجعنا على المساء .. ورجع زوجي البيت .. وكان قمة في الفرحة .. ولما شاف العيال قال : ( انا نسيت ان عندي عيال ) :d صح قبل لا انسى .. زوجي رجعلي ثمن الدبلة لان قال المفروض انا اشتري لج ..خخخخخ هذي كانت الفكرة والحمد لله توفقت في تطبيقها .. والله ان تجهيزها اروووع واحلى .. ادعو لي ان الله يحفظ لي زوجي الغالي واهلي وعيالي .. ويجمعنا في الجنة .. اللهم امين وعلى فكرة مب لازم تكون الحفلة بتكلفة كبيرة .. ممكن تكون بسيطة .. على حسب الميزانية انا ميزانيتي كانت كبيرة علشان جذي خذت راحتي .. ربي يسعدكم ويوفقكم |
ماشاء الله تبارك الله رووووعه:14:
الفكرة روعه لكن وش الحل للي بالغربة وماحوليهم اهل وين نودي العيااااال:15: |
ماشاءالله تبارك الرحمن
الله يوفقكم ويسعدكم ويبعد عنكم عيون الحاسدين ولكن لدي سؤال لاحظت من جميع مواضيعك بأنكم زوجين مثاليين وحياتكم رائعة كم سنة مضى على زواجكم؟طبعا من المستحيل ان تكون حياتكم خالية من المشاكل ولكن سؤالي كيف تغلبتم على مشاكلكم؟وخصوصا أول سنوات زواج؟هل كل هذا بفضل الصدقة التي كنت تتحدثين عنها؟ أرجو منك أن تكتبي موضوعاً عن مشاكلكم وكيف تغلبتم عليها حتى تكون عبرة لنا ونستفيد منها |
مــــــــــــآآآشاء الله لآآقوة إلا بالله ربي يحميكم ويحرسكم
يآآريت كل من مر من هنـــآ يذكر الله مببدددعة يآلمني بشوق مبددددعة ربي يحفظ لك حبايبك |
بسم الله ما شاء الله .....
ربي يهنيكم ويسعدكم ويبعد عنكم العين والحسد ... |
بسم الله ماشاء الله تبارك الرحمن
مبدعه كعادتك أسأل الله العلي القدير أن يحفظ لك زوجك وأبو عيالك ويحفظ لك عيالك من كل سوء ويديم المحبه ويبعد عنكم شياطين الأنس والجن وكما جمعكم بالدنيا يجمعكم في جنات النعيم |
ماشاء الله تبارك الرحمن
الله يديم عليكم الفرحة والسعادة صدق الله العظيم الذي قال الطيبات للطيبين والطيبون للطيبات عسى ايامكم كلها فرح وسرور وسعادة |
ماشاءلله تبارك الله روووووعه الله يحفظ لك اهلك واحبابك يآآرب ,.~
|
السلام عليكم....اخت لمني بشوق, جميله هي افكارك و اجمل منها روحك المليئه بالحب و ادخال السرور الى قلوب من تحبين, لكن انتبهي من امرين, اولهما الحسد ....حفظنا الله و اياكم من كل حاسد....و ثانيا اخشى ان يترك موضوعك غصة و ألم في قلوب كثير من المحرومين لأنه من الواضح ماشاألله التكلفه الباهظه لهكذا مشروع...و حتى إن قلتي انه من الممكن تنفيذ الفكره باقل تكاليف فلا اعتقد ايضا انها ستكون بمقدور غير الميسورين.....فأسعد الله ايامك و جعلها كلها فرح و صحة و يسر....و ابعد عنك كل عين حاسده ...
|
مشاءالله حبيبتى ربى يديمها عليكى سعاده ويحفظها من الزوال يارب
|
الله يهنيج يالغاليه ابصراحه شي حلو وممتع وتوني اعرف انج اماراتيه من الصور بالرغم انه لهجتج سعوديه بحته..
بس بخصوص صورة الحناء ها موب نقش هندي .. وشي الثاني ترتيبااتج روعه واختيااارج ذووق ولو ابتعدي عن الأستايل الهندي واخترتي الأستايل الاجنبي الناااااعم بقصه هاديه بتسريحه نااااعمة بيكون وايد كيووت ورومانسي الاستايل الهندي نوعن ما ثجيل وبالنسبه لباقي التريباتتت ماعليها كلام ابصراحه ابدعتي وعسى الله لايفرقكم ويجمعكم دوووم على قلب واحد اعذريني تراني مااعرف اعلق من غير لااترك ملاحظاتي .. ملقووفه شو اسوي لازم بقول راي .. هههه تك كير حبوبه |
ماشاء الله تبارك الله ،،،
فكرة راائعة ،، الله يدووم السعاادة عليكم وعلى المسلمين اجمعين |
ماشاءالله تبارك الرحمنواااااالف مبرووووك
منه الماااال ومنج العياااال☺ الله يديم السعاده بينكم ويحفظكم لعيالكم واحبابكم |
ماشاء الله تبارك الله
الله يديم الحب والسعاده عليكم |
ماشاء الله لاقوة الا بالله
هكذا المواضيع والا فلا يارب يديم عليكم السعادة ويجمع مابينكم دائما على خير ويسعدكم ويهنيكم ويحفظكم من العين والحسد وربي يجمع بين كل الازواج على خير التجديد مطلوب وحلو لو حذى الجميع حذوكم في التجديد والاهتمام بشريك الحياة |
اقتباس:
ماشاء الله تبارك الرحمن لاإله إلا الله ربي يحفظكم ويخليكم لبعض ويسعدكم أفكار حلوة وتجديد للروتين اليومي الممل |
ماشاء الله تبارك الله فكره رائعه الله يديم السعاده عليكم تجديد مهم في الحياة الزوجيه |
ماشاء الله لا قوة إلا بالله
مبدعه والله وفكرتك مررررررره حلوه عسى ربي يديم عليكم السعاده ويجعل ايامكم كلها افراح اللهم آآآآآآآآآآآآمين |
لمنــــي بشوق . .
أنتي ملكـــة الذووووق .. ربي يوفقكم ويحميكم من كل شر .. |
ماشاء الله لا قوة الا بالله بصراحة ابدعتي واهتميتي بكل التفاصيل
ربي يديم عليكم السعادة ويحفظكم من كل شر |
ما شاء الله تبارك الرحمن الله يحفظكم من العين ابداااااااااااع اختي الحبيبه وفكره وايد حلوه الله يوفقكم |
الله يحفظ لك اهلك وزوجك وعيالك ويديم السعاده عليكم ويهنيكم ما شاء الله ترتيب رائع وذوق |
ماشاء الله تباااااارك الرحمن
الله يديم عليكم السعاده ويحميكم من العين والحسد ويحفظ لك زوجك وعيالك واهلك |
ماشاء الله تبارك الله
الله يسغدكم ويوفقكم ويخليكم لبعضكم و الله يبعد عنكم شياطين الأنس والجن |
ما شاء الله لا قوة الابالله
الف مبرووووك حبيبتي ،، ة:d :d مـا شاء الله كلك ذوق ومبـــدعة ربنا يحفظك ويعافيك من كل سوء ،، ويحفظ لك زوجك وبيتك وأولادك ااميـــــــــــن |
اقتباس:
|
ماشاء الله تبارك الله ..
دوم مبدعه ماشاء الله عليك .. الله يديم عليكم السعاده ويحفظكم ..‘ |
ماشاء الله تبارك الله ياعروسة
برنامج ممتع وحفل زفاف خياااال |
ما شاء الله تبارك الله الله يديم عليكم الأفراح والمسرات الله يخلي لك زوجك وأهلك وأولادك ويعذك من عين الحساد فكرة حلوة لقد أبدعت وأتقنت الاختيار http://pcs.fares.net/pcs/images/zwaj004.gif |
ماشاء الله تبارك الله ,,, الله يسعد كل زوجين
|
مــــــــــــآآآشاء الله لآآقوة إلا بالله ربي يحميكم ويحرسكم
|
ماشاء الله تبارك الرحمن
الله يجمعكم في الدنيا والاخره في الجنه ولايحرمكم من بعض |
ما أقول الا ماشاءالله تبارك الله والله يديم عليكم أفراحكم |
أنعشتي قسم المتزوجين بهالموضوع الجميــــــــــــــــــــــل
والافكار الرومانسيه ... ياريت دايما يكون القسم مليان بهالمواضيع بعيد عن المشاكل ************* الله يديم المحبه بين كل زوجين .. على فكرة انا طبقت فكرتك بس بشكل مبسط جدا من حيث التكاليف وكنت بداخل البيت وماطلعت منه ... بحكم اني في بلد ما بتتوفر فيه فنادق او حريه مثلكم .. واني بغربه ... بس الحمدلله النتيجه كانت رائعه .. :: :: مشكورة يعطيكي العافية صدق المثل ابعد تحلا |
مبروك .. اعرستوا !! :d ما شاء الله تبارك الله .. الله يسعدكم ويهنيكم .. حلو التجديد ... بقلوبٍ يملؤها الحب والاشواق والوفاااء |
ما شاء الله عليك مبدعة الله يحفظ لك زوجك وعيالك واهلك
|
نسينا نقول منه المال ومنك العيال *ـــــ*
|
ما شاء الله ولا قوة إلا بالله
أسأل الله القدير أن يديم عليكم نعمة المحبة والسعادة وأن يجمعكما في الجنة حقيقة أختنا الفاضلة نقف عاجزين أمام كرمك وعطائك اللامحدود هنا في المنتدى فقد استفدنا وما زلنا نستفيد من مواضيعك المميزة وأفكارك الرائعة ألف مبروك الزواج فكرة فيها الكثير من الإبداع وسأحاول أن أطبقها ولكني ساخذ دورك وأفاجئ المدام لأنها تستاهل كل خير |
| الساعة الآن 12:30 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©