|
أنا وخطيبتي وليلة العرس
السلام عليكم ورحمة الله وبركاته
انا وخطيبتي لا تفرحون ما بينا مشاكل:d ............. أختلاف فقط في وجهات النظر انا ناوي أسوي حفلة العرس كبيرهــ واااااااااااايد الكل يتكلم عنها القاصي قبل الداني. ومن حقي افرح هذا عرسي ... لكن خطيبتي ما يهمها حفلة العرس. إذا تكلمت معها عن قصر الفرح .. و العشاء .. والمعازيم .... تقول خطيبتي : هذا تعبك كله للناس مب لي. أنا ما يهمني العرس يكون كبير ...يهمني شهر عسل وبس .... حتى فستان العرس بأخذ أجار وما بشتري. لما سألتها عن السبب / قالت : ما نبي نبدء حياتنا بديون وقروض فقلت لها : الخير وااايد ما بتحمل أي ديون . قالت : أنا ما أحب المظاهر وأخاف من العين والحسد.... وأنت بكيفك تسوي حفله كبيره أو عاديه. سألتها : وين تحبين يكون شهر العسل ؟ قالت : بكيفك غير تايلند ولبنان ودول الخليج. الأسئلة أنا من حقي افرح واسوي ليلة عرس كبيرهــ .......... شو رايك اسوي الي انا ابيه أو اسوي حفله وسط؟ وين تقترحون يكون شهر العسل؟ سؤال أخر مريت في مطبات صعبه وااايد ....... وخطيبتي ما قصرت معي بالدعاء و النصيحة والتشجيع والمواساة لذلك أفكر أفاجائه بهدية كبيرهـ بعد العرس.......... شو تقترحون. دعواتكم للعلم موعد العرس لم يحدد بعد ....... انا قاعد أدرس الموضوع الله يجزاكم خير سلفا |
الله يوفجكم
والبنات ياخذون ايجار بهالوقت مايشترون فستان عرس اختي خذت ايجار من المصمم زهير مراد الليله 25 الف درهم .. يعني موضوع الفساتين صار بالايجار وبس وموضوع موب مهم لاي بنت وزوجتك جم بتدفع للفستان 10 او 15 عادي مبلغ عادي تراه ايجار بالنهايه ومااتوقع الواحد بيتكلم فيه وبيقول حتى فستان مااب اشتري اذا الفستان فوق 40 الف العادي فمابالك بالمصمم اذا اشتريت منه مايقل عن 90 او 80 الف وبالنسبه للقاعه اذا كنت مخصص 500 الف درهم شامل العرس وتكاليف من الذبايح وحجز القاعه وغيره وفرقه الحربيه والنعاشات وغيرها تقدر تخليهم 250 الف درهم .. وانت جوف جم دفعوا اهلك وقبيلتك لك يعني جم حطوا العينيه .. مثلن عمك يدفع 20 الف ردهم عينيه اخوك يدفع 5000 الف عينيه امك تدفع 10 الف عينيه ولد اخوك يدفع 5000 الف عينيه واحسب الاجمالي وامشي على اساسه يعني عرس موب معقوله ماراح يعينونك اهلك وعمومتك وخوالك هاذي سنه بكل القبايل يعني مااتوقع راح تدين بشي بس حاول تقتصد وبنفس الوقت رتبلك سفره ل المانيا او لندن والله يهنيكم سافر على المانيا ... شهر العسل هاي مفجاه حلوة لزوجتك كون انها مهتمه بشهر العسل والله يوفجكم |
الف مبروووك مقدما ....
انا اشوف ان كلام خطيبتك صح 100% فعلا الواحد لازم يخاف من العين والحسد عشان بعدين ما يبقى في ياريت..... وكمان الحياه الزوجيه كل يوم بيظهر فيها شي يعني بدل ما تخسر فلوسك في الفنان وغيره خليها معاك بيجي يوم وبتحتاجها اكثر من اي وقت لأن الظروف ما معروفه ومثل ما تقول خطيبتك هذا كله للناس اما عن شهر العسل ممكن في ماليزيا او تركيا اما عن الهديه ما عندي خبر ممكن الاخوان والاخوات يفيدوك..... ربي يهنيك ويسعدك ويوفقك يارب...... |
اولا الف مبروك والله يتمم بخير
مع خطيبتك قلبا وقالبا ( حفلة صغيره) واقترح شهر العسل في سويسرا |
معها حق خطيبك .. وكلامها عيين العقل ..
ايش لك بالخساير والطقطقه ووجع الراس .. الفلوس اللي بتدفعها بالزواج .. خلها للسفر وبيت ملك لكم .. والله يوفقكككم |
لا بصراحه خطيبتك كلامها عيــن العقـــل ..
الله يوفقكم .. |
الله يتمم لك على خير ويوفقكم والف مبرووووووووووك وأنا بعد من راي خطيبتك الله يحفظها لك |
ماشاءالله على زوجتك ,,صادقه وفر الي بتصرفونه حقكم
وبعدين كلها لاتقدم ولاتأخر بالزواج مجرد شكليات ومصاريف على الفاضي اهم شي التوفيق أنا والله نفس وجهة نظرها مااحب التكلف بالزواج,دايم اقول لصديقاتي اذا جاء نصيبي ماني مسويه حفلة ولا يحزنون كلها ذبحتين وصل الله وبارك ويقولون غلطانه بكره يستهين بك انك ماكلفتي عليه >>تفكيرهم غريب !! الزبدة حنا مع زوجتك وخذ برايها والله يوفقكم ويرزقكم الذريه الصالحه ولايغير عليكم.. |
بارك الله لكم
ربما وجهة نظرها مقنعه لكن في زفافي كان العكس انا كنت اريده فخم و زوجي كان يريده بسيط لا عرف اكيد احد منكم سيقنع الاخر برأيه في النهاية مكان السفر تركيا رووووووووووووووووووووووووووووووووعه وسويسرا ايضا الهديه وهذا سبب دخولي اذا كنت تقصد بعد الزواج يعني هديه تكون في البيت حوضكبير للسمك اختر له الركن المناسب في البيت وشكله بيضاوي او مستدير ديكوره متناسق موفقين |
وعليكم السلام ورحمة الله وركاته
ماشاء الله خطيبتك حليلها واعية وباين إنها تحبك والدليل ماتبي تكلف عليك وهي صادقة لاتقصر معها في شهر العسل لإنها تستاهل وإن شاء الله تتم كذا ماتتغير موفق |
ماشاء الله خطيبتك عاقله وواعيه وكلامها عين العقل
مثل ما قالوا الاخوات قبلي اهم شي لا تقصر بشهر العسل وربي يسعدكم ويهنيكم اقتباس:
وتكون حياتكم كلها فرح وسعاده |
كلام خطيبتك جميل وعين العقل ماشاءالله
وتري الفرحه بتحسون فيها دام أنكم انتم المعاريس وتري مهما تحطون الناس ماتعجبها شي والله سبحانه نهي عن التبذير والإسراف وبعدين اهم شي شهر العسل والفلوس اللي بتدفعها للقصر والأشياء هذي ادفعها بالسفر أنصحك تاخذ جوله بدول أروبا وبالتوفيق |
الله يجزاكم خير جميعا ......... ويفرح قلوبكم مثل ما فرحتوني بردودكم:)
بعد قرات ردودكم قررت الآتي::14: حفلة الزواج ..... تكون بنفس مستوى عائلتنا ... يعني وسط مب كبيرة وااااايد ..... إذا مب عشاني وعشان خطيبتي عشان فرحة مويمتي <<<<< الله يهديكم ما فكرتو في أمي:( شهر العسل .... سويسرا أو المانيا <<<<< ما اعتقد خطيبتي بتوافق على المانيا <<<<< بتقول لندن:11: الهدية / تكون سياره :28:<<<<<<<<<<<<< شو رايكم تكون مفاجئة اشتريها انا على ذوقي او هي تختارهــ؟؟؟؟ |
أخوووي أنت ماقلت هالكــــــــــلآم إلا لآنك مقتدر ماشاء الله .. ""الله يبارك ويزيد"" .. فمن كــــــــــــــــــــــــــــــــــــــــآآآمل حقك يكون زوآآجك مثل مآتبي .. ((بدوون إسراف وتبذير طبعا ))
أنا أشووف القاعة والعشاااء المفروض يكووونوا تووب في تووووب واعزم كل احبابك وناسك هذه فرحة عمر ومآرآح تكرر .. أمااا عند الحريم المفرووض العرووس هي اللي تكوووون تووووووب من فستان وكوشه وزفه ووووووووو والطقاقه بعد والبوفيه والتقديمآآت لكن عندي تعقيب على فساتين الايجار أنااا مدري ليه البنات طآحين عليهااا هالأياام هااي ليلة عمررري فستااااان فرحة حيااتي هذه الفستان اللي احلم فيه من صغري أرووح آخذه أيجار أو انلبس قبلي .. ياكثر ماندفع على تفاهآآت وأشيااء بالهبل جآآت على فستااااان ليلتي وياكثررر الفسااتين الراقية والناعمة بحدود 4 - 8 آلآف بعدين ماراح اتحسف عليه أبداً وراح ألبسه في كل ذكرى زوآجي وآوري بناتي واحفاادي بعد خخخخخخخخخخخخخخخخخخ عمومااا أخووي الناس أحرآر ولاتضغط عليهااا أهم شئ تكووون مرتاحه من كل شئ فستانهااا ومكيااجها وزفتهاا .................... عاد تدري زوجتك مثلي عندي السفر أهم من العرس نفسسه ... في نظري مافيه أجممممممممممل وأحلى من لؤلؤة المحيط الهندي جــــــــزر الرومانسية (( جزر المــــــــــــــــــــــآآلديف )) جزر هاادية وشواطئهاا ساحره وجوهااا رومانسسسسسسسسسسي وشآآعري بقوووة غير فنادقهااا وغير جزرهم الخاصه وغير أكلهم وغير بشاشة ناسهااا وطيبة قلووبهم "" جنة بديعية "" سبحااانك ربي ماااأبدعــــــــــــــــــــك (( أعشقهااااا لحد الجنووووون هالجزر )) لآتفووتك ياخووي خصوصااا الجزر الخااصة في فندق W شئ ولا في الخيال ,, تخيل انت وزوجتك بس في جزيرة صغيره وراك الاشجار الاستوائية وقدامك شاطئ أصفى من الكريستآآل .. وحلاتهاااا تجلس من ثلآث ايام إلى خمس لآن ماراح يكوون فيه اماكن كثيرة وتسووق وملآهي ومطاعم ووووووو خصوصا اذا انت وزوجتك ماتعرفوا السباحه .. وبعدهاااا ممكن ترووح للدوول القريبة منهااااا اندونسيااا وبالأخص جزيرة بالي أو ماليزيآآ أو الصين بلد ولا في الخيــــــــــآآآل هذه في قارة آسياااا .. وطبعااا قبل هذا كله أبدأ حيااتك بعمرة في مكة والصلاة في مسجد النبوووي ... أمااااا في أورباااا .. كثيييييييييييييييير عد واغلط من ضمنهاااا النمسااااا ,, فرنساااا ,, ميونخ ,, فينيسيا ... في النهااية // أكبــــــــــــــــــــــــــــــــــــر هدية لزوجتك (( أنت)) كووون لهآآآآ كل شئ جميل في هالحياااة كوون الآب الآخ الأخت الزوووج الحبيب العآآشق المخلص الووفي .. وابتعد عن كل مايضر علآقتكم ... أمنيااتي لك بحيااااة سعييييده جممليه هااادئة مستقرة مع شريكتك ... |
الله يبعد عنكم المشاكل وكل حاسد يا قادر ,,
بادرة جميلة منك أخي ما اشوف فيها شيء اذا انت مقتدر تستاهل بنت الأصول سويلها الحفلة اللي براسك وقول لها خلاص بسوي اللي تقولين عليه وبعدين فاجئها بالأمر أهم شيء تحصنوا ثم تحصنوا وأي أمر تقضيه إدع الله أن يطرح فيه البركة ويبعد الحساد وكل سوء عنكم الله يجمعكم على حبه أما شهر العسل أنتظر مشاركات الإخوة وأستفيد معكم |
خل الحفلة متوسطة ارتب واروق
وشهر العسل جزر المالديف اذا تبي شرق اسيا واذا اوروبا سويسرا والنمسا وايطاليا وعطها هدية طقم الماس انا مع رأي خطيبتك لو تخلي فلوس الحفلة لشهر العسل افضل موفقين يارب |
الله يوفقك اجل ناااوي ع العرس:14:
الله يفتحها بوجهك ويبارك لك :17: الحفلة خلها وسط خير الامور الوسط والهدية خاطرك سيارة ليه بتسوقها هي ولا بتجيب لها سائق اذا كان كذا حلوة الهدية وانا اقترح طقم ألماااس بيكون له طعم رااائع بيوم العرس :22: سلم على خطيبتك :d:D |
والله زين فساتين العرس رخيصه واايد عندكم
شي حلو يجارات تبتدي من 10 الاف وفوق .. اقل فستان عندنا ومن مصمم مايقل عن 45 الف .. من جي تعودنا على الايجارات .. ووبخصوص تشتريلها سياره شي حلو خذلها سياره ليش لا خذلها انفنتني فور ويل ب 140 الف او خذلها افالووونن وايد كيووت وبناتيه ... ... سويلك عرس بقاعه وكثر من الذبايح وغيره شكله عندكم كل شي رخيص .. لاتنسى اقل قاعه ايجارها بدون اي خدمه 60 الف درهم .... ذبايح وغيره وكوشه ماتقل 25 الف درهم ويالله تعال على ال باقي الامور بطايق يبالها 20 الف درهم زهبه العروس 100 الف درهم مكياج العروس وتسريحتها 4000 الاف درهم دي جي وتصوير صور وفيديوو .. 5000 الاف درهم اقل شي .. االفرقه الحربيه 40 الف درهم النعاشات 5000 الاف درهم اقعد احسب يااخوي مع مويمتك ورتباها صح ... هذي ليله بالعمر .. واذا عندكم كل شي رخيص سويلك خدمه vip >>> شو تتريا بعد ... والله ونااسه يااخوي ... وانا مع اختيه روحها العطر جزر مالديف للمعاريس .. اما تنااقض يالله الله يوفجكم |
روحها عطر - دينا - بنت أطيب انسان
الله يجزاكم خير نورتم ......... أستفدت واااااايد عصفورهــ أسلم على خطيبتي:d |
معها حق
الزواج يكون بسييط وحلوو مو للازم مرا فخم وخساير والسفرر اهم شي بصراحه موفقين |
روضة بو ظبي
العرس بنسويه في العين يعني بالامارات يمكن الفستان اشتريه من السعودية انا بسوي على كلامكم بعد كلام الأخت روحها عطر .... فكرت اشتري الفستان من السعودية وبسال خطيبتي .......... |
اقتباس:
كل المحلات بعنوانيهم بخبرك عنهم جان تبا وبخصوص الفستاااان خلها تاجر الايجار ب 20 الف او 15 الف حسب المصمم .. وفستاين طر كل فستان احلى من الثاني ومصممين معروفين وموب اي كلام الفستان اللي ب 8000 و1000 مستحيل يوصل لاناقه وجمال الفستاااان اللي ينعرض في الامارات وينبااع ويتاجر بالنهايه العروس اللي بتلبس الفستان وكيفها بس صج شكلها تحب اي شي واي كلام موب مهتمه باليديد حتى العبي كل القصات الحلوة ماتنزل الا في الامارات قصات يديده وموب متكرره.. يالله تك كير وحاضرين باي مشورة |
أنسه طفشانة
مشكورهـ الله يجزاك خير روضة بو ظبي حسب علمي بنات خالاتي يسافرون لسعودية عشان يشترون زهبتهم ؟ وشو رايك اشتري لها السياره على ذوقي أو أخليها هي تختار ؟ لا تستغربون أسئلتي ترا انا ما عندي خوات <<<<<< أنتم خواتي |
http://www.m5znk.com/up3/uploads/ima...454c1fc45d.gif
http://www2.0zz0.com/2010/11/01/21/509861060.jpg اقتباس:
وأنا مع الأخ حلم الواقع فيما اقترح http://www2.0zz0.com/2010/11/01/21/834749824.jpg |
اقتباس:
الله يبارك لكما ويجمعكما على الخير |
اقتباس:
بس اللي اعرفه خوات زوج اختي من الكويت مخصوصه زهبتهم من الامارات مستحيل بكل شي ياخذون من هني عبي مغربيات دق مخور وهالامور .. وهم من العتبان يرجعون للسعوديه وبنسبه لبنات خلاتك يمكن ياخذون شي وشي بس كل شي مستحيل نو وويي وبعدين بخصوص الامور ثانيه ترى فروعها بكل دول خليج بس اللي يتميزز صج بالفساتين والعبي ودق ومخور اهني في الامارات غير جي اسمحلي المهم انا اقولك اللي اعرفه وبالنسبه لذوق بنات خالك وزوجتك ماادري كيف على العموم كل نفس وماتهوى وبالنسبه للسياره ..اظني ممنوع بالسعوديه يسوقون سياره البناات فخذلك سياره تصلح تكون شبابيه بنفس الوقت اف جي انفتي فور ويل صالون لكزز نيسان فتك وبالتوفيج ان شالله .... |
رجاء الرحمة
نورت صفحتي بردك الله يجزاك خير |
الاخ مجموعه انسان
وفقك الله لكل خير وجعل قادما حياتك افضل من ماضيها وجعل كل يوم ياتي يزيدك رب العباد فيه قربا منه ويزيدك سعاده وفرح وهنا وسرور اخي الكريم ياريت لاتقطع المنتدى هذا وتكتب حتى لو مذكرات لك لان من مثلك ماشاء لله تبارك يزخر بخبره وافره ولك اسلوب ادبي شيق وممتع فياريت تفيدنا وبالنسبه للزواج اتذكر حديث النبي صلى الله عليه وسلم في ممعناه اكثرهن بركه ايسرهن مؤونه ولاتنسى ان تدعوا في زواجك كل الطبقات مشكلتنا اننا في افراحنا عالبا ماندعوا اهل الوجاهه وهذا ليس بخطا ولكن الخطا عندما نتجاهل او ننسى الناس البسطاء او ذوي الدخل المحدود ولاتنسى ان تقدم بين يدي فرحك صدقه تبارك لكم ليله عرسكم وسعدكم ولاتنسى الاذكار وحصن نفسك انت وعروسك وبالنسبه لشهر العسل خليه بين سويسرا وفرنسا ورساله شكر وعتاب الى الاخت روضه ابوظبي اختي الكريمه اشكرك من اعماق قلبي على مشاركاتك الرائعه صاحبه فزعات وواجب والله يبارك فيك والعتب اختي الكريمه اتمنى ان لاتكتبي بالهجه العاميه حاولي ان تكون كتابه اقرب الى العربيه منها الى العاميه وطبعا انا الكلام هذا اوجه الى نفسي فانا اخطا في اشياء كثيره وتعتبر من اساسيات اللغه العربيه ونسال الله السلامه واتمنى لك التوفيق والزوج الصالح والذريه الصالحه ويخفظ اخوك خليفه :) وشكرا |
اقتباس:
وبالنسبة للأستمرار في المنتدى... إن شاء الله لان العرس يمكن بعد العيد بس انت رد على موضوعي ( للرجال : فترة الملكة ) ترا نزلته لعيونك ... الله لا يحرمنا الأجر وبالنسبة لروضة ,,,,,,,,,,,, تحتاج مترجم:d |
انا برد عليك في الهدية
قولها مثلاً انا ناوي اغير سيارتي شو رايك بأي نوع وش هي الالوان اللي تجذبك بسيارات لاني شاري لنفسي سيارة بذوقك عشان مل ماسقتها تذكرتك يااالله شوريني عاد هي بتعطيك ذوقها رح على طول ونفذ اللي بنفسها فيه واختار موديل جديد:22: بالتوفيق دعواتك لي ان يتمم ربي امري على خير بعدها ستجدوني في هذا القسم :d بإذن الله |
اقتباس:
يارب ياكريم في هذه الساعة المباركة سهل أمر أختنا عصفورهــ وارزقها الزوج الصالح يارب العالمين |
اخوي مجموعه انسان ترى موضوعك للرجال فتره الملكه جالس اقراه بتامل وامل ان اجد فيه مبتغاي لاحرمك الله الاجر
وهناك فكره عسى ان يكون فيها نفع وفائده وقبل ذالك اجر من الله سبحانه وتعالى ياخي قبل كل مره تزور فيها زوجتك فتره الملكه اذهب الى احد الجمعيات الخيريه وتصدق واكتب سند الصدقه لدى استلامك باسم زوجتك واسمك وطبعا خلي السندات في ملف مغلف كل سند لحال واثناء تحليق الطائره تضع الملف بين يديه فاتوقع سيكون له اثر كبير وفرحه ولاتنسى الصدقه تطفي غضب الرب كما يطفي الماء النار والله يحفظكم ويرعاكم |
مبارك أخي مجموعة انسان .. وعقبال الذرية الصالحة
أعحبني اقتراح الأخ happy2011 وكنت ناوية أقول لك تتبرع بفرق التكلفة بين العرس الوسط والعرس الفخم أما شهر العسل فسويسرا مكان رائع وطبيعته خلابة لكنه مزعج نوعا ما للمرأة المحجبة فما بالك بالمنقبة .. انصحك باسبانيا .. جوها رائع وطبيعتها خلابة والعرب مش غريبين عنهم . وفي مكاتب تنظم لك زيارات لأماكن اسلامية وقصور جميل جدا تعرف عنها .. والأكل كمان سهل وما تحتاج تحتار اذا فيه شي حرام أو لأ بينما سويسرا ومع اختلاف اللغة صعب تميز الطعام .. ترى أغلبهم ما يتكلموا الانجليزية والتواصل معهم صعب |
اقتباس:
سبقتني بكلامك عن الصدقة <<<< انتظر شوي وبقولك أحنا شو سوينا. |
اقتباس:
عشان كذ ادور اماكن غير مشكوره الله يجزاك خير |
| الساعة الآن 08:35 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©