زوجى يريد النقل وانا لااريد ابى شوركم
 

السلام عليكم ورحمه الله...انا متزوجه صارلى 7شهور وعايشين بالرياض الاهل والعمل هنا ومن اصلى هنا لكن اهل زوجى بمنطقه من مناطق الرياض يذهب يزورهم ويرجع واروح معه احيانا المشكله التى حدثت الان ان فرع لعمله سوف يفتح هناك بعد شهور قليله هو يريد الانتقال للعيش هناك وانا ارفض لان المنطقه كئيبه ولا احب الغربه والبعد عن الاهل وهو متعلق باهله جدا لو ذهبنا سوف يكون اغلب وقته معهم وانا لا اعرف احد هناك ابدا ولم احب المنطقه ولنا ايام ونحن على خلاف هو مصر على رايه والموضوع بالنسبه لى ازمه ارجوكم شورو على برايكم

عفوا قصدى من مناطق السعوديه

اختي نصيحه
اذا زوجك ما اقتنع بانه يجلس في الرياض اقنيعه بجودة التعليم ومستقبل الابناء
واذا ما وافق روحي معاه لانه اذا مارحتي معاه راح تفقديه ويتغير نفسيته عليك
لكن لو رحتي معاه راح يحسبلك هيا جميله
موفقه

ياصبرى عليا ,,,شكرا لك وجزاك الله خير وجالسه احاول اقنع ومصمم الله يفرجها بس

والله ياقلبي نصيحه روحي انتي جوا المملكه منتي بغربه

واول واخير زوجك اللي بينفعك وحياتك معه وتوكم باول الطريق

بدون تردد مع الزوج طبعا
وراح يجي يوم تستغربي كيف تحملتي الرياض هالفترة
لاتستغربي : كم من يوم بكيت منه فلما تجاوزته بكيت عليه

انا اشوفك انك تقنعيه بجودة التعليم والمستشفيات هو صح مو ذيك الجوده بس طبعا افضل من القريه كامعيشه
بس نصيحه لاتفرضي عليه الجلسه صدقيني راح تتغير نفسيته واذا تغيرت نفسيته راح تتغير حياتكم انا رجل واعرف كيف نفسية الرجل اذا تغيرت للاسؤ اتمني تمشي الامور مثل ماتبغي
تقبلي مروري

والله اشوووف انك تروحي معاه الرجال مايربطه بالرياض او مدن ثانيه الا عمله او اهله وجماعته طبيعي

وانتي تعتبري من مناطق الرياض يعني الخرج وماحولها ... وتعتبر بالرياض وش عاد لو رحتي كل اخر اسبوع لاهلك تنامي وعادي تكون الايام .. طبعا انا اطبق هذا النظام اسبوع تنام واسبوع لا
بالتوفيق *

الزوجه تتبع زوجها الغاليه
مافي شي اسمه مابا وشو اسوي تزوجتيه وانتي على علم من وين
وبعدين حتى لو مموب متقبله اهلهم وماتعرفينهم
بتعرفينهم ان شاء الله بعد العشره
وانتي ماتبين تخلين اهلج ليش تزوجتي من اساسه جان يلستي في بيت اهلج ..
والله صج ..

انتي تزوجتي واننتي تعرفين زوجج من وين وتعرفين البنت تتزوج وتسكن بيت اهل زوجها بعد
واذا هو بيسكن قريب من اهله شي حلو بس اهم شي يكون عندكم خصوصيه شقه بروحكم ومع الايام بتتعودين عليهم وبتعرفينهم ...


والله يوفجكم

مع زوجك ....

موفقه ....

للأسف موضوعك ماله حل : (

المرأة مغلوب على أمرها مع زوجها ولو خالفت حلّت عليها المصايب والنكد والهم

وكلي أمرك لربك ويعوضك ربي بالجنة

والله يا أختي نصيحة من أخوك إذهبي مع زوجك مهما كان يعتبر زوجك فأنتم الأن لبعض وهذه تعتبر سنة الحياة وإن شاء الله ما أنتم بعيدين عن أهلك و لا راح تنحرمي منهم فتوكلي على الله

شكرا لكم كلكم وجزاكم الله خير كل من رد فردكم خفف عنى لكن اتمنى مانروح وربى يفتح لنا ابواب الرزق هنا والمنطقه ذى بعيدة زى الباحه والجوف وعرعر وسكاكا كئيبه مو بسهاله زى القصيم والخرج اجى كل اسبوع بس الله يعين ويكتب الخيرة وخايفه اذ رحنا هناك يسحب على والمشكله وظيفتى هنا الحين هو رايح زيارة لهم ومايتصل الا بالقطارة هو اهم شى عندة اهله بالمركز الاول الله يعين على العرس بس ماحد مرتاح يوم كنت عزوبيه ابى اتزوج يوم تزوجت الزواج يبيله صبر وتضحيه وضغط وتنازل الواحد من وين يجيب الصبر

الحمدالله على كل حال دعواتكم ولا تحرمونى من شوركم والمغتربات كيف حياتكم بعيد عن ديرتكم واهلكم

عزيزتي انا مريت بتجربة مماثلة لك بصراحة كنت احس بغربة و لانه ما كان يستطيع دفع مصاريف رحلاتي لاهلي كنت ابقي اشهر بلا رؤية اهلي الامر ليس سهلا بصراحة، قلبي معك.
ما فعلته التوكل على الله و تركت امري له كليا، كنت اناشد ربي كل يوم تقريبا و اقول له انت اعلم بحالي فافعل بنا ما انت اهله و لاتفعل بنا ما نحن اهله، و سلمت امري و رضيت به، فلما وصلت الى هذا الحال فرجت و الحمد لله.
سلمي امرك لله و ارضي بما يقدر لك فهو الخير.
قلبي معك و دعائي لك بالصبر و السكينة

لينه العريكه,,,,جزاك الله خير وادرى مو سهل بس الله يعين ويسهل الامور صعب الموضوع بالنسبه لى اة الله يختار الخيرة

انا ياقلبي مغتربه خمس سنوات ووين بلد بعيده مو زيك انا بامريكا كنت انزل لهم كل صيف صح انبسط فيهم لكن اشتاق لبيتي وللخصوصيه وحياتي مع زوجي.

لي سنتين مانزلت وبعد شهر ونص خلاص بنزل نهائي وربي فرحانه اني بشوفهم بعد غياب سنتين لكن يعز علي بيتي اللي تعودت عليه والاستقلاليه ولو الود ودي اروح زياره وارجع بس لللاسف خلاص

الوحده مع زوجهاويقربكم من بعض لاتقولين بيروح لاهله طول الوقت كلميه وناقشيه قولي عادي روح لهم وواجب تروح لهم بس لاتنسئ بيتك وواجباتك

حبيبتي عادي راح تتعودي على الغربه ولما تجي لأهلك صحيح بتكوني مبسوطه بس كمان حتفتقدي حياتك الخاصه مع زوجك وبيتك .....

علشان كده ما تشيلي هم ابدا انا كمان كنت خايفه من الغربه بس الحين تعودت اروح زياره كل سنه في اجازه الصيف بجلس وياهم شهرين بكون مبسوطه اني معاهم وكمان بكون عايزه حياتي الخاصه ولما يجي وقت السفر بكون مغلوبه في امري عايزه اجلس وياهم وعايزه بيتي وخصوصيتي.....

بس اهم شي يسكنك في بيت مستقل وربي يوفقك ....

الزوجة تتبع زوجها لو يروح للمريخ

اما سالفة مابي اروح علشان ما يضيق صدري وعلشان بطفش مالها داعي

قولي علشان عندي جامعه ما خلصت قولي اني موظفه بالرياض او شئ مثل كذا

اما علشان اهلي بالرياض وانا مابي اطلع من الرياض علشان أسباب بسيطه بصراحه معليش يحق له زوجك يرفض لأن اسبابك مو مقنعه ولا معقوله ولا مقبوله

دنيتى بك جنه الف مبروك مشاءالله تتهنين يارب وبالعكس انبسطى انك تستقرى ببلدك الغربه شينه مهما كانت والاستقلال تقدرى تحققيه وانتى ببلدك وشكرا لردك والله يسهل الامور

ام محمد شكرا لردك وجزاك الله خير والله يعين يارب ويفرجها لنا ولك

عاشق الجواهر شكرا اخوى بس انا فعلا وضيفتى بالرياض بس هو مايعطينى حلول منطقيه وظيفتى مايحطها بحسابته وهالشى يضايقى ومدرى وش يصير عالوظيفه جد ماتناقشنا بهدوء وجد انا انصدمت من الخبر انه بيفتح بعد شهور وبيروح ومقدرت افكر باى شى الا بس انى ارفض لانى احيانا اذ رحت ازور اهله هناك وهى مدة اسبوع رحت مرتين او ثلاث وربى احس بضيقه لين ارجع ماحبيت المنطقه كابه ومافيها اى شى ترفيهى واضافه لذلك اهله يحسسوك انك غريبه ومايخشون معك ابد واضافه اغلب وقته معهم لو انها منطقه ثانيه ماله الا انا ومالى الا هو كان اهون شوى على قلبى الله يعين بس

شكرا للجميع ,,,الى ردو على كلكم جزاكم الله خير والى مغتربين بامريكا اوربا اى مكان انا احسه اهون وانا مدرى بس عالاقل المكان فيه ثقافات جديدة واماكن جديدة وترفيهيه ومجال تدرسين تطورين حالك وهناك كلكم بغربه وبعيدين عن اهلك واهله بيحس فيك عكس لمن تكونين بمنطقه مافيها الا اهله والمنطقه مافيها اى شى ترفيهى والحمدالله على كل شى

انا معاک آه يا روحي انا، الغربة تفرق من مکان لاخر
علي ايه حال فيجب الحفاظ علي زوجک و اسرتک، و لا تنسي عزيزتي و عسي ان تکرهوا شيئا و هو خير لکم، هوني عليک و حاولي الا تصري علي زوجک فقد ياتي بنتيجه عکسية بصراحة انا عندما ترکت الاصرار للرجوع الي مدينتي، و التجات الي ربي، بعد فترة قصيرة هو من فکر بالانتقال.
حاولي ان تقرايي هذه الايه مرات عديده
لا اله الا انت سبحانک اني کنت من الظالمين فاستجبنا له و نجيناه من الغم و کذلک ننجي المومنين
عزيزتي ان الله قادر علي کل شي و هو من نجا يونس علي نبينا و عليه الصلاه و السلام من بطن الحوت. و هو القادر علي ان يفرج غمک.
دمت عزيزتي