|
مشورة سريعة لاتتركوني انا حايره وحزينة 😞
السلام عليكم ورحمه الله وبركاته
صباحكم توفيق وسعادة 🌹 احبتي انا في حيرررره من امري ارجوكم اشيروا علي من تجاربكم من قصص حقيقية سمعتوا بهاااا افيدووووني وضعي صعب مدري ليش يارب تيسر امري وامر كل مسلم ومسلمة انا مطلقة من سنتين عمري 29 خطبني رجل الكل يمدح فيه المشكله انه متزوج ولديه اطفااال عمره 41 انا محتاره اوااافق او لا اهلي مااحد قدم نصيحه بحجه طلاقي الاول قالوا لي انتي فكري وانتي خوذي رايك بنفسك انتي اعلم بحالك ومصلحتك انا خايفه كثيييييييير ليه لاني مطلقه خايفه من زوجته يقولون عنها انها قووويه خايفه تهدم بيتي انااظمن نفسي لكن ماااظمنهاااا انا خايفه اورااافق وبعدها اندم لاني غيوور اخاااف مااقدر اتقبل زوجته الاولى وكيف اتعامل معاااه ومع اولاده ... وكيف اتعااامل م زوجته الاولى وكيف وكييييف 😞😞😞😞😭😭😭😭نصااايحكم ياااجماااعة وهل اشرط شروووط اظمن مستقبلي والا ايش الهرجه بالله وجهوووووني يارب كل من رد ودعاء ورفع الموضوووع وكل من اهتم يارب توسع عليه وتوفقه دنيا واخررره |
الله يزاكم خييير
ساعدوووني |
15 مشاهده
ولارد |
عن تجربه شخصيه تزوجت معدد كان دائما يتكلم باالمعددين يتزوجون ويطلقون وتطلقت واناعروس والحين بيصيرلي سنه والضيقه من الطلاق ملازمتني
اسال الله في هذا اليوم الفضيل ان يرزقني واياك الزوج الصالح وجميع بنات المسلمين |
استخيري
موضوع زوجته يخوّف شوي واذا فعلا هي قوية الله يعينك .. أنا بعد تزوجت معدد وطلقني ظلم والحمدلله الحين مالكة , وملك علي أعزب نصيحتي لك اسألي الله من فضله |
اسسستخيري الله ,,
وذا كنتي متردده ابعدي عن الموضوع احسن لك ,, اسسال الله ان يكتب لك مافيه الخييير ,, |
في نقطة ثانية بعد واللي هي موضوع غيرتك اذا فعلا انتي غيورة بشكل واضح جدا فراح تتعبي أكيد شخصيا لا أثق بالزواجات التي تحمل كم كبير من الحيرة والغموض والنقاط التي يمكن أن نعتبرها ثغرات |
حياتي الغاليه
اشرطي سكن بعيد عن زوجته الاولى بعيد عنها .. وافقي بعد الاستخاره وموضوع انج مطلقه هذا نصيب موب عيب ولاغلط وبعدين اذا زوجته قويه تراها لنفسها موب لج ولا لغيرج .. مادام هو مقتنع منج ويباااج وافقي واشرطي سكن بعيد عن زوجة الاولى بعيد ركزي ها لاتوافقين انج تسكنين بنفس المكان لانه لو جي راح تستوي لج مشااكل معاها مالها اخر . والله يوفجج وبعدين اشعليج اصغر منه ترومين تدلعين على كيفج .. وترومين تكسبينه بانوثتج لاتنسين انتي الصغيره المدلله عكسها الاولى كبيره وام عيال انا لو منج باستخدم انوثتني ودلعي عشان اخليه عندي مايقووم خليج ذكيه شوي ... وتوكلي على الله |
اهلا بك اخيتي ،،
لا استطيع ان افيدك بهذا الموضوع ولكن اريد ان اعلق على نقطة الشروط ،، تأكدي انه مهما شرطتي من شروط ستظل حبر على ورق الا ان كان هذا الشخص يخااااااف من الله ويعدل وضعي تحت العدل عشررررررين خط ولا تتركي الاستخارة وفقك الله وسددك وأرجوك لا تضعين قدميك الا وانتي مثبتتها صح ولا تنسي انك صاحبة تجربة فلا تداوي المك بألم اكبر منه واسألوا عنه كثيرا |
فعلا يا غاليه لا تتهاوني في الاستخارة
انتي مطلقة و اختيارك الثاني لازم يكون بتأني و حذر مب تجازفين مع اي مخلوق استخيري بعد كل فرض تصلينه صلي ركعتين و تلاحظين اذا تيسر موضوعك معناته بإذن الله خير و ان تعكر ع اقل سالفة ارفضيه و راح تحسين براحة نفسية كبيرة اذا راح عنك لأنك مستخيرة رب العالمين اللي يعلم و حنا يا عباده ما نعلم الله ييسر أمورك و يعطيك لين يرضيك |
شعليك من زوجته و عيآله
انتي لك مسكن لحآلك و من يطلع ماتشغلين نفسك و ين رآح و ش عمل معهآ آنتي عليك انك تقومي بوآجبآتك و تتقين الله فيه وفي نفسك يعني لا تعملي حيله و بسرق قلبه عنهآ و حركآت البنات اللي نقرآهآ و بالاخير تجي ع رآسهآ مايمنع انك تكوني الافضل بعينه لكن بنيه صآلحه و اكسبيه بطيبتك و مثل ماقالت الاخت روضه قوتها ع نفسهآ و عيالها وقولي له وريحيه بكلامك اللي فيه وعود انك تكوني له الزوجه و السند و ان اسرار بيته ماتطلع و ان عيالك اخواني الصغار و اكسبيهم لصفك ديانه مو لكاعه و خباثه صدقيني ربك ماتخفى عليه خافيه و استخيري الله سبحانه و لا تفرطي بالزواج استري نفسك اختي واذا ابن حلال وسمعته سابقته و حالته الماديه حلوه يعني ترا البيتين مو سهله يخقون دونها الرجاجيل مصاريف و العيد ورمضان ومدارس يعني اذا بتضمنين انه مايقصر عليك بمصروف او من امور الحياه انطلقي بعد الاستخاره و ربي يسخره لك شغله نهائيه بخصوص الغيرهـ حطي برآسك انك اذا فكرتي بهذا الموضوع لا طبتي و لا غدى الشر يعني ماراح تروح الغيره و زوجته بتبقى زوجته ماراح يتغير شي بحالك فمملكتك عيشي جووك خليه اذا طلع يجي متلهف اقلبي بيتك منتجع صحي و سياحي اخدميه لله و بيرزقك ربي سلبياتك بالزواج الاول لا تتكرر و خلي دعستك و حده يعني مو اول شهر شهرين زي الورد ثم يبدا النوم الزايد و جب من برا و انا تعبانه يعني بيحز بقلبه و بيقلب عليك و اللي جابك يجيب غيرك >> افكر بتفكيرهم طبعا ً الله ييسر آمرك و الاستخاره الاستخاره قبل كل شي و بالله التوفيق |
اقتباس:
اصعب قرارين في هالدنيا قرار الزواج وقرار الطلاق لانه مافي احد يقدر يتدخل فيه |
الله يجزاكم خير
ويوفقكم ويسعد كل من كتب لي ودعى لي واقووولكم الله يزوج الي ماتزوجت ويسخر للكل ازواج صالحين وشكرااال شكراااا على نصااايحكم الله يسر لي ويسر لكم الطلاق امره صعب الله لايذوووقكم وانا خايفه من الزواج كله الله يكتب الخير ويساعدني على اختيار القرار لكم اطيب تحيه يااحلى اعضااااء والي سالت عن اولاده مدري بالضبط كم وسبب زواجه الله اعلم لكن لابد اني اعرف السبب اذا قبلت استغفر الله العظيم التواب الرحيم لذنبي وللمسلمين والمسلمات والمؤمنين والمؤمناااات الاحياء منهم والاموات الى يوم الدين |
الله يوفق لكل الخير
ماقصرو الاعضاء |
الله يجزاك اخوي
وبارك الله فيك |
الله يهديك فاكهة الشتاء ماخبرتينا بالملكه
الف الف مبرووووووووك فرحت لك كثيرا بالنسبة لاختي الموضوع لايقف عند الزوجة الاولى فحسب بل عند الرجل هل هو رجل بمعنى الكلمه واللا تقلبه الاولى يمين ويسار اضافة الى ماذكره الاعضاء من ناحية الحالة المادية وغير ذلك بالتوفيق |
شوفي حبيبتي اول شي لاتنسي الاستخاره00
ثانيا0لازم تكونين مقتنعه بالشخص مو متردده0 الزواج من معدد صراحه جدا صعب مو كل البنات تتقبل هالشي0يعني حطي في بالك انه مو دايم عندك0عنده زوجه وبيت وعيال بعد00 لازم تتقبلي هذا الوضع0شوفي انا عندي طريقه طبقيها وان شاء الله تعجبك اكتبي بورقه كل الي تحسي فيه مثلا 1-ليش بتزوج هالشخص بالذات 2-الاشياء الي عجبتني فيه؟ 3-الاشياء الي ماعجبتني فيه يعني سلبياته 4-السبب الي خلاه يتزوج؟وهذا مهم تعرفيه 5-هو شخص متزوج هل بامكاني ان اتحمل بعده عني0وانشغاله بزوجته واطفاله 6-تقولي انك غيوره0وهذا الشي رااااااااااااااااااااااااااح يتعبك0هل تغارين من زوجته؟ 7-اهم شي تعرفي ليش بتزوج0 1-لاني بااستقر واكون لي عيله 2-او لاني لازم بتزوج وخلاص 3-او لاني مطلقه وابي ارتاح من نظرة الناس لي كمطلقه 4-او لأني لااعتقد بيجيني شخص افضل منه- لو سمح الله وماارتحت بهذا الزواج هل عندي القدره بتحمل طلاق ثاني00 الزواج مشروع 00واي مشروع يبيله دراسه وتفكير 00انا هنا وضعت لك بعض النقاط الي بااستطاعتك تجاوبين عليها0 وتتكور عند الفكره 00واهم شي خذي رااااااااااااااااااااااااحتك بالتفكير ولاتستعجلين000واستخيري مره وثنين وثلاثه بعد000000والله يكتب الي فيه خير لكم |
اقتباس:
الله يسعد قلبك كلام منطقي ومهم جدا :22: وصدقتي مشروووع صعب مو اي مشروووع كل الشكر لك الله يوفق الجميع |
الحياة كلها مغامرة
غامري فورا |
الحياة مغامرة مثل ما قالت احدى الاخوات
ممكن ماراح افيدك لاني غير متزوجة بس راح اقدم لك نصيحة اسألي عن سبب زواجه الثاني ؟؟ وعن زوجته جييييييدا ؟؟ برضو اسالي عن اخلاقه كويييييييييس ودينه ..حتى تطمني انه يخاف الله فيك وكونك راح تتزوجي من متزوج يعني خففي غيرتك شوي ياما راح تشوفي من مواقف تنرفزك << ابعدي عن المشاكل قدر الامكان برضو استعملي انوتثك ورقتك وجنيتك حتى توقفي على ارض صلبة فأنتي الثانية و الصغيرة .. وممكن تكوني المدلة بشطارتك غامري و شوفي اما ان كنتي غير مرتاحة للموضوع من اساسه ومتخوفة كنسلي الموضوع ولا تندمي النصيب بيد الله |
اختي الكريمه انصحك بالاستخاره فإن الله لايضيع احد..واجعلي ثقتك بالله كبيره و بإذن الله ماراح تندمي..وإذا صار النصيب وتمت الموافقه لاتشيلي هم الزوجه الاولى لان الله الزمك بطاعة زوجك وليس الزوجه الاولى..ولاتعطي موضوعها اكبر من حجمها ..عيش حياتك كأنك الوحيده لزوجك..وصراحه في تجارب للمتعددين والله من اروع مايكون ومن ضمنهم خالي ..وانتي بذكائك تقدري تكسبي زوجك..والله يكتب إلي فيه الخير لك
|
اقتباس:
ياحبيبتي الله يسعدك والف شكر على اهتمامك صدقتي الزوجه الاولى المفترض ممااشيل همهااا الله يوفقك ويسعدك ويريح قلبك ويسهل الامر يااارب 🌹🌹🌹 |
اقتباس:
الله يوفقك ويزوجك الزوج الصالح وكل المسلمييين |
حبيبتي انتي توك صغيره لا تستعجلين
بس خليييك مدااااااومه ع الاستخاره واذا ارتحتي توكلي ع ربك والله يوفقك ولو ما ارتحتي فأصرفي نظر عن الموضوع ونصيبك راح يجيك بأذن الله ربي يسعدك ويكتب لك مافيه الخير لك |
اقتباس:
صدق 😳 احسني عجوووز 😔 الله يسهل يااارب ومشكووووره والاستخاااره مهمه الله يدبرني للخير ويسعدك ربي 🌹 |
لا توافقين وايد كبير وانتظري نصيبك
|
السلام عليكم ورحمة الله وبركاته
أختي الكريمة في الله أسأل الله الكريم المستعان أن يعينك وييسر لك أمرك ويختار لك الخيرة الطيبة وأ يرزقك من حيث لاتحتسبي ويجعل حياتك كلها سعادة وتوفيق .. أقول وبالله التوفيق .. 1- عليك بالإلتجاء إلى إله الناس , ملك الناس , رب الناس , إلى خالق الخلق وكاتب المكاتيب , مقدر الأقدر , ميسر الأمور , مفرج الهموم ,,,,,,إلى عالم الغيب والشهادة إلى واهب السعادة إلى عظيم الأسماء والصفات إلى ذو الجلال والإكرام العلي العظيم سبحانه وتعالى عزوجل . بالإلتجاء بالدعاء الإلحاح في الدعاء في طلب التوفيق , الأختيار . 2- من نعم الله عزوجل التي تفضل بها على عباده ( دعاء الإستخارة ).فلله الحمد والشكر الجزيل على هذه النعم التي لاتعد ولاتحصى . الاستخارة , الاستخارة , الاستخارة ,, لم أسمع قي حياتي أن هناك من إلتجاء إلى الله ثم أستخار وبعدها ندم . ولكن أوصيك بتأمل وتدبر معاني الدعاء كلمة كلمة . من مصادر موثوقة (أبحثي عن شرح الدعاء وكيفية صلاة الاستخارة .وفوائدها وثمارها) . 3-الاستشارة .استشيري من تثقين فيه من أقاربك الظاهرعليهم التقوى والصلاح و المحافظة على الصلاة .ليس ضروري أن يكون من أهلك طالما أنهم جعلوا لك القرار ولكن أقول من أقاربك عموما فيمن تتوفر فيهم الصفات السابقة وبإذن الله لن يخذلوك . ورأي لك في هذه النقطة هو الوصول الى قناعة من أناس لا نزكيهم ولكن على ظاهرهم أنهم أهل الصلاح والمحافظة . (قد يجتهد من استشرتيه في البحث عن موضوعك ليعطيك رأيه ) قد يكون هذا محرج او صعب ولكن المهم البعد عن الخجل او الخوف اوالتردد في من تستشيرين لأن هذا قرار مهم ولذلك ينبغي تحمل ذلك . 4- في هذه الفترة أوصيك بكثرة الاستغفار ,الاستغفار ,الاستغفار , وانت تعلمين فوائد الاستغفار وبالصلاة على نبينا محمد صلى الله عليه وسلم وعلى آله وصحبه ,, بكثرة .. من مصادر موثوقة ( أبحثي عن الفوائد ) لتشاهدي الفوائد والثمار العظيمه ,, ولكن ينبغي احسان النية و الاخلاص لله عزوجل مع المداومة والثبات عليها حتى وان لم يتحقق هذا الزواج فقد يتحقق لك ما هم اعظم بكثير وقد يكون لك فيه الخير الكثير ويتحقق , المهم هنا هو الاستمرار . 5- هذه نقطة ايظا مهمة وهي اليقين التام والاطمئنان الكامل بأن الله سبحانه وتعالى هو المتكفل برزقك وأمرك إليه وهو سبحانه يدبر أمورك من حيث لاتعلمين لحكمة يعلمها . أنت لا تعلمينها فالخيرة في ماأختاره الله عزوجل . فعليك بتسليم الامر كله لله عز في علاه وتوكيله إليه مع الاستعانة به والرضا بأقداره . وهذا من نوابع الايمان ومؤشر من مؤشرات قوته الرضا الرضا الرضا بما قدره الله سبحانه وتعالى وتأملي قوله سبحانه و تعالى(عسى أن تكرهوا شيئاً وهو خير لكم ) 6-إذا فعلت بماسبق فأنت أديت ماعليك ولم يعد هنا مكان للخوف والقلق وإن أنتاب النفس شيئا منه فهو من الشيطان ليحزنك أستعيذي بالله منه , وأطمئني بإذن الله لأنه لاخوف ولاحَزنٌ لمن اتقى الله وحافظ على الصلوات وذَكر الله كثيراً واستعان به وتوكل عليه سبحانه ثم فعل بالاسباب . والله عزوجل أعلى وأعلم . إن أصبت فبفضل وتوفيق من الله سبحانه وإن أخطأت فمن نفسي والشيطان وماتوفيقي إلا بالله سبحانه وتعالى . |
اقتباس:
الله يجزاااك الجنه ويسعدك ويوفقك دنيا واخررره كلام مابعده الله يثبتك ويهدينا للصوووواب شكرااا اخوووي |
باصدقك القول اختي ...
كونه متزوج و عمره 41 و زوجته قوية . شي يقلق .. ليش ؟؟ لانه الخوف يكون بهالعمر حابب يجدد .. وبس يتزوج و يشوف انه الزواج هو هو ومع نكد زوجته الاولى (لانها قوية على قولتك مااعتقد بتكست و تسيب لك حالك ) فيسهل عليه طلاقك .. الشي الثاني .. غيرتك .. اذا تعرفي حالك غيوووورة .. من الحين اقولك وفري على نفسك التعب و ارفضي.. اما اذا قادرة تتحكمي بغيرتك او تتخلصي منها . فافكري بالموضوع نصيحتي تكثري من الاستخارة .. تكثروا من السؤال عن الرجل و طباعه واخلاقه الى جانب الدين .. مش بس تكتفي بسماع انه مصلي و مداوم على روحة المسجد .. هذه ميزة طبعا .. بس اخلاقه و طباعه موضوع مهم جدا .. اسالوا و اكثروا السؤال عن هذا الجانب اطلبي مقابلته و اتكلمي معاه بحضور احد محارمك طبعا.. و اساليه كل مايجول بخاطرك وعن سبب زواجه اخير اذا قدرتي تسالي اكثر عن زوجته و طباعها لا تقصرري بتاتا الله يوفقك |
اقتباس:
شكرااختي وفعلا لازم اسال عنه وانقب عنو هو اكثر :29: |
دخلت لأدعو لكِ، وفقكِ الله وكتب لك وحقق مافيه الخير.
أستخيري الله واستشيري، وحبذا لو تحاورتي معه قبل كتابة العقد واستفسرتي منه عن بعض الأمور لكي تكوني على بينة ولكي يطمئنك. |
رد : مشورة سريعة لاتتركوني انا حايره وحزينة 😞
اقتباس:
الله يجزاك كل خير ولكِ بالمثل وزياده شكرا لكِ🌹 |
رد : مشورة سريعة لاتتركوني انا حايره وحزينة 😞
انصحك ب الاستخارة ومشووورة اقاربك والمقربين منك
|
| الساعة الآن 03:09 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©