كيف يكون التعامل مع البنت الي كذا؟؟
 

اسعد الله اوقاتكم بكل حب ومسره

انا بدخل بالموضوع طوالي :22:

انا انسان مملك , ومضى على ملكتي 8 شهور تقريبا ..

المهم اتكلم مع خطيبتي في الجوال ..
اليوم قعدنا نسال بعض وش اكثر شي نحب ... الرومنسيه ولا الفرفشه والخ..

هي قالت انا افضل الفرفشه والفله والضحك والونسه على الرومنسيه :d

وقالت بعدين افكر بالرومنسيه وكلام الحب ....

انا احترت وش اسوي هنا

السوال هنا للبنات... والشباب لو حابين يشاركون عادي
السوال ,,, برئكم ابطل كلام حب ورومنسيه واقلب مهرج لعيونها .. ولا شو ؟؟:25:
علما بان البنات يموتون بكلام الحب والغزل والرومنسيه
وش اسوي بهالحهـ؟؟


بإنتضاركم

هههههههههههههه ضحكتني والله مو مشكل...كن على طبيييييييييييعتك والله يوفقكم

أخي الكريم
بصراحة لو كلمة و همسة حصلت بينكم راح تسوي لها موضوع
راح تبطل تفكر لوحدك ولا بتكون لك خبرتك و مقاربتك لخطيبتك
بعني هي قالت كلام واضح و ليس له أي تفسير
فلما نفسر الماء بعد الجهد بالماء و ناخذ للفهم طريق منحني بدل الخط المستقيم
,,,

حي الله عيال مكه :d

مكه حقنا وجده جنبنا :22:


يآ‘حبيبي البنت تستحي ومابتطلب منك بشكل مباشر صدقني

البنات يعبرون عن مشاعرهم بس أكثر المرات يخونهم التعبير ( مثلاً / انا كلمت زوجتي مره و قالت لي أنها راح تتصل عليه والبنت ماتصلت وانا مسكين ماسك الجوال أنتظر :26: المهم اليوم الثاني أتصلت سلام كيف الحال ومسوي الولد اللي متضايق وقافله معايه قالت شفيك قلت لها متضايق وزعلان ليش ماتصلتي قالت والله نسيتك قمت وطرطعت زياده وأكلت معايه ليش تنساني المهم قلت لها انا زعلان أكثر من أول ليش تنسيني قالت والله مانسيتك دقيقه بس قصدي أنشغلت عنك مع اهلي وكذا .. يعني من جد التعبير يخونهم خصوصاً في مرحلة الملكه بحكم أنهم مو متعودين ع اشياء كثيره ) ومجتمع الحريم يعتمد غالباً ع التلميح مو مثلنا
حنا الواحد كليح ماعنده يمين و يسار :d:22:

اللي أبغى أوصله لك خليك ع طبيعتك عادي أثقل شويتين ولا تزودها مره خلك يوم ثقيل ويوم رايح ملح
:22:

أتمنى إني أفدتك


بالتوفيق يالغلا


/


**

موب حلو جي
والله موب حلو
شو انت متزوج واحد من الربع والا بويه والا مهرج ...
الواحد لازم يقول كلام حلو ورومانسي وجي
يعني موب كله ضحك واستهبااال
موب شي جي


لازم تعلمها تستوي رومانسيه وتسمعها كلام حلو وغزل
والسمووحه

ياشيخ تقلب مهرج واستانسوا سوا
في احلى من صوت خطيبتك لما تضحك
البنات يموتون على الكلام الحلو ! مين قال صح نحبه
بس كل شوي يصير ملل نبغى نغيز شويأت
أنتأ سالتها وهي جاوبت باللي يعجبها عأدي
موفقيين

اخوي : كثرة التكرار تجلب الملل
اي شي تكرره راح تمل منه البنت .. سواء رومنسية ولا غيرها
هذا واحد

اثنين : العفوية اجمل شي يعطي للعلاقات الانسانية لون جميل
الرومنسيات لها وقتها ومزاجها الي يناسبكم كلككم ..

ترى مو حلو تكون علاقات الخطوبة او الملكة كلها رومنسية
لان الحياة الجاية تفرض شي من الجدية والاهتمام بتوافق الافكار
وش الفايدة لا ضيعتو الملكة كلها رومنسية ثم بعدين تزوجتو
وبديتو تنصدمون بافكار بعض وشخصيات بعض ؟؟ وش فادتكم
الرومنسية هنا؟

الله ييسر امورك يا رب

الكلام في الرومانسية له اوقاته ..
و لا تكون اوقات كثيرة ..
و لكن الضحك و المزاح له اوقات اكثر
و الافراط في الكلام الرومانسي يدعو للملل ..
مارس الرومانسية بالفعل .. لا بالكلام ..
تواجدكما معا اطول وقت .. هو رومانسية
كلامكما معا باستمرار .. هو رومانسية
الضحك و الهزار .. رومانسية
الدردشة و السؤال عن الاخبار .. هو رومانسية
اهتمامكما بمن يحبه الاخر .. رومانسية
و الكثير و الكثير ..

فيه دراسه سووها على مدري كم حرمة من النساء ومدري ايش مقال عريض قريته
زبدته يقولك ..
الزوجات يفضلون خفيف الدم لانه يضحكها حتي و هي زعلانة
اما الرومانسية مطلوبة طبيعي لكن بدرجة اقل
عاد هاذي دراسه ..
تبغى دراستي انا ..؟
والله ما شيى يسوى جنب الهسترة و الكركرة
خلك وسط بين هيدي و هيدي
موفئين

والله خوفي تندم ع الميآنه الزايده اللي في ايآم الملكه

وخوفي يجي لكم بروود

خلاص بقوا امور غامضه بينكم على شان تنكشف بعد الزواج

مو حلوو كذآ

والامر لكم لكن خلك ع طبيعتك لا تتصنع الرومنسيه و لا تتصنع التهريج


و في النهآيه هذي حلالك بس رآع العمر و ازرع فيهآ امور انت تبغاها دامها طريه في يدك

الصلاه و الخوف من الله الستر الاهتمام في الزوج الامور اللي تحب تكون في زوجتك

استفد من الاخوات اللي هنا و ربي يوفقك

والله صحيييييييييييييييييح ...عن تجربة علاقات قبل الزواج فساااااااااااااد

دوم ان شالله ويوفق الجميع:22:

مشكور على المرور ^_^

اخوي والله كلام رومنسي بالجوال هذي بالنسبه لي جديده ...

الله يسعد ايامك :22:

كلام واقعي وجميل جدا
والله يا اختي الغاليه
انا احاول ابعد الملل
فيه مره من المرات قلت لها
بما انه زواجنا مطول
نخلي المكالمات كل خميس
رفضت هع هع قالت كل يوم :d
انا اخاف من الملل
رغم اني ان شالله ما امل منها
بس اخاف هي تمل

كلام جميل جدا جدا
تسلم يالغلاء
منك نستفيد اخوي
دمتـ

كلام جميل للغاية
يسلمو عـ/دراسه الجميله
واحترم دراستكـ يالغلا

كلامك واقعي يالغلاء
ومنك ومن الاخوات / والاخوان نستفيد
احترامي لك وشكرا من القلب على الكلام الزين والنصيحهـ

هلا وغلا اختي سوري غلى الغلطه المطبعي ^_
كلامك جميل جدا جدا الله يعطيك الف عافيه يالغلا
بارك الله فيييك ماقصرتي

- أول شي خطيبتك عمرها 17 سنه حسب علمي .... فهي بحاجة توجيه وتربيه مثل حاجتها للوناسة والرومنسية

وانت مسئول عنها تعلمها وتساعدها تطور من نفسها .... جيب لها كتب عن الحياة الزوجية واقروها سو وتناقشو فيها .

- بالنسبة للمكالمات لا تكون يوميه ... أنت بطريقتك عودها على كذا بطريقه دبلماسية ... قول لها إن اليوم مشغول مقدر أكلمك .. اليوم الثاني قول لها ولد خالي عندي بيسمر معاي ... واليوم الثالث قول لها بشوف فلم انا واخوي اليوم الرابع مباره اليوم خامس مرهق تعبان اليوم السادس جوال خربان اليوم السابع كلمها هههههههههه ...يعني بطريقة تدريجيه .. خلها من يوميا لكل يومين وبعدين كل 3 ايام هذا بالنسبه للمكالمات.
- اما بالنسبه للمسجات مره وحده في اليوم <<<<<<<<<<<<<<< من جد بتمل .

اخوي خطيبتك استحت منك تقول الرومنسية وبالعكس تري حلو اللي كذا
يمكن هي تحب انك تسوي هالاشيا لأنك انت تحبها وتبي تقول كذا مو لأنها هي طلبت
بس تري هي تفكر بكذا حتي مايصير بينكم فتور واشيا مثل كذا
الله يسخركم حق بعض يارب
وحاول تغير في طريقة المعاملة والأساليب هذي
والله يوفقكم يارب

البنت تحب الفرفشة لكن مع الزوج تموت فيها مع الغزل شكل يوم هيك ويوم هيك...
استمتعو احلى فررررررررررررررصة لجمال الزواج فترة الملكة الله يهنيكم ..
بودي لو ارجع لها :)

بالنسبه لتعليم ان شالله انا كل يوم احفزها واشجعها ..

لو سويت الطريقه هذي مره ولد خالي ومره فلم ومره تعبان بيجي ببالها انها تصريفه ولا بتقول ما بتي تكلمني :d
وسبق وكلمتها على انه تكون المكالمات كل خميس .. لكن للأسف رفضت وقالت لا كل يوم رغم انه زواجنا مطول ونا خايف من انها تمل :( قالت لا كل يوم ...
اما بالنسبه للمسجات بصراحه انا ارسل كثير مره مسجات حب ومره مسجات نكت وحكم .. باليوم يمكن 4 الى 5 رسائل

لاهنت يالغلا

الرومنسيه مو كل يوم
بس اكثر سواليفنا وناسنه وفرفشه بعض لاوقات تجي كلمه رومنسيه مو كثير قليل
لاهنتي خيتو منك نستفيد

كلام حلو يالغلا
بس مكالمه وحده بالشهر ما تشوف انه قليل ^_^
مستحيل هي توافق انه تكون المكالمات مره بالشهر
ولو مثلا مره بالشهر شلون افتح لها الموضوع واقولها نخلي المكالمات مره بالشر
مسجات قصدك تكون كل يوم ولا بالاسبوع مره ؟

..

هههه لا خلاص راحت عليك مافي رجعه الله يهنيك انتي بعد :d

لايوجد فتاة لاتحب ان تسمع كلام حب من زوجها ولكنها تخجل من ان تصرح بذلك

فكن متيقن بأنها تسعد كثير بما تسمع منك وتتمنى ان تسمع المزيد

لذلك ابقى على ما انت عليه .. ولامانع من ان يتخلل ذلك بعض المزاح ..

وتذكر دآئما ان توآزن فلا إفراط ولاتفريط

وفقكم الله وجمع بينكم في خير

انا اعلمك خلى رومنسيتك ع فرفشه وح تندمج معك جررررررررررررربها

وبالتوفيق لكم

رد : كيف يكون التعامل مع البنت الي كذا؟؟
 

أقول لك لو أنت عاقد عقد قران من الأفضل كلام حلو لأن ذلك يؤنسها ويجعلها تتقرب منك وتحبك بس إكون عقد قران حتى لا تسقطا فيما يغضب الله وإذا كانت هي تحب الضحك والفكاهة فمن فم حبيبها ستكون فكاهة وحب الاثنين بس خليها تحبيك بالكلام الحلو لأن البنات يمتن في الكلام الحلو أتمنى أكون أفدتك

رد : كيف يكون التعامل مع البنت الي كذا؟؟
 

أكثر من الإستغفار فهو علاج لكل مشكله :
من ثمار الإستغفار :
1- إنشراح الصدر والراحة النفسيه .
فيه الطمائنيه والراحة النفسيه لأنه من ذكر الله قال تعالى (الا بِذِكْرِ اللَّهِ تَطْمَئِنُّ الْقُلُوبُ ) .
2- أنه حل لك مشكلة ولكل هم .
قال رسول الله صلى الله عليه وسلم ( من لزم الإستغفار جعل الله له من كل هم فرجا ً ومن كل ضيق مخرجا ً ورزقه من حيث لا يحتسب ) .

3- الرزق ( المال والولد ) .
قال تعالى :
(فَقُلْتُ اسْتَغْفِرُوا رَبَّكُمْ إِنَّهُ كَانَغَفَّارًا يُرْسِلِ السَّمَاء عَلَيْكُم مِّدْرَارًا
وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا) .
أبتعد عن المعاصي < سعادة المعصية وقتيه ، عليك بالطاعات والمباحات < سعادة الطاعة حقيقه تستمر طول اليوم