اواجه صعوبه خلال التعبير بالكلام تصل احيانا للتأتأ
 

السلام عليكم ورحمة الله وبركاته

مشكلتي هالمره تختلف عن مشاكلي السابقه
ومن فتره حسيت بها لكن ما حطيت لها اهتمام
قلت يمكن فتره وتعدي بس اشوف الموضوع طول الحين
وانا اخاف هالشي يأثر علي طول حياتي او يتطور اكثر

مشكلتي باختصار .. اني صرت لما احاول اتكلم بسالفه او جمله طويله او اعبر عن اللي بداخلي مثلا
ساعات اتأتأ وسط الجمله او اشيّر ما اعرف اكمل الجمله تظل عندي هالحاله ثواني وتروح
هي صحيح ما تتكرر كثير لكن اخاف تتطور

مثال .. لما اجي اناقش استاذتي بالجامعه عن بحثي او درجاتي مثلا
اناقش بقوة بس بنص الكلام اتوقف واحس ماعرف اكمل الجمله
وساعات اكملها بس احس ابتدي اخربط بالكلام وماعرف اوصل المعلومه صح
حتى الكل صار يلاحظ ارتباكي بالكلام
خصوصا لما اكون داخله جو مع السالفه
وهالشي يفسرونه بقلة ثقتي بنفسي او اني ماعرف اوصل اللي ابي اقوله بالضبط
او ان حجتي ضعيفه او مثلا في حالة مناقشاتي في الجامعه هذا يعطيهم فكرة اني ماقدر اقنعهم بشغلي
وذا الشي يأثر على ثقتي بنفسي وعلاقتي باللي حولي يخليني ما اتكلم كثير
واذا بسولف افضل اني اكتب بالمسن او الوتس اب على اني اتكلم عادي مع اني انسانه اجتماعيه جدا

بقول شغله مدري اذا لها دخل بالموضوع او لا
لاحظت على نفسي اذا احط شي في بالي يصير لي حتى لو ما كانت نيتي اني اتشمت او اعاير احد
مثلا .. من فتره تعرفت على انسانه صادفتها بالعمره وهي كبيره يعني تقريبا 45 او اكبر
كانت عندها نفس المشكله تأتأه بسيطه في كلامها وتوقف بسيط وسط الجمله
بس ابدا ما تكلمت عليها ولا تطنزت .. كل الموضوع ان هالشغله ظلت في بالي لما اتكلم معها واركز عليها لان الشغله كانت جدا واضحه وحتى هي تحس بالشي وكانت تنحرج لما يصير لها هالموقف
خصوصا ان مشكلتها صارت مع احدى قريباتي بنفس العمر
والظاهر الله ابتلاني بنفس مشكلتها مع اني ما تشمت فيها ولا شي مدري ليش

مثال ثاني .. شخصيه قريبه مني لما يصير لها موقف وتقوله لي اعلق عليه او ساعات امزح معها عليه
بعد فتره بسيطه يصير لي نفس موقفها .. مثلا هواش مع صديقتها .. موقف مع اهلها او اخوانها
يصير لي تقريبا مثل الموقف

اخر مثال عشان توضح الصوره .. انا علاقتي مع اخواني حلوه ولله الحمد
وهم بسن مراهقه فطبيعي تصير عليهم تغيرات
واحد من اخواني صار له حب شباب بوجهه .. فكنا نتكلم معه ونمزح بخصوص هالسالفه
وانا بعد بيني وبين نفسي من داخلي افكر فيها وساعات اقول انا الحمدلله مافيني ووو
شوي ويطلع لي حبوب بوجهي انا بعد !!!!

يعني سبحان الله كل شي افكر فيه او يصير لغيري وافكر فيه حتى لو ماتكلمت يصير لي
مدري له دخل او لا .. ولا تقولون توسوسين لان هالشي جد صاير

هدف كتابتي للموضوع .. اشوف حل لطريقتي بالكلام
ملاحظة .. انا مو صغيره عمري 21 وقريب بدخل 22 اذا كان لنا بالعمر بقية
ويمكن بتلاحظون مشكلتي من خلال طريقتي بالكتابه هنا .. دايم تكون افكاري مو مرتبه وماقدر اشرح اللي ببالي بالضبط
وهل الاشياء اللي ذكرتها لها علاقه ؟؟
أبي حل تكفون والله يجزيييكم خير

الغاليه راجعي الطبيب وافحصي نفسج ..
وساعات حاولي تسترخين لانه التعب والارهاق او عدم الاحتكاك بالناس وغيره وتوتر يسبب هالشي ..
وبشرينا عنج

بالتوفيج

مشكووووره اختي على تشجعيك لي
رفعتي معنوياتي

لكن المشكله اختي هالمشكله ما تصير لي بس مع الناس اللي ماعرفهم
حتى مع صديقاتي او اهلي وخصوصا لما اكون داخله جو مع السالفه
والله انحرج كثير

مشكوره مرة ثانية

هلا اختي

لا والله هالمشكله صارت معي من شهر تقريبا
قبلها كنت اتكلم عادي وماعندي مشكله

لو كانت المشكله هذي قدام ناس اتوتر منهم عادي
بس حتى مع صديقاتي والقريبين مني

يمكن انا هالفتره اعاني من ضغوطات نفسيه كثيره
دراستي وغيرها
بس حتى لما اكون مرتاحه وما افكر بشي واكون مبسوطه نفس الشي

مشكوره اختي على مرورك

هلاا اختي

صدقتي انا فعلا هالفتره احس بتعب وارهاااق وتوتر
مشكلتي ماقدر استرخي دايم افكر وانا اوتر نفسي بنفسي
ماقدر ارتاح الا لما اكمل من الاشياء اللي شاغله مخي

دعواااتك لي اختي
ومشكووره على مرورك

اسألي نفسك وغووووصي في اعماقها
هل تشعرين بفقدان ثقتك بنفسك ولو بنسبة بسيطه حتى في القيام باتفه الامور
مثلاً
ماحنجح في امتحان المادة الفلانية ويصير تفكرين وااجد

للأسف حصلت معي مؤخراً والسبب اعرفه ومتألمه منه

فرج الله عنك وعني وعن جميع من هو مهموم

تلاوة القرآن تبعث في النفس السكينة والهدوء
اقرئي القرآن بخشوع وترتيل أختي
وفقك الله

رد : اواجه صعوبه خلال التعبير بالكلام تصل احيانا للتأتأ
 

الله يفرج همك ويريح بالك يارب

رد : اواجه صعوبه خلال التعبير بالكلام تصل احيانا للتأتأ
 

من شرحك حسيتك طبيعية جدا

لو ماحكيتي عن المشكلة ماكنت لمستها من طريقة كلامك ابدا ابدا
ترى مشكلتك عندي .. بس انا ما اتوتي
انا ابلع بعض الحروف وفعلا تصير لي كم مطبة ادعس
على البنزين بقوة وتمشي الامور :)

والسبب اني استعجل بالحكي اجيك 200 سرعتي فشي
طبيعي يطيرن بعض الحروف بحوادث اليمة
لذلك صرت اهدي السرعة شوي واحاول اركز اكثر بكلامي
يعني اراقب نفسي وانا اتكلم واراقب افكاري فصرت احسن والله

رايي تشوفين طبيب تخاطب وان شالله تكون امورك تمام يا عسل

رد : اواجه صعوبه خلال التعبير بالكلام تصل احيانا للتأتأ
 

هلا والله اختي
ايييي والله كثييير عندي هالاحساس
انا من النوع اللي بسرعه يتوتر ويخااااف ويجلس يفكر
وثقتي بنفسي شبه معدووومه
دايما عندي احساس اني بفشل او ما بقدر انجز اللي ابيه ولو انجزته ما راح يكون مقبول
والله جبتيها ع الجرح .. هالفتره بالذات الجامعه ماخذه كل تفكيري لاني امر بمرحلة شوي حرجه
وهذا الشي اللي افكر فيه حاليا وغيره كثير

اللهم آميييييييين
والله يفرررج همك اختي
مشكووره وربي يجزاك خير

رد : اواجه صعوبه خلال التعبير بالكلام تصل احيانا للتأتأ
 

صدددقتي اختي
مافي احلى من كلام ربي

الله يجزااااك خير وبميزان حسناتك يارب

رد : اواجه صعوبه خلال التعبير بالكلام تصل احيانا للتأتأ
 

اللهم آميييين
جزااااك الله خيير

رد : اواجه صعوبه خلال التعبير بالكلام تصل احيانا للتأتأ
 

حبيبتي والله انتي اللي اسلووووبك عسل
اجل 200 ههههههه الله يكفينا شر الحوادث ياقلبي :)

مشكووووره يالغاليه ما قصرتي
حاليا صعب علي اتواصل مع اي طبيب لظروف دراستي .. دعواتك حبيبتي
ان شاء الله لما اكمل بروح
والحين براقب نفسي وبحاول اركز اكثر وان شاء الله خييير

وتسلمين لي دعمك وتشجعيك

رد : اواجه صعوبه خلال التعبير بالكلام تصل احيانا للتأتأ
 

السلام عليكم..

بداية انا داخلة و داعسة على البنزين على قولة اختنا "مدن السلام"..

حقيقة انا نفس اعراضك بالتفصيل الممل و من شهرين تقريبا، حتى حسيتك نفسي او انك تتكلمي عني لولا اختلاف اللهجة..

يا الله كم انا متعبة..حتى اني فكرت في كتابة موضوع في قسم ساعدني لاني ارى نفسي انني في طريقي نحو الرهاب الاجتماعي..

حيث بدأ معي الموضوع بتأتأة و فقدي للكلمات المناسبة للتعبير عما افكر فيه خاصة امام اساتذتي الذين لهم رهبة معينة، و حاليا صار ينعكس على ثقتي بنفسي حيث اني ابعث لعقلي الباطن برسائل مفادها اني فاشلة في الاختصاص الذي ادرسه و انه من الانسب ان انسحب لحفظ ماء الوجه (مع يقيني باني ذات مستوى لاباس به في ميدان تخصصي).
عارض آخر اشعر به الا و هو الاكتئاب بسبب هذا الموضوع و بسبب ضغط الدراسة و تحميل نفسي اكثر من طاقتي و ميلي للانطواء و التشاؤم و الانعزال..
باختصار فقدت السيطرة على نفسي و على اعصابي..
آخر مرحلة توصلت اليها هي: الخوف الشديد و تسارع نبضات القلب و احمرار شديد في الوجه و تعرق في اليدين و ضيق في التنفس كلما قابلت الاستاذ الذي هو سبب ما وصلت اليه..
دون ان انسى اضطراب نومي كلما اقترب موعد حصته..

يا الله لم اكن كذلك من قبل، من شهرين فقط فبالرغم من اني خجولة الا انه كانت لدي الجرأة لمناقشة الاستاذ و طرح افكاري و التعبير عنها..حاليا انا أحس "بالعدم"..

هل من مساعدة أو توجيه..و اعتذر بقوة منك اختي الكريمة لطرحي مشكلتي في موضوعك لكن لترابط مشكلتينا لا بل لتطابقهما آثرت الكتابة هنا، و لو انه في الحقيقة موضوعك هو من شجعني للكتابة هنا في المنتدى عما أمر به من مشكلة..

ربي يوفقنا لنتجاوز ما نمر به..