|
الرجل يضعف بعد الطلاق ؟؟؟؟
مســــــــــــــــاء الخير للجميع
حبيت استفسر عن نقطه هل رجل يحس بضعف بعد طلاق؟ ويندم ولا ينفخ مخدته وينام ولا درى عن دنيا وش فيها سالت ه سؤال من باب كثر الطلاق واغلبه من رجل مو مرتاح مو مقتنع فيها والله متفقنا انا وهي ولا يتزوج ويخسر كل شي في حياته وفي الاخير وبكل بساطه بعد زواج يقول ماخذتك عشان اقهر فلانه ليييييييييه؟ لهدرجه طلاق يضعف الرجل ويوصله ان يلعب ببنات الناس كله عشان ينتقم من طليقته ليت احد يفسر لى نقطه بصراحه اخاف اخذ واحد مدرى وش نيته وفي الاخير وراه بلاوى اللهم صلي وسلم ع نبينا محمد عليه الف صلاه وسلام استغفر الله |
:16:ههههههههههههههههههههههههه على الدنيا السلام
لازم تكون فتره الملكه لا تقل عن 5 او 6 اشهر اذا ماعرفتي نيته بهالفتره احسلك اقعدي ببيتكم عند امك |
ماعطتنى رد شخصي لك هل تحس بضعف او لا؟
بالنسبه النيه انتم شاطرين وتعرفون تظبطون اموركم بفتره الملكه وتجذبون حواء لكم الاقنعه تنفتح بعد زواج مباشره مثل مايقولو جاك الموت ياتارك صلاه يسلمو وبالتوفيق لك |
:18::18:مافهمت كيف احس بضعف نحن رجال ولا نحس بالضعف ولكن نتحسر احيانا على الحظ الردي من الزوجه العنيده
يعني احس اني ماتوفقت وخسرت بس وبعد سنه من الطلاق بكون نفسي واعيد حساباتي واراجع نفسي واتوكل على الله اتزوج وحده ثانيه لا لالا وبعد اتأكد زين من اخلاقها مو استعجل وبعدين اتوهق وتجيبلي الجنان في راسي لاني ماتزوجة الا ابيها تريحني وتعاوني بحياتي (تعين وتاون ) وتكون صبوره لان الرجال احيانا يرجع من ظغط العمل يبي وحده تستقبله وتظبطه مو تعطيه نظره من اول مايدخل البيت يعنني زعلانه وتهمل زوجها وتفرض شخصيتها من الرجال انتي والا اهو وشو بتقدمين انتي لزوجك ....... تبين الصراحه يبيلكم دورات تأهيليه للزوج قبل الدخول بالشراكه |
الرجل أنواع:
رجل يصاب بشلل كلي ويرجف ليل نهار بعد الطلاق رجل يحقد ويروح ينام وما يجيه نوم ويجلس يردد اللعن طول اليوم رجل يندم فقط ويخرج للنزهة حتى ينسى رجل يفكر مباشرة مين يتزوجها عشان ينتقم بسرعة رجل رجل رجل إلى ما لا نهاية |
سعودي
حتى المراءه تبي من يحتويها وتبي راحه اكثر من الرجل .... من وجهة نظري الرجل يضعف بس يكابر وان كان ع دورات تراها تشملنا كلنا نيتشه يسلمو ع الرد ويعطيك الف عافيه |
:11:يادفئ بالله تغيري تفكيرك العنيد الرجال اذا يبي ياخذ دوره تلقينه في البيت مايطلع ولا يخرج
ترا الرجال يخرج ويحتك ويشوف اكثر من البنت عكس البنت في البيت ولا حتى تتعلم فن التعامل من نفسها تلاقينها لاهيه ومعانده تعرفي ايش مشكلتك ..............>>>> كلمة حتى انا او حتى انتا عموما انتي تطلقتي خلاص صح ........ تعلمي من الاخطاء السابقه هذا االي اقدر اقوله |
الرجال في مجتمعنا تعامله مع رجال
يطلع و يجلس مع رجال و ان كثر جلس شوي مع امه و إلا اخته يحتاج دروس لطيب المنطق و هدوء الاعصاب مو يعذر نفسه انه جاي من الشغل تعبان و مضغوط كأنه مجنون ينتظر الزلة بعض الرجال يحتاجوا اعادة تأهيل مو بس دورات حتى بعضهم يضربوا العروس في شهر العسل, بطريقة مهينة بحجة تطبيق الدين , و يلغي النصيحة و الوعظ حسباله الزواج ,, أحتويني و أنا بطالع (طبعا مو كل الرجال , بس فئة كبيرة) الله لا يبلى الأحبة بهالنوعية |
:19::19:صدقيني يالمسداني مهما كان عنفوان الرجل .......... لو كان فيه مدام محنكه تعرف تستغل اول شي طيبتها واخلاقها وذكائها وحنيتها وتبعد عن تفكيرها العناد والمرادد مثلك اللحين احس كانك تكلمي زوجك ...... صدقيني لو انا زوجك وتردين علي بهالاسلوب ماراح ارد عليك بعطيك ظهري واروح انام
|
سعودي شي طبيعي راح اعدل اخطائي ودرسها عدل بعد وانها ماتتكرر نهائي بزواجي ثاني ان شاء الله
لاكن اطلب من الله مايرزقني بواحد عنيد ومتكابر لان العشره معه مستحيله المسداني يسلمو ياقلبي ع رد بردتي قلبي |
شدخل زوجي بالموضوع
!!؟ الحمد لله زوجي انسان ((طبيعي)) يحترم المرأة و ما عنده عقد و حياتنا صافي يالبن , الحمد لله ألف مرة ,, بس من خلال المنتديات و المشاكل زي ما نشوف نساء نكديات نلاقي و نفاجأ برجال أنكى و أشد من سوء الطبع و الخمول الفكري بانتظار أن المرأة تقوم بفن الأحتواء و اللطف و هو جالس بمكانه ,,ما يعرف إلا (قوامون) و (اضربوهن) و نسي (رفقا) عافانا الله منهم هذولا مسرع يطلقون بسبب الضعف اللي فيهم و بعدهم عن الصبر بعد المشرق و المغرب ,,,,, عافانا الله |
اقتباس:
الحرمه العاقله تتصرف مع الرجل بكل عيوبه وتضبطه سعودي احسك فخور بطلاقك |
الغاليه على حسب الرجل
يعني تحصلينهم انتقلوا من مرحله العزوبيه للزواج ومسؤوليته ومرات تحصلينه مضايج من حايه ويممكن زوجته موب مريحته وتختلف الاسباب وفيه نساء دفشاات ماعندهن اسلوب بالتعامل واحتواء الزوج وانا بالنسبه لي اجوف افضل الرجال في التعامل والذوق والاحساس رجال الخليج العربي واانا اتفق مع كلام اخوي سعودي واأختي لعيون نوف |
المسداني .......... :(:(:(و تبين الصراحه اللحين انتي ليش ماتأخذيني على قد عقلى وتكوني لطيفه بالاسلوب شوي بس .... بصراحه اسلوبك مايشجع اتكلم معاك بصراحه
وبعدين لمن انتي تتكلمي عن ان الرجال ليش مو هما يحتوون ومن هالكلام الرجال حيوانااات الا من رحم ربي اللي بقصده انه البدايه فقط فقط او بعض من الوقت البسيط وبعض المهارات واستخدام الانوثه هما اللي يلين الحديد مهما كانت درجه عنفوان الرجل اختي انتي تطلبي بس تطلبين احنا هنا نبي نترك فوائد تستفيد منها كل اخت معنا بالمنتدى انا اكتب ترا مو لك انا اكتب للممطلعين واللي بيقروا الموضوع.............. اعيد واقول الاحتواء يولد الحنان والعطف والرفق اللي تبينه |
هل أنت طفل لآخذك على قد عقلك
لا أجد في كلامي ما يزعل أنت تنصح و أنا أنصح و لكل منا طريقته أنت أغلب ردودك تشوف الحريم مو سنعات و يبغالهم دورة و أنا أشوف بعض الرجال مثل الهمج برأيي أني ألطف منك كثيرا في حكمي لأني أرى أن هناك رجال محترمين و ينحطوا على الجرح يبرأ ,,و رجال , لا ,, يعني نظرتي واقعية ثم أرى أن الحياة الزوجية بها قطبين ,الزوج و الزوجة لا يمكن أهمش دور أحدهما وقت الزوج يشد ,,الزوجة ترخي بمحبتها و حنيتها ووقت الزوجة تشد ,, الزوج يرخي برفقه و حنانه لكن وقت احد الطرفين ينتظر و يلعب دور المتلقي و يضخم حقوقه و ينسى حقوق الآخر هنا يحتاج اعادة تأهيل ,, الكلام عموما بشكل عام و ليس موجه لك لأختار لك أسلوب مناسب!! الله يعوضك بالزوجة الصالحة يارب و تتوفق و تكون حياتك السابقة فقط ,خطوة للأمام ,, |
مشكورة المسداني........ لعيون نوف تسلمين ياسميتي
جيفارا (وانا بالنسبه لي اجوف افضل الرجال في التعامل والذوق والاحساس رجال الخليج العربي) انا اختلف في نقطه هذي تماماااااااااااااااااااااااااااااااااااااااااااااا اااااااااااااااااااا وللابد والله لو المراءه حصلت رجل يمتلك صفات الحب والتسامح والموده والتفاهم بدرجه اولى ح تكون في قمه الذوق والاحساس والتعامل مع زوج افضل واحسن من رجل |
:25:اختي لعيون نوف صدقيني الطلاق ابغض الحلا ل عند الله ولا احد يبي الطلاق بالعكس انا مو بفخور والله على كثر ماسوت وللحين مرت سنه بالظبط والله لو ابي اطلق طلقة من زمان بس انا طلقتها طلقة وقلت الها اقعدي في البيت ونتعامل انا وانتي كأننا اخوان حتى انتهاء العده وبعدها لعل الله يحدث امرا الثلاث اللاشهر بتقعد قدام وانا قدامها ومانقدر نسوي شي اكيد بتعلمنا اشلون الحياة تكاتف وحقها محفوظ تبي تبيني اوكي تقعد معاي ماتبيني من حقها ترفض الاستمرار بعد العده بس صدقيني رفضت تقعد واتصلت باخوها وجا اخذها انا ماوديتها بس هي لو جلست كان افضل لي ولها وتسترني واسترها والموضوع بيني وبينها لكن للاسف مارضيت وماسمعت الكلام انا ماطلقة الا طلقه واللحين الها سنه وصدقيني لو تبي ترجع انا ماراح تجي مني العيبه بستقبلها وإن شاء الله بيكون درس لها وولي انا طبعا .... فعلى سيرة الفخر اختي لعيون نوف محد بيفتخر بالطلاق ولو ابي اتزوج كان من زمان لكن ابيها تعرف ان الزله ماتجي مني
|
عفوا دفى , كنت أظن الموضوع كتبته لعيون نوف
عادي ياقلبي اثبت لى ان الرجل يضعف بعد الطلاق اهم شي عندي يعنى مو بس حواء لان سعودي يكابر وموراضي يعترف ان الرجل يضعف والموضوع موضوعك |
:22::22:تراني منفصل مو مطلق ... ؟؟
|
سعودي
فهمتك بس انا اقصد اتكلم عن التعامل مع عيوب الزوج المطلق وكيف نحتويها ويهمني اسمع رايكم |
سعودي توك تقول انك مطلقها طلقه وش الفرق وضح....
|
سعودي
ليه ما ترجع طليقتك؟؟ ابدء أنت |
مساء الخير
رجل يتزوج بعد الطلاق ليقهر طليقته فقط ويعلن هذا لزوجته , فهذا رجل لايستحق أن يصنف من الرجال وهل الرجل يضعف بعد الطلاق أو لا ؟ فالإجابة صعبة لأن التعميم على كل الرجال صعب فالظروف بين كل حالة وحالة تحتلف ونفسيات الرجال أيضاً تختلف , ولكن بشكل عام أعتقد بأنه سيضعف وإن لم يظهر ذلك للعلن |
مايهم عندي الظروف والنفسيات
اهم شي عندي ان رجل يعترف بضعف مضيع اللفه لا بالله اللفه صحيحه شاكره لك بتواجدك |
اقتباس:
فعلا سوء الفهم للحياة مو حصر على البنات حتى الرجال فيهم نسبة مو هينة مو فاهمة الحياة صح .. وذكرت انت نموذج اعجبتني حياديتك |
بوججهة نضري
كل واحد ونفسسيته صراحه . . انا كنت مملكه وخلعت الرجال الله يستر عليه .. فما مر علئ فسخنا شهر قده خطب وحده ثانيه .! وكان شي متوقع بالنسبه,لي عششان,يقهرني ! لاني انا اللي طلبت لسوء اخلاقه وبعد ما استشرت شيوخ وناس كثير قالوا يبيله تعليم ودورات في حسن التعاممل ولا وين واحد نفسيته تكون مستعده لزواج ثاني وهو توه طالع من زواج فاشل .. فأن دل دل علئ عدم الحححلم والحكمه صراحه .. ودل علئ الضعف بعد لانه يبي يثبت لناس انه مافيني عيب ومنها العيب .. فالتجئ لطريقه هذي .. الله يسسسستر,عليه وعلي وعلئ جممممميع بنات وشباب المسلمين .. لزوم التروي ي شباب ويابنات .. الحممممممدلله علئ كل حححححححال .. |
اقتباس:
ولكن ربما يظهر عليه الضعف حتى لو لم يعترف . |
اقتباس:
اختي ذكرى حلمي اسمحيلي اخالفج بوجهة نظرج لانها غير صحيحه ولا هي منطقيه كون انه الرجل فسخ الخطوبه معاج ماتوقف الحياه فيه الف بنت وبنت تتمناه ولاهو مجبور يعيش نفسيه بينه وبين نفسه بالعكس هذا هو الثقه بعينه هو موب ملزوم يوقف عندج وينتظر يراجع اموره لانه انتهى هالشي بارادتكم ورغبتكم بهالشي .. وهذا يدل على الثقه وراحه البال والله فاتح عليه وميسر اموره وبنات ناس وايد وكل وحده تقول الزود عندي وموب بالضرورة يكون يبا يغايضيج او شي او يثبتلج انه مافيه عيب وعلى اي اساس تم الحكم عليه بانه عدم الحلم والحكمه انا اخبر الناس بالسمعه والبنت طالما سمعتها طيبه فليش يضيعها من ايده يسير يخطبها طالما انه ماله نصيب معاج.. الحياه ماتوقف عند شخص تستمر وموب مجبور يخطب عقب سنه او شهور عشان يثبت انه راجع نفسه .. النظريه هاي غير صحيحه وبالتوفيج ... |
الرجل لديه أحساس واكيد راح يتأثر من الطلاق مهما كانت أسبابه ومهما أخفا ذالك إلا انها تظهر على من حوله لا أراديا
فمن يقول أنه لايأبه لطلاق أو لا يجرحه إن لم يضعفه فأقول له أنه ليس لديه أحساس أو قد يكون ليس ببشر الزواج ميثاق غليظ وفجات ينتهي كل شيء فأكيد يؤثر ذالك على الرجل شاكر لصاحبة الموضوع وأسئل الله أن يرزقها بالزوج الصالح التقي النقي الذي يسعدها وتسعده وأرجو أن نبتعد عن لغتي التعميم وتراشق التهم لكي نرتقي بحوارنا ونخرج منه بفوائد ..........شاااب |
اقتباس:
انت ماتعرف وش كانت اسسباب وطقوس فسخي منه ولا تعرفه عششان تحكم ان هذي ثقه فيه او لا .. الشيوخ اللي مسكو قضيتي معه قالوا اذا تبين تستمرين معه اقل شي 4شهور ياخذ دورات في حسن التعامل ويفهم وش يعني زواج بالاول اما انك تروحين معه كذه صعب .. وانا لاني عاشرته واعرف طباعه مضبوط اعرف ليش اقدم علئ ه الخطوه .. انا ماشملت كل الرجال كنت فقط اتكلم عن خطيبي السابق .. في النهاية هي ارزاق من رب العباد .. والله يسستر عليه ويوفقه .. ويرزقني من حيث لا احتسب. |
اكيد بيتأثر يكفي انه خسر شريكة حياته و لو انهآ كانت سيئه خصوصا ً لو كان بينهم أولاد فتلاقينه يتمنى صلاحها واستقرار بيته افضل من الطلاق لكن اوقات يكون الكي رغم ألمه دوآء ً ... شغله ثانيه ،، تفكيرهـ بسنين عمرهـ و ضياعهآ و برضوآ تفكيرهـ في سوء اختيآرهـ كل هذي تأثر في نفسيته ماتوقع انه بالشكل اللي ببآل اي فتآهـ لانه مهمآ كآن سيتزوج و يعيش حيآته لكن يبقى يتألم انه لو صلحت زوجته ألاولى لكانت سعادته التي يعيشها الآن معهآ اذا كان يحبها طبعا ً في بعضهم يتحسب وهو سعيد يقول ياحي الحياه توني اشوفهآ وقتي ضايع من اول : ) مووفقين |
جيفارا ......... ذكرى حلم........ شاب........... s10
اشكركم ولكم جزيل الشكر |
من حكم معاشرتي لرجل مطلق من العائله... فأقول لك... نعم يضعفون.... و يتأثرون بشدة... يشعرون بالضياع فترة... و بعد مدة من الزمن يحاولون تحليل جميع المواقف و المشاكل التي حصلت بينهما... يحاولون تفسير ما حصل... يحللون و يحللون و يتعبون من التحليل...
و لكنهم عند الزواج الثاني... متعبون و بشدة.. لأنهم لا يريدون تكرار أخطاء الماضي... فيكونون حذرين في الإختيار... |
اقتباس:
|
اقتباس:
|
يضعف ولكن يخفئ مشاعره حتى يوضح لمن حوله قوته وان بدلها الف
والبعض يتزوج على طول لكي ينسى ويقهر طليقته |
لحول الله
اخ سعودي انتبه لايجوز قول لا حول لله معناها أنه لاحول لله ولاقوة ، وحاشا لله هذه من الكلمات الشركية |
اسموحلي لمداخلتي الثالثه ..
بس نسيت اذكركم وجودفءه من الجنس الناعم ينتقدن عيال الناس بشكل كبير ولايذكرون فيهم ولاحسنه كلهم مسآوء ووعيوب الدنيا يحطونه فيه .. واذا اذكروا محارمهم قالوا عنهم ملاك وغيره .. مالخ من هالكلام المتكرر .. يعني الحين يرضون يتكلمون على خلق الله وينتقدونهم ومايرضون على محارمهم؟؟ اهني مربط الفرس الانسان مايذكر شي اذا ماعايشه .. تحصلون فءه كبيره تتكلم عن واقعها وتنقل امور ماعيشتها .. مجرد تحليل يمكن صح ويمكن خطا ... الشاب المثالي موجود في كل بيت .. |
مش شرط يمكن يشعر الرجل بحدوث خلل في تكوينه الاجتماعي فقط وهذا ما يجعله يشعر بـ الضعف أحياناً قليلة
لكن برايي الحياة لم تنتهى على أقدام أمرأة واحدة رحلت الرجال دائماً قوامون على النساء بما أتاهم الله من فضله :d . |
يضعف بلاشك
|
| الساعة الآن 03:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©