|
زوجي اليوم تحول الى وحش كاسر احتاج مساعدة!!!!
السلام عليكم
سبق وشرحت لكم مقتطفات من سوء العشرة اللي بيني وبين زوجي ولكن ماحد ساعدني .... اليوم فعلا انا منهارة ومحتاجة مساعدتكم كل شوي اطالع الجوال اقول بكلم الوالد يجي يشوف لي حل مع هالانسان الغريب اللي في بيتي... بس راحمة الوالد مابغى انكد عليه وهو قايلي ماعاد بيتدخل لانه زوجي هدا طبعه وماله حل ... زوجي مزاجي لاقصى حد ومتقلب المزاج وصار له شهرين بادي المزاج يتقلب بالتدريج وانا اعرف هالحالة تبدا شوي شوي لكن له يومين خلاص تحول الى وحش كاسر.... شي يحز بالخاطر والله انا كبيرة وافهم الوضع وابتعد عنه تماما اعتبره مو موجود بحياتي مع انه شي صعب واتحسر على حظي وخلاص هو يعتبرني اكبر عدو له هو اكيد جالس يعاني من مشاكل برا البيت لكن انسان غامض ماعرف عنه ولا شي بخصوص مشاكله او مشاكل اهله فانا صرت معاه نفس الشي حياة اهلي مايعرف عنها شي لدرجة يسافرون ويرجعون مايدري احاول قد ماقدر اسعد نفسي بعيد عنه واعتبره بدون قيمة بحياتي وزي ماقلت شي صعب للغاية انا كبيرة وعاقلة وخلاص ابتعد تماما لكن ارحم اطفالي مايفهمون هدا الشي يتعاملون معاه على اساس انه بابا الحبوب اللي يلعبهم ويسولف معهم مايفرقون لانهم اطفال اليوم ضربهم ضرب واتلفظ عليهم وماقدر اتدخل لاني لو تدخلت بيكبر الموضوع زيادة من جد انسان حقير علموني كيف اتصرف معا هالاشكال ممكن بعد شهر او اقل يرجع انسان طبيعي بسولف ويضحك ويعلق ماكنه صار شي ويجلس كدا فترة طويلة وارجع احبه واحترمه وانسى كل شي لكن تعبت من هالطريقة لدرجة اني اليوم وهو طالع ماسكة نفسي اني مادعي عليه وترى غصب عني لو تشوفون كيف يطالعني باحتقار وينافخ ولا يصير رسمي معاي لو يدخل الغرفة وانا اغير ملابسي يطلع لانه صار واحد غريب حتى انا اصير استحي منه تصير الحياة جافة وقاسية مشكلتي على نياتي وقلبي ابيض يوم طفح الكيل رحت قلت له وش فيك صاير شي ليش متغير علي يقول مافيه هالمرة غير كل مرة احتاج احد يساعدني يخفف عني |
ياعمري الزمي الاستغفار وشغلي سورة البقرة والرقية الشرعية في المنزل على طول
وعليك بسهام الليل التي لاتخطئ ادعيله بالهداية وربي يسخره لكم كثري من الطاعات والصدقة بنية انه ربي يهديه بس عندي سؤال هل هو مدخن؟؟؟؟ وقت مايثور وينفعل خذي عيالك وابعدي عنه |
اقتباس:
الحمد لله اني استغفر واقرا سورة البقرة يوميا واكثر من الدعاء له ولله الحمد تحسن نوعا ما انه حالات التحول صارت تطول ماتجي مو زي اول وهو مدخن بس ماتوقع له دخل لانه ممكن يجلس شهور رايق ولطيف واشكرك من كل قلبي |
معقوله هل هو انسان طبيعي اقصد ممكن نفسيه ويمكن اكيد لاني بحكم معرفتي انهم يثورو اوقات واوقات يرجع انسان طبيعي جدا بس فعلا اتقي شر الحليم اذا غضب ابعدي عنه وعيالك بعد يوم يثور كذا لو تدخلي غرفه وتسكري عليكي ترى مع العصبيه ممكن يقتل احد والعياذ بالله اصبري واقري سوره البقره فعلا تصنع المعجزات عن تجربه الله يعينك ياقلبي000
|
الله يكون بعونك
يمكن يحتاج الى رقيه شرعيه واذا مانفع معه دكتور نفسي الله يفرج همك وهم كل مسلم الزمي الاستغفار فهو مفتاح لكل عسير |
اقتباس:
هو فعلا نفسية الله يهديه وانا ابعد عنه لكن عياله ياقلبي عليهم يروحون يطلبون منه ويتكلمون معاه ويتلفظ عليهم وصعبة نبعد عنه لانه عايشة بشقة وهو مايطلع من البيت الا للعمل فقط مشكورة على ردك |
اقتباس:
وشكرا على ردك |
مدام مدخن لو يغير نوع الدخان أحسن ولو يبطله يكون أفضل
وفري له دعايات كيف يبطل دخان بطريقة غير مباشرة اسرفي في تبجيله واحترامه بدرجة تخربطه |
لاتستضعفين له وقفيه عند حده
اما انك تتحملين مزاجيته كل فتره انتي الخسرانه * ممكن كان ضربه للأطفال ماهو بالصوره اللي صورتيها يمكن اخف شويه بس لأنك ام فشي طبيعي قلبك يتقطع عليهم حتى لو من كلمه فمابالك بضربه * |
اقتباس:
وشايل من راسه تماما انه يبطل دخان وصعبة جدا اني احترم انسان زي كدا |
اقتباس:
لانه في اللحظات اللي يكون متغير مزاجه ينسى كل شي ويتحول الى وحش وهو فعلا ماضربهم ضرب مبرح بس مايبيهم ولا يتكلمون يبيهم يتحولون جمادات وهم صغار لسه مايفهمون تقلبات مزاج ابوهم اليوم الصباح وانا اوديهم للمدارس جلست افهمهم انه يحاولون مايتكلمون معاه |
ماله دخل الدخان ..
في ناس تنفس فجاه وانا منهم يمر اسبوع مثل البنزين من اشم ريحه نار اشب مادري ليش صراحه يصير كذا ؟؟ |
استغرب من موقفج في ظرب الابناء واكتفاءك بعدم التدخل..
الطفل مايتربى بالضرب يمكن سببه عقده في نفسه .. اقعدي معاه وخذيه بالكلمه طيبه قوليله انا زوجتك وحبيبتك وام عيالك صارحني شو مخليك جي موب على بعضك كله معصب ونكدي ومااتتحمل تسمع مني شي .. الغاليه اخذي بالكلمه الطيبه وبتوصلين لنتيجه ان شالله وفهميه انت مرتااح؟؟ انا موب مرتااحه بهالحال .. شو اللي غيرك جي موب انته فلان اللي اعرفه واذا مابتخبرني بتخبر منوه؟؟ انا معاك على الحلوة والمرة بس خليك واضح معاي |
والله يا اختى لم احب ان اخرج بدون ان ادعى الله عز وجل ان يألف ما بين قلوبكم ويصرف عنكم الهم والحزن ولكن اقول ايضا راجعى علاقتك بالله وعلاقة زوجك بالله عز وجل وهل هناك تقصير منكم لان الله عز وجل قال {لِنَفْتِنَهُمْ فِيهِ وَمَن يُعْرِضْ عَن ذِكْرِ رَبِّهِ يَسْلُكْهُ عَذَاباً صَعَداً}الجن17 كمال قال عز من قال {وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى}طه124 تفكرى فى كلام الله وراجعى حياتكم لتصلى الى سبب هذا الضنك والضيف الذى تعيشوا فيه ولا تنسى الدعاء والتضرع الى الله عز وجل وخصوصا فى الثلث الآخير من الليل ان يألف ما بين قلبك وقلب زوجك ويهديه لكم انه سميع قريب مجيب الدعاء |
طيب ليش ماتشرطي عليه وهو رايق يتعاااااااااااااااااااااااااااااااالج عند دكتور نفسي
|
. أنا أشوف لو تطلبي منه يتزوج مره ثانية أفضل لأنو صراحة في تعدد الزوجات مصلحة لك أيضًا . |
كان الله بعونك ... قد يكون زوجك مصاب بما يسمى ( اعتلال المزاج ) وهذا له علاج عند طبيب نفسي .. لاأعتقد أن السكوت هو الحل خاااااصة أن هناك ضحية لسوء مزاجه هذا وهم أطفالك .. إن تكرر ضربه لهم لاقدر الله أبعديهم من بين يديه وأدخيلهم غرفتهم وأقفلي عليهم وقولي له بكل جدية وحزم إن كان مزاجك سيئا أخرج وتمشى لكن لن أدعك تفرغ غضبك على أطفالك كي لاتتشوه صورتك في قلوبهم ... من الجميل أن نشفق على أمثال زوجك ونساعدهم بشتى الطرق ولكن يجب أن تشفقي على نفسك وأولادك أيضا لست مضطرة أن تتحملي هذا المزاج النكد بين وقت وآخر لذا اقنعيه بشتى الطرق أن يستشير أخصائي نفسي ... الإنسان له قدرة على الاحتمال أيضا .. ولو كنت أنت صاحبة هذا المزاج وبهذه العدوانية لما سكت عن وضعك نهائيا !!! الزمي الاستغفار وأكثري من الدعاء وأخرجي الصدقات وكان الله معك.
|
[COLOR="Indigo"]أكثر من الإستغفار فهو علاج لكل مشكله :
[COLOR="DarkOliveGreen"]من ثمار الإستغفار : [/COLOR] 1- إنشراح الصدر والراحة النفسيه . فيه الطمائنيه والراحة النفسيه لأنه من ذكر الله قال تعالى [COLOR="DarkRed"](الا بِذِكْرِ اللَّهِ تَطْمَئِنُّ الْقُلُوبُ )[/COLOR] . 2- أنه حل لك مشكلة ولكل هم . قال رسول الله صلى الله عليه وسلم[COLOR="darkred"] ( من لزم الإستغفار جعل الله له من كل هم فرجا ً ومن كل ضيق مخرجا ً ورزقه من حيث لا يحتسب )[/COLOR] . 3- الرزق [COLOR="darkred"]( المال والولد )[/COLOR] . قال تعالى : [COLOR="darkred"](فَقُلْتُ اسْتَغْفِرُوا رَبَّكُمْ إِنَّهُ كَانَغَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا) [/COLOR].[/COLOR] |
رد : زوجي اليوم تحول الى وحش كاسر احتاج مساعدة!!!!
السلام عليكم
اشكركم جميعا ارجع لكم مع باقي التطورات بما انه زوجي مثل ماقلت متقلب المزاج فمثل العادة راح يتغير المزاج بالتدريج بداء يصير لطيف بالتدريج مع اطفاله ويحاول انه يتقرب مع الجميع غباء ..... ولكن انا هده المرة قررت انها تكون غير كل مرة اصبحت رسمية جدا معاه ماكلمه الا بشي بخص المنزل او الاطفال الرجل تحول حمل وديع لدرجة انه عندي مشاوير اليوم ووصلني..............معجزة لاني ماركب سيارته الا بالمناسبات ويتكلم معي بادب سبحان الله يوم شاف اني رسمية وثقيلة صار لطيف للاسف مايعجبني هدا في العلاقة الزوجية لاني طلعت من بيت والدي ووالدتي اصدقاء بكل ماتعنيه هده الكلمة وكنت اعتقد الحياة الزوجية بهده البساطة ماكنت اعرف انه فيه رجال حقودين شريين اتعدب جدا لاني ماسولف مع زوجي لانه بعيد عني احتاج انه يكون قريب مني احتاجه دائما احتاج علاقة طبيعية معه حزينة ووحيدة ماحد يعرف بسري وحياتي مع زوجي لاني في نظر الناس انسانة مميزة واكيد انه حياتي الزوجية مميزة الحمد لله على كل حال اريد ان اعيد برمجة زوجي ابغى اعرف كيف ادخله لانه انسان غامض وصعب احتاج مساعدة اهل الخبرة |
رد : زوجي اليوم تحول الى وحش كاسر احتاج مساعدة!!!!
اختى انا لا اعرف اطلعتى على ردى ام لا ولكن مفتاح سعادتكم تكمن فيما ذكرت لك بإذن الله تعالى اقرأى مع كتبت لك وعلقى عليه وبإذن الله لى عودة اسأل الله ان يهدى زوجك ويسعدك به ويسعده بك ويصرف عنكم شياطين الانس والجن ... اللهم آمين |
رد : زوجي اليوم تحول الى وحش كاسر احتاج مساعدة!!!!
واضح انه يحتاج رقيه او دكتور نفسي
ويُفضل الرقيه .. حاولي تكلمين احد من اخوانه او المقربين له يجيبون شيخ للبيت الرجُل مو طبيعي والله يوفقكم وييسرها لكم |
رد : زوجي اليوم تحول الى وحش كاسر احتاج مساعدة!!!!
اقتباس:
والحمدلله كنت سابقا قبل سنين ابتعد واقترب من ربي للاسف ولكن الحمدلله الان احاول دائما اني اكون قريبة لانه مايفيدني غير الدعاء ولله الحمد شفت اثاره كثيرا في حياتي وزوجي انسان وسط في دينه مع انه كان لاشيء ولكن الحمدلله مع الدعاء واتمنى حياتي تتطور للافضل زوجي مزاجي جدا واعتقد ليس لمشكلته حل |
رد : زوجي اليوم تحول الى وحش كاسر احتاج مساعدة!!!!
اقتباس:
زوجي لمن يكون مزاجه عادي يصير كويس وماشي حاله نضحك ونسولف ونصير ازواج طبيعين لكن ادا انقلب يتغير كل شي في لحظة كنت سابقا عايشة على اوهام سحر حسد لكن بالموت وبالحيلة خلينا شيخ يقرا عليه قال مافيه ولا شي مافيه الا الطبع الشين الله يهديه بس |
| الساعة الآن 05:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©