|
قريب ابملك .. دعواتكم ويهمني رأيكم
السلام عليكم
حبآيبي حآبكم تشاركوني واسمع منكم في تكاليف الزواج كامله من الى اللي معي حاليآ 60.000 بعد كتب الكتآب ابستلم من الشركة 40.000 هدية زواج وعلى شهر 12 الجآي بيكون معي حدود الـ 18.000 المجموع 118.000 واقدر اقدم على قرض الزواج وراح ينزل لي خلال شهر مع ميزانيه الصندوق العقاري الجديد وعن تجربة لاحد زملائي قبل شهر .. مبلغ 45.000 المجموع 163.000 طبعا ماودي الجأ للقرض العقاري لان عندي قرض بنك شخصي 3000 ريال وماودي اقسط اكثر:( واقدر ازيد المبلغ الاجمالي 10 او 15 الف بدون الجوء للقرض العقاري :( المهر انا عامل على حسابي على 50 بأذن الله مهما كانت التكاليف اتمنى منكم تعطوني اسعار تقريبيه لتكاليف صندوق المهر واقتراحات هدايا تقدم مع المهر والشبكه وتكاليف الزواج من قاعه وتكاليف الطاولات والطقاقه اللي ماراح استفيد منها شي :11: وضيافة الرجال والعشــــــــاء << هذا بلا بوك ي عقاب اما تكاليف السفر حاسب على 30 الف والنيه تركيا يعني لاتحسبونها بالحسبه وشاكر لكم ومقدر |
الله يوفقك ويسعدك يارب
ويبارك لك في كل خطوهــــ |
|
الله يتمم لك على خير
سبحان الله العظيم فلتضع نصب عينيك انه ليس من السهل دائما ان تجمع هكذا مبلغ والله لو تضعوه ثمن لشراء منزل وتفرشوه يكون افضل لكم ومن ثم ايضا ليس من السهل تجميع المال وليس من السهل البحث عن عروس ضع نصب عينيك ان تكونو كتاب مفتوح لبعض وان تتعاملو مع بعض بما يرضي الله سبحانه وتعالى ومنزلك الزوجي والزوجه اولى اهتماماتك |
اقول وش الشركه ذي اللي تعطي 40000 هديه زواج والله فله ماعندكم وضايف :)
الله يبارك لك انشالله ويتمم عليك بالخير |
ما شاء الله ميزانيك اخوي اكثر من كافية
والشي الجميل نيتك بانك ماتبخس عروستك حقها الله يعطيك على قد نيتك يا رب قبل اوضح لك وش تجيب انصحك لوجه الله تخصص مبلغ للصدقة تنويه لوجه الله تعالى .. بعدين تبدا تخطط بترتيب المهر ممكن ينحط من وجهة نظري باي علبة مرتبة حجمها صغير او وسط ممكن يكون معه عطر - طقم الشبكة .. كذا كافي اذا قدرت تخلي الزواج بقاعة عادية وليست كبيرة وفخمة يكون احسن .. عشان تقدر ترتاح بشهر العسل ماديا ونصيحة اخرى : ركز على شخصية البنت بالمقام الاول ادرس شخصيتها قبل تملك عليها .. وشف تناسبك او لا لان بنت ماتفهمك ولاتناسبك .. حرام تروح فلوسك عليها .. |
الله يوفقك اخوي ويرزقك بالزوججه,اللي تقدر
تعبك واخلاصك .. |
الله يوفق بينكم يارب ويزقكم باللذريه الصالحه000
|
المهر 50000 جميل ما شاء الله
القصور ومايتبعه تختلف من منطقة لمنطقة .. إذا كنت من الوسطى أنصحك بالإستراحات هناك إستراحات فخمة وتستوعب معازيم أكثر وبأسعار من 6-8 ألاف .. أفضل من القاعات الصغيرة والغالية على غير فائدة وماتبيض الوجه القاعات بتكلفك من 15- مالا يستوعبه العقل .. إقتراح تقديم الهدية .. بصراحة حلو لو تعرف شوي عن تفكير وميول البنت اللي بتخطبها يعني مثلا اللون المفضل عندها العطر المفضل ,, الأمور هذه بتساعدك تنسق الهدية ويكون لها وقعة خاصة في قلب من ستصبح زوجتك بإذنه الله يوفقك أخي ويرزقك الرزق الطيب |
ربي يسعدك و يبارك لك و يبارك فيك
|
مسافر اولا شي الله يبارك لك ويتمم لك على خير
لمن قريت بتملك دخلت افيدك في بعض الامور كنت اتمنى زوجي الله يحفطه يسويها لي في الملكه وماسواها من الخجل ف حبيت انورك لانها اشياء بسيطه لكن تهم البنات جداً اول شي اول ماتدخل تحب راسها وحب الراس احترام و تقدير للشخص الشي الثاني ماتنسى تبارك لها وتقولها الف مبروك الله يتمم لنا على خير خليك على طبيعتك واذا في ارتباك اطرده اتذكر ان البنت محتاسه اكثر منك الهديه شيء مره كنت اشوفه مهم بحكم زوجي ماهداني شي صرت كنت اشوفه من اساسيات الملكه لكن حالياً اضحك على تفكيري انا دائما اسمع ان العريس لازم يجيب هديه بمبلغ لايقل عن 5 الاف ريال غير الشبكه و الدبله لكن بالنسبه لي لو زوجي طلع من جيبه علبه فيها عقد ذهب فيه حرفي او حرفه او اسمي او اسمه بكون اسعد بنت بالدنيا امممم الزواج اخوي ميزانيتك الحمدالله من فضل ربي تمام ليه تاخذ قرض ؟؟ موب حرام عشان كم ساعه حلو الزواج الكبير لكن الراحه في الحياة احلا ما اشوف من الضروري تسوي زواج كبير مختصر عائلي وتاخذ عروستك وتسافر اوربا اطلق شهر عسل بنص المبلغ الي بتدفعه عالزواج وانت الكسبان بالنص الثاني توفره احسبها صح الله يتمم لكم على خير* |
الله يتمم لكم على خير
وفقكم الله |
رد : قريب ابملك .. دعواتكم ويهمني رأيكم
الله يوفقكم ويسعدكم
ويسهل أموركم لاتنسى الاستخاااارة قبل كل شي |
رد : قريب ابملك .. دعواتكم ويهمني رأيكم
اقتباس:
وان كان شهادتك ثانوية وفوق ادخل الموقع وسجل www.sabic.com اشكركم جميعا على ردودكم اللتي اثلجت صدري وربي والله يتمم على خير ان شاء الله وبأذن الله ماراح اتكلف بالزواج .. عشان ارتاح بحياتي الله يسعدكم دنيا واخره |
| الساعة الآن 06:58 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©