|
جاني خطيب و لكن !!
سلام
أنا قبل أسبوع تقدم لي واحد عمره 26 سنة وتوه متوظف طبعا هو مهندس في الطيران على حسب ما قال لي الوالد وراتبه فوق 9000 ريال يعن وضعه المادي جيد لكن في كم إشكالية 1- أول شيء هو أصغر واحد بعيلتهم ومافيه إلا وهو و أخوه فأخاف إنه ينشغل عني 2- المشكلة الثانية شغله يتطلب منه السفر في الشهر من مرتين إلى 4 مرات شهريا رحلات إلى الخارج 3- اللي سمعته من إنه كان يدرس طب وبعد 3 سنين قال بطلت الدراسة وانتقل للهندسة فأنا خايفة إنه كان فاشل أو حصل له موقف أو أخطأ في حياته خرب عليه دراسته للطب علما إن عمره 26 و أنا عمري 25 ونص يعني مابينا فرق كبير |
ياختي اعذارك مالها داعي
يعني الي مادرس طب فاشل ؟!! شي عااادي ماقد شفتي ناس يحولون من تخصص لتخصص خااااصة الطب كثير يتعبون منه ويحولون هذي نقطة والنقطة الثانيه وشلون ينشغل عنك؟ يعني عنده مسؤليات ؟؟ ابقولك بعض الرجال مافيه افضى منه بس مايجي للبيت الا وقت النوم يروح يومه باستراحة مع اخوياه اوو... طلعي الموضوع من راسك اذا راعي مسؤلية واخلاقة كويسة مارح ينشغل عنك السفر عادي الشكوى لله هذا شغله اذا تقدرين تروحين معه كويس ...اكيد الرحلات قصيرة واصلاً راح تتعودين على الوضع اسالو عنه كويس واستخيري ربي يوفقك ويكتب لك الي فيه خير لاتنسيني من دعواتك |
مثل ماقالت بنت اطيب انسان استخيري واسألو عليه
ونصيحتي خلي عنك هالافكار عنده ماضي ما نجح لا حبيبتي ممكن هو ميوله انه يفهم والطب يبيله حفيييييييييييييييظ لكن الهندسه تعتمد عالفهم وتشغيل المخ انا قسمي هندسه والله اني اتعب في الحفظ يعني عطيه اعذار وخلي عنك الوساوس الشينه عنده ماضي حتى لو عنده ماضي تقدري تكونيله حياه جديده مملوءه بالامل واطمنك انشاء الله بما ان عمره 26 لا عنده ماضي ولاهم يحزنون لان اللي عنده ماضي يكون مجروح وصعب انه يفكر بالزواج بسرعه والله قريبي تجوز بعمر 40 سنه ولو عليه هو مايبي يتزوج لكن خواته قاعدين على راسه ليل ونهار وبالاخير اقتنع المهم ان الاستخاره هي اللي تبينلك وان سار الموضوع تمام معناها هو نصيبك مالك مفر كلنا في البدايات يكون عندنا خوف لكن توكلي على الله وربي مايخذك الله ييسر امرك ويستر عليك بالصالح اللي يقربك للجنة قولي آمين |
اقتباس:
اقتباس:
عادي ياما ناس حولو من تخصصاتهم ... اما لانه ماعجبه او لانه من البداية كان داخلة غصب عشان اهله مثلا .. اصلا طالما دخل طب من البداية معناه شاطر و معدله بالثانوية كان عالي .. يعني ماتحكمي عنه بالفشل ويكفي انه كمل هندسة طيران و تخرج استخيري و اسالو عن دينه و خلقه والله يوفقك |
يختي ماشوف ولاعيب باللي تقولينه وش يعني اصغر واحد اخوي اصغر عيلتنا لاانشغل ولا شي والباقي اشوفها اشياء مو لازم التدقيق عليها يعني لاصار صاحب دين واخلاق ماينرفض صراحه منطقك غريب
|
يسلمو يا خواتي عالردود
أنا قصدي إنه ممكن ينشغل بأهله وينساني بحكم انهم أخوين فقط أكيد راح يهتموا بأمهم و أبوهم أكثر وبالنسبة للطب لأنه هو كان يدرس برا و حول التخصص و حول بعد ثلاث سنين عشان كذا أنا خايفة |
الله يصلحك بس .. كيف المفروض يدرس عشان
يطلع بعينك ناجح ؟ لازم يظل نفس التخصص ؟ المهم انه بالاخير تخرج بشهادة زينة واشتغل وصار له راتب مو اي راتب راتب يعيش عيشة حلوة .. العمر شي جانبي .. احسن من الي اكبر منك بعشر سنين ولا 15 سنة نظام شياب وعنصرية اهتمامه باهله شي ايجابي .. المهم مستوى اهتمامه فيك اطلبي فترة تعارف بالتلفون اسبوع او اسبوعين (بعد النظرة الشرعية) شوفي طريقة تفكيره وخليه يعرف شخصيتك باريحية .. تعرفو على بعض شوفو فيه مجال تفاهم بينكم او لا . الله ييسر امورك ويغنيك من واسع فضله يا رب |
انا مع مدن السلام.
الحمد لله انه عنده شغل و راتب. حاولي ان تسالي عن دينه و خلقه و اهله. ارجو لک التوفيق احب اقول لک سرا، ان جائک احد لخطبتک لا تذکري الموضوع لاحد ابدا. بالاخص الصديقات. لا تقولي ان اسمي مستعار و لن يعرفني احد بالمنتدي. خذيها عن تجربه لا تقولي لاحد الا بعد الملکه. ان کان عندک سوال ملح عن الخطبة و تحبين سماع الاجابه عليه من اعضاء المنتدي الکرام، اساليه بشکل و کان الامر لايمت اليک بصلة. يارب الله يوفقک |
لا اعلم من مواصفات زوجك اشووف انه ناجح مو فاشل ومو شرط اصغر او اكبر انه ينشغل عنك اهم شي عقلية وفكر ونضج وحب الزوج لك مع تمنياتي لك بالتوفيق لا تنسين تصلي صلاة الاستخاره |
رد : جاني خطيب و لكن !!
الله يجزاكم خير
أنا إلى الآن ما رديت خبر و إخواني لهم يومين مراقبينه قالولي من البيت لعمله و اليوم كان سهران عند أخويائه على حسب ماقالولي وهو جار المسجد لكن ما شافوه الا مرتين فيه وما يدخن والله يا إخواتي إني خايفة خصوصا إني ملتزمة و أخاف يطلع مو نفس اللي في بالي |
رد : جاني خطيب و لكن !!
خطيبك من الظـاهر يملك صفــات جيده ..
واللي أنتي فيه مجــرد وسوسه .. كونـه لم يستمر في الطب ليس فشــلا على الأطلاق .. كثير من تركوا تخصص ونجحوا في تأسيس مستقبلهم بتخصص أخر .. أحنا يالبنات مانغير من تخصص لتخصص ؟ هلا معناة فشـــــل !!! وبالنسبه أنه أصغر واحد وبررتي لنفسك أنه راح ينشغل عنك .. بقولك غلطــانه .. والشي هذا يعتمد على شخصيتك .وطريقة تعاملك معــاه .. أحسني له وخليك ذربه في بيتك .. وبنت مطيعه لأمـه .. وبأذن الله راح تكسبين قلبه .. وسفره شي عــــــــــادي جدا .. أعتبريها فرصه أتجددين فيها من الروتين بينكم .. والبعد كم يوم حلو .. غيري فيها من ستايلك ومن ترتيب البيت .. زيدي من ثقافــتك .. أطلعي على دورات تطوير الذات .. شايفه قد أيش سفره راح يفيدك ؟؟ خــوذيها قـاعده بحياتك .. كل أمر تحولينه لتفكير أيجــابي بدل التفكير السلبي بتسعــدين في حياتك وتقدمين الأفضل لمستقبلك وقبل كل هذا .. ألتزمــــــي الأستخاره .. واذا أمورك مشت معاه معناته هالشخص فيه خير لك .. والله يوفقك ويسعدك ويتمم أمورك على خير .. |
رد : جاني خطيب و لكن !!
مع كلام الاخوات ربي يعطيهم العااافيه ... استخيري ,, استخيري ,, استخيري وبصراحه مااشووف اي مشكله ...
|
رد : جاني خطيب و لكن !!
يعني يطنش امه وابوه عشانك ؟
هاذي حياه كل شي متشابك انتي واهله من مسؤولياته امه وابوه اهم منك |
رد : جاني خطيب و لكن !!
حبيبتي مافي احد في ذي الدنيا ياخذ على كيفه ومافي انسان كامل الكمال لله عزوجل فاستخيري بجديه وعلى قولك اذا كان مو على هواكي وتصرفاته مثلا مو عاجبيتكي ممكن انتي بالتزامك توجهيه وتنصحيه وتشاركيه والله يكتبلك اللي في الخير00
|
رد : جاني خطيب و لكن !!
اقول وافقي وتوكلي على الله
|
رد : جاني خطيب و لكن !!
استخيري الله
ادعو لک بالتوفيق و بالاختيار الصحيح الذي يرضاه الله لک. |
| الساعة الآن 03:13 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©