|
خطيبتي ترفض المكالمات اليوميه تجنباً للمشاكل والملل هل معها حق؟
السلام عليكم ..
أدخل بالمووضووع دغري .. خطيبتي رفضت المكالمات اليوميه تقووول تخاف تسبب ملل ومشااكل وأنا من النووع الرووومانسي أبي أكلم دايم .. وتقول نخليها كل اسبوع او اسبوعين وكل ما تاخرت أفضل عشان نشتااق لبعض ..!!! تقوول تخاف يحصل شي لا سمح الله وهي ماتقدر تستغني عني .. قولولي وش الحل .. هل هي على حق أم لا ؟ علما أنه باقي ع زواجنا سنة كامله ؟ مع إني أعرف الكثير يكلموا دايم ولاحصل بينها مشاكل ماشاء الله وصار عندهم اولاد ووو... أنا متملك عمري 26 وهي 21 .. حتى كان بيننا واتس اب وسوتلي حظر عشان يقل التواصل خوفا من الملل ... والله حقدت ولد عمي متملك 24 ساعه مكالمات لا وتزعل لو يوم ما اتصل أما أنا فتكره المكالمات وحتى الرسائل القصير قليله بيننا .. قولولي وش الحل ؟ الله يسعدكم.. انا مليت بدوون مكالماات وانا تملكت ما ابي الحراام ..أبي أكلم حلالالال .. لكن أظاهر مافي فايده .. عندي طاااقه من الحب والحناان والرومانسيه وأحس أنها بتقتلها فيني خايف اتزوج واكون عديم الرووماانسيه والله أبي أسمعها كلام دلع أبي أدللها أبي أدلعها طفششششششششششششت كذا ... حتى عند زيارتها ترفض ألمسها .. ما أدري خجل أم ماذا ؟ مع العلم أنها من عائله محافظه جدا .. الحل لو سمحتوا خااصة من أخواتي البنااات .. لأن عندهم خبره بحوااااء ؟؟ جزاكم الله خير .. |
رد : ساااعدووني ف مشكلتي !!!!
الله يفرج همك
خطيبتك معها حق وانت معك حق اعمل خطه ترضي الطرفين ؟ مو هي بس اللي تقرر |
رد : ساااعدووني ف مشكلتي !!!!
اقتباس:
اشكرك ع الرد .. بس هي تخااف .. تقول أخاف تمل مني أو أفهمك أو تفهمني غلط وتقوول درااستي أشغلتني .. وتقوول مالك بعد الزوااج إلا أعووضك عن كل شي فقدته بالملكه وهي معترفه وبقووه إنها مقصره .. بس قلتلها كمان للملكه طعم خااص مانبي نفقده .. لاكن تخيلوا حتى نصيه ما ترسل... إلا ف النادر .. هل فيه بنات كذا والا بس خطيبتي ..؟ |
رد : ساااعدووني ف مشكلتي !!!!
بس خطيبتك :d
بصراحه مدري أنت حدد لها جدول للمكالمات وقولها أفرح لما يوصلني رساله منك من جد الدراسه تشغل ويمكن أنت مندفع وتعبت البنت |
رد : ساااعدووني ف مشكلتي !!!!
كملي بصرراااحه ايه .. ؟؟؟!!!!
أنا اعرف البنات المخطوباات ملهوووفه ع المكاالمااااااات صح والا لا ؟. |
رد : ساااعدووني ف مشكلتي !!!!
من خلال ماعرفتي بموضوعك السابق بقول لك كل شي في بالي
وانت احكم بنفسك |
رد : ساااعدووني ف مشكلتي !!!!
هههههههههههههههه:d ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ كل بنت في فترة الملكة تحب خطيبها وتحب تستمتع بهذهــ الفترة لكن بعض البنات ما تحب ليه؟ 1- لانها ظمنت حبه وانغرت بنفسها أو 2- هو ضاغط عليها ما خلها تتنفس أو 3- تكون خطيبته تسمع لكلام الناس .. الرجال يحب الثقيله ... بيمل منك أو 4- تكون ما تحبه أو 5- مغصوبه على الزواج بس |
رد : ساااعدووني ف مشكلتي !!!!
لكن .. ماذا .. أريد ما بعدها ...
|
رد : ساااعدووني ف مشكلتي !!!!
اقتباس:
ما فهمت ؟؟؟ شو تقصد؟ |
رد : ساااعدووني ف مشكلتي !!!!
اقتباس:
لا هي تحبني ومتأكد 100% |
رد : ساااعدووني ف مشكلتي !!!!
إنت قلت بنفسك ، إنها من بيت ( جدا محافظ )
يمكن تلاقي تعليقات مزعجة ؟ بس إنت خوفها ، و قول لها .. لو ما كلمتيني .. راح أدور غيرك |
رد : ساااعدووني ف مشكلتي !!!!
اقتباس:
أخي الكريم دامها تحبك قدر نفسيتها والله الدراسه هم :29: أبعد عنها مؤقت ... خلها هي اللي تشتاق لك وتجيك أنت خلك ثقيل .. وخلها هي تمطر عليك بالسؤال والأهتمام وقول لها : أنا ما بتصل عليك عشان ما أشغلك عن دراستك وبرسل رسال وحده باليوم أطمن عليك صدقني هي بتفرح وبتصير هي تجري وراك والله وأعلم ( إذا عندك وقت فراغ ادخل المنتدى معنا حل مشاكل خلق الله وتثقف ) |
رد : ساااعدووني ف مشكلتي !!!!
بمــا أن عندك مشاعر وأحاسيس وخايف من الحرام ..
كلــم خطيبتك مره في اليوم .. قل كل اللي في خاطرك .. وقبل كل هذا وضح لها أنك تزوجت عشان تبعد عن الحرام.. وواجبها أنها تتفهمك .. لكن كيف الطريقه اللي من خلالها تستجوب معك .. أذا كنت تكلمها وتراسلها في الفتره السابقه .. خلال الفتره الجايه وقف الأتصال بينكم .. حتى تسأل عنك .. وفي هالوقت وضح لها كل شي .. وأنا متأكده أنها راح تخاف عليك .. وراح تتواصل معك أفضل من قبل .. الشي الثاني وهو الأهم .. أنت حاول أنك تشغل وقتك في أشياء تفيدك .. واضح من كلامك أن عند وقت فراغ .. والفراغ حذر منه الرسول صلى الله عليه وسلم .. لذلك نظـــــم وقتك .. بين العمل .. والجلوس مع الأهل .. وقضاء الوقت المتبقي في هواياتك .. أقرا القرآن الكريم وخصص له ساعه من يومك.. راح يزيدك قـوه على مصاعب الحياة .. والله يوفقك ويسخر لك خطيبتك .. |
رد : ساااعدووني ف مشكلتي !!!!
ما أزيد على كلام اختي عيوني تحكيني ..
نظم وقتك واعمل جدوول بالاتصالات احسن لكم دام سنه كامله وافضل طريقه ممكن تخلي يوووم او يومين في الاسبوع للاتصال والايام الباقيه تواصل عن طريق الرسايل او الواتس .. انت فهمهااا قوولهااا نفس كلامك اللي قلته لناااا وبين لهااا .. تلاقي احد قاايلهااا لا تكثري اتصالات وراح تصير مشاكل ووووووو بالعكس مادرت انه بعض المشاكل راح تفهموا بعض اكثر ووتفهم وجهات نظرك في اشيااء كثيره وبعدين فهمهاا انه كل ناس وفكرهم غير وشخصياتهم غير يعني مو مثلا زميلتك هي وخطيبهااا تصير معم مشاكل على الطالع والنازل تصير لنا مثلهم لا هماا غير واحنا غير وكل الناس لهم وجهات نظر غير وعادي ماشيه الحياه ... عمومااا الله لا يلومهااا اذا كانت مثلي اخر سنه تعب وكرف وبحوث واشغال لليل لكن مااااقفل على خطيبي كذا .. لو منهااا اخليه يشااركني وافضفض له واحكي واسمعه ويسمعني .. موفق ياعريس |
رد : ساااعدووني ف مشكلتي !!!!
امممممم
والله حاسه فيك الله يفرجها عليك |
رد : ساااعدووني ف مشكلتي !!!!
طيب هل البنت إذا حبت خطيبها .. تسوي فيه كذا..
يعني حتى الرسائل النصيه بالقطارة .. إتصاالاات لاايوجد واتس اب خصصته لزميلااها وخطيبها عليه حظر .. مو قويه.. هل حبها لي فقط كذب .. هل الحب هكذا ؟ |
رد : ساااعدووني ف مشكلتي !!!!
يمكن انها باقي ماحبتك ولاتشعر بأي مشاعر تجاهك
او ممكن اللي حولها محذرينها ان لاتاخذ وتعطي كثير معك لان هالشيء يسبب مشكلات وممكن في تجربة حصلت امامها تدل ع هاالشيء وممكن .... احتمالات كثيرة اخي مالها جواب الا عندها انا برأيي ترسلها رسالة عتب قوية وتتركها فترة اسبوعين او ثلاثة لا اتصال ولا واتس ولا رسايل اتركها تهلوس مع نفسها هو معاد صار يحبني هو انا شكلي كنت غبية لازم اعطيه وجه خلها تضرب اخماس في اسداس وبعدها بتشوف النتيجة هي ظامنة انك تحبها ويمكن ماتستغني عنها فأغترت بذلك عاتبها بقوة واتركها هي بتخاف وبتعرف ان الله حق بصراحه في بنات من هالنوعية وفي بنات لا تفرح وتستانس ان خطيبها يحبها ويسمعها كلام حلو وتتفاعل معاه بعد وانت خلها تصير من النوع الثاني بحنكتك بالتوفيق |
رد : ساااعدووني ف مشكلتي !!!!
اسأل مجرب ولاتسأل طبيب
اتركها لاعاد تبين اهتمام لها وخلها اسبوعين لاتتصل عليها امسك نفسك نصيحه وشف اذا ماصارت تتصل عليك كل يوم ولاتسوي جدول مكالمات ولاشي وكل مابينت انك تبي تكلمها راح تخليك تتشوق زيادة موفق |
رد : ساااعدووني ف مشكلتي !!!!
اقتباس:
أثقل عليها أحيانا اسبووعين وبعدها ترجع تمام .. بس سرعان ماترجع على تطنيشها لي .. والحين قاعد أقرا توبيكها بالواتس .. تقول إن عندها عزة نفس ما تبي أحد يامرها او يطلبها بشي .. وأدري إنها تقصدني .. طبعا قاعد اقرا نكها وأنا عندها حظر .. |
رد : ساااعدووني ف مشكلتي !!!!
اقولك طنشها طيب ياأخي بعد ماترسل لها بالجوال رسالة محترمة
واسحب عليها مثل ماهي ساحبه وان رجعت تماام انت ساعتها تعاتبها وتتغير معها يعني لاتكون مثل اول معها لا خفف من كل شيء وخلك رسمي يااخي انا استغرب من بنات هاليوميين المفترض ان تخاف وتحاول تستكشف طباعك واخلاقياتك مو كذا ؟؟؟!!!!! الله يعينك |
رد : ساااعدووني ف مشكلتي !!!!
اهااا يعني اللي افهمه إن البنت من كثر الاهتمام بها تصل إلى درجة الملل من خطيبها لأنها دائما تخاف من الملل ..
مو مشكله أقلل من الاهتمام والكلام وكل شيء بس أهم شيء لا تلومني بعدين أقصد بعد الزواااج .. |
رد : ساااعدووني ف مشكلتي !!!!
عزيزي انت جالس تحوس تحوس واخر شي بتخرب كل شي اسألني انا صار فيني تقريبا نفس الشي
انت عندك مشاعر لها وتبيها الحين تكون لك وملك ايديك وانت جالس تحسسها انك ماتقدر تستغني عنها لو لحضه والبنت ولااعمم على كل البنات اذا حست انها ملكت قلبك تجلس تتغلى وتشوف قد ايش تحبها وانت جالس تتعذب لاكن اقلب الموضوع عليها وطنشها وحسسها انك ماانت في حاجتها وبتنشب لك في الاخير صدقني لاتحاول تدفع الامور اكثر اذا انت تحبها وصادق اصبر وراح تحصلها هي اللي تدورك وتكفى لا تخرب زواجك |
رد : ساااعدووني ف مشكلتي !!!!
طنشها انساها
مثل ماقالو لك بعض البنات تحب تتغلا وملعوب على يمل وبتملون من بعض |
رد : ساااعدووني ف مشكلتي !!!!
من كلامك أحسك مو واثق من حبها لك
انا في نظري خطيبتك غلطانه .... بس أعذرها علشان دراستها <<< هذا إذا كانت بالاجازات زينه معك بالنسبة للتوبيك حقك ( اكتب لها عباره تجلطها ) مثلا من باعني أبيعه . مدري بكيفك الله يفرج همك |
رد : ساااعدووني ف مشكلتي !!!!
اقتباس:
وإذا على كلامك بعد العقاب تصير زينه .. وبعد الكلام الحلو ترجع تنتكس بصراحه زوجتك ما تمشي بالاحترام والتقدير لازم العين الحمراء .... وهذه مو عيشه. وجهة تظري |
رد : ساااعدووني ف مشكلتي !!!!
كيفها ألحين معك?جربت إللي شارو عليك فيه?ومتى آخر مرة كلمتها فيها وأرسلت لها رسالة?..بصراحة لو أنا بدالها أستغل كل لحظة في أيام الملكة في الحب والاهتمام والدلع خآصة إن بينكم حب..
|
رد : ساااعدووني ف مشكلتي !!!!
اقتباس:
لا هي بالعاده ماتعقل حتى أطنشها اسبوعيين .. آخر مكالمة كانت السبت الماضي.. لكن صراحة بديت أشك في حبها لي .. لااني سمعت إن البنت إذا حبت مستحيل تستغني أو تطنش خطيبها.. |
رد : ساااعدووني ف مشكلتي !!!!
اقتباس:
البنت المتربيــه ..ممكن تحب خطيبها وبجنوووون .. لكن الشي اللي يخفي هالحب عن خطيبها ,,حيــائها .. فعشان كذا لاتظلمها وتقول ماتحبني .. لان خطيبتك جـــوهره بأخلاقها .. لاتفرط فيها عشان مجرد وساوس .. وأحـــذر من المقارانات بينك وبين زملائك .. |
رد : ساااعدووني ف مشكلتي !!!!
اقتباس:
يعني تشوفوا وضعها عادي .. ممكن أي وحده تسوي مثلها .. |
رد : ساااعدووني ف مشكلتي !!!!
اقتباس:
وكثير اللي مثل خطيبتك وبنفس الوقت تحمل لخطيبها مشاعر .. |
رد : ساااعدووني ف مشكلتي !!!!
اعطتك بلوك في الوتساب؟ تعجبني
|
رد : ساااعدووني ف مشكلتي !!!!
اقتباس:
ليش تعجبك يوم أعطت بلوك..؟ أنا مو خويها زوجها .. وهذا جزائي يوم أهتم فيها .. مافهمنالكم يالبنات.. |
رد : ساااعدووني ف مشكلتي !!!!
أنتظر ردك ( R.. ) لمذا قلت هكذا ؟
|
رد : ساااعدووني ف مشكلتي !!!!
الله يعينك بجد قهر صراحه
ابعد عنها كم يوم وخلك رسمي وبتدق عليك بنفسها |
رد : ساااعدووني ف مشكلتي !!!!
اقتباس:
قل ممكن ترسل أما تدق ... أصلا ماعمرها دقت علي أبداااااااا.. تخيلوا أعاني من حركاتها ذي أكثر من 7 أشهر .. من جد شيء يقههر.. أشكرك ع مرورك والرد .. ولا أنسى البقيه .. |
رد : ساااعدووني ف مشكلتي !!!!
لا
خطيبتك ليس معها حق فيما تقول .. فلو سيكون هناك ملل و انتما في بيتين بعيدين فماذا سيكون الحال عندما تكونا في بيت واحد .. اما عن مسألة رفضها للمسك إياها .. فافهم وجهة نظرها .. و ان كانت خطأ فاقنعها بالصح .. و لكن لا تجبرها |
رد : ساااعدووني ف مشكلتي !!!!
اخوي انت حايس نفسك بنفسك اولا البنت من بيت محافظ جدا يعني متربيه على ان كل شي عيب 2 ماتدري اهي ليش تسوي لك كذا قالت تخاف مو من مالملل خوفها يصير شي بينك وبينها وتخترب العلاقه والي هي توه بدايتها ويمكن انها تسمع كثر التواصل بالملكه يودي للطلاق قبل الدوخول والى شكوم الزوج
شف اخوي اذا انت اسعودي بقولك الحين البنت ان فلتها مع خطيبها شك فيها وان صارت مره محافظه قلتو مغقده فحترنا معاكم وان تواصلت معاه شوي يعني وسط الامر لا يخلى من المشاكل حيرتونا معاكم بس مالك الا ها الحل لاجيت لها البيت لا تجيب لها لاهديه ولا خرابيط خلك معاها رسمي جدا جدا ورص على قلبك وكلها بجديه قولها يابنت الناس انا تزوجت عشان اعف نفسي بالحلال مابي الحرام وانتي مصعبه علي الامور ياما انتي مغصوبه او ماتبيني مافي شي اسمه ملل واهنا تونا مخطوبين انا ابي اكلمج يوميا لمدة نص ساعه قبل مانام يعجبج الوضع كذا ولا انا ماعندي استعداد اقعد احرق بقلبي واشوف فلان وعلان مع خطيباتهم وانا اتحسر وتقوم تطلع وانت معصب وتطنشها اسبوعين وهناء اذا ماتغيرت وصارت هي الي تدق عليك هاذا وجهي بس مو تصير بسرعه تخق معاها لا طنشها اشوي فهمت ولو اني اشوف الي هي تسويه صح مدام التواصل في الخطبه اغلبه بيكون زعل بين الحبايب بس لاتقلب الموضوع جد انت ماتدري عن ارتباطتها ويمكن اهي فعلا مشغوله ومو فاضيت لك |
رد : ساااعدووني ف مشكلتي !!!!
[COLOR="Indigo"]بصراحه موضوع خطيبتك عادي جدا لان بعض البنات كذا [/COLOR]انا اقلك عن بنتي من قبل الملكه وهي تخطط انها ماتكلم خطيبها وانا احاول اقنعها انه مو فصالحها لازم تكلمه عشان تعرف شخصيته عالاقل بعد الملكه اخذ بنها عشان يتواصلو بالبلاك طبعا هي فرحت انه مافيه مكالمات ما ادري ليه ماخذه فكره غلط عن الكالمات بعد فتره ملت وصارت تقول ليه ما يتصل ابغى اسمع صوته ابغى اعرف شخصيته قلت لها هذا طلبك ولغت خدمة البلاك عشان يكلمها ولما سألها قالت الجوال خرب وسار يكلمها واستانست الاخت (ان كيدهن عظيم) بس هو عمل المستحيل عشان يرجع لها الخدمه ويفعلها والحمدلله ماعرف انها هي السبب صدقني اكيد خطيبتك تحبك بس البنات ياخذون بنصايح بعض واكيد احد ناصحها ماتكلمك كثير لان هذا اللي صار مع بنتي حاول تتفهم منها السبب وتحسسها ان المكالمات فصالحكم الاثنين ولاتطيل في المكالمات لانها ستجلب لها الملل فعلا اسئل الله ان يؤلف بينكما ويسعدكما |
رد : ساااعدووني ف مشكلتي !!!!
اقتباس:
طمنتيني الله يطمن قلبك .. أشكرك وأشكر الجميع ع مشاركاتهم.. |
رد : ساااعدووني ف مشكلتي !!!!
البنات الحين صارو يخافون من المكالمات من كثر مايسمعون عن شك الخاطبين بمخطوباتهم وسلوكياتهم
يجيك واحد خطيبته فري وماخذه رآحتها معه ويجلس يكتب موضوع وإلا يشكك بها عند خواته ويقول البنت مررة جريئة أكيد كان لها علاقات فصارو البنات يخافون من هالصنف الشكاك أو تخاف تجيب لها المكالمات معه مشاكل أو يكرهها غير كذا أنت رجال وشورك بيدك وماخذ حريتك تطلع تكلمها برى البيت أو بغرفتك أو بالملحق أما هي ممكن معها أختها بالغرفة أو أبوها وأمها ينقدوون عليها أو ماتقدر تقول لهم أشحنو لي بكلمة فتتجنب الأحراجات وتقول لصرت ببيته أعوضه وماله داعي أعرض نفسي لنقد أمي وأبوي ترى بعض العوايل يصكوون صكه على بناتهم ويشوفون أن مكالماتهم مع مخطوبيهم قلة حياء وهذا من الجهل إلي عندهم فالبنية تبعد عن الشر وتغني له أنت حاول تصارح خطيبتك مصارحة وتقول لها وش مضايقك وأستفسر منها وش أسبابها وحاول تراعيها وتلتمس لها الاعذار أكيد عندها عذر وبعدين مرة سمعت مستشار أسري يقول أكثر حالات الطلاق بسبب التمثليات فترة الملكة والمكالمات وكل واحد يحاول يظهر للثاني أنه كامل ولان هالفترة مافيها وضوح فبعد الزواج ينصدمون بالواقع لذلك لاتحرص كثير على المكالمات ترى بعد الزواج بتعرفون بعض وتعلقون ببعض أكثر |
| الساعة الآن 03:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©