|
من جد ؟! قل: والله !
جالس أتكلم مع الأصدقاء المقبلين على الزواج عن التعامل مع الأسر اللي راح نتقدم لهم لخطبة بناتهم... واحد يقول: لهم المهر ولا شيء غيره. الثاني يقول: التعامل اللطيف يخليهم يخفضون لك ويكسبوك. الثالث يقول: أنا دائما أقول وضعي المالي زفت. الرابع يقول: الزواج مرة واحدة بالعمر... لكل واحد رأي...
معاشر البنات: وش تريدون ؟ تحديد مبلغ معين تتصرف فيه البنت زي ما تحب وماتطلب هللة واحدة غيره أو هذا يكلف كذا وهذا كذا وهذا كذا ومطالبات متجددة حتى يتم الزواج أو ماذا تريدون؟ الشباب محتارين وياكم ؟ بليز جاوبونا : كيف نرضيكم : تدللوا ... |
رد : من جد ؟! قل: والله !
خلك فاهم مالك وماعليك ولايضحك عليك أي أحد تحت أي مسمى بيجيك ناس يقولون البنت في فترة الملكة لازم تمشي لها
مصروف وهذا كله خرط ومنت ملزم فيه أنت ملزم فيها إذا صارت حليلتك في بيتك بذيك الساعه ملزوم تحط لها مصروف أما فترة الملكة والخطبة المهر وبس والهدايا إذا حاب تهديها أما مصروف فوالله ماكانت هالعادة موجودة وكانوا البنات يقدرون ظروف ولد الناس ويستحون يطلبون شيء الحين تلاقي البنت تطالب الرجال بمصروف وتحسسه أنه واجب عليه وأجباري وتطالبه بهدايا بمبالغ ضخمة وأقولك بنت الاصول تستحي تأخذ من ولد الناس إلي ماصارت ببيته ريال واحد غير مهرها والهدية بطيب خاطر منه أصلا الي عندها كرامة ما تسمح بمثل هالأمر كيف أخذ منه مصروف وأنا ببيت أبوي وبعزه إلي من هالنوع ماشافن خير وشيء مهم ((أسأل عن أمها قبل تضمها)) ترى الأم ثم الأم تلعب دور في تربية بنتها وأحذر من الأمهات المستقويااات |
رد : من جد ؟! قل: والله !
ممكن تعيد السؤال بصيغة أخرى حتى تكون الإجابات محدده؟
|
رد : من جد ؟! قل: والله !
مدري بس حنا اخر همنا ونفكر فيه الوضع المالي
لنا امور اخرى نتفحصها في الرجل ان توفرت حياه الله الرزق بيد الله وحده وفي الاخير اقدار الله هي النافذة وفقك الله للزوجه الصالحه |
رد : من جد ؟! قل: والله !
في الملكه المهر والهدايا اذا أراد غيره لا
وبعض الشباب يفتح لنفسه باب بتصرف كذا وتطمع فيه البنت او تحسه بنك متحرك الركاده زينه والمصروف يحطهافي هدايا لو يريد |
رد : من جد ؟! قل: والله !
ولية ان شاء الله يطلبون
متزوجة عشان الفلوس داخلة بطمع عندنا مهر وشبكة حتى المهر مايحددون كم هو يدفع من نفسه والهدايا اذا جاب كان بها واذا ماجاب مو لازم واوافق ذا قود ويف الرأي سالفة مصروف وفاتورة تعطيك فاتورة الجوال تقول سدد ابد ابد موحلوه عن نفسي مستحيل اخذ شي بفترة الملكة الله يخليلي ابوي وهو يشد حيلة بالصرف بعد الزواج |
رد : من جد ؟! قل: والله !
اقتباس:
عيب أبو البنت يقول عطنا مبلغ كذا وإلا كذا الرجال يدفع إلي يقدر عليه وأبوها يكملها من إلى وغالبا الرجال يشوف كم مهور البنات ويعطيها على قد بنات جماعتها ومايتجاوز 50 ألف |
رد : من جد ؟! قل: والله !
العسووله اللي قبلي شكلهااا من منطقتي وكلامهااااااااااااااا رائع ونفس اللي بأقووله .. يعطيك العاافيه ...
|
رد : من جد ؟! قل: والله !
من حق البنت تطلب مهر .. مع احترامي لقود وايف
حنا عندنا عادي نطلب مهر .. وانا اشوف انه من حقي اطلب المهم انه يكون شي يقدر عليه الرجل .. |
رد : من جد ؟! قل: والله !
لا تسألوا عن اشياء ان تبد لكم تسؤكم
|
رد : من جد ؟! قل: والله !
والله ياعزيزي بتكلم لك من منظور عائلتنا
ابوي الغالي لا يتكلم لا بمهر ولا بفلوس يتكلم باخلاق و تربيه صالحه و خوف من الله مايطلب من الرجل الا الامور هذي الله يطولي في عمره |
رد : من جد ؟! قل: والله !
اقتباس:
أنا أتكلم عن مقدار هالمهر يعني مانقول هات كذا وكذا وأنا أتكلم عن بيئتنا وجماعاتنا يعني هالي يتقدمون لنا عارفين كم المهر الي متعارف عليه وهو 50 ألف فما نقول له هات أكثر أو نحدد له المبلغ هو وشهامته بيزيد بينقص بكيفه وترى من بيئة لبيئة يختلف يعني لو مع ناس ثانيين فأكيد لازم تحددون المهر بالضبط لأنها مو عادة وغير متعارف عليها عندكم فتخافون يبخسكم حقكم أو يعطيك مهر مايكفيك أو مايدفع مهر لك يعني الموضوع راجع للعرف والعادة والمجتمع إلي حواليك أنا زوجي دفع 70 ألف ماطلبناها منه وأخذ أبوي منها 40 ورجع له ثلاثين وقال له هذا مهر بنتي بس حنا نشتري الرجال ودفع لي أبوي الثلاثين من حر ماله وقال وأنا أبوك ما أبيهم يقولون بايع بنته وترى البنت قيمتها مو بمهرها قيمتها بتقدير اهلها لها |
رد : من جد ؟! قل: والله !
اقتباس:
انا كنت اقصد ان عندنا حنا من حق البنت تحدد كم المهر هي واهلها .. واضح ؟ يعني حنا ما نترك لاهل العريس يخددون قيمة المهر .. والسبب زي ماقلتي عشان مايبخسون البنت حقها .. ما شالله على الوالد ونعم الوالد والله ولو اني لو كنت مكانك بزعل فلوسي حقاتي :( الله يخليه لك يا رب |
رد : من جد ؟! قل: والله !
كل بنت تختلف عن الثانيه
|
رد : من جد ؟! قل: والله !
اقتباس:
:d اللهم أمين ويحفظ لك غواليك وعجبتني فلوسي حقاتي الله يرزقك بالي يهنيك ويعطيك حقات تسوين فيها عرس مطنطن وتكشخين أحلى كشخة والي يزود تشيلينه بالبنك تدلعين به رووحك:22: وانا مازعلت يابعدهم لان رضى ابوي وكلمته عندي بالدنيا وجعل عمره طوويل مابخسني حقي دفع لي الثلاثين وماصرفتها خليتها بالبنك سبحان الله ماندري وش يصير بالدنيااا |
رد : من جد ؟! قل: والله !
اقتباس:
ويعينك على بره وبر الوالدة يا رب يا كريم :28: |
رد : من جد ؟! قل: والله !
متابع جدا للردود ومسرور بالحراك الشعبي لكن خلوكم بالموضوع حتي يستفيد الجميع
http://up9.up-images.com/up//uploads...1656c756a9.jpg |
رد : من جد ؟! قل: والله !
هههههههههههه
حلوة الصورة اعجبتني كثير ((((((يااااربي متى تتحقق لي ))))))) |
رد : من جد ؟! قل: والله !
عصفورة: ادعي لنا معك بليز
|
رد : من جد ؟! قل: والله !
اول خطاء ارتكبته انك شاورتهم خلك رجال ولايهمك راي البنات همشهم هههههه جالس ادور حرش ماعليش بس البنات تعطيها وجه تاكلك ومااعمم على كل البنات بس انا اشوف البنت اللي عايشه بعز ودلعتها مايضر ولاكن تجيك وحده مصكوك عليها وتدلعها الله يعينك يعني اعرف من قاعد تتعامل معه
|
| الساعة الآن 01:06 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©