|
اخت زوجي تسوي دروس في بيتي !!
لأنها طفشتني كل مرة و الثانية جايه وجايبه لها كم وحده ومسويه لهم درس ديني في بيتي ؟؟؟؟ بدون اسئذان و كانه بيتها ، ولو تكلمت زوجي زعل ... و فوق هذا تقول لي لو سمحتي البسي لبس محتشم ؟؟؟؟ يوم الخميس فيه 9 سيدات مع بناتهم بيجون عندي بسببها ، انا خلااااص طفشششششششت اتمنى اطردها هي و طالباتها و صاحباتها .. محاضرة و مسابقة بعدها وانا متحممممله ، واذا م حضرت وجلست بعيد عنهم تجي وحده منهم وتقول اختي ليش ما تحضري معنا ؟؟؟؟ كلمتها وقالت احتسبي الاجر ان يكون بيتك مجلس ذكر >>> هذى ايش اقولها ... و تقول انا اجي عندك عشان انتي تستفيدي !!!!! و بيتك واسع ما راح يضرك وانا اخذت الاذن من اخوي تقصد زوجي وهو وافق ... كيف اتصرف معها ، كرهتني لدروسها و صاحباتها و ثقالتهم .. |
رد : الشيخة مطيعة مسوية درس في بيتي !!
جوفي لغاليه في البدايه انا اتضايج من هالنوعيه اللي يعطون محاظرات دينيه على حساب غيرهم المحاضرات الدينيه مطلوبه في حياتنا وجزاها الله الف خير بس الواحد مايتجاوز حرمه غيره عشاان يفتي بالدين ..
يعني الحين اخت زوجج تعرف انج حرمه متزوجه وتحبين تاخذين راحتج في بيتج .. كل شهر مرة اسمحيلها باجراء المحاضره في الشهر مرة وحده بس وبعدين حتى لو ربيعاتها يعني كيف ادخلين حريم ماتعرفنهم بيتج لمجرد انهم ربيعات اخت زوجج وطالباتها حلوة هاي وين تبا .. ترى مايصير والله .. وبعدين الله يهديها اخت زوجج تعرف انج حرمه تلبسين الشي العاري واللي يريحج اجابلين فيه زوجج بعيد عن الحشمه مادام انتي في بيتج مالها اي حق تتكلم عن الستر .. او الحشمه انا لو منج بقعد معاها سواءن رضى زوجي او مارضى بفهمة بقوله كل شي له حد بحضر حلقاات دينيه عن طريق محاضرات في قناه وصال وقناه الرساله والازهري .. بس مساله افتح بيتي للحريم يسوون محاضره ومسابقات وين عايشيين سبيل هذا موب بيت سبيل استوى .. بقوله ومابا استحي منها بقول هذا بيت اخوج واللي هو بيتي المفروض تثقلين شوي ومصخيتها بمحاضراتج .. قلنا المحاضرات حلقات ذكر ونتشرف فيها بس انتي كرهتيني فيه ال1كر بسببج قمت مااحب محاضرات وانا ابصراحه مااتقبل وجود ربيعاتج في بيتي مرة في الشهر مرحابج مليوون بس كل مره تسوين حلقات ذكر ويالله تعالي اطبخي وسوي وحطي وغيره اسمحيلي بيتي يتعذرج وبسير عند زوجي بقوله ياانا يا تصرفات اختك واختار محد يعرف الدين غير اختك تراها ماخلت للدين مكان في قلوبنا بسببها كرهنا شي اسمه محاضرات استغفر الله العظيم حتى لبسي موب عايبنها يعني شقايل الواحد ماياخذ راحته وين يطس؟؟ الواحد ماله كلمه في بيته غريبه انا موب حرمتك استويت حيالله غريبه بسبب اختك مايخصني كلم اختك لاني ماراح اتحمل اكثر من جي نطلب الاجر من الله بس دايماً مصختها ابصراحه .. لا وتدخل بلبسي بعد موب باقي الا اخدمهم وانضف وراهم .. . وكلمي زوجج ولاتسكتين اذا هو عصب انتي واجهية خليه يحترم كلمتج وخليه يعرف انه لج حق في بيتج |
رد : الشيخة مطيعة مسوية درس في بيتي !!
الله يعينك
اول شي احتسبي الاجر من الله حتى مايضيع منك اجر هالمجلس واجر تحمل صديقاتها بالكلمه الطيبه تقدرين تتفاهمين مع اخت زوجك قولي لها جزاك الله خير والله يكتب لك الاجز لكن ياقلبي اذا تبين الاجر يجيك راعي حقوق زوجة اخوك واحترميها انا مو مرتاحه ان صديقاتك يتجمعون عندي روحو لاي مكان استراحه او اي مكان الكلااااااااااااام المحترم الطيب راح ياثر فيها وحاولي تمدحينها قبل حتى تكون بصفك وعلى فكره انتي احضري زي هالمحاضرات استفيدي حنا بدار فناء وليس بقاء يمكن ماينفعك بدنيتك الا هالمجالس الي تحفهم الملائكه لاتغرك الدنيا تراها سراب فانيه |
رد : الشيخة مطيعة مسوية درس في بيتي !!
يالله اشبها دي اخت جوزك الله يهديها
يعني صراحة انا مستغربه منها تعطي محاضرات ودروس دينيه وتعرف الدين وووو ومهي عارفا انها بتدخل بيت اخوها وهو متزوج وتسوي فيه محاضرات على حسابك!!! اتفاهمي معاها بالكلمة الطيبه والحسنه والله يكون في عونك كذا الواحد مايقدر يرتاح في بيتو استغفرالله العظيم يعني الواحد لمن يسمع شي مو بالقوة او بالغصب !! |
رد : اخت زوجي تسوي دروس في بيتي !!
ههههههههههههههههه والله حالتك صعبه
بس صراحه انا اشوف انك تستفيدين منها واذا انت تقولي ابي اكرهها فيني معاد تجي اقول لك اتثقفي في الدين اكثر منها واذا جو اقعدي القي انت المحاضره وهمشيها اشوي وصدقيني بتنحاش |
رد : اخت زوجي تسوي دروس في بيتي !!
حلوة هاذي ههههههههههههههه
ما يمديك حلها الا بالتفاهم وياها ولو تبين تقنعين زوجك اجل كل ما يرجع مثلي عليه انك انتي برده تسوين دروس وتعبانه وسوى دكتورة وعالمه يعني لين يطفش الله وياك |
رد : اخت زوجي تسوي دروس في بيتي !!
والله الله يعينك عزيزتي بس انتي ما تسكتي بالقعقل وبالهدوء حافظي على حقوقك هذا حقك
|
رد : اخت زوجي تسوي دروس في بيتي !!
لا تفتحين الباب نامي وقفلي جوالك
خلي زوجك هو اللي يفتح لهم كل يوم الى ما يستحي ويقول لأخته خلاص وانا اخوك ماختلفنا مجلس ذكر ودروس دينية ولك الأجر بس بيت هذا مو معهد ولا مدرسة |
رد : اخت زوجي تسوي دروس في بيتي !!
لا حول و لاقوة الا بالله ،،، مدري وش اقولك غير الله يكون بالعون... سوي زي ما قالولك كلميها مرة ،، بطريقة غير مناسبة و سوي نفسسك عندك موعد او بتقابلين احد و خلي اخواتك يجوك و كل مرة اعتذريلها عندك عزاء او فرح او امك تعبانمة شوي وتبي تشوفينها و خلي زوجك هو اللي يستقبلهم و كثري من قفل جوالك |
رد : اخت زوجي تسوي دروس في بيتي !!
اعماق لييش تغيري عنوان موضوعي و تحذفي بعض كلامي ؟؟؟؟
كلامي عادي ما فيه حاجة مخله .... |
رد : الشيخة مطيعة مسوية درس في بيتي !!
اقتباس:
ايش اسوي ابتليت فيها ، كرهتا و كرهت محاضراتها و دروسها ، هي تسويها مرتين بالشهر و تحرجني فاضطر اقابل صاحباتها ، مع اني ما بينا اي انسجام دمهم ثقييييييييل بس اني صابرة واجامل كلمت زوجي لكن زوجي اخواته عنده بالدنيا و يشوفهم ملائكة وانا الغلط .. لدرجة يقولي ليش ما تصيري زيها !!! هي كمان كلمتها و قالت لي استغفر الله تزعلين من مجالس الذكر ؟؟؟ فهمتها لكن ما هتمت و مثل ما قلت هي على بالها بتاثر علي و بتهديني حسب اعتقادها .. ما عرفت اني كرهتها اكثر .. مرات اتركهم و اروح اهلي وقت درسها لكن ابقى مقهوووورة وانا عارفة انها ببيتي |
رد : الشيخة مطيعة مسوية درس في بيتي !!
اقتباس:
و اتهمني اني اكره اهله و بفرق بينه وبين اخواته .؟؟؟؟ حسبي الله عليها ، وعلى اللى مثلها هي ودروسها اللي لو فاهمتها كان مااذت خلق الله و مو معناة الدنيا فانية انها تاذينا و ما ارتاح ببيتي و مخليته سبيل على كيفها وما ظن لي اجر وانا احضرها غصب عني ... |
رد : الشيخة مطيعة مسوية درس في بيتي !!
اقتباس:
|
رد : اخت زوجي تسوي دروس في بيتي !!
اقتباس:
وانا ابغى الفكة منها ... |
رد : اخت زوجي تسوي دروس في بيتي !!
اقتباس:
بس لو قلت تعبانة يقول روحي غرفتك اهم بعيد عنك ، لانهم جالسين بصالة الاستقبال وهي بعيدة عن الغرفة |
رد : اخت زوجي تسوي دروس في بيتي !!
اقتباس:
لكن هي صرت ادعي عليها واكرها جدا ... |
رد : اخت زوجي تسوي دروس في بيتي !!
اقتباس:
معها مفتاح البيت تاخذه من امها و زوجي عاااادي عنده هذا بيتهم مثل ما يقول ... |
رد : اخت زوجي تسوي دروس في بيتي !!
يا اختي في الله انا رجل و سبب طلاقي من زوجتي هو
تحملت كل برودها و جفائها و نكدها لكن ما لم اتحمله منها انها اذت امي و تركتها في احد الأيام جوعا و في غيبتي و لما رجعت وجدت امي تبكي فسألتها عن السبب ، و انظرت الى ان رجعت الزوجة فلما استفسرتها الامر قالت و لما لا تطبخ هي اليس لديها يدين مع العلم ان امي سنها اكثر من ستين سنة و يدها ترتعشان ، اذاك رميت عليها يمين الطلاق بالثلاث . انصحك ان كنت تريدين المحافظة على بيتك و زوجك فاحترمي قراراته . ماذا يضرك ان كان البيت واسعا كما قلت ... احتسبي الاجر على الله سبحانه و اسئليه ان يرفع عنك ضيق الصدر و الحرج الدروس تعطى تعطى و رغما عنك في بيتك فحاولي الاستفادة منها و حاولي الاصلاح بينك و بين اخت زوجك . و بالهداوة يأكل الكتف كما يقال . افهمي جيدا بالهداوة و بالتي هي احسن نغير طباع البشر اما العنف فلايفير شيئا .فادفع بالتي هي احسن فاذا الذي بينك و بينه عداوة كانه ولي حميم . العنف لا ينتج سوى العنف و الخطأ لا يعالج بالخطأ |
رد : اخت زوجي تسوي دروس في بيتي !!
اقتباس:
جالسة فيه هي وصاحباتها و بناتهم ولا حاسة بشي ... و القهر اكثر لما يسالوها وين زوجة اخوك وتجي تترجاني انزل لهم و اجلس معهم تقول لا تحرجيني معهم ؟؟؟؟ وانا طيبببة جدا انزل ادرى انها بلاهه .. |
رد : اخت زوجي تسوي دروس في بيتي !!
اقتباس:
لان فعلها كبير جدا و لا يغتفر ... لكن انا غير ام زوجي على عيني وراسي واهله كلهم ، لكن انا بعد لي حق الطيبة الزائدة جراتهم علي بزياااادة .. حتى لبسي قامت تنتقده ، قلة ذوق منها بصراحة و تجاوز حدودها جاملت كثير فصعب اجامل اكثر ، واجلس مع ناس مو متقبلتهم مثل صحباتها و اللي يحسسوني انهم ملائكة وانا عاصية و كل وحده مسويه درس تقصدني فيه ؟؟؟ لو وحده غيري وربي ما تحملتهم .. فعلاً بديت اتضايق جدا ، و كم مرة فكرت اشترى راحتي و اترك البيت بكبره لها هي واخوها .. انا ابغى خصوصية و مكانة كزوجة ببيتها .. |
رد : اخت زوجي تسوي دروس في بيتي !!
اذن انصحك نصيحة الاخ لاخته
تحلي بالشجاعة و اتخذي قرارا يقضي بترك البيت و الذهاب عند اهلك و كما نقول في المغرب وقفي البيضة في الطاس يعني اذهبي لمنزل اهلك و اتركي زوجك مع اخته فان كان الزوج يحبك و يريد مواصلة العشرة فافرضي شروطك و ان لم يرض فعلى الأقل ستحس اخته انها سبب التفريق بينكم اذاك سترجع للمراجع الدينية و تعرف جيدا ان الشيطان هو الوحيد الذي يفرق بين المرء و زوجه . |
رد : اخت زوجي تسوي دروس في بيتي !!
محروم / أنا والله ما لي حظ
أخاف اسويها و تطيح على راسي و اتطلق للمرة الثالثة و قتها الناس بتقول العيب مني و لاحد راح يقول انه من أخت زوجي و ابويا بعد راح يزعل علي و هو موصيني اصبر .. لكن تعببببت ... جيفارا / ههه ضحكتيني الله يسعدك هذولا ما يكفيهم كلب واحد الا بطلق عليهم اسد مفترس و ارتاح منهم للابد صدقيني الناس اللي مثلها ما عندهم ذوق و لا ضمير على بالها انها دام تسوي محاضرات دينية خلاص معها حق |
رد : اخت زوجي تسوي دروس في بيتي !!
عاشرت من هالناس كثييييييير
اذا رأوا منج تقصير في الدين خلوج انتي والشياطين واحد احسن شي جمعي صديقاتج واضحكي وسولفي معاهم واذا قالت يالله بنسوي الدرس قولي لها ما قالج فلان ان اليوم انا عازمة صديقاتي احرجيها هي تبي تنصحج بس ما اتخذت الأسلوب الصحيح وتبي تقدسين نصايحها او انج تعزمين اخوانج الرياييل مع عيالهم وخواتج اذا يت راح تستحي على ويهها وتطلع اقصد ان لازم يكون في ريال من محارمج بالبيت والله يكون بعونج |
رد : اخت زوجي تسوي دروس في بيتي !!
كم مرة بالأسبوع يصير الدرس ؟؟ وكم ساعة يقعد ؟
|
رد : اخت زوجي تسوي دروس في بيتي !!
ما دمت كذلك فعليك بجرعات زائدة من حبات الصبر ، اضافة الى خليط الضحك و الفرفشة
اولي لما يكون الدرس تشعلي التلفاز او برنامج مهم لنسيان الحكاية ان كثرة التركيز على موضوع محدد غالبا ما تؤدي الى عكس النتائج المرجوة اظهري عدم اهتمامك بالموضوع بتاتا . كما يقول المغربة : اقلي ليها السم . يعني تظاهري بعدم الاكتراث .... اضحكي معاها و سايريها في الموضوع و تحيني خطا قاتلا منها فليس هناك جريمة كاملة ضروري من اخطاء ، و انت العبي لعبة الاذكاء حاولي اصطياد الاخطاء لتوقعي بينها و بين اخيها . ديريها بيناتهم |
رد : اخت زوجي تسوي دروس في بيتي !!
فيه حل وسط
خلي دروسها بقسم اللضيوف ولهم حدود وكلميها انك مو راضية ان ماهب وب يسرح بالبيت وانتي اذا مو حابة مو مجبورة اعتذري منها وخليك وااضحة ومو لازم تصير مشاكل وهوشات بابتسامة الغالية مالي رغبة احضر ووبس الله يسعدك ويوفقك |
رد : اخت زوجي تسوي دروس في بيتي !!
موهبة الكويت / فعلا هذا اللي قاعد يصير منهم كأنك شيطان معهم
الله يهديهم ، ينفرونك من الالتزام استغفر الله .. و فكرتك حلوة و راح اسويها الخميس لانها بتسوي درس يوم الخميس بس ان شاء الله أخواتي يقبلون عزومتي لهم .. صح انه مو كل مرة راح بجون خواتي لكن على الاقل لقيت تصريفه لها هذا الخميس .. و الله يتمم لك حملك مشكووورة بيتا / درسها مرتين بالشهر ، بس احيانا تسوي دورة حفظ للحديث فتكون ثلاث مرات بالشهر و ممكن تزيد حسب الأحاديث المقررة للحفظ و درسها يكون من 5 العصر الى 8 العشاء طبعا مع القهوة و الحلي و مرة يكون من 7 المغرب الى 9 بالليل و هذا اكثر وقت اكرهه لانهم اذا كان هذا موعدهم كل و حده منهم تجيب طبخة و أخت زوجي مجهزة كم طبق و يتعشون و بعدها كل وحده تروح بيتها .. محروم / ما فيه حل الا طريقتك و راح أطبقها مع أني فاشلة في الخطط لكن أحاول ... نبض ألدان / أنا اسوي كذا احيانا مشكوووورين لمروركم |
رد : اخت زوجي تسوي دروس في بيتي !!
فتاة فاشلة اولا ممكن تغيري اسمك لانه يعطي ايحاااء تشاؤم....ثانيا اذا لم يكن لك كلام و رأي في عش زوجيتك فمالداعي من وجودك ؟؟و اضحكك انها تستحق الطرد بشدددددددددددددة ههههههههههه...شوفي كلمي زوجك يفهمهم و فهميه باللين ممكن من خلال تصرفهم يريدون ان تتكلمي و تتضايقي و تحدث المشاكل..اصبري....
|
رد : اخت زوجي تسوي دروس في بيتي !!
انت تطلقتي مرتين؟؟حاااااولي تصبرين لانه لن يستمر الوضع
|
رد : اخت زوجي تسوي دروس في بيتي !!
حبيبتي عليك بقراءة سورة البقره والله سوف تطرد عنك الشيطان وترتاحين من التفكير فيها خليها و اذا نيتها ما هي مخلصه لله والله سوف ترين نتائجها بعينك بس اصبري كل ما تحسين بالقهر قولي في نفسك أكيد ربي بينصرني وربي عند حسن ضن عبده بس اصبري وأكثري الاستغفار الله يعينك ويبعد شرها عنك يا رب ويسخر لك زوجك
|
رد : اخت زوجي تسوي دروس في بيتي !!
اقتباس:
راحتك في الطلاق للمرة الثالثة !!!!! :( تدرين وش مشكلتك اختي انك تصدرين قرارات متسرعه غير مدروسه وهذا هو سبب الوضع اللي انت فيه اصبري اختي وماصبرك الا بالله وماالمانع من تقوية الجانب الديني عندك بحضور الدروس جربي شاركيهم اكسبي اهل زوجك لانه السبيل لكسب زوجك وهذا واضح جداً فكوني ذكية وحافظي على بيتك تحياتي |
رد : اخت زوجي تسوي دروس في بيتي !!
حبيبتي الله يعينك .
هي تبغى لك الخير لكن أحس أسلوبها فيه شيء غلط .. أنصحك ماتتسرعين وحاولي ماتكون حياتك عناد ومشاكل , أحس كلامك فيه عصبية و كره لها . هي صح غلطانة وأنت أيضا غلطانة . انصحك تفتحين لك موضوع مع رجل الرجال ,, والله رهيب تبااارك الله |
رد : اخت زوجي تسوي دروس في بيتي !!
تخيلي لو كانت بتسوي حفلة ببيتك كنتي تضايقتي هي غلطانه ومو من حقها تسوي محاضرات دينيةبس ما دام هالشي صايرغصب عنك احتسبي الأجر وشاركيهم واستفيدي خاصة انه في ذكر الله
أو جيبي لها فتوى من شيخ انها تسوي محاضرات ببيتك وأنت غير راضية ربي يفتح عليك وعلينا* |
رد : اخت زوجي تسوي دروس في بيتي !!
أكيد انه البيت بيتك انتِ وزوجك ويحق لك يكون لك رأي بالموضوع .. طيب هي ليه ما تسوي الدروس ببيتها ؟؟ شنو مبرر زوجك بإعطاؤه لها الاذن ؟
أشعر عزيزتي [انك صغيرة بالعمر ربي يحفظك فاسمحي لي بهمسه :) ترى بيت الزوجية بيت مشترك بينك وبين زوجك وما هو عشك لوحدك أو بيتك لوحدك ؟ ومن حق زوجك يكون له رأي ب3 ساعات بالأسبوع .. مو معقول يكون دفع وتزوج وتكلف وبالاخر ما يكون له بيت .. الحياة مشاركة واالانسان غير الاناني يأدي واجباته قبل ما يطالب بحقوقه . أشوف المسألة ما تستاهل ينذكر كلمىة طلاق فيها ... الله يوفقك ويهدي الجميع للخير |
رد : اخت زوجي تسوي دروس في بيتي !!
يعني هي تجي كل يوم
مااتوقع ونصيحتي خلك كريمه وكريمه اكثر من زوجك وحسني علاقتك مع اخت زوجك وما فيها شيء حبيبتي هم يباتو عندك اكيد لا يعني سويعاااااااااااااااااااااات تحمليها ياقلبي واشري راحه بالك واحتسبي الاجر الدنيا فانيه وماينفعنا الا عملنا وخليك معهم واستفيدي وما تجلسي وانتي غير راضيه استغفري الله واستعيذي من الشيطان ولا تكابري ولا تاخذي الموضوع بحساسيه يعني هي اخت زوجك ماهي غريبه والله هذا رايي وتقبلي مروري وودي:24: الله يوفقك |
رد : اخت زوجي تسوي دروس في بيتي !!
طيب مادام البيت كبير
خلي زوجك يعزل لهم قسم خاص فيهم للدروس يعني يخلي لهم غرفه كبيره شوي مع دورة مياه اعز القاري ويكون لها مدخل خارجي واذا مايقدر استحملي وحاولي تكونين معاهم كويسه حتى ربي يكتب لك الاجر وماله داعي اذا جو ماتستقبلينهم لدرجة ان زوجة اخوك تترجاك ترى لو خربتي بيتك احتمال زوجك ياخذ وحده منهم بدالك ( مجرد احتمال حتى يحرك فيك شعور الغيره وتكونين احسن منهم دينيا) |
رد : اخت زوجي تسوي دروس في بيتي !!
كنوز البحر / اماني مفقودة ..
صابره ومالي الا اصبر وهي عارفة اني مو راضية لكن حسبي الله عليها |
رد : اخت زوجي تسوي دروس في بيتي !!
اقتباس:
و كيف اقوي الجاني الديني عندي واتنا طول ماني جالسة وانا مقهوووورة و اعتقد حرام انافق عشان اكسبهم خاصة بالدين .. |
رد : اخت زوجي تسوي دروس في بيتي !!
اقتباس:
وان كنت اكرها فمن تصرفاتها الموذية حرام اللي تسويه ... |
رد : اخت زوجي تسوي دروس في بيتي !!
اقتباس:
لكن زعلانة انو بيتي ومو مرتاحه فيه و جالسة تتصرف وكانه بيتها لو كنت انا اللي اسوي كذا ببيتهم ، اسوي حفلات و ازعم صحباتي و نجلس الى العشا و نتعشي و مسابقات و اطفال .. هل راح يسمحون لي ؟؟؟ طبعا مستحيل .. |
| الساعة الآن 07:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©