|
كلام زوجي الغريب..
السلام عليكم ورحمه الله وبركاته
انا سبق واني كتبت مشكلتي مع زوجي من تقريبا اسبوع الي قرا قصتي وتا بعها اكيد بيعرفني . لي اضافه على شي مسكته على زوجي بس استحيت اكتبه لكم وودي اقوله الان لااني الى الان مالقيت اجابه للكلمه الي قلها لي من سنه تقريبا كان وقت شتاء وكان الجو حلو وكنا نتجهز الظهر بنطلع للبر نشوي صار بينا سؤ تفاهم خفيف وجا يراضيني وانا كنت بالغرفه وهو يراضيني وانا عادي اتكلم معه قالي وش رئيك ننام يقصد انو بيجامعني وانا كنت لي فتره اقرا عن تغير النمط والملل في الجماع يعني مره قريت انو وحده سوت تغيير مع زوجها لكسر الروتين والممل بذيك الامور وقالت له وش رئيك تتخيل اني بنت الجيران وانتي تجمعني وا اني خويتك هيك شي عشان نكسر الروتين اضنكم فهمتو علي . المهم قالي ابيك وش رئيك انسوي مثل ما قلتيلي واتخيل انك اختي انا انصدمت انصعقت :eek: من كلمته لااني عارفه زوجي انسان يخاف الله ومواضب على صلاته وجدي لاابعد الحدود ويحسب الكلمه قبل لا يطلعها وما توقعت هالكلمه منه صدق انو بداية الفكره مني بس انا قلت صديقتك شي ثاني مو اختـــــــك!! يوم شافني سكتت وانبهرت بكلمته قام يضحك من غير وعي ويقولي صدقتي امزح عليك وطول ما احنا بالبر وانا ساكته وهو يحاول يراضيني ويقول مو قصدي . مع العلم انو علاقته مع اخواته جدا رسميه امهم شديده عليهم عند اخوانهم حتى لبسهم باليت محتشم حتى مره اذكر كنا با ايام الملكه قالي يدينك تذكرني بيدين وحده عندنا بالبيت يقولها وهو عاجبه الشي ذا يقصد اخته مع العم انهم الان ما يشوفون بعض كثير بعد ماتزوجو خواته يروح بس يسلم على امه وبوه بس . ارجوكم ابي تفسرون لي كلمته ذي لاانها جد شاغله تفكيري وش يقصد فيها مدري حسيته لحظتها انسان مو سوي . |
رد : كلام زوجي الغريب..
..............................
|
رد : كلام زوجي الغريب..
اقتباس:
استغفر الله بصراحة جملة مثل هذي لا ينفع ان تقال حتى و لو مزح حبيبتي :( انا رجعت و قريت موضوعك السابق المشاكل الى ذكرتيها بالموضوع السابق ازمة حقيقية لكن هذيك المشاكل كوم و الى ذكرتيه هنا كوم انصحك تسالي مختص نفسي يفسرلك حالة زوجك |
رد : كلام زوجي الغريب..
53 مشاهده ولا رد ليش هيك
|
رد : كلام زوجي الغريب..
الله يهديه زوجك كلامة غريب بصراحه ماعرف شقولك بس عالم الجنس وسيع وخصوصا فالانترنيت في مواقع اباحية بشكل كبير تعرض الجنس بطرق غريبة وماتبين ابد انها حرام او انها محضورة يمكن من خلالها توصله هالافكار ادعيله وادا ممكن تتواصلين من استشاري يكون افضل حاولي تجديدن في حياتكم ويمكن تبعد عنه هالافكار ربي يحفظكم
|
رد : كلام زوجي الغريب..
يعني انتو تحسون انو هو مو طبيعي وكلمته ذي المفروض ما تنقال ..او انه ما فهم كلامي زين وقصدي مدري والله ,,
افيدوني ارجوكم وش اسوي |
رد : كلام زوجي الغريب..
هل أفهم من موضوعك أنك أنت من بدأتي وأخبرتي زوجك ما رأيك أن تتخيلني صديقتك أو بنت الجيران كنوع من تغيير الروتين؟
أنت من بدأت بهذه الفكرة الغريبة وهو أكملها بشيء أكثر غرابة وقذارة فتحت عنفسك باب لن يغلق الآن سوف تبقين موسوسة وهو سيبقى في باله هذا التفكير والله أعلم ما نيته لا أستطيع مساعدتك أعانك الله نصيحة لكل فتاة:ليس كل ما تقرئين بالنت صحيح فمن تكتب هذه الأفكار إمرأة مثلك مثلها وليست طبيبة أو أخصائية حتى نسمع ما يقولون |
رد : كلام زوجي الغريب..
أختي الكريمة, الفكرة اللي طرحتيها جدا خاطئ و الله أعلم بمدى توابعها
و هو أخطأ بالتكملة لا تفكري الآن في كلمته , لأنك لن تجني سوى التعب و لا أنصحك بسؤاله عن قصده لكي لا تفتحي مجال لسوء الظن و الأفكار فقط لو طلب منك أو لمح , لا تجاريه و عوضيه بأفكار رومنسية مختلفة بدون هالخيالات |
رد : كلام زوجي الغريب..
الفكره هذي متداوله بين النساء في المنتديات يعني ما جبتها من راسي واذكر وحده من قريباتي بدايت زواجي كانت تسويها مع زوجها قلت اجرب وكسر الروتين ما كنت ادري بصدمه الي بتجيني بعدهاااا
|
رد : كلام زوجي الغريب..
حبيبتي قريت الفكره في كم منتدى
بس ما عجبتني والله احس انها فيها شي يعني ممكن تتيحي بهذي الطريقه لزوجك انه يفكر في غيرك ياقلبي انصحك بمفضلة المتزوجن فيها اشياء حللللللللللللللللللللللللللللللللللللللوه ولا تفكري في كلامه هو بس يمزح معك ان شاء الله وهو قالك بعد كذا انه يمزح يعني لو في نيته شي غلط كان سكت وتهرب بس ياقلبي والله ماتوسوسي نصيحه هذا مدخل للشيطان وانصحك كل ما جتك الوساوس قولي (اللهم اني اعوذ بك من شر نفسي ومن شر الشيطان وشركه او ان اقترف على نفسي سوءا او اجره الى مسلم) كرريها بعد ماتوسوسي والله العظيم تجلي الهم والوساوس موفقه |
رد : كلام زوجي الغريب..
لا عزيزتي
مو كل فكرة نقرأها , يعني صح بالعكس هالفكرة لها أبعاد نفسية , و لو طرحت بمنتدى نسائي , أجد الكثيرات ينتقدنها و هي كلها سلبية لا أيجابية فيها أنا اتطلع على منتديات نسائية متنوعة , لم أجد التأييد عليها المهم هذه الفكرة تجعل تفكير زوجك لا أراديا يفكر بالحرام , و يتمادى بالخيال (أقصد التفكير الحرام) , شوفي فكرة أخته كيف استفزتك لكنها سلسلة لتخيل أمرأة أخرى (غيرك) و لا حد للخيال , قد يتمادى للتفكير بمخيلته على محارمه و محارمك و كل امرأة تعرفان اسمها حتى بعض الأفكار الخاطئة المنتشرة ,مثلا , لبس العباة و تخيلها أمرأة غريبة , حينها سيتخيل مع كل امرأة بالعباءة ووو و كلها أفكار تجعلك بعيد عن الصورة أنت أثبتي نفسك في خياله و نوعي ,, كما قلت لك أختي لا تناقشيه أبدااا في الكلمة , تجاهلي طلبه تماما لو طلب و عوضيه بأمر آخر \ و حاولي تنسي و لا تضعي احتمالات,,لأنك لن تستفيدي شيئا سوى التعب )": |
رد : كلام زوجي الغريب..
مشكورره مرره اوناااا الله يجزاك خير ريحتيني بكلامك والله اني كل ليله سهرانه الحالي بس افكرر لين تضيق فيني الدنيا وابكي لين تجف دموعي ودي اكلم احد ثقه وافضفض له بس الله المستعان الله يصلح لي اموري كلها امين .
|
رد : كلام زوجي الغريب..
الحين له كم شهر ما يحاكيني ويوم ذكرته بهالكلمه ولا كانه يسمع لي حطيت عليه كم كلمه انو انسان مو سوي ويحمد ربه اني راضيه فيه وجالسه معاه الى الان واني كرهته وهو صااااامت وبعدها مشيت للغرفه وهو راح ينام .
تتوقعون كلامي اثر فيه . لا تقولون لي اكسبيه هذا ما ينفع معه الا كذا اذا كلمته ما يرد علي كني جدار حسبي الله عليه جعل الله وخلقه يحقرونه بدنيا والاخره الله يسلط عليه منهو اقوا مني عليه.. |
رد : كلام زوجي الغريب..
والله هذه مشكلة النت مشكلة
منتديات يكتب فيها كل مين هب ودب بدون تفكير والمشكلة في بناتنا يصدقون أي شيء وتصير حياتنا الزوجية حقل تجارب اقصد حقل مشاكل اتقين الله بما تقرأن فهذه الفكرة قد تدخل في باب الحرام والله أعلم |
رد : كلام زوجي الغريب..
اقتباس:
هل تريدين مشاكل فقط؟ انتي عندك الكثير من الاخطاء فاكيد ما صدقتي لقيتي عليه شيء حتى تجنني الرجال بهالكلمة ويلومونا الحريم ليش نطلع برا البيت وتدعين عليه اتقي الله اتقي الله اتقي الله |
رد : كلام زوجي الغريب..
هو دمر ني نفسيا عشان اسباب تافهه تحصل بكل بيت
وانا بذكره باهل كلمه لااني عجزت احللها وعشان انكد عليه مثل ما نكد علي |
رد : كلام زوجي الغريب..
عزيزتي سارة
غلط اللي سويتيه , ليش تذكريه بهالزلة أختي لا زم الوحدة منا تطور نفسها باستمرار , كل سنة تختلف و (تنضج) في حياتها الزوجية لا أعرف ما هي سلبيات زوجك لأن موضوعك السابق لم أقرأه كاملا لكن بما أن له طبع التنطنيش وقت العتاب و أعتقد هذا كثير من الرجال ,لا يحب المعاتبة كأنه طفل ,,لا يجدي معه , فلا داعي لحرق الأعصاب ,, و ليس بصحيح أن تتدللي عليه وقت يغلط عليك و هذا لا نسميه احتواء فقط أظهري احترام , (أذا كان مخطئ) تعاملي بهدوء ,,و لاااااا تستجدي منه الأعتذار , زوجك لن يعتذر بالأستجداء أو بالأستفزاز كما فعلت بتذكيره للكلمة بالنسبة للموقف ,حاولي تتداركيه , ((بالكف)) عن العتاب لأنك بنيتي استنتاجات بأنه غير سوي , ووالخ و قد تكون الكلمة مزحة أو زلة أنت من جره إليها فتجاهلي هذا الموقف,, |
رد : كلام زوجي الغريب..
سارة بجد انت راضية نفسك وتصرفاتك
وهالرجال تحفرين وراه المشاكل حفر مرة بيت ومرة زلة وهلم جرا اولا انتي اللي سمحتي له يفكر هالتفكير انت طلبتي منه يتخيل انك بنت الجيران واللي حرمتها من حرمة اخته وجالسة تفهمينه بطريقة غير مباشرة انك راح تستمتع معهم اكثر مني الشيء الثاني انت ليه فتحت الموضوع مرة ثانية وهو نسي السالفة واعتذر ممكن نعيب عليه خيالة بل نستقبحه اشد القبح بس هو مااستمرأ وقريت مرة لمفكر اسلامي كبير ان غالب البشر يحمل تفكير غير سوي ولو كان بسيط لكن يهذبه الدين والاستغراق بالحلال يعني بدال ماتعيننه على ان ينسى الموضوع ويمحاه من الذاكرة رجعتي تكررينه سارة من موضوعك الاول كنت بقولك انتي شخصية نكدية ولازم تصحين قبل لاتنجرحين مافيه زوج كامل ولا انتي كاملة واذا ضاعت ايام عمرك بالمشاكل والنكد واجترار الهفوات فوسعي لولد الحلال وكل واحد يشوف طريقه والا غيري من نظرتك لزوجك ركزي على ايجابياته ومحاسنه وبدال ماتسمحين للشيطان يكبر زلته براسك كل ليلة لحد ماتجف عيونك احمدي الله على النعم اللي تتقلبين فيها ادري ردي قاسي ويمكن تردين علي بتهجم لكن انا يهمني تتهنين باقي حياتك وتصحين من هالهم اللي مغرقة نفسك فيه |
رد : كلام زوجي الغريب..
اقتباس:
هو انسان يقهر حاولت احترمه واراضيه بشتا الطرق جدار ما يتكلم يخلي الي ما ينقهر ينفجر من الحره شكلك ماركزت بقرائه موضوعي الاول لا كن ما يحس بالجرج والقهر الا صاحبه .. هو عايش حياته طلعات ودخلات ولا هميته وانا لي العذر لو انفجر جربت كل الطرق ما فادت وشلون ما تبيني اذكره اقعد انا الحالي بحسرتي اكل بعمري .. وهو عايش جووه حتى يوم حس اني بخرج من القوقعه الي حطني فيها صار يتسمع على مكالماتي وبدا يعيد تفكيره فيني.. |
رد : كلام زوجي الغريب..
استفزتني مشاكلج عشان جذي جيت ارد عليج
ابكيج عشان مصلحتج ولا إن اجاملج واضحكج واضحك الناس عليج شوفي حبيبتي ، خلنا نبتدي بسم الله :- - الناس 3 أصناف :- 1- شخص قرر أن يكون سعيد 2- شخص قرر يكون تعيس 3- لم يتخذ القرار ( بس في الحقيقة هو قرر أن يكون تعيس ) الحياة الزوجية مشروع جداً كبير ، هل ينفع إن تدخلين مشروع تجاري بدون أن يكون وضع ميزانية ودراسات عديدة لعدة نتائج ووضع عدة إفتراضات ومشاكل وحلول ؟ من اليوم قرري إن تكونين سعيدة .. حطي عنوان عريض في بالج ( قررت أن أكون سعيـــــدة ) نجي للتطبيق - شلون أكون سعيدة ؟ أولاً: صححي وطوري علاقتج بـ الله / الصدقة تدفع 70 نوع من البلاء ، الاستغفار ، الصلاة على محمد وآله وصحبه المنتجبين ، صلاة الليل ، الصلوات في أوقاتها ثانياً: صلحي علاقتج بنفسج / انتي ما تحبين نفسج ، بدليل معيشه نفسج في ضغط نفسي عميق! التعامل مع الأمور بتوتر يسبب ضغط نفسي ، انشغلي بنفسج ، طوري قدراتج ، اضطلعي على فيديوات في الـ youtube عن الحياة الزوجية والضغط النفسي ، فيه فيديوات وايد لـ الدكتور طارق الحبيب والاستاذ صلاح الخواجة ، فيه فيديوات تعلم المكياج والرسم ووو إلخ ، انشغلي بنفسج! كوني صداقات ، اطلعي للجيران ، استعيدي صداقات الجامعة والمدرسة ثالثاً: صلحي علاقتج في زوجج ، حقيقةً ومن غير مجاملة زوجج كسر خاطري! بسبب الكم من المشاكل والضغوط النفسية اللي عيشتيها اياه واهوه ماله دخل فيها!!! - انتي تنتقمين لوحدتج من زوجج ، خواتج ليش قطيعة 3 سنوات ! وشاللي يسوى عشان اقاطع خواتي 3 سنوات! ، الخلاف بيني وبين اختي المفروض مايستمر 3 ساعات! مو 3 سنوات!.. أي رجال مكان زوجج بيشيل عمره من الحياة ، ولو كنت مكان زوجج صدقيني ما استمر في مثل هالجحيم! بدل ما تبحثين في هالأفكار الهدامة ( اتخيلني عشيقتك واتخيلني مادري منو ) ابحثي عن مواضيع تطوير الحياة الزوجية فهم نفسية الزوج تجاوز الخلافات.. حبيبتي ... 1- حاولي تدخلينه جو الوناسة ، من غير تشكي ، وفتح مواضيع قديمة ، ومن غير ذكر خلافاتج مع خواتج ومن غير ما كل شوي تذكرينه انه عايش في بيتج وتحت رحمتج وانج متفضله عليه 2- لا تدققين وراه 3- لا تفتحين مواضيع قديمة انتهت 4- احتفظي بأسرارج لنفسج ، لا تخبرينه بكل شيء ، خبريه أشياء بالقدر المعقول 5- لا تروحين تبكين له كل شوي متضايقة ووحيدة ومادري شنو 6- مو كل شوي تقولين له أحبك واحضني ! ترى هذا واحد من اساليب الضغط عليه! 7- لا تنتقدينه بهالطريقة اللاذعه! إذا صلحتي علاقتج بربج ، وعلاقتج بنفسج ، بتنصلح علاقاتج مع الناس |
رد : كلام زوجي الغريب..
حبيبتي من خلال ردج على أختي نبض الدان لاحظت شيء!
انتي ماتبين تتغيرين ! لا تقولين أبي اتغير لا جذي ما تبين تتغيرين وما راح تتغيرين خليني اكون قاسية وياج ، لأني ابي مصلحتج نرجع لموضوعنا ، إي مثل ماقلت لج انتي ماتبين تتغيرين ! اللي يبي يتغير ويسعد نفسه وزوجه واهله مو جذي ! أولاً اعترفي بأغلاطج! اعترفي انج فعلاً غلطتي .. لا تكابرين.. الغلط منج انتي حبيبتي الاعتراف بداية لتقويم الاعوجاج ثانياً اذا انتي غيرتي من نفسج زوجج تلقائياً وشوي شوي راح يتغير أما اذا ظليتي بأسلوب النكد هو راح يظل جذي انقذي حياتج الزوجية :) فكري في عيالج! |
رد : كلام زوجي الغريب..
Lawyer Zainab مشكور على هالكلام الجميل جد رفعت من معنوياتي بس الكلام سهل .
وش الي خلاني اقوله كذا وانهار . اول كان املي بنتفيس عن وحدتي هو اني اطلع لسوق. الحين حتى السوق ما يبيني اروح له بحجة انو سمحو لشباب بدخول لسوق قبل كم يوم وداني بعدرفض كذا مره وسكتت وبلعتها ودق علي وانا كنت باخذ لي كوفي قالي وينك قلت بالكوفي كلمني بصوت مرتفع وصراخ قال قاعده بين هالدشير الشباب قلت نعم خيرررررر يعني الان خلاص مالي الا البيت هذا قصده هوو شكله محرررش بامتياز مع مرتبه الشرف الله ياخذ لي حقي منه .. بعدين انت شكلك قاري قصتي الي قبل بس ارجوكم لا تحذفون الي تبون وتحللون من مزاجكم بخصوص اخواتي هم الي ما يبون احد مو بس انا حتى الناس قاطعوهم ... وانا بالعكس جدا مستانسه لكلامك الله يجزاك خير على هالمجهود الي بذلتيه عشاني .. |
رد : كلام زوجي الغريب..
استغفر الله
اصلا الفكرة قمة الغباء والسذاجة وين الغيرة وشلون يجامعك وتفكيرة ببنت الجيران ولا صديقته على قولتك وانتي تفكيرك وين بواحد من عيال الحاره ولا اصدقاءك لاحول ولاقوة الا بالله ماشوف غلطان الا انتي فتحتي على نفسك باب والله يعينك فيه اشياء بالعلاقه المفروض الوحده ماتستهتر بها ابدا ولاتغير مفهومها نهائيا |
رد : كلام زوجي الغريب..
كلنا ندري إن التطبيق صعب ويحتاج نفس طويل! بس انتي قدها!
انتي يعني شينقصج ؟ عقل ؟ أو عقلج غير قادر على التفكير ؟ ينقصج شيء من أعضاء جسمج ؟ تنقصج عين ولا رجل ولا شنو بالضبط! تقدرين! عطي نفسج القوة القوة تجي من الداخل ثقي ان انتي تقدرين.. اللي اقدروا بشنو أحسن منج ؟؟ شنو عندهم انتي ماعندج ؟ نفس الأدوات عندهم! " عقل يفكر " و " أعضاء وجوارح تطبق "! فيه شيء يجي بالساهل ؟!!!!! ماحذفنا شيء ، انتي يمكن كتبتي الموضوع ماتبين حلول تبين من يواسيج ويطبطب عليج! آنه أقدر أواسيج .. الامر مايحتاج حنكة وذكاء زيادة كم كلمة على بعضهم " انتي مظلومة ، وريه نجوم القايلة ، زين تسوين طردتيه ، هذا مايستاهل العشره ، انتي تستاهلين أحسن منه " هذا اللي تبينه ؟ هالكلام ماراح يفيدج يعني انتي ألحين أكبر همج إن تستانسين بالسوق ؟ خلاص يبا بالهداوة وشوي شوي بتاخذين اللي تبينه :) كوني لج صداقات حبيبتي ، السوق مو 24 ساعة بس الصديقات الحقيقين راح تلاقينهم قريب منج دائما |
رد : كلام زوجي الغريب..
معليش حبيبتي الغباء لما ادخل موضوع وما افهم محتواه زين ..
انا قصدي انو يتخيلني اناا نفسي بنت لجيران او صديقه مو يتخيل شخص ثاني او شبه ثاني .. |
رد : كلام زوجي الغريب..
بعدين انا ما ستوعبت الفكره الا بعد كلمته وبعد ما قلبتها براسي حسيتها جد الي اخترعها او اخترعتها فيها نوع من الانحراف الا خلاقي..الاعتراف بذنب فضيله ..
|
رد : كلام زوجي الغريب..
:) آنه اتمنى لج الخير ما ابيج تكونين تعيسة ، ترى الانسان والشخص المضغوط نفسياً
تدرين شيصير فيه ؟ النفس تتعب من كثر حمل الضغوط والهموم فـ تستأذن " الجسم " تقوله آنه تعبت من هذا الحمل ، انت تحمل جزء مني فـ انتي تمرضين! تبدين تشكين من آلالام في المعدة وو إلخ ابتسمي ، حطي في بالج إن القادم شيء جميل ، وإن انتي تقدرين تتخطين كل شيء شذنبهم عيالج يعيشون هالهم وهم صغار ؟ آنه لما كنت صغيرة اذكر مرررررتين بالعدد شفت أمي وأبوي يتهاوشون وكنت صغيرة شرايج إن لحد الآن اتذكر ؟ واتذكر وقتها شلون نفسيتي! مع ان مرتين بس ! مابالج عيالج انحرموا من ابوهم شهر ، وغير خلافاتكم وو إلخ انتي الكبيرة ماتتحملين شلون هم أطفال ثانياً انتي حامل ، والجنين يتأثر من نفسية الأم ثالثاً انتي تبين تكونين مطلقة ؟ بعيد الشر عنج ، بس إذا واصلتوا جذي نهاية هالطريق طلاق! وانتو مجتمعكم ما يرحم المطلقة ترى! حطي ببالج هالشيء عشان جذي حبيبتي انتي .. فكري بالنتائج المترتبة على كل هالمشاكل! وابتدي حليها عشان لا تكبر وتتفاقم |
رد : كلام زوجي الغريب..
اقتباس:
انا مو اكبر همي السووق انا اقول حتى الوسيله الوحيده لتنفيه عن نفسيتي بيحرمني منها بس |
رد : كلام زوجي الغريب..
Lawyer Zainab
رئيك اني اسكت وخلاص انا ما ابي عيالي يتحطمون وهالكلمه الي قالها الى الان براسي وهل توقعين بعد الكلام الي قلته له راح يزيد او بيستحي من حاله وانا ترا ما ينقصني شي انا حلوه مره ولهلوبه ومرحه وشكلي ما يعطي على عمري وكل من شافني ينهبل على .. بس الي ينقصني اني انفعل بسرعه ما اتحمل الغلط ابدا بس اعجبتني كلمتك .:22: ((من الان قررت ان اكون سعيده)):) جاري التطبيق الله يقدرني ولا راح افكر فيه . |
رد : كلام زوجي الغريب..
اقتباس:
انا قلت ان الفكره غبيه وماتودي الا للشذوذ والعياذ بالله |
رد : كلام زوجي الغريب..
اقتباس:
الله يسامحك :d |
رد : كلام زوجي الغريب..
انت فتحتي الباب و بديتي بالفكرة ..
و مثل ما اقتنعتي بافكار المنتديات ( الغير سوية ) و بعدين اكتشفتي انه كلامهم غلط و مو قصدك تحليل الحرمات ووو الخ فزوجك نفس الشي، يمكن قري بالمنتديات او سمع الفكرة اللي قالها و حب يجربها معاك و مو قصده شي تاني عزيزتي اسلوبك مع زوجك ( غلط x غلط ) اعذريني |
رد : كلام زوجي الغريب..
حسبي الله عليه ونعم الوكيل هو نايم ومرتاح بسابع نومه
وانا قاعده احلل بشخصيته يااااعل ماله شخصيه قولو امين |
رد : كلام زوجي الغريب..
:D :) حبيبتي آنه بنت واسمي : المحاميه زينب Lawyer Zainab
المهم ماعلينا ، آنه مركزة معاج وقلتلج في النهاية السوق مو 24 ساعة مفتوح كـ وسيلة للترفيه بس الصديقات بيسلونج ويكونون موجودين أي وقت تبينهم اقصد الصديقات الحقيقيات طبعاً المهم ،، من رأيي تسكتين ، وما تفتحين الموضوع بتاتاً ولا تلمحين له وفيه حديث ما معناه " تحملين أخوك المؤمن على 70 محمل " بمعنى تحطين له 70 عذر.. خلاص انتي انسي الموضوع ، ولا تقعدين تذكرينه بالامر إذا رديتي فتحتي معاه الموضوع ترى الفكرة بتعلق في راسسسسسه! ف احذري |
رد : كلام زوجي الغريب..
اقتباس:
بس هو جااب العيد يوم قال اتخيل انك اختي وصلت الفكرره يعني فيه رجال يخونون بس اذا جا طاري محارمه لاعت كبده انا اقصد الشذوذهنا |
رد : كلام زوجي الغريب..
:) انتي اللي شاقيه نفسج واهو امكبر المخده ونايم ..
انتي امعذبه نفسج بنفسج وآنه مع كلام اختي روح الطير اسلوبج معاه غلط |
رد : كلام زوجي الغريب..
اقتباس:
انتي قصدك افاتحه بنفس الموضوع هذا وليش قلتي بترسخ الفكره براسه يعني راح تعجبه |
رد : كلام زوجي الغريب..
راح تتزين الفكرة براسه وتتعمق وتتطور
معروف في اللغة العربية : ( التكرار يفيد التوكيد ) لا تفاتحينه بتاتاً اعتبريها صفحة وانطوت وخلاص حطي ( . ) نقطة آخر السطر وابدي سطر جديد |
رد : كلام زوجي الغريب..
والله لو التكرار يفيد التوكيد كان من زمااااان فهم علي وحس فيني وسارت حياتنا افضل
ياما كررت له اشياء كنت ابيها فيه ولا حياة لمن تنادي العنيد عنيد جت على هالفكره بترسخ براسه.. |
رد : كلام زوجي الغريب..
^_^ :) اللي علي سويته ونصحتج لوجه الله وانتي حره تبين تنفذين وتصححين حياتج نفذي ما تبين بعد كيفج
والله يووووفقج ويسعدج المهم اذن الفجر ،، بروح أصلي استودعكم الله الذي لا تضيع ودائعه تصبحون على خير |
| الساعة الآن 02:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©