|
شوركم ابي اتطلق من زوجي ..
السلام عليكم
اولا الطلاق قسمه ونصيب .. زوجي ولد خالتي وتعبني من اول زواج حقير معنى الكلمه يعني اللي يعرف معني الحقاره هذا وصفه مع العلم مايمد يده وطيب احيان لكن لايحترمني ولايقدرني وتهديد من او لزواج وليت كذا وبس اهله يهينوني اهانه الله عليم بها وبالعه موس وساكته وامه اللي هي خالتي احقر ماخلق ربي .. بغيتهم عون صارولي فرعون تخيلوا وش سوا فيني مايبيني احمل وماكلني حبوب منع حمل ويخش حمل حريم اخوانه عني واخر من يعلم انا وليش اكل حبوب عشان تونا تركت الحبوب وحملت لان طلقني ويوم بغيت ارجع ترجاني على اني ارجع وفكرت فيها قلت مطلقه وبنت محد يبغاني على الاقل اكسب منها عيال وهو مايدري تركت الحبوب وحملت وانقهر ويوم جا مولوده حبه كثير وتعلق فيني ماصار يبي يطلق لكن بعدها بشهر قال اني مجنونه عشان ماستقبلت اهله بسبب اذاهم لي وعدم احترامهم وقال خلينا نروح مستشفى قلت ليش توني والده صارلي شهرين قال حاب اطمن عليك بس كشف يوم وداني تخيلوا وين وداني طبيب نفسي وحطوني قسم النفسيين وقال عني اني مجنونه صعقت يسالني الدكتور ماقلت ولاكلمه وخلاهم يمسكوني ودخلوني وجلست شهر لين بست رجله يطلعني عشان ولدي وتوه يرضع وطلعني ويضحك علي وكل عرف اني دخلت المستشفى تخيلوا ناس حريم اخوانه وجماعتنا يعني فرح العدوا وزعل الصديق المهم فكرت بولدي قلت ماعنده اخوان لامت او سوالي شئ هو واخواني لانهم واقفين معه وايدوه يتبهذل حملت عشان يجي اخو لولدي وولدت الحمدلله ارتحت وخلاص فكرت اطلب الطلاق مهما يصير لي اذى عند اخواني ادري بتلوموني ولكن معاد ابي الدنيا ولابي اتزوج ثاني هو مايحترمني ويهددني بالطلاق الضعف والاهانه والجنون ودايم يعايرني باول كنت اخاف يطلق بسبب كلام ناس الحين اتمناه منه انصدم مني يوم انتظر هالكلمه والا الان على هالحال انتظر الطلاق بس قريب بيتم اتمنى دعواتكم لي لاني بكرب وابتلاء لايعلمه الا الله ونصيحتكم لاحول ولاقوه الا بالله وافوض امري الى الله |
رد : شوركم ابي اتطلق من زوجي ..
لا حول ولا قوة الا بالله
قبل أي تعليق على زوجك وقبل إجابتي على سؤالك اذا كان تطلقي ولا لا .. انتي متأكده انك لو اتطلقتي راح يتركلك عيالك ؟؟ ماراح ياخذهم منك ويحرق قلبك عليهم ؟! الله يهديك أكبر غلط حملك ايش ذنبهم العيال يتشتتو ويضيعو بين ام منفصله واب لا يعرف الرحمه !! أهلك كيف وضعهم وين كانو لما وداكي مستشفى الامراض النفسيه معقوله محد اتكلم ؟! يعرفو باللي يسويه زوجك ولا لا وايش رأيهم ؟! واهله يأذوكِ من أي ناحيه ؟! طيب ليه ماخليتي علاقتك فيهم رسميه ليه ماوضحتيله الاساءه اللي صدرت من اهله ؟! عزيزتي في أمور ماوضحتيها في موضوعك جاوبي علي وان شاء الله نلاقي حل بإذن الله غير الطلاق ,, ربي يهون عليكِ ويفتحلك أبواب السعاده ويصلح حالك ـ |
رد : شوركم ابي اتطلق من زوجي ..
فرج الله همك ،،، والهمك رشدك واعاذك من شر نفسك ،،،
|
رد : شوركم ابي اتطلق من زوجي ..
حبييتي اسمحيلي عالجتي الغلط بغلط اكبر منه وهو انك انجبتي من انسان بالدناءه والوضاعه ليه دام انك ناويه على الطلاق كان ماصار هالشي الحين ممكن بيمسكي من ايدك اللي تعورك لو اطلقتي بياخذ العيال وبتتعبي نفسيا بس خلاص دام انك عزمتي الانفصال الحل لانه اخر حل بالنسبالك اطلقي لاتحملي بثالث بعد اشك انه انسان من جد عيش كثير تشوف كثير00الله يعينك ويصبرك بس
|
رد : شوركم ابي اتطلق من زوجي ..
اقتباس:
اختي بارك الله فيك انا يتيمه واخواني معه لانهم اصلا ك لواحد يكرهه ثاني وواحد منهم وراني الويل عشان هاوشت مرته ووراني نجوم الظهر وعلمته عن اهله زوجي ومعاملتهم ومعامله اهلي ويوم رفضت اشوف اهله بنفاسي كلم اخواني وعطاه احدهم شور يوديني لامراض نفسيه على ماعتقد لانه من كلمهم سوا هالحركه وصحيح يوم قال بطلقك قلت عادي ورحت اتجهز قال عيالي ماراح تاخذيهم قلت لا مو على كيفك عيالي باخذهم وطلق قام يضحك وقال روحي لاهلك عشان تعرفين ذل صحيح طحت بين ذل الاهل وذل زوج الله يفرجها ويعين اعرف ان الدنيا بلاوي وصابره وادري انه ابتلاء من ربي لاني صابره وخايفه ربي والمؤمن يبتلى انا ماقولك منزهه انا عندي عيوب انقهر واعصب بس مولدرجه اني اتجاوز حدودي على غيري وعندي كرامه ومستحيل احد يتجاوز حدوده معي اتمنى صبري يكون له نتيجه وربي يجازيني ويعيني |
رد : شوركم ابي اتطلق من زوجي ..
اقتباس:
فخوفي من هالناحيه خلاني ابلع نار بحلقي واصبر |
رد : شوركم ابي اتطلق من زوجي ..
الله يصبرك يا اختي ويعينك ويساعدك
الان أتضحت الصوره ,, عزيزتي والله واضح من كلامك حجم الألم والعذاب اللي أنتي عايشه فيه لكن ماحدك على المر غير اللي أمر منه ,, رأيي المتواضع خليكِ عند زوجك وحاولي تغيريه أكيد عندهـ نقطه ضعف تقدري تاخذيها لصالحك انتي في بداية موضوعك قلتي ( مايمد يده علي وطيب أحيانا ) الحمدلله مايمد يده هذي نعمه كبيره وطيب أحيانا معناته تقدري تتناقشي معاه وتتفاهمي مع انه سفيه بس مالك حل أخر ,, خليكِ قويه قدامه لا تبيني له انه ماعندك أحد وانك خايفه من اخوانك خليكِ واثقه من نفسك قدامه حتى لو عارف معاملة اخوانك لك بيني له انك تقدري تستغنين عنه ,, واهم اهم شي حاولي تكسبي أهله ماقولك حبيهم او اتوددي لهم لو ماقدرتي ع الأقل قومي بواجب بيتك لو جوكي وروحيلهم زوريهم اعملي لهم أكلات يحبوها وخليكِ طووول الجلسه ساكته لا تردي الا على قد السؤال وخلاص زياره قصيره كل فتره ماراح تأثر عليكِ,, لان الواضح لهم تأثير كبير على زوجك فـ خليكِ اذكى منهم وأكسبيهم عشان مصلحتك ,, ولاتنسي يا غاليه أشغلي نفسك بأي شئ يستهويكِ أدرسي .. اتعلمي حرفه يدويه حتى تفرغي فيها همك وتشغلي نفسك عن التفكير والهم .. ربي أطفالك واقضي معاهم معظم وقتك وقومي بحقوق زوجك لكن حسسيه انه مو شغلك الشاغل وان شاء الله أولادك بيكبرو ويصيرو رجال ويعوضوكِ ويكونون لك سند وعون ,, عزيزتي والله العظيم قصتك أدمت قلبي وكأنها من وحي الخيال ان شاء الله لن انساكِ بالدعاء في صلواتي .. اهدأي وفكري ولا تجعلي الطلاق حلا لأنه ليس مناسب لكِ أبدا ,, أسأل الله ان يفرج همك ويسعدك ويعوضك خيرا ,, طمنينا عليكِ |
رد : شوركم ابي اتطلق من زوجي ..
اخت ملائكيه جزاك الله خير وبستمع لنصائحك
الله يفرج همك ويكتب لك كل خير ويسعدك دوم اللهم لك الحمد على كل حال اللهم احسن خواتمينا |
رد : شوركم ابي اتطلق من زوجي ..
عزيزتي
خلاص عيشي مع زوجك و وسط أولادك ، و تخيلي زوجك ( مجرد كائن حي يصرف عليكم ) عالأقل ارحم من أخوانك و يمكن زوجك يحرمك من أطفالك |
رد : شوركم ابي اتطلق من زوجي ..
بسالك سؤال اختي : انتي تحبين زوجك ؟ ام تكرهينه؟
لوتحبينه هاي مشكله زيي لاني بتعب عقب الطلاق ، لكن لو تكرهينه خذي موضوع الطلاق علا محمل الجد لانه مو من زين اخلاقه يوديك عند دكتور نفسي هالذكي . واخوانك الله لهم بالمرصاد حسبي الله ونعم الوكيل ، مااحب اللي يتقوى علا حرمه ، لان هذا اقصى مايستطيع فعله ضعيف الشخصيه. عمر بن الخطاب كان الكا يهابه وخشن ورجل بمعنى الكمه لكن لما يدخل بينه عند حرمته كان مافي ارق منه . هاي الرجوله واللي ينعد سند مو يتقوى علا مره |
رد : شوركم ابي اتطلق من زوجي ..
ماتلاحظون ان عندنا مشكله احنا الحريم في المواضيه اللي زي هاذي! قصدي لو كانت معنا ماده كان استطعنا ان ناجر بيت نقعد فيه ويا عيالنا مو نظل تحت رحمتهم .
|
رد : شوركم ابي اتطلق من زوجي ..
اقتباس:
مالك ياختي (طفله صغيره) الا انك تقعدي هند زوجك والله يعينك عليه ويسخره لكي يارب00 |
رد : شوركم ابي اتطلق من زوجي ..
هو ماحطك عند طبيب نفسي لمده شهر من فراغ
يبي لما تتطلقين ياخذ من الولد وعند المحاكم يقول هذي مجنونه والدليل كانت بمستشفى مجانين |
رد : شوركم ابي اتطلق من زوجي ..
اقتباس:
طيب وش اسوي اقدم معروض للملك يعطينا بيت والله المطلقات والارامل محتاجين لسكن لنا ومجمع خاص والله حاله الارامل والمطلقات تصعب |
رد : شوركم ابي اتطلق من زوجي ..
:)
أختي قبل لا تتطلقين لازم تحطين في بالج :- 1- بتطلعين من جحيم زوجج لجحيم أخوانج 2- ريلج بياخذ عيالج 3- ماعندج يمكن مدخول تصرفين فيه على عيالج آنه اقول ابقي معاه ، واتقي شره ، طنشيه حاولي تعاملينهم بالحسنى وباللي يرضي الله حاولي تعاملينه بالطيب وداري خاطره.. والباقي على الله |
رد : شوركم ابي اتطلق من زوجي ..
الله يعينك على الى انت فيه اما اخوكي روحي جمعيه حقوق الانسان خلي يتصرفون معه
الله يفرج همك |
رد : شوركم ابي اتطلق من زوجي ..
ياعمري عليك ربي يفرج همك ويشرح لك صدرك
عيشي حياتك واشغلي وقت فراغك حسسي زوجك انه عندك اهتمامات اخرى بتعلم حرف يدوية مثل ماقالو العضوات او ممارسة هواية او رياضة معينة جربي يوميا تمشي في البيت لمدة معينة بشرط تداومي عليها والزمي الاستغفار وقراءة سورة البقرة وعاملي الناس بالمعروف وبرسمية لاتخلي زوجك يمسك عليك زلة بتعامله مع اهله انت اعفي واصفحي الصفح الجميل وانسي الماضي وطهري قلبك وصفيه حتى تستمري بحياتك بدون منغصات مارسي اليوغا والعبي مع اطفالك واستمتعي في حدود الموجود وزوجك اتجاهليه وربي يسخره لك انت حاولي تبحثي عن الحلول الممكنة اجري اختبار بوصلة الشخصية لزوجك وادرسي شخصيته وطرق اقناعه والتعامل معه حسني علاقتك باهلك هما عزوتك وحاولي تكسبيهم بصفك بحسن التعامل وربي يهدي سركم ويجمع شملكم ويسخرلك زوجك واهلك |
رد : شوركم ابي اتطلق من زوجي ..
كان الله بعونك .. بما أن خياراتك شبه معدومة إذا ما قررتي الطلاق فحاليا ابقي في بيتك .. ادخلي بوساطة ( جوجل ) على مواضيع البوصلة الشخصية اقرأيها على مهل حتى تستوعبيها لتتمكني من خلالها من معرفة نمط زوجك ووقتها سيسهل عليكي التعامل معه .. اقراي وتثقفي في مواضيع الحياة الزوجية علك تجدي فكرة من هنا أو رأي من هناك تستطيعي منها إعادة شيئ من الهدوء لحياتك .. اكسبي قلب زوجك ووقتها لن يكون لأهله تاثير كبير على حياتكما .. استعيني بالدعاء .. صدقيني الدعاء ثم الدعاء ثم الدعاء وربك كريم لن يضيم إنسانة يتيمة مظلومة مثلك.. ربي يسخر لك زوجك ويحنن قلبه عليكي.
|
رد : شوركم ابي اتطلق من زوجي ..
اقتباس:
لاكن لاجا اهله واجابني عندهم غيروه 100 درجه وخلونا نرجع لصفر وهذه مشاكلنا مره امه قالت له قدامي ترا اهلها كارفينها لاتدلعها قدامنا وحنا عارفينها ويوم بغيت ارد عليها خانقني وقال هذه امي ودايم يغصبني اروح عندها توصل لخناقه قويه يعني سبب مشاكلنا اهله امه وخواته مره دعيت عليها ان كانت ظالمتني طاحت بالفراش شهر تحسبون انها تتوب ترجع زي اول ابتليت فيها :29: |
رد : شوركم ابي اتطلق من زوجي ..
الله يهدي بالك ويكتب لك السعاده
من الطبيعي ماحد يشور عليك بالطلاق بس بكون معاك صريحه شوي لاني اعتبرك مثل وحده من اخواتي وابغا لك السعاده اقتباس:
اقتباس:
اقتباس:
لاتاخذين على تعاملهم معاك بعد الزواج حاولي تكسبينهم بكل مره بيني لهم طيب اصلك شوفي انا متزوجه ولد خالتي وكانو يموتون فيه بس سبحان الله بعد الزواج تغيرو علي ميه وثمانين درجه كأني عدوتهم ومع ذلك فكل مره احاول ابين لهم طيبي واحاول اني اكتم غيظي منهم وحاليا الأوضاع مستقره صارو مايسوون حركات نص كم مثل الثلاث سنوات الاولى والحمدلله على كل حال اقتباس:
اقتباس:
لاحول ولاقوة الا بالله حتى لو ظلمتك احتسبي الاجر عند رب العالمين الدنيا وانا اختك فاااانيه ومافيها خير انتبهي لايدري زوجك عن دعوتك |
رد : شوركم ابي اتطلق من زوجي ..
اقتباس:
: : يوم وداني تخيلوا وين وداني طبيب نفسي وحطوني قسم النفسيين وقال عني اني مجنونه صعقت يسالني الدكتور ماقلت ولاكلمه وخلاهم يمسكوني ودخلوني وجلست شهر لين بست رجله يطلعني عشان ولدي وتوه يرضع وطلعني ويضحك علي وكل عرف اني دخلت المستشفى تخيلوا ناس حريم اخوانه وجماعتنا يعني فرح العدوا وزعل الصديق هنا هو الغلطان ميه بالميه بس ياخيه اكيد انه سمع التحريش لانك ماستقبلتي اهله فيرجع الغلط عليك من الاساس الغلط علي حلو صراحه .. هجل لاغلطت بروح السجون وبروح القصاص عشان الغلط علي : : اختي بارك الله فيك انا يتيمه واخواني معه لانهم اصلا ك لواحد يكرهه ثاني وواحد منهم وراني الويل عشان هاوشت مرته ووراني نجوم الظهر وشلون تسمحين لنفسك تهاوشين زوجة اخوك مهما كان غلطها ؟ مالك اي حق بالهواش والكلام الزايد ممكن تنصحينها بالحسنى والحسنى فقط لاغير محد يرضى ان اي مخلوق يهاوشه على اي سبب كان سواء غلط ولا ماهو غلط انتي مانتي ولية امرها صح الحق لها تاكلني زنوبه بفمي عشان تكونين انتي مرتاحه بان يكون الحق معها انسانه اتجنبها تفتعل المشاكل معي تدق علي الباب تقول لاخوي هي ماتحبنا تسكر الباب مغلقه عن نفسها ومنعزله تستهزئ فيني بالداخله والطالعه تجيب اهلها وتقولي تعالي سلمي عليهم غصب مو طيب واخرتها ليه اتهاوش معها ويقوم اخوي يضربني ويبهذلني ويشوهه سمعتي باني مع رجال عشانها اقول احمدي ربك ماعشتي الا انا عشته وخالتك اعتبريها امك وقولي لها انا ياخاله ربي حرمني من امي بس عوضني فيك وبوسي راسها [COLOR="blue"]تبيني ابوس رجلها عشان ترضا .. هذا اللي حاصل اختي انتي صبرتي 7 سنوات انا صبرت 5 سنين وسويت كل شئ قدمت لها كل شئ ومافاد عجوز حاقده [/ COLOR] حسبي الله ونعم الوكيل جعلها تشوفها يارب قريب في بناتها مثل ماسوت فيني وفي نفسها ياااارب |
| الساعة الآن 12:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©