|
فكره جديده
السلام عليكم ورحمة الله وبركاته... فكرت بفكره لحين وأنا يالس بصاله والمدام معتكفه بحجرتها ,, فكرت أسوي مطبخ تحضيري بس للحلويات ( أنا أموت على الحلويات ) وأجيب وحده متخصصه بالشيء هذا يعني هي تكتب لي على ورقه شلون أسوي حلو معين وتطلع من المطبخ وبنفس الوقت أدخل زوجتي وياي ...( أدري أني ضيعتكم ) ما أعرف شلون أشرح :d قصدي من هالفكره عشان أشغل زوجتي هي مستحيل تطبخ وعيب هالشيء حتى الشاي مستحيل تسويه والمطبخ الرئيسي ما تعرف حتى شكله شو ... بس قلت ما دامني أنا وهي كل ما تقابلنا ولا فتحنا موضوع قلبناه هواش قلت فكرت المطبخ بتشغلها يعني لو ساعه باليوم نجتمع بالمطبخ ونكون مشغولين باعداد الحلو ونسولف بكل ود واحترام ...:25::25: بس أبغا أعرف شلون اقنعها ؟؟؟؟ |
رد : فكره جديده
اللي فهم شي يفهمني !!
|
رد : فكره جديده
كيف حالك يابو خليفه
|
رد : فكره جديده
حلوة الفكرة
بس ما أعتقد إنها تتوافق مع شخصية زوجتك ؟ |
رد : فكره جديده
يا ابو خليفه الله يجزاك خير انت ضيعتنا لما قلت مطبخ تحظيري......
لكن اظن بعدها استوعبت أخ خالد الزبده انه يطبخ مع المدام وخلاص صح والا انا غلطانه ياابو خليفه؟؟؟؟؟؟؟؟؟ جرب ما تخسر شي لكن عن تجربتي أنا لما يدخل زوجي للمطبخ لااااااااااااااااااااااااااازم تنتهي بمشكله الا اذا طلعت وخليته وقتله على رااااااااحتك بس اذا جت الطبخه شينه انتقم لايروح فكرك بعيد لا بس اخليه يقول والله عندك الحق وانا غلطان بالتوفيق |
رد : فكره جديده
فكرة ممتازة و يلا هالتطبيق و باذن الله موفق...
و الله يا ابو خليفة من سالفتك اقول فيه في هالدنيا رجال يصبرون و الله |
رد : فكره جديده
فكرة راااائعه وتكسر الروتين الممل
وماتدري يمكن هي بنفسها تكتشف انها تحب الطبخ وحتى تتجنب رفضها للفكرة جيب لك طربوش مدري طاقيه :25: المهم مثل اللي على راس الشيف اسامه اللي يجي بقناة دبي والمدام جيب لها مريلة طبخ مثل اللي تلبسها منال العالم اللي تجي بقناة ابو ظبي بس جيبها بألوان حلوه تفتح النفس والله ييسر اموركم ياااارب |
رد : فكره جديده
حلوه الفكره وممكن تكسر الصمت اللي بينكم , مع اني مع كلام أخت روح الطير شخصية زوجتك ممكن ما تخليها تتقبل هذا الشيء. |
رد : فكره جديده
الفكرة حلوة ولتكون البداية بحلويات بسيطة كالبسبوسة وهكذا
والبداية احضر المكونات وقل لها ايش رايك نذوق بسبوسة من ايدينا معا بعيدا عن المطاعم والخدم واذا رفضت انت اعمل البسبوسة وقدمها مع القهوة وشوف ردة فعلها |
رد : فكره جديده
فكرة كتييييييير حلوة ... بس انا بقترح اذا زوجتك عنيدة بموضوع المطبخ ومو حابيته ... بتقدر اول كم مرة تفوت على المطبخ لحالك ... وتقضي وقت مو قصير فيه ولكن بالوقت الي زوجتك تكون فاضية تماما فيه ... بحيث يبدا الفضول يراودها ، انه شو بيسوي زوجي كل هالوقت بالمطبخ ... ومرة على مرة اذا هي ما فاتت لحالها ، ممكن انت تعرض عليها لكن بتكون هي فهمت انه انت ما سويت هاي الفكرة عشان تفوتها على المطبخ بالعقل ، وانما انت سويتها عشان نفسك ... والله يوفقكم
|
رد : فكره جديده
اهلا ابو خليفه
فكره حلوه انما من النت احضر الوصفات ورتب كل شي وداعبها بالمطبخ واعصابك تكون هاديه ما تعصب انت ما شاء الله عليك بس بالاخير تعصب ووتخرب كل شي |
رد : فكره جديده
اقتباس:
... الله يوفقكم بس |
رد : فكره جديده
الله يعينك عليها
|
رد : فكره جديده
تبغى زوجتك تتغير وتنسى همها حاولوا تجيبون طفل الطفل بغير حياتها وبيشغل وقتها وتفكيرها عن همها إلي كرست نفسها للحياة من أجله /أنصحك باالإنجاب منها هي محتاجة تفرغ كمية العاطفة إلي بداخلها في طفل وبعدها بتعزك وتحبك من محبة هالطفل إلي أنت أبوه |
رد : فكره جديده
ياخي انا لاحظت عليك كل الأشياء اللي بتسويها تدخل فيها انثى اخرى
مثلاً بجيب وحده تكوي ملابسي يمكن تحرك مشاعر زوجتي وتجي تكوي هي الملابس بجيب وحده تطبخ لي الاكلات اللي احبها علشان هي تجي بجيب وحده تعطيني وصفة الحلا لاني احب الحلا وش غرضك بالضبط ؟؟؟ تبي ترجع زوجتك للحياة الطبيعية ولا تبي تقهرها ولا وش بالضبط ؟؟ واضح ان كل حركاتك تبيها تحس وتتضايق وتنقهر وهي مطنشة لأنك ما تستخدم الأسلوب الصحيح |
رد : فكره جديده
اقتباس:
الطفل بحاجة لبيئة مهيأة بالكامل وحسب قرأتي لكتابات الاخ انهم لم يستقروا بعد فلما نزج بطفل بوسط كهذا الصبر حتى تاخذ الامور مجرى طبيعي |
رد : فكره جديده
عندي اقتراح ممكن يكسر شوية الروتين
اذا عندك غرفة فارغة او اي مكان تراه ملائم حضر فيه لوحات فنية فارغة والوان وفراشي رسم تكون من الحجم الكبير كذلك حضر لكم ملابس لترميها بعد استعمالها او وضعها في المرسم وحضر شوية مشروبات وشوية مكسرات على طاولة وحضر كم رسمة بسيطة مطبوعه وادعوها لهذة الغرفة بواسطة بطاقة في ساعة معينة وهناك ارسموا معا او اجعلها تعلمك رسم اشيا معينة وسوي مسابقة في رسم احدى الصور الي حضرتها وشوفو من رسمه الاحلى ( طبعا معروف !) كذا شوي الروتين بيتغير وخلي المواضيع الساخنة الي بتختلفوا عادة عليها برة الغرفة نهائيا واستمتعوا بالعصائر والمكسرات والنواشف والشوكلاته الي حضرتها انت طبعا مجرد اشيا تشتريها وتفرغها بصحون |
رد : فكره جديده
ههههههه احس انكم اللي بالمسلسلات الكويتيه الزوجه ماتدش المطبخ
وفكرتك حلوه انا اذا دخل معاي زوجي وساااعدني بشي استاااااانس تدري وش اللي يخليها تتحمس للطبخ قول لها :ودي بشي اكله انتي مسويته امدحها طيرها فوق قلها اكيد اللي بتسوينه بيطلع طعمه غيرررر ولذيذ صدقني بتسوي لك حنا نكرف بالمطبخ وموعاجبه وينتقد بس احيانا يساعدني يشيل المواعين للمطبخ فقط هذي مساعدته خخخ اقولك حلا سهل وبسسسيط ولذييييييذ طعمه زي الايس حلا الاكواب اذا تبغاه رد لي والله يوفقكم ودعواااتك |
رد : فكره جديده
مشكلتك مو قادر تفهم نفسيت زوجتك
و لا قادر تتعامل معها وفقا لهذي الطبيعة فيها تاركها يومين بدون لا ترجع البيت ؟؟؟؟ هذا شي يوثر على اي انثي فكيف بإنسانه مثل لجين أبدا انت معها بحنان وحب و تفهم و شوف النتيجة بنفسك و رجل الرجال ما قصر معك لكن انت مو مستوعب |
رد : فكره جديده
ابو خليفة قلت انا اموت على الحلويات ...... ترى هي تموت عليها ايضا؟؟؟؟؟؟؟؟؟؟؟؟؟؟؟؟
هناك من قال لك جيبو بيبي ..الفكرة جميلة جدا زوجتك معتكفة واكثر ما ضرها بعدها عن امها قل لها جيبيلنا بيبي وعوضي فيه ما حرمت منه ااكد لك انها لو جابت بيبي تتغير حياتها وشخصيتها 360 درجة اخي ابو خليفة فكر في الموضوع |
رد : فكره جديده
اقتباس:
الاسلوب الصحيح انشاء الله بنتعلمه مشكور وجزاك الله خير على المشاركه... |
رد : فكره جديده
شو رايك انت تتعلم الرسم ... أحسن لك |
رد : فكره جديده
اقتباس:
أختي الكريمه موضوع الانجاب أمنية أي انسان اتمنى يكون عندي ياهل بالبيت على الاقل يوم أدخل البيت أشوف بويهي بنتي ولا ولدي مب البشكاره :( كنت أفكر بالموضوع هذا بداية زواجنا ولكن عقب سنه تقريباً حسيت الموضوع صعب تدرين ليش لان الياهل محتاج أم بعد تراعيه وتهتم بيه مب طول الوقت ويا المربيه ولجين وضعها ما يسمح انها تهتم بأحد عشان هذا الشيء قررت اجل الموضوع .. |
رد : فكره جديده
اقتباس:
بصراحه عجبتني الفكره وااايد الله يجزاج خير وسجلتها عندي على الاقل رسم هي تحبه وممكن تستمع فيه أكثر من الطبخ باذن الله بجربها ... |
رد : فكره جديده
اقتباس:
الله يعينا على بعض ويصلح حالنا |
رد : فكره جديده
اقتباس:
|
رد : فكره جديده
اقتباس:
|
رد : فكره جديده
هذه الرجال السنعة ,,بشكارة و خدم و المرأة تتفرغ لزوجها:21:
انا اشوفها فكرة حلوة,لكن فكر في حيلة لتجعلها تشاركك ,فربما ببساطة ترفض و تخسر تعبك.. الله يهديها لك, و يهديك لها شو يعني بشكارة,,ما اصل الكلمة |
رد : فكره جديده
:25:
اقتباس:
|
رد : فكره جديده
الفكره اوكيه
لكن هل المدام بتقببل اتفائل خير واقترح عليها الفكره باسلوب لطيف |
رد : فكره جديده
يعجبني الذكي:22:
بس لا تعلم أحد:25: |
| الساعة الآن 11:52 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©