|
صدمتي بزوجي وصديقه ؟!!!!
السلام عليكم ورحمة الله وبركاته
انا متزوووجه من سنه وثلاث شهور تقريباااا انا مابتكلم عن نفسي لكن ربي شااااهد علي وعلى كل حرف اكتبه اني مو مقصره معاه بشي من اكل من لبس من معامله من علاقه كل شي انا هاديه جدا وصوتي مايطلع حتى بالخصام اتخاصم معاه وصوتي علا قدي ومدلعته زوجي عمره 25 انا قبل ما اقرا الرسايل بالجوال كنت احب زوووجي واعشششقه كنت ماشوف الا هو ومايهمني الا رضاه ومهتمه فيه ومدللته ماشاء الله تبارك الله لكن امس زوجي معطيني جواله استخدمه كم يوم لان جوالي معاه تبادلنا وبدون قصد وانا اتفرج ع الجوال واقلب كل خصائصه واعداداته فتحت ع المحفوظات ارقام ورسايل وشفت رساله من صاحب زوجي اللي هو اقرب واحد له من اصحابه بس السطر الاول منها وانصدمممممت وكملت لقيت كم رساله وحده انا احبك وحده حبيبي لاتقسى علي ولا تخليني .. مادري اش الباقي لان محذوفه الرساله من صندوق الرسايل بس باقي بالمحفوظات اشوف اول سطر بدون ماتنفتح وحده انا احبك واموت فيك انت ابويا وانت عمي مهما تخاصمني او تضربني.. وحده ذبحني احبك لو تعذبني .. بعد ماقريت هالسطور الاولى من كل رساله قلبببببي عوووووووووووورني حسيت اني بموووووت من الالم اللي يعتصر قلبي جلست ابكي بقوه انصدمت وللاااااااااااااااااااان حاسه بضيقه فضيعه كرهت زوووجي مو طايقه اطالع وجهه من امس مطنشته هو بغرفه وانا اتعمد اختلق الشغل عشان ماشوف وجهه ودخلت انام قبله مو طايقته ابد ومن امس مانمت زين مو قادره اناااااااااااااااام للعلم ماشفت اي رساله من زوجي لصديقه وزوجي بطبعه مايهتم بالرسايل كثير ومايحب يرسل كثير وصديق زوجي حافظ جزء من القران ! واصغر من زوجي باربع سنوات يمكن ويتيم الاب وبالنسبة لزوجي علاقته معاي طبيعيه وحتى بالعلاقه الجنسيه طبيعيه من وقت ماقريت الرسايل وانا ادعي على صاحبه واتحسسسب عليه وادعي ان الله يشغله في نفسه ان كانت نيته شينه احس ان هالكلام مو عادي مدري وش اسوووووي وماقدر اواجهه هل ممكن يكون صديق عادي ويرسل رسايل كذا ؟!! و متاكده هالرقم رقم صاحبه حافظته غيب واكثر من مره يدق ع التلفون وزوجي مو موجود وارد عليه تشوفون هالششي طبيعي؟! نسيت اقولكم حاجه قبل يومين زوجي فاتحني بخبر انه بيسافر اندنوسيااااا هو واثنين من اصحابه واحد منهم اللي اقصده بالموضوع والثاني ملتزم وانا استغربت شيوديك اندنوسياااا وصديقك الملتزم غريبه بيروح قال عادي شفيها مابنسوي شي حرام واللي يبي الحرام بكل مكان يلقاه وسالته عن صديقه الثالث قال انه لسا مايدري عن الموضوع وانا زعلت وتخاصمنا بعدين بطل واليوم فتحت المحفوظات لقيت زوجي العزيز راسل لصديقه المقصود بالموضوع انه الحرمه سدت نفسي من السفر لماليزيا وباقي الرساله مو واضح لانه يمسح اوووول باووووول وصديقه راسل له والله كان نفسي نسافر انا وانتااا بس انسدت نفسي انا خلاص تعبببببببببببت تعببببببببببت تعبببت لا ويقول كويس صارحتك اني بروح اندنوسيا تبين اكذب عليك يعني تخيلي كدبت وقلت بروح ابها وانا باندنوسيا وش ردة فعلك !! ماعد اصدقه ولا اثق فيه رغم اني ملتزم بصلواته مايفوت فروضه ويسمع قران كثير ومايسمع اغاني حيرني ماعد اقدر اتحممممل ودي اكشف له كل شي عرفته وودي اترك له البيت ودي اتركه ودي ربي يهديه ويسخره لي مشاعري ملخبطه مو عارفه اتصرف نولوني ياشباب ويارجال هل تصرفات زوجي وصديقه طبيعيه ودعواتكم له بالهدايه |
رد : صدمتي بزوجي وصديقه ؟!!!!
الله يفرج همك يا قلبي اول شي صلي معاي على خير الأنااااااااااااام
عليه افضل الصلاة والسلام ثاني شي توضي وصلي ركعتين ووابكي على سجادتك احس من المخده يالغاليه والله زوجك ماشاء الله ملتزم وما مسكتي عليه شي حبيبتي كل الكلام من صديقه ليش كرهتيه واذا عشان ما صارحك بالموضوع احب اوضحلك نقطتين الرجال اللي منهم زوجي وزوجك يحبو يتعاملو معانا كأن نحنا مثل النونو يعني مانعرف شي في هالحياة من المستحيل يتكلم معك على شذوذ صديقه هذا اذا كان عنده شذوذ (اقصد صديقه) النقطه الثانيه كيييييييييييييييف جاك الاحساس انه شذوذ عادي ممكن صديقه ويقله حيبه مافي المشكله وخاصة انه يتيم واصغر منه ممكن زوجك عون له وسند بالحياه وصديقه متعلق فيه وانتي بس من ناحيه الغيره لانه قال له احبك رغم اني اشك لانه قال تعذبني عالعموم زوجك ملتزم وان شاء الله ما في شي وعلاقته معك في كل الامور على احسن حال اهم شي انك تشبعيه جن.................. وماتخافي كثفي رسائل بعد ما يطلع وخليها كلها رومنسيه وحبيبتي سامحيني انا قاسيه اشوي ليتك خليتيه يسافر والله يشتاقلك وتشتاقيله وطالما ماشفتي شي خليه يسافر واعتذري حتى ما يمسكها لك ويطلعها في شي ثاني وتعوذي من الشيطان وعندي حل آخر لكن اظنه صعب وما يتناسب مع زوجك وماشاء الله انتي تدعي ربي يبعده عن زوجك كثفي وكثفي واحسني الظن ولا تمسكي عالزلات وحصني زوجك ونفسك بالاذكار والاستغفار العين حق كما تعلمين ومن الافكار الجميله ان تخصصو انتي وزوجك وقت لقلرآءة القرآن معا حتى ولو صفحه واحده لان ذلك يقربكما لبعض وان لم تجدي وقت في النهار فالتكن قبل نومكم اهم شي ان تكونا معا حتى وقت الزعل قولي له هذا وردنا معا لحياة سعيده ونقطه آخيره سامحيني للاطاله العين ربما منكم انتم اقصد منه او منكي هل تصدقي ان الانسان ممكن يعين نفسه فيجب التحصين من النفس بالدرجة الاولى بقول (بسم الله ماشاء الله لا قوة الا بالله ) على طبخه جت حلوه على زينه تزينتيها ووووووووووووووو........ خليها دائما رفيقه لك وآآآآآآآآآآسفه للاطاله وحفظكما الرحمن وجعلكما قرة عين لبعض |
رد : صدمتي بزوجي وصديقه ؟!!!!
زوجك انتي ادرى به
ومن كلامك انه شخص ملتزم بالدين اما صاحبه يمكن لأنه يتيم ينظر لزوجك نظرة الأب او الأخ الكبير والحمدلله انه حافظ جزء من القرآن يعني فيه خير على فكرة احيانا تكون رسايل الاصحاب كأنهم عشاق بس ماتكون مقصوده ميه بالميه لا مجرد رساله والسلام لاتوسوسين كل شي قدامك واضح وزوجك واضح انه ماهو راعي حركات |
رد : صدمتي بزوجي وصديقه ؟!!!!
السلام عليكم ورحمة الله تعالى وبركاته
أختي في الله نحن الرجال في بعض الأحيان نستعمل هذا الأسلوب للمزح " والغشمرة " ، وبما أن زوجك علاقته بكِ سليمة ومحافظ على صلواتهِ فلا تخافي من شيء ، ولا تظنِ به الظنون ، فإن بعض الظن إثم. أما موضوع الكذب ( قاتل الله الكذب ) فقولي له بأن الكذب يهدي إلى النفاق وإن النفاق يهدي إلى الفجور وإن الفجور يهدي إلى النار ، وبأن الكذب ينزع كل روابط الثقة بين الزوجين ، ولايجوز لك الكذب أبداً شرعاً ولا حتى عرفاً . نصيحتي بإن تذهبي له وتفتحي معه هذا الموضوع تحت طاولة حوار يجوبها الهدوء ، ومعرفة كل ماتودي معرفتة عن هذا الموضوع ، لتتضح لكِ الرؤية جيداً وتضعي النقاط على الحروف. كل التقدير. |
رد : صدمتي بزوجي وصديقه ؟!!!!
تأكدي قبل لاتسوين اي شي
ولاتعلمينه انك اكتشفتي الرسايل |
رد : صدمتي بزوجي وصديقه ؟!!!!
انا اخي يعامل اصحابه کلهم بنفس هذا الاسلوب و انا علي يقين انه انسان ملتزم و طبيعي 100%. مجرد قول هذه الکلمات لشخص ما لا تعني شيئا، بصراحة انا کمان مرات اتکلم مع صديقاتي بنفس هذا الاسلوب.
و لا تنسي عزيزتي ان بعض الظن اثم، انت حکمت علي الرجل من دون حتي و لو شاهد واحد. ياستي الشيطان شاطر و يسعي لايجاد خلاف بين کل اثنين هم في طريق الهداية. تعوذي من الشيطان و کوني طيبة مع زوجک. التجسس عليه قد يوذيک و يوذيه. بورکت. |
رد : صدمتي بزوجي وصديقه ؟!!!!
لو انا بمكانك كان اول ما وصل عالبيت افتح معاه الموضوع وتتكلمي معاه وانتي طبيعيه
وانتي كمان غلطتي لما كتمتي الموضوع لانك بكده دخلتي الشيطان علشان يلعب بتفكيرك ...... حبيبتي الصراحه والعفويه في الكلام بين الزوجين حلوه وتقلل المشاكل او تقضي عليها ..... قومي الحين صلي ركعتين وفاتحي زوجك بالموضوع بعفويه تامه ..... موفقه يارب ..... |
رد : صدمتي بزوجي وصديقه ؟!!!!
أنت شاكه أن زوجك ممكن يكون أتبع طريق الشذوذ وهكذا تهمه أمر عظيم ومفاتحته بها شيء قد يجر عليك مصيبة أعظم فلا يوجد رجل يعترف على نفسه أنه شاذ بدون دليل قوي ودامغ فأنت هنا لن تناقشيه عن أمر بسيط بل عن أمر كبير لا أحد يرضى أن يتهم به لذلك هدئي من روعك تابعي بصمت وبروية أمر زوجك وتوثقي مما تشكين به ولاتفتحي الموضوع معه بدون أن يكون لديك دليل قاطع وواثقة 100% مما تظنين والأيام كفيلة بإيضاح الحقائق وبإذن الله يكون بريء أو يكون الأمر ربما من طرف زميلة فقط وأما هو فإن شاء الله يكون سوي وليس لديه نزوات ونزعات شاذة |
رد : صدمتي بزوجي وصديقه ؟!!!!
غاليتي ان بعض الظن اثم
لاتحكمي على زوجك لمجرد انك قراتي رسائل في جواله ممكن اللي بينهم حب صداقه فقط انا ياكثر مااقول لصديقااتي احبكم وارسل لهم رسايل حب بعد هل يعني اني شاذه ؟ تعوذي من الشيطان وشيلي هالوسواس من راسك واحسني الظن وتاكدي مايجتمع بقلب احد مسلم القران والفجور ودام زوجك محافظ على صلاته يكفيك قول الله تعالى ( ان الصلاة تنهى عن الفحشاء والمنكر ) كاان الله في عونك ووفقك لما هو خير لك |
رد : صدمتي بزوجي وصديقه ؟!!!!
الله يفرج همك
|
رد : صدمتي بزوجي وصديقه ؟!!!!
انا اختلف مع الجميع واسمحي لي ما دامك عرضتي الموضوع هنا انا مضطرة ارد حتى لو كان كلامي قاسي بس انا انسانة واقعية
مع اني تمنيت انك تستشيرين احد مختص خارج اطار المنتديات ولا تعرضي مشاكلك الي بهذا الحجم على ناس مو مختصين لان الي تقولينه كلام خطير وقرار كبير ومصيري اختي صحيح البنات والشباب يتبادلون كلمات مثل احبك وحبيبي بس الي اشوفه هنا اكبر من مجرد كلمة حبيبي لمجرد صداقة ولو احسنا الظن في زوجك اعتقد انك انتي الي راح تنظلمي معه لو كان ظننا خاطئ اتمنى انك ماخذه احتياطاتك من ناحية الاطفال الى ان تنحل مشكلتك هذي حبك لزوجك وعدم تقصيرك معاه وتدليلك له كلها امور ماتمنعه لو كان فعلا عنده ميول شاذه وممكن يكون ميوله للجنسين في نفس الوقت وهذا يفسر انه طبيعي معك في الفراش هذي امور صارت واقعية وموجودة في حياتنا اليوم وانكارها ما يفيد احد.. سمعنا قصص رجال منحرفين لسبب او لاخر ويتزوجون بسبب ضغوط الاهل او تقدم السن او رغبته في اطفال وممكن يعطي زوجته حقها مثل اي زوج وممكن ما تكون له رغبه فيها ومتزوجها بس عن كلام الناس. سمعت قصة زوجة اكتشفت شذوذ زوجها بعد سنوات وأطفال وصار يجيب شباب للبيت!!!! يعني عيني عينك لانه دبسها خلاص وعارف انها مكسورة ولا راح تسوي له شي بعد هالسنين وعشان عيالها الله يحمينا وياكم اجمعين ولا يبلانا يارب ويفك عنك يا اختي كربتك ويرزك السكينة والراحة والطمأنينة والقرار السليم امين... لا يغرك الالتزام وحفظ القران (اعتقد الي معاه شهادة المتوسط يطلع حافظ جزء في مدارسنا) لان هذا ابتلاء من الله ما يفرق بين ملتزم وغافل او عاصي او فاجر.. هذا شي لا إرادي إما بسبب تحرش في الصغر أو مشاهدة مواقف شاذه أو خلل نفسي او تاثير المجتمع واحيانا مايكون له تفسير!!! احيان كثيرة الشاذ يكره شذوذه ويكره نفسه لكن ما يقدر يتركه.. ممكن ما يمارس الشذوذ خوفا من الله لكنه يظل ميوله ما يتغير الا اذا الله شفاه. انا ما ابغى اتكلم على أساس أن زوجك منهم.... لكن اذا كان من هذا النوع فيمكن صديقه هو مصدر التاثير والضغط يمكن زوجك كاره الموضوع ووده يتركه لكن واقع تحت ضغط هذا الصديق الي ما يقدر يقطع علاقته به لاسباب اجتماعية مثلا او ان صديقه مو مخليه في حاله ودايم يرسله ويقابله او يدرسون او يشتغلون سوا ومهما كان هذا الصديق الي انتي قرأتي رسايله.. اعتقد انك لازم تعرفين عنه أكثر ممكن تتعرفين على اهله مثلا او تسألين عنهم مو تجسس ولكن مجرد معرفة.. انتي تقولين انه اصغر من زوجك باربع سنين يعني عمره 21... تخيلي لو بنت تعجب في شاب اكيد بيكون اكبر منها بكم سنة نفس الشي العلاقه المثلية يكون معظم الاحيان بينهم فرق كم سنة انا ما اقول زوجك اكيد انه منحرف لكن انتي لازم تتاكدين بعقل وحكمة ولازم تطلبين مساعدة من احد مختص وتبلغين احد من اهلك تثقين في ردة فعله ويكون كبير وفاهم. انا اقولك هالشي لانك توك معاه لسه متزوجين والحب والجنون الي تحسين فيه طبيعي اول الزواج لانو الحياة هالفترة كأنها فلم.... لكن لا تسكتين وتقولين الوقت بيحلها او مع الوقت بيوضح كل شي لان مع مرور الوقت كل شي بيصير ضدك انتي.. ومادامك في اول الطريق ترا هذي احسن فترة الواحد يتخذ قرار مصيري.. يمكن تحسين ان اتخاذ القرار الان شبه مستحيل لكن صدقيني كل ما مر الوقت بيصير القرار اصعب اضعاف مضاعفة انا اسفه لو دخلت زيادة في ظنوني... لكن الطلاق في هالزمن ماعاد عيب والناس ماصارت تلوم البنت مثل أول وكثير يتزوجون على طول خاصة الي زواجها الاول كان قصير.. انتي توك صغيرة اختاري الحياة الي تستاهلينها. اتمنى من الاعضاء انهم ما يقللون من اهمية الموضوع ويعتبرون حركات الزوج شي عادي... هذا مو ظن عشان نقول (إن بعض الظن اثم) ونصيحتكم لاختنا انها تتغاضى وتكمل لا اعتقد انها في محلها ولكن يجب ان تتاكد عشان تقدر تعيش بسعادة واستقرار... اما سكوتها وانتظارها في شك وريبة هذا وضع ما تستاهله اي بنت ولاهي حياة كريمة تقدر تستمر عليها.. لا تخلونها تنظلم بسببكم ساعدوها بدون تعدي على خصوصيتها او استهتار في مشاعرها. |
رد : صدمتي بزوجي وصديقه ؟!!!!
لماذا تتجسسين على جوال زوجك ؟؟؟
لماذا تسيئن الظن في زوجك ؟؟؟ من المخطي انت ام زوجك انت تجسست عليه واسأت الظن فيه وهو لم يتجسس عليك ولم يسى الظن فيك اصبح الطالب مطلوب ضربني وبكي وسبقني واشتكي |
رد : صدمتي بزوجي وصديقه ؟!!!!
ربي يفرج همك بس لا تستعجلي لانه الشيطان شاطر و يسول لك امور اخبث من كذا... مثل ما حصل معاي خليك و انا اعلم جيدا كم صعبة بس خليك مثل ما كنتي معاه قبل او اذا فتحتي موضوع حوار افتحيه بس على اساس انك خايفة عليه من صديقه يعني لا تتهمي زوجك بل اتهمي صديقه و خليه يوضحلك الامور و باذن الله كلها وسوسة من ابليس خزاه الله |
رد : صدمتي بزوجي وصديقه ؟!!!!
اقتباس:
تقولك هو اعطاها جواله " لكن امس زوجي معطيني جواله استخدمه كم يوم لان جوالي معاه تبادلنا" ما تجسست عليه بالعكس هي استخدمت الجوال الاستخدام العادي بس هو "نسى" يمسح مسجاته!! |
رد : صدمتي بزوجي وصديقه ؟!!!!
المشكلة من يتهم الرجل كيف ذلك؟؟
ولا يوجد دليل واحد ضده !!! عجبي لهذه المشكلة بها اتهام وتبرئة بنفس الوقت فسبحان الله فكيف يكون شاذ ومحافظ على فروضه بل وملتزم؟؟!! كيف يكون شاذ ويحب أن يسمع قرآن الله مبتعداً عن قرآن الشيطان من لهو وغناء؟؟!! كيف يكون شاذ وطلباته من زوجته طبيعية بل وعادية مثل أي رجل لم يعرف إلا هي في العلاقة؟؟!! من يفعل فعلة قوم لوط لا يوجد في قلبه خوفاً من الله ولن يحتاج لزوجة وبيت ومسئوليات وتعب نفسي وجسدي وهم وغم ومشاكل وصرف فلوس وما سواها ولا بعد تقوليله لا تسافر وسمع كلامك يا شيخه خافي الله في هالمسكين فلا حول ولا قوة إلا بالله أنت أكثر من يعرفه في هذه الدنيا والمشكلة ربما في صديقه للظروف التي تعرض لها في حياته فأصبح عاطفي أو ..... لا أعلم ما مشكلته وبإمكانك أن تفهمي وضعه من زوجك |
رد : صدمتي بزوجي وصديقه ؟!!!!
العقد الفريد
البعض صلاته وأمور دينه عادة وليست عبادة بالنسبة له فيؤديها تأدية لأنه معتاد عليها ولأن المجتمع حوله يطالبه بها ولأن المحيط حوله يحرص عليها لا أكثر ولأنها لم تنبع من قلب يخاف الله ويرجوا رضاه وتحضرني هنا قصة ذكرتها أحدى النساء الكبيرات التي أحسبها بإذن الله ممن لا يكذبن أو يألفن القصص فابنة جارتها تزوجت رجل يعمل إمام مسجد وطبعاً حين نسمع كلمة إمام مسجد لايمكن بأي حال أن يخطر ببالنا أنه رجل غير صالح كان هذا الرجل يحضر البنت لأهلها كثيراً ويتحجج بإنشغاله ببعض الأعمال ويأتي لأخذها متأخراً وفي يوم طلبت البنت من أخاها أن يرجعها لبيتها مبكرة فتفاجئت بأضواء المجلس مضاءة وصوت همهمات يخرج من هناك لتتفاجىء بزوجها في وضع يندى له الجبين مع رجل آخر فلماذا صلاته لم تمنعه من هذا المنكر وهذه الفاحشة العظيمة؟ لأنه لم يكن يصليها لله ولكن للناس ليقال عنه أنه صاحب طاعة ودين ويصلي |
رد : صدمتي بزوجي وصديقه ؟!!!!
عين العقل انك منعتيه من الذهاب لاندونيسيا
من تجربه شخصيه ..للاسف رايت شبباب بلادي بكل مكان بهذه الدوله ..بمناظر مخزيه انتبهي لزوجك ..حتى لو سافرتي معه انتي .. |
رد : صدمتي بزوجي وصديقه ؟!!!!
أختي الكريمة
حاولي أن تنسي كل ما قرأتي في جوال زوجك وإمتنعي تماما عن التجسس في جوال زوجك وأحسني الظن به ولتكن ثقتك بالله وبزوجك طالما أنه ملتزم كبيره ثم لا تتهاوني عن قضاء حاجاتة أو التبسم في وجهه و رؤيتة أحسن البشر لا تفكري أبدا بمصارحته بما قرأت وذلك لسببين الأول أن زوجك لم يفعل شيئا محرما أو خارج عن المألوف والثاني هو أنك المفروض أن تكوني مرتع الأمان والثقه والصدق في وجوده وفي عدم حضورة فكيف لزوجك بعد مصارحتك له أن يأتمنك على شيء من أموره وقد وثق بك وسلمك جواله في السابق وحدث ما حدث يعني ستفتحي بابا جديدا على نفسك أنت بغنى عنه وهو باب الغموض والتستر من قبل زوجك ثم أنه أساسا كان يقصد شيئا ما سلمك جواله فهاذا دليل على طهارة زوجك وثقته الكبيرة بك فلا تخسريها فالأمر لا يستحق اللهم أبعد الشيطان عنها وأشغلها بطاعتك يارب |
| الساعة الآن 02:09 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©