|
الليالي الرومانسية والتكلف الحاصل فيها ..ماذا تعني للرجال ومطلوب رأي النساء
السلام عليكم ورحمة الله وبركاته
من بداية زواجي وانا غير مقتنعة ابدا بما يفعله بنات جنسي من تكلف مبالغ فيه وحركات غريبة تذكرني بايام الروضة << استغفر الله مادخلت روضة اقصد ايام الابتدائي بالونات .. لمبات .. ستكرات .. بطايق .....الخ الخ الخ كل هذا تحت مسمى الرومانسية والتجديد اللي تعبي البيت بالونات .. واللي تسوي ليلة هندية .. وليلة شامية وليلة مادري شنو تعمل بطاقات .. وتملا البيت ستكرات قلوب ونجوم :15: الملابس اللانجري الجديدة اللي طلعت .. لبس خادمة .. لبس ممرضة .. لبس شرطية والتقليعة اللي ابدا مادخلت مزاجي ان تقوم الزوجة بلبس عباية مخصرة في البيت لاغراء زوجها .. يالله العجب الالعاب الزوجية هذي ابدا مادشت دماغي بنوب بنوب اي حركة مصطنعة لجذب الزوج ماتستهويني للاسف << بتقولون الله يعين زوجها ما ادري احس اني تفكيري مختلف هل فيه احد مثلي من بنات حواء ؟؟ مع ذلك حياتنا الى حد ما مستقرة وجميلة بالنسبة لي اقصى شي اسويه لبس جديد شمعدانات باشكال مختلفة ورد مجفف << وهذي ماتطلع الا في المناسبات المهممة :d ولبس جديد وميك اب كوبين عصير واذا بدددعت سويت جاتوه وصلى الله وبارك واحس بعد اني تكلفت مرة وحدة استهبلت وخذيت من اختي مفرش مكتوب عليه شعر :18: زوجي ابتسم يوم شافة ابتسامة صفراء مدري وش مغزاها حسيته يستخف فيني .. او يمكن عجبته .. او ... مدري المهم بعدها حرمت اسوي حركات قرعا خلص كلامي وابي اراء الرجال ما رأيكم في ابداعات النساء في هذا الموضوع .. بالتفصيل .. يعني كل واحد يذكر مايستهوية ان كان العاب زوجية .. لبس معين .. حركة معينة .. ام ان هذا كله لايعني لكم شيئا .. ؟؟ وبالنسبة للنساء .. هل تأيدون هالحركات المصطنعة لجذب الزوج .. ؟؟ هل فيه احد مثلي اساسا ؟؟ شااااكرة لكم مشاركتي في هالموضوع الركيك |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
ضحكتيني من قلب ع المفرش احسك ندمانه قد شعر راسك :)
الصراحه حلو التغيير بس مو مثل هالاشياء عسى ماشر لبس خادمه ونحله وقطوه ومدري ايش انا احس لو بلبسها بستهين بنفسي ههههههههه مااتخيل شكلي صراحه التغيير بالجديد تلبس شي جديد راقي وجذاب & ورد طبيعي & مفرش جديد & شموع مو بالاستهبال مع احترامي للي يسوونها بس انا ماافضل هالاشياء هذي وجة نظري واللي يعجبني احترامي وودي لك |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
ههههههه
ابد مااحب حركات اول ابتدائي على قولتك تحوسين البيت واخر شيء انتي راح تنظفين وتكنسين القصاصات الورقيه :d << شفتي الحاله كيف انا باقي على زواجي كم شهر بس اظن اني زيك << اقدر اقول الله يعينه علي بس تبين السراحه ترى ( العقل نعمه ) بلا خرابيط ليله حمراء، وصفراء، وزرقاء اممممم سمعت انو فيه ليله ثلجيه :24:هههه سمعتي عنه ؟! |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
انا معاك :)
سالفة الازياء التنكرية ابدا ما دخلت مزاجي ..ولا الليالي الملونه والمنوعه اقصى شئ عندي شموع وورود مجففه وفواحات .. اذا الميزانية حلوة حجزت فندق وغيرنا جو فيه .. واذا الميزانية على قدي ليله مساج وتدليك وشغل محترم فقط :) |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
تحولت الليالي الرومانسية إلى ليالي كرتونية
|
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
انا ما احب هالأمور أبداً بتاتاً البته
وهذا انا فقط وليس كل الرجال فما ادري صراحة لكن اذا تهورت زوجتي وسوتها ما احب اكسر بخاطرها خصوصاً بعد عودتي من السفر او غيابي كم يوم عن البيت مع انه يكفيني جو هادئ ولباس جميل وانتهت الليلة على اكمل وجه |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
لابصراآآحه ياورد .. تعتبــي نفسك ..
كاآآسين عصيــر وأحيآآن تسوين قاتوه .. مسويــه شي جديد والله .. <<< ترا أمــزح معاك لاتزعلين نمـووووون هههه شوفي أنا ضــد لصقات وحركات الفصول الأبتدائيه .. بس أنك تغيرين من ستايلك مثلا مره ستايل هندي ومره شامي ومره مغربي أنا أشوف أنه شي حلــو ..حتى تسوين شي من أكلاتهم وحلوياتهم .. بس تعالي وش سالفة العبايه المخصره .. من وين جت ذا الحركه .. وأنا أقراها صار فوق راسي علامة أستفهام حجم xL .. |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
السؤال اللي يطرح نفسه
ليله شاميه وليله هنديه وانا اتنكر والبس واستخف عشان ارضي زوجي ؟؟ ليه يقبل عليا هذا الشكل؟ يفترض اني ما اهون عليه واخلي نفسي مخفه من باب التتغيير عشان يتونس ويغير جو انا استخف بنفسي؟؟ لاحظو عمرنا ما سمعنا رجل لابس لبس هندي ولا متنكر بزي عصفور لزوجته لانه لا يقبل على نفسه هذا الشيء ..اذا حب يفاجئ زوجته او يعمل تغيير لبس ملابس مرتبه وخلى الجو رومانسي باضافة شموع وفواحات واضاءه رومانسيه وورود مثلا عشاء جميل الى اخره .. عن نفسي لا احب التنكر والتصنع او الاستخفاف بنفسي كذلك لا ارضى على زوجي ان يتنكر او يستخف بنفسه في سبيل ارضائي او لعمل تغيير لحياتنا .. |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
وجهة نظري كرجل ...
لا أحب هذه الأجواء المتكلفة أبداً .. أحب أن يكون المكان مرتب والإضاءة هادئة وااللباس أنيق .. المشاعر الرقيقة والعفوية لها وقع في النفس أكثر من حركات الإستهبال البهلوانية وأظن أن الكثير من الرجال اللي زوجاتهم عملوا لهم هالشغلات يجاملون زوجاتهم لكي مايكسروا بخاطرهم بس .. |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
سبحااااااااااان الله حبيبتي ورد
وربي كأنك تتكلمين عني ,, وربي انا نفس الشي احس هالحركات تاافهة يعني الرومانسيه ماتكون الا بهالحركات مااكذب عليك سويت مره ليله بس بجد حسيت اني تاااااااافهة بدرجه انا احب التجديد مثلك في اللبس والميك اب وهذي تسعد زوجي دائما بس بجد اذا ان شاء الله حبيت اسوي شي جديد حدي ترتيب الغرفة واحط شوية شموع ممكن هيك لكن غيرهااا لااااا مشكووووورة على الموضوع مررررررة عجبني |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
التغيير حلو ومطلوب وانا من النوع الملوول من الروتين المتكرر لدرجه مايمر ثلاث شهور بالكثير الا واغير مفرش السرير اكرهه اذا طول بشكل عجيب وامل من النوم عليه
انا من النوع اللي اعشق التغيير والحركات المعقوله يعني بين فتره وفتره اسوي لينا ليله بس ماهي حمراء تكون ملونه احط ورد طبيعي احط مفرش عليه عبارات ومضيء احط فواحه واضاءات تعطي عبارات وحاجات حلوه بس لبسي لايمكن البس حاجه ماهي لايقه علي يعني بدل رقص وخرابيط حمامه وخدامه وهالبهرجه لا يمكن اسويها بس انا مع التجديد اللي مايغير طابعك الشخصي يعني مافيها شي لو غيرنا بالمكان واضفنا له لمسات تعطي انطباع ايجابي وروح هاديه وتخلي الشخص يسترخي وينبسط زوجي مااعرف اذا عاجبه او مو عاجبه اشوفه مبسوط بس يمكن يمشي الوضع شككتوني حسيت انه يعطيني علي قد عقلي بس لايمكن اجلس فتره طويله وغرفتي نفس ماهي عليه اكره كل شي فيها لو ماخربطت وبدعت |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
الله يهدينا
|
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
انا بالنسبه لي كل ليله رومانسيه وحلوه بقرب زوجي
طبعا اهم شي المكان نظيف وريحته حلوه وانتي مرتبه عمرك هذا شي يومي بالنسبه للجو الرومانسي لازم كل ما تحسين ان زوجك مضغوط من العمل من اي امر تفكين عنه بتزيين رومانسي للمكان واهم شي ذكرى الزواج انا اسوي حركات بس كل فتره والثانية لأن المفاجأه حلوه وتغيير الجو مطلوب لكن بشي راايق مو كل هالضجه اللي قلتي عليها موفقه |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
ماأنكر ؟؟
مرت بي فترات ضنيت ان الحل ..العاب زوجيه شوكليت وقلوب ونرد وملابس تنكر ..ولصقات مضيئه لكن ماعمري سويت ..اكشن مرررره ..ابدا .. وبعدين في ملابس التنكر تقدرين تلبسينها اي يوم ..وفيه تنكر خفيف دم ..مو واضح مره ولا تحسين انك رجل فضائي ..اقصد مره فضائيه والالعاب عطيتها وحده اعرفها ..لانها ماجابت ولا نتيجه ولا حتى مره وحده ..حلوه التلقائيه وانا عني اعشق الشمووووووووووووع ..والفواحات ..والبخور ..والتدليك ..والمساااج ..وصلى الله وبارك واذا على النومه بالفندق ..ماجربتها عشان احكم ..انا احب اغير جو بالسفر .. وغالبا ..اعشق البحرررررررر |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
اقتباس:
يعني تقدرين تقولين ندمانة لاني انا اساسا موش مقتنعة بمفرش مضيء وعليه شعر وحركات لكن لو شجعني كان سويتها عشانه بس ردة فعله ماعرفت افسرها فقلت خلاص مارح امسخر عمري مرة ثانية:( اذن اتفقنا انا وانتي انو لبس حلو مع شوية حركات ورد وشموع يأدوا الغرض شاكرة لك مرورك |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
اقتباس:
ايه سمعت عن الليلة الثلجية اعتقد تسوي قطن بطريقة معينة... نسيت ... لاني مالتفت لهالأمور وبعدين ابلشي فتنظيف القطن خخخخ |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
اقتباس:
حياك الله gawlp صدقتي حجز الفندق يغني عم مية ليلة ملونة ومشربكة بس يبيلها ميزانية مرة وحدة سويتها ولحد الان نفتكرها بخصوص المساج مرة كذا تلحلحت وجبت زيت مساج من بودي شوب نسيت منه وانتهت مدته^^ ياليت تعلميني اش المطلوب للمساج بدون تكلف :29: << ناوية تخربها |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
اقتباس:
هذا اللي يسمونه المختصر المفيد فعلا احس هالامور للفرجة ومالها اي علاقة بالمشاعر |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
ياهلا اختي
انا معاك الصراحه ما احب اسوي هذي الليالي واتكلف لاني انا بالنهايه انظف واتعب انا كان كنت مروقه سويت مساج وبس لاني حاسه ان المساج هو الشي الوحيد اللي يحبه الزوج واذا مررررره بغيت اسوي ليله رومانسيه ولعت كم شمعه وعطرت الغرفه ولبست لبس ناعم وحلو:25: والصراحه الوحده مع شغل البيت مافيها تسوي شي هذا بالنسبه ليا ما اصدق اخلص شغل وارتاح:11: |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
السلام عليكم ورحمة الله تعالى وبركاته
في إحدى أيام فضولي تلصصت على برنامج فوزية الدريع " من الفراغة " وقد قطعت عهداً في عدم مشاهدة برنامجها الساقط ، قالت إحدى المتصلات لها بأنها تزينت بلبس ممرضة لزوجها لعمل ليلة رومنسية ولكسر الروتين ، ولكنها تفاجأت بأن هذه الليلة أنقلبت على رأسها بسبب أن زوجها قال لها بأن هذه الحركات تستوحى من الأفلام الإباحية مطالباً زوجتة من أين أتت بهذه الفكرة وأين رأتها!! ، وبدأ الشك في علاقتهم وهوت هذه العلاقة بسبب تلك الحركة الغبية !! فأنصح جميع النساء الإبتعاد عن كل ماهو شبهة أو ماتستخدمه الساقطات !! لتجنب حالات الشك لدى الرجال " المفتحين " أما اللي تلبس احمر واصفر وازرق واخضر هاذي تروح تشتغل بالسرك احسن ههههه بالنسبة لي ك رجل أحب بأن أقضي ليلة هادئة مفعمة بالروائح الطيبة والملبس الجميل ( والملبس الجميل افهموة عاد انتم ) كل الحب . |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
انا مثلك اختي
ما احب هالخرابيط ولبس تنكري وما ادري شنو جو هادئ المكان معطر ولبس انيق وعشاء مميز وخلاص وصلى الله وبارك:22: مرة شطحت وحبيت اغير فلبست من ملابس زوجي ورسمت لي سكسوكة بالكحل :23: اول مادخل زوجي انفجع وخرج بسرعة بعد لحظة رجع وهو فاطس ضحك علي وكل ما ذكر هالموقف يجلس يضحك>>> يعني انبسط:14: الله يسخر لنا ازواجنا وخليهم لنا بدون ليالي ملونة:d |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
اقتباس:
اخيرا استقريت على زيت بيبي جونسون ..يا زينه وريحته هادية ومنعشه..واهم شئ ما يحسس للي بشرتهم حساسة .. اضاءه خافته روائح طيبه ..وبس^_^ |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
بالنسبة لي انا ما اعرف هالسوالف أبدا
وما ادري اذا زوجي يحب هالاجواء والا لا بس اللي اعرفه أني ماهرة في المساج لدرجة أني اذا سويت حق زوجي انا أخدر وأنام واخليه يعاني مسكين😄 |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
الناس أذواق ...
أنا مثلاً أعشق هذه الأزياء التنكريـة على المرأة .... ولكن أن يأتي أحدهـم ويلمح إلى أنها فعل الساقطات فهـناك مشكلة في عقله بالفعل |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
اكيد اننا لما نقول *( ليله رومانسيه ) اي انها احتفال بطريقه مميزه ... وخاصه ..
مختلفه كلياً عن كل ليالي الزوجين .. فترتيب الغرفه وتغيير مفرش السرير و تعطيرها والتغيير في اثاثها واضافة بعض اللمسات .. ووالاناره واشعال الشموع ذات الرائحه ،، ضروري ان يكون اهتمام اسبوعي او حتى ان بعضها يومي ...* لكن ؛؛ الليله الرومانسيه .. هي اضافة شئ مميز ،، *ومبتكر ويروق لشريك الحياة .. فعلى سبيل المثال ...فلا مانع من التغيير ولبس البدله المصريه الخاصه بالرقص ... اذا كان الزوج يحب ذلك .. ويروق له* والناس فيما يعشقون مذاهب.. |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
اقتباس:
أبـــدعتي~ بجــــد .. هذا المفهوم الصـــح والمنطقي لليالي الرومــانسيه .. ماننحرمشي منك يامشرفــتـنآآ :22: |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
اقتباس:
يهمني جدا رأي الرجال في هذا الموضوع لان الزوجة تبذل مجهود مش عادي وتربك نفسها في هالليلة المنيلة وتعد لها العدة والعتاد وتخصص ميزانية كل هذا اعتقادا منها انها رح تسحر الزوج بهالامور والقهر ان كل ذلك لايعني للزوج شي اقتباس:
مضاربة انا وبنتي من بعد المغرب عشان تنام وع فكرة زوجي ما اكل القاتوه يقول مايبي ياكل وينام .. امحق سهرة شرب العصير مجاملة مع انه لزيز واللهي ماسبق وسمعتي بسالفة العباية ياستي بعض الرجال يطلبون من زوجاتهم يلبسون في البيت عباية مخصرة وتسوي لثمة وتسوي ميك اب خخخ وتلبس تحتها لانجري ع اساس انه مواعد وحدة الله لايبلانا وفيه زوجات يسوونها من نفسهم ... << تخرب ع عمرها وهي ماتدري ابد ابد ماعجبتني هالحركة وش هالانحطاط ياعالم |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
اقتباس:
الازواج مساكين زي ماشفتي راي الرجال بالموضوع مع انهم قليل يمكن يجاملون زوجاتهم والزوجة تستانس من هالمجاملة وتعتقد انها جابت الذيب من ذيله << هي صح كذا ؟؟:) وتدددهر كمان وكمان وتطلع ابتكارات واختراعات وهي ماتدري ان الرجل لايهمه في هذه الليلة الا شي واحد فقط ويمكن يدعي بنفسه يارب ماتكررها هههه اقتباس:
والله لو الزوج يصارح زوجته باسلوب راقي جدا وبوقت مناسب مو فذاك الليلة عاد .. شوية ذوق انو هذي الاشياء ترا ماتعني لي شي زي ماسوى زوج احدى صاحباتي المسكينة سوت السوايا وعملت العمايل فليلتها الحمراء وبنفس الليلة قالها زوجها شكرا يازوجتي العزيزة بس ترا ما احب هالاشياء :29: :29: وفر عليها الجهد والوقت والمال بس لو اختار الوقت المناسب كان افضل اقتباس:
الله يرزقنا الجنة وياك ولا يجعل الدنيا اكبر همنا بس ماتحسين ان ازواجنا مظلومين معانا؟؟ احيانا ينتابني هذا الاحساس لمن ادخل منتديات الحياة الزوجية واشوف الهوايل اقول الله يعوضك يازوجي العزيز ... في الجنة طبعا :29: وهذا اللي خلاني اكتب الموضوع ابي اعرف هل الامور هذي تهم الزوج اولا ؟؟ شاكرة مرورك الجميل |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
اقتباس:
منك نستفيد عندي مفرش مضيء وعليه شعر تبينه ؟؟ مرمي في الدولاب .. يضوي مع نفسه هههه رايك محل احترام وتقدير واسلوبك ماوصل للمبالغة اللي اقصدها مع انو لي تحفظ على المفرش المضيء << يا اني تعقدت منه الحلو فيك حكاية التغيير في غرفتك طيب مفرش غرفة النوم غالبا غالي معقولة كل كم شهر بتشترين مفرش جديد وتقطين القديم كلفة ؟؟<< بخيلة انا مو من النوع اللي يغير كثير اكتفي بالترتيب والنظافة والروائح الجميلة واحس اني مو صح ؟؟ << بدت تخرب اقتباس:
اقتباس:
راي جميل ورايق الله يهنيك ويسعدك |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
اقتباس:
صدقتي ما اصدق ينامون توم وجيري اللي عندي عشان اخذ نفس عمييق واسترخي اساسا انا ابي احد يسوي لي ومساج ويهدي لي اعصابي والله لي فترة افكر اعمل مفاجأة لزوجي بمناسبة ترقيته بس مرة الوقت ضيق وكل ماافكر في اسوي سوربرايز لزوجي العزيز وليلة مزبركة اتذكر الترتيبات اللي قبلها اهووون خخخ عجازة من قلب اقتباس:
من زمان عن برامج فوزية الدريع بس والله اذكر كان حلو برنامجها اما الزوج اللي اتهم زوجته انها ساقطة معليش هو اللي ساقط مع مرتبة الشرف صحيح ننتقدها او ما تعجبنا .. بس نتوقف عند هذا الحد مساكين الحريم .. ودها تسوي نفسها اراقوز عشان هالرجال مايلتفت لا هنا ولا هنا :11: وكمان مو عاجب شاكرة مرورك |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
اقتباس:
ترا مو هذا اللي اقصده بالعكس احب لحظات المرح شكلي بسويها وعجبتني الدعوة حيل حياك فديت تاج راسي اقتباس:
وانا كمان ماعجبني كثير زيت بودي شوب بس مالقيت غيره اجل خلينا ع زيت جونسون ليه الخساير :) اقتباس:
شسالفتكم مع المساج لا لا لااازم اتعمق في موضوعه << بدل ما اخربكم خربتوني |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
اقتباس:
ممممم .. غريبة الاختلاف وارد اعتقد والله اعلم ان عمرك في العشرينات ولمت تبلغ الثلاثين ممكن يتغير تفكيرك يارب ماتكون زوجتك من نفس فصيلتي اقتباس:
راي جميل ورايق ماعدا البدلة المصرية خخخ << راسها يابس |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
لا احب الحركات ولاتحرك قلب الزوج فالزوج المحب يحبك لو بجلابية
والزوج غير المحب لو تجلبين انواع الورد والحركات فلن تحركي قلبه اما من رأئي فيكفي مساج ولبس انيق وعطر واظن الرجال مايحبو هالحركات لان هدفهم واحد بدون هالحركات |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
اهلين اشواقي للجنة
الله يرزقنا الجنة وياك ولا يجعل الدنيا اكبر همنا بس ماتحسين ان ازواجنا مظلومين معانا؟؟ احيانا ينتابني هذا الاحساس لمن ادخل منتديات الحياة الزوجية واشوف الهوايل اقول الله يعوضك يازوجي العزيز ... في الجنة طبعا :29: وهذا اللي خلاني اكتب الموضوع ابي اعرف هل الامور هذي تهم الزوج اولا ؟؟ شاكرة مرورك الجميل[/QUOTE] هلااابك ورد امييييييييين وجميع المسلمين اممممممم , ماادري شقولك بصراحة لا ان شاء الله مايكونوا مظلومين معانا:25: بس بجد مو داخلة رااسي ذا الحركات بس اسويها نادرا اخاف الحبيب يكون يحب هالاشياء ويمكن لوسألته مايقول الصراحة ويجامل وانا مثلك اشوف الهوااايل ههههه مرة قلت لوحدة مااحب اسوي هالحركات ,, قالت لااااا الرجال يحبوووونها خخخخخ احترنااااا:11: التجديد شي حلووو ومطلووووب بس يكفي كلمة حلووة من القلبببببببب ونظرات صاااادقة وجو هادي وروائح حلوة وترتيب ولبس جميل هذي الاشياء افضضضضضضضل من اي شي ثاني:22: |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
شخصيا أشوفها شيء ضروري مو عشان الزوج بس
عشان نفسك بعد لان المرأة تحس بسعادة كبيرة لما تغير شكلها ولبسها ..... التقليعات في اللبس تعتمد على شخصية المرأة يعني لو المرأة جدية ومباشرة دخلت بلبس غير شكل زوجها بينفجع وبينتقدها لكن لو شخصيتها مخروشة وعليها طلعات من فترة والثانية ما راح يصير في زوجها شيء بالعكس راح يعجبه الرجل سواء جدي او لا .. ماله علاقة بالموضوع .... بالنسبة للمساج بقول شيء بس أخاف تضحكون :d اتوقع الرجال يحبون المساج بدليل الوالد كل ما جاء البيت مدد رجلينه يعني كبسو رجليني فلما نكبس رجلينه كذا اتوقع يجيه احساس اننا حاسين بتعبه واننا مقدرينه ونحبه وهيك :d |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
اهلين اختي
انا معاك لسبب لان زوجي ماتستهويه هالاشياء والحمدلله ماقد تعبت راسي واصلا ماستهوتني الالعاب الزوجيه ابدا يعني ممكن عشاء في جو هادئ ولبس حلو وريحة جميله تكفي بالغرض بس للامانه انا اختلف معاك بالنسبه للمفرش بالعكس هذا نوع من التغيير مافيه لا استخفاف ولاشئ مدري احس الرجال يهمهم شكل الغرفه من حيث الترتيب والتعطير مابالك لو غيرتي فيها شي جديد مثلا مفرش مضي واناره خافته بتعطي جو للغرفه مختلف اتوقع بيعجبهم مليون في الميه لان غرفة النوم لها جوها الخاص عند الزوج وبيحس بأنك مهتمه فيه وبعض الرجال مايحبون يصرحون ....وهذا اللي يكسلنا ههههههههه والاحلى انه مودايم بس كسر للروتين |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
انا لا تستهوني ابدا
يكفي اضائه وشموع ولبس انيق ومساج بس مووووودايم علشان ماتفقد رونقها المفرش المضي مادخل مزاجي ولا اتخيل احطه على السرير ولو جاني هديه ماااعرف انام وفي اشياء على المفرش مضيئه البهرجه وحركاااااااااااااات الابتدائي مااااحبها |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
ليه مارديتي علي ؟؟؟ ولا ماعجبتك مشاركتي ؟؟؟
|
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
انا عن نفسی احب الاناقة و البساطة. التغيير جمييل بين فترة و اخری و لکن ببساطة. شموع، سفرة قصيرة، لبس انيق و...
لا احب الحرکات البهلوانية و لکنی لا اعجب ممن يحبها فهناک من يحب التغييرات الرهيبة. |
رد : الليالي الرومانسية والتكلف الحاصل فيها ..ماذا تعني للرجال ومطلوب رأي ا
اقتباس:
انا اعشق الليالي الرومانسيه وهي كسر للروتين وابداع وفن ولا يبدع في هذا الفن اي احد في الحقيقه ما أتخيل ان زوجتي تدخل علي لابسة لبس دجاجة مثلا ولكن الاجواء الهنديه الصينيه مثلا او حتي ممرضه لا غنا عنها في رأيي اللي مايطول العنب يقول عنه حامض قطعا هي بالفعل مهارة وتقنيه لا يبدع فيها الا من هو اهل لها يعني كل وحدة تعمل اللي يناسبها يعني علي سبيل المثال تجي متينه وتلبس ممرضه ماتركب يعني زي الميك اب او الصبغه يعني صبغه صباح ماتركب علي وعد تقبلو تحياتي |
| الساعة الآن 03:39 PM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©