|
رجل يقول ابي ازوج عليك؟ ايش ردت زوجته عليه!!!
زوج قال لزوجته ودي اتزوج ردت عليه بهذه الأبيات>
(ماذا قالت له) بصراحه اول رد اقرأه في حياتي بهذه القوة المهم :قالت تبي حرمه؟ وانا مثلك ابي رجال!! يشد حبال ظهري إليا البخت خانه. تبي حرمه؟؟ شعرها ليل وعين كنها الفنجال.. وانا مثلك ابي رجال!! قليل اقوال واذا ينطق يقطر حكمه لسانه!! ابيه افعال... وأفعاله تتم بليل كتمانه.. تبي حرمه؟؟ وانا مثلك ابي رجال!! ما هوب تمثال .. مكون من شنب وعقال وثوب يسحبه خلفه... عجز في كيها الغسال... ابي رجال له مبدأ .. له أفكار تلخبطني وضلعي المعوج اليا مال.. يعرف شلون يضبطني... ابي رجال؟؟ لاشفته تذكرت العظيم الله وذكرت النار والجنه ابي لي شاعراً عذري له احساس يغرقني.. ابي رجال!! ما هو شاطئ ولا هو رمال ولا بزنس ولا هو ريال ولكنه هموم أمه وكيف نفوز بالقمه؟ وكيف نربي الأجيال؟ نخلي بنتنا أنثى ونخلق في والولد رجال... تبي؟ وأنا مثلك ابي رجال!! كثيره بديرتي الأزوال وقليل من بينهم رجال.... كفوووووو والله زوجة ولا كل الزوجات ****** لذلك اقول لا تجادل الأنثى فإن قلبتك احتقرتك وإن كرهتك تنال ما ناله هذا المزواج اقصد هذا الزوج"""" |
رد : رجل يقول ابي ازوج عليك؟ ايش ردت زوجته عليه!!!
كثيره بديرتي الأزوال
وقليل من بينهم رجال.... |
رد : رجل يقول ابي ازوج عليك؟ ايش ردت زوجته عليه!!!
[QUOTE=jomana3;2799595]كثيره بديرتي الأزوال
وقليل من بينهم رجال....[/:22: |
رد : رجل يقول ابي ازوج عليك؟ ايش ردت زوجته عليه!!!
صح لسانها كفو بصراحه
|
رد : رجل يقول ابي ازوج عليك؟ ايش ردت زوجته عليه!!!
من جد كلآمهآآآآ في محله ...
وأضيـــف ^^^^^ ^^^ ^^ ^ (( الــرجــــــــآآل فصيلــــــــه نـــــآآدره مهدده بالإنقــــــــــــــــــــــراض )) <<<<< التكلم هنااا عن الرجال وليس الذكور تآملهاا بعمق |
رد : رجل يقول ابي ازوج عليك؟ ايش ردت زوجته عليه!!!
والله تزوج ماتزوج مادرينا عنه الا المسكينه اللي تعلق قلبها والا ماتبي الفشيله من قريباتها
والاهو عادي بالعكس لاتزوج عليها كرهته وشافت نفسها بعضهن تستمر وبعضهن تطلب الطلاق مثلي لاني اخاف على عيالي تسحرني مرته والا تسوي بي شئ وانا ابي الراحه يقولك ابعد عن الشجره ودابتها لان الرجال معاد به رجال .. وكلمه حرمه توديها وتجيبه لانه عايش ياما وسط بنات والا دلوع ماما |
رد : رجل يقول ابي ازوج عليك؟ ايش ردت زوجته عليه!!!
هلا بالسموره وينك غايبه
|
رد : رجل يقول ابي ازوج عليك؟ ايش ردت زوجته عليه!!!
روحهــــــآ عطر
بلييييييييييييييز حبيبتي صورتك الاولى احلى والله احسها خانقه العصفور المسكين وهو يستنجد ويقول ماما النجده ماما ماما:24: |
رد : رجل يقول ابي ازوج عليك؟ ايش ردت زوجته عليه!!!
عرفت ترد عليه ما شالله
يا زين البنت لا صر بها عزة نفس الي يبيعك بعه |
رد : رجل يقول ابي ازوج عليك؟ ايش ردت زوجته عليه!!!
نورتوا صفحتي بكلماتكم واسلوبكم الراقي في التعبير0000
تحيااااتي للجميع000 |
رد : رجل يقول ابي ازوج عليك؟ ايش ردت زوجته عليه!!!
اقتباس:
|
رد : رجل يقول ابي ازوج عليك؟ ايش ردت زوجته عليه!!!
يسلمو سماري
|
رد : رجل يقول ابي ازوج عليك؟ ايش ردت زوجته عليه!!!
اقتباس:
عموما القصيدة حلوة إذا أخذناها من باب الاستهبال لكن أشوف من غير اللائق أن تتغزل المرأة بالرجل أحسه شيء يفشل :d تحياتي |
رد : رجل يقول ابي ازوج عليك؟ ايش ردت زوجته عليه!!!
حتى لو أفترضنا أن هذه الابيات مصنوعه وغير محاكية للواقع
ماهو صحيح إن الوحده تقول لزوجها انها تبي رجال وهي عنده . حتى لو من باب الخيال معقوله فيه وحده تقبل على نفسها تقول كذا ؟؟؟ الشي الأهـــــــــم التعدد له حكم وفوائد وقبل هذا كله هو سنة لكن بشروط أهمها الخوف من الله , ومنه يأتي تحري العدل , الاستقامة الدينية الصحيحة . كذلك الاستطاعة . والاهتمام التربوي . وان يكون مبني على هدف ويكون ناجح بإذن الله إذا كانت النية لله سبحانه وتعالى . الملاحظ في زمننا هذا أسأل الله أن يعطينا خيره النساء تحارب التعدد بكل قوة وهذا من نتائج التأثر بالأفلام والمسلسلات الهدامة وكذلك الفكر العلماني والفكر الغربي أيظا وحتى أكون منصف أيظا سبب آخرليس بسيط و هو بعض الرجال فاهم هالموضوع غلط فقد يعدد ولايتحرى العدل والتعامل بالحكمة مع زوجاته أو غرضه الانجاب ويهمل جوانب التربية والاهتمام او بغرض الـتأديب للأولى وهذا من الجهل . التعدد قديما رغم قلة النساء وكثرة الرجال كان موجود بكثرة وكان اللي معاه ثنتين او ثلاث يعيشون مثل الأخوات ومنهم أمثلة موجودة لوقتنا الحاضر خرجت أجيال . الآن كثرت حالات التأخر عن الزوج للفتيات وبعضهن تتمنى أن تكون زوجه ثانيه إذا كانت الاولى راضيه , لكن هنا سؤالين : 1- هل ستوافق الأولى ؟ السواد الاعظم لا والسبب غيره زائده (وتسميها ضره ) طيب ليش ماتتفاءلين بأختك وتحسنين النية وتسمينها ( نفعة ) يمكن هي اللي تنفعك لو احسنتي النيه وحبيتي لها الخير يمكن عيالك ماينفعونك وعيالها ينفعونك واقول الكلام هذا من حالات موجودة واعرفها . بس الاوليات طيبات ونياتهن طيبه وتحب الخير لأختها . لو احسني النية أختك ( نفعة ) تشيل عنك نصف الوقت اللي يروح لزوجك هالوقت استغليه في امور عبادتك . 2- هل نفعة بتكون فعلا نفعة والا بتصير ضرة ؟ الجواب / في علم الغيب . ولكن اتوقع والعلم عند الله ,,, أن الرجل هو القائد وعليه حسن الاختيار ثم توضيح الاطار الكامل للحياة لزوجاته ثم التعامل والتوجيه الصحيح بعقلانية وضمير . في النهاية أقول التعدد خير وبركة وسنة لكن بشروط أهمها تحري العدل مع الاستطاعة واللي نيته طيبه بيلاقي خير بإذن الله . واللي نيتها طيبة الله سبحانه بيرضيها ويبارك لها بإذنه عز وجل في علاهـ ومن باب حسن الظن والتوكل واليقين الكامل اتحـــــــــــدى أي شخص يخلص ويجعل نيته لله في أي عمل ومـاينجح ؟ مهما كان هذا العمل صغير او كبير بإذن الله نهايته النجاح والأجر على قدر المشقه . |
رد : رجل يقول ابي ازوج عليك؟ ايش ردت زوجته عليه!!!
اقتباس:
وي مس يو (بالانقلش):d تروح وترقع بالسلامه ياأمر (بالمصري):d |
رد : رجل يقول ابي ازوج عليك؟ ايش ردت زوجته عليه!!!
والله قد صارت معي كثير من إخواني بالذات في العيد دائما يهنونه ويقولون له (من العايدين ومن الفايزين وكل عام وانت بخير وبنت حلال ان شاء الله )
عاد زوجي يقول لهم لا خلاص ماعاد ابغى تكفيني زوجة وحده عاد مدري يقولها يمكن علشان يرضيني بس يمكن في داخل قلبه يقول ياليت الله يسمع منكم ههههههههه اقول يمكن كل الرجال يتمنون يعددون وانا اقول كذا من منطلق ان اغلب الأزواج كذا الله فطرهم على حب التعدد لاكن بعضهم يخاف مايقدر يصر ح باللي في داخله ويقول لي دايما سمعتي اخوك وش قال وكمان اولاد اخويه اللي انا عمتهم نفس الموال ارد عليه اقول له روح جيب لك ثلاث واذا تبغاني كمان افسح لك مجال لرابعة ابشر ولا لك الا اللي يرضيك يرجع يسكت ولايرد طبعا لما يقولون له تزوج وانا موجوده عندهم وجها لوجه ارد عليهم خير ان شاء الله هو اشتكى عليكم قال ناقصه شئ انا منقصة عليه شئ من حقوقه هاذا هو قدامي انت اشتكيت عليهم قلت لهم شئ يقول لا والله انا ماتكلمت هاذولا هم إخوانك وعيالهم طبعا اقول لهم جربوا انتم عددوا ولو نجحت تجاربكم خلاص ذاك الساع ازوج زوجي بس انتم اول شئ تزوجوا على حريمكم يجلس كل واحد يحسس على راسه بعضهم يقول ماعندي مهر اقول له ابشر انا اساعدك واعطيك المهر انت بس تزوج يقول زوجتي راح تزعل وهي نفسيتها تعبانه اقول له وكيف انا نفسيتي فولاذ كيف تخاف وتخشى على مشاعر زوجتك وانا اختك ماتخاف على مشاعري وعلى بيتي شوفه قدامك لو يتزوج زوجي بتشجيعك له وانا ماني راضيه والله غير اشيل عيالي واجيك البيت انا وياهم واغث قلب قلبك انت وزوجتك واخلي عيشتك جحيم فين اروح انت اخوي تتحملني وغصب عنك يقول والله انتي موبعيده تسوينها فينا ويرجع يرقع لا انتي صدقتي انا امز ح معاك لا تزعلين اقول له لا مافيه شئ يزعل لاكن اترك عنك السوالف اللي مالها داعي واللي قاهرني واحد من اخواني توه متزوج يقول لزوجي ماتبغى تعرس عمي ابو زوجتي باقي عنده بنت ماتزوجت ايش رايك نخطبها لك وتراه ماهو متكلف واجد مهور بناته مو غالية ومسكته واعطيته دش لليوم هاذا ما يدق لاعلى جوالي ولا على جوال زوجي قال انا امزح معاكم وانتم تصدقون وانا قلت له امز ح معاك بس هو زعل مني انا اللي ضايقني انه يمدح في اهل زوجته وفي اخت زوجته ويقول كلام عنهم ويزين صورتهم قدام زوجي والله وانه يكذب في كل شئ كل عايلتنا يعرفون هاذا الشئ بس هو يبالغ انا صراحة قلت له شكلك تبغى تترك شغلك وتشتغل خطابه يمكن دخلها اعلى من دخل وظيفتك وهو زعل وعصب المشكلة انه مايقدر والله اني وقفت معاه انا وزوجي يوم ملكته ويوم زواجه وزوجي ساعده كثير وياما تسلف من زوجي وزوجي يسامحه فيها ولا عمرنا ردينا له طلب واللي قاهرني يجلس يستفز زوجي ليش ماتتزوج شكلك خايف من المدام انت عندك خير وماتصلح لك الا حرمتين لو ماتزوجت على فلانه هاذا يثبت لي انك خواف وانك منت قدها ياربي والله ما كأنه اخويه حمي اخو زوجي ماعمره جاب لزوجي طاري الزواج ولا التعدد واخويه هاذا جالس لزوجي كل مايقابله في الديره يطري الزواج والتعدد لزوجي يتزوج زوجي برغبته ورضاه واقتناعه ماعندي مانع يمكن انه ابتلاء والله يصبرني ويعينني عليه لاكن يتزوج بتشجيع الآخرين لا هذا شئ ما ارضاه والله لاحرقه واحرقهم معاه واخلي اللي شيشه وشجعه ينفعه الحمدالله انا ضامنه كل شئ البيت بأسمي والسيارات بأسمي والرصيد في حسابي وياربي لك الحمد والشكر والله ماغير اطلعه من كل شئ مثل الشعرة من العجينه واخليه يتزوج ويبيت بالشارع هو وعروسته وانا وعيالي كل شئ عندنا وتحت تصرفنا والباقي ربنا يسهله مادام ان ولدي كبير ماني بحاجة زوجي ولا انا بحاجة اهلي الله يحفظ لي اولادي ويصلحهم ويهديهم واللي يبيعك بيعه حتى لو كان غالي زوجي خلاص اخليه يشوف مستقبله من جديد لأنه بيجدد شبابه طبعا لازم يبتدي حياته من جديد علشان يحس بالشباب زوجه جديده وبيت جديد واطفال صغيرين من جديد علشان يعيش الجو صح مايصلح انا نعيش معاه انا وعيالي مانبغى نذكره بالشيب والتعب والمرض نخاف عليه يتعقد نفسيا لو شافنا وتخرب عليه المتعه الجديده لا لا احسن شئ احنا لحالنا وهو يبتدي حياته من الصفر وانا راضية عليه الله يحفظه ويستر عليه ويسهل له اموره لاكن لو تزوج برغبته هو وطلبه هو بعد مايوضح لي السبب اللي يبغى يتزوج علشانه هنا في الموضوع اعادة نظر اما غير كذا حالفه فيه ليطلع من البيت مامعاه الا ملابسه وزين لو اعطيناه اياها ههههههههههههههه لا تستغربون من كلامي انا صادقة في كلامي ويخلي اللي يرقصونه على مزاميرهم ينفعونه . |
رد : رجل يقول ابي ازوج عليك؟ ايش ردت زوجته عليه!!!
اقتباس:
جزيت خيرا |
رد : رجل يقول ابي ازوج عليك؟ ايش ردت زوجته عليه!!!
اقتباس:
حبيبتي الله يخليلك ابو العيال وجعل عينه ماتشوف غيرك بس مرره غريبه اخوانك بهذي الطريقه وش الطاري عليهم اي مزح هذا اسمحيلي مزح ثقييييييل وماله داعي ابد بيني زعلك لهم علشان يبطلوا ذا الحركات00 موفقه يارب |
رد : رجل يقول ابي ازوج عليك؟ ايش ردت زوجته عليه!!!
:22: الله الله .. عجبتني قصيدتها تبرد القلب . . الحياة الزوجية أخذ وعطاء .. الرجال مايبغالهم غير هذا الأسلوب |
رد : رجل يقول ابي ازوج عليك؟ ايش ردت زوجته عليه!!!
كلام جميل أخ ابو عبدالله
بس حبيت أضيف اضافة اقتباس:
اقتباس:
اقتباس:
|
رد : رجل يقول ابي ازوج عليك؟ ايش ردت زوجته عليه!!!
اقتباس:
لاكن اخواني من ابويه هاذا ديدنهم مايعرفون يمزحون ويتحدون الواحد الا بالتعدد وسوالف الزواج وانا متعوده عليهم 23 سنة وهم كل مناسبة وكل عيد يبغون زوجي يعدد احيان نتزاعل انا وياهم واحيان اطنشهم ما التفت لكلامهم الا لو زودوها ومسخوها زيادة ارجع لهم الصاع صاعين وفي النهاية يقولون مزح اي مزح والله اني طلعت من المستشفى تعبانه وهواخوي اتصل يتحمد لي بالسلامه وطلب زوجي يسلم عليه واعطيته الجوال بعد ماسلم عليه والله انه يقول له والجوال سبيكر يقول لزوجي ياشيخ تزوج لك بنت 18 سنه ترتاح فلانه كل يوم تعبانه وكل يوم طالع لها شئ ياربي شئ يقهر والله اني تمنيت اطلع له من شاشة الجوال وكنت تعبانه ومافيه شدة للمشاكل بس تعافيت واتصلت عليه واعطيته دش وزعل وقلت له امزح معاك مثل ماتمزح معاي فهم صاروا يستفزوني بهاذي السالفة انا اكثر الأوقات اطنشهم اقول لهم هاذاك هو زوجي قدامكم شيلوه وزوجوه اربع وريحوني من لجتكم لما اقول كذا يقولون زعلتي احنا نمزح معاك ويقلبون السالفة تنكيت وضحك عاد الله اعلم بنياتهم هم صادقين والا يمزحون . |
رد : رجل يقول ابي ازوج عليك؟ ايش ردت زوجته عليه!!!
ياريت شرح للابيات
|
رد : رجل يقول ابي ازوج عليك؟ ايش ردت زوجته عليه!!!
اقتباس:
تبي حرمه؟ ((تريد امرأة)) وانا مثلك ابي رجال!! يشد حبال ظهري إليا البخت خانه. ((يساندني ويشد من أزري بعد أن خانني الحظ)) تبي حرمه؟؟ شعرها ليل وعين كنها الفنجال.. ((شعرها مثل الليل وعينها واسعة كفنجان )) وانا مثلك ابي رجال!! قليل اقوال واذا ينطق يقطر حكمه لسانه!! ((رجل قليل الكلام وغير مهذار وحين يتحدث لاينطق إلا بحكمة تتقاطر من لسانه)) :ابيه افعال... وأفعاله تتم بليل كتمانه.. ((تريد رجل بأفعاله وليس بأقواله وتكون هذه الأفعال ليست مباهاة أو تفاخر بل تتم بكتمان )) تبي حرمه؟؟ وانا مثلك ابي رجال!! ما هوب تمثال .. مكون من شنب وعقال ((لاتريد رجل مثل التمثال لايعرف أنه رجل إلا بشاربيه وعقاله الذي يضعه فوق رأسه)) وثوب يسحبه خلفه... عجز في كيها الغسال... ((لاتريد رجل خالي من الرجولة يسحب ثوبة الطويل خلفه الذي عجز عن كيه الغسال ))ابي رجال له مبدأ .. له أفكار تلخبطني وضلعي المعوج اليا مال.. يعرف شلون يضبطني... ((تريد رجل له مبدأ في حياته وله أفكار تثير أعجابها وتلخبط كيانها رجل يستطيع بعقله أن يعدل ميلها ويعرف كيف يقيم معوجها فالمرأة تحترم كثيراً الرجل الحقيقي وترضخ له أعجاباً وقناعة بكل مايصدر منه)) ابي رجال؟؟ لاشفته تذكرت العظيم الله وذكرت النار والجنه ابي لي شاعراً عذري له احساس يغرقني.. ((تريد رجل صالح يخاف الله ويحرص على زوجته وهدايتها ويساعدها على أمور دينها وبنفس الوقت تريده شاعري يحسن مداعبة مشاعرها وأحاسيسها كشاعر عذري )) اابي رجال!! ما هو شاطئ ولا هو رمال ولا بزنس ولا هو ريال ((لاتريد رجل همه الوحيد الترفيه عن النفس أو همه الوحيد البزنس وجني الأموال)) ولكنه هموم أمه وكيف نفوز بالقمه؟ وكيف نربي الأجيال؟ ((تريده رجل يهتم بهموم الأمة يهتم بالقمة يهتم بتربية الأجيال التي سينجبها )) نخلي بنتنا أنثى ونخلق في والولد رجال... ((تريد أن تتعاون معه فيجعلون من بنتهم أنثى حقيقية ومن ولدهم رجل حقيقي)) تبي؟ وأنا مثلك ابي رجال!! كثيره بديرتي الأزوال وقليل من بينهم رجال.... ((تقول له أنت تريد أنثى وامرأة وأنا ايضاً أريد رجلاً حقيقي يحمل معنى الرجولة الحق لأن في مدينتها أو بلدها كثيرة هي الأزوال = الأجساد المرتدية لثياب الرجال ولكن ليسوا جميعاً رجالاً فعلاً ولكنهم محسوبين علينا رجالاً)) |
رد : رجل يقول ابي ازوج عليك؟ ايش ردت زوجته عليه!!!
هذه المرأة قليلة حياء وأهلها لم يربوها جيداً
... والمثال بكاملـه قلة حياء وأدب لو كنت أنا الزوج في هذه القصـة لطلقتها بالثلاث غير مشفق عليها .... |
رد : رجل يقول ابي ازوج عليك؟ ايش ردت زوجته عليه!!!
اقتباس:
إذا البيت والسيارة بكده وتعبـه وبماله وسجلها باسمك حباً لك أو خوفاً عليك من مدلهمات الحياة ... فلماذا الظلم بطرده وهو لم يظلمك ولم يفعل بك أي شيء غير شرع الله ؟؟!!!!! هل زوجـك شاهد ردك هذا ؟! |
رد : رجل يقول ابي ازوج عليك؟ ايش ردت زوجته عليه!!!
اقتباس:
وأقول من حقها أن تفضل رجل آخر كمـآ فضل غيرهـآ .. فلـن أتعـالى على شرع الحكيـم .. ولكـن .. أدعوا لرفق .. فقط الرفق لمن أهدته قلبها.. وتمنت بأن تكون الأولى والأخيره بقـلـبه .. ولنقل بأنها سردت تلك الأبيـآت .. من عقل صدم بقرآر يترجم لها بأن هنـاك من تكن أفضل منهـآ .. فـ أرآدت رد القليل من كرآمتها ولو بكلمــآت ,, |
رد : رجل يقول ابي ازوج عليك؟ ايش ردت زوجته عليه!!!
اقتباس:
الرجل لم يفضل غيرها عليها الرجل قال لها ابي اتزوج وهذا حق من حقوقه الشرعية وهي ردت عليه هالرد العجيب اللي صفق له السيدات واستهجنه السادة طيب وش صار بعد ماقالت له هالأبيات تزوج وهي جلست على ذمته ولا طلقها وتزوج ؟؟ |
رد : رجل يقول ابي ازوج عليك؟ ايش ردت زوجته عليه!!!
اقتباس:
بتلاقي أني مانــفــيت حقه الشرعي .. لكن زواجه من أخرى يعني تفضيله لغيرهـآ .. وألا ليش تزوج أذا مايبغي يفضل عليهــآ !!!!!!!!!!!!! .. |
رد : رجل يقول ابي ازوج عليك؟ ايش ردت زوجته عليه!!!
اقتباس:
حريم هذا الزماان مالهم أمـاااااااان |
رد : رجل يقول ابي ازوج عليك؟ ايش ردت زوجته عليه!!!
اقتباس:
بس انت اخي الفاضل اقتبست جزء من كلامي وعلقت عليه ماشفت ولا انتبهت لباقي كلامي ثانيا من حقه انه يتزوج بس مو من حقه يلعب باللي تعبت معاه فيه واللي ساعدته بفلوسي وذهبي وكله علشان أمن مستقبل عيالي من غدر الأيام خلاص اللي يتزوجها تتعب معاه وتساعده وتحط جنبها مع جنبه حتى تكون مثل اللي كونته انا وياه وتاخذه لها حلال زلال عليها مالي شغل فيها هي وياه والله يسعدهم وثالثا مايحتاج زوجي يشوف ردي هنا لأني اقولها له في وجهه مباشرة وماعندي لف ودوران في الكلام كل شئ عندي سيده انا ما اعترض على حقه في الزواج لاكن بضمن حقوقي انا وعيالي من تقلبات الزمن ولأني ماني ضامنة ويش يصير معاه عقب زواجه وهل بيتغير والا مايتغير الدنيا حواله زواله وانا تعلمت الكثير من اللي عددوا حولي والحذر واجب واخيرا الحمدالله هو رجل طيب وكريم ويفكر فينا انا واولادي اكثر من نفسة ومثله قلة بين الرجال والله يحفظه لي ويخليه ذخر لنا يارب . |
رد : رجل يقول ابي ازوج عليك؟ ايش ردت زوجته عليه!!!
عوذ بالله وش ذي المراه صدق مالهن امان وين عنهن حريم بالاول |
رد : رجل يقول ابي ازوج عليك؟ ايش ردت زوجته عليه!!!
اقتباس:
مو كفاية الرجل يروح حتى ريحته ننحرم منها خلنا نشم ريحة ملابسه على الأقل دائما الرجال محامين عن بعضهم البعض في السراء والضراء |
رد : رجل يقول ابي ازوج عليك؟ ايش ردت زوجته عليه!!!
اقتباس:
انتي بس عطيني عنوانه في العمل وانا مستعد اجـيـبله بنفسي بنت الحلال الي ما تطلب منه اي شي وتوفر له بنفسها كل شي له ، بيت وسيارة ورصيد عالي وكل شي كل شي يطلبه .. ويرتاح من أفضالك الي تـتمـنين عليه فيها كل دقيقة :d |
رد : رجل يقول ابي ازوج عليك؟ ايش ردت زوجته عليه!!!
كل الاحترام كلام جميل جدا وصحيح 100% |
رد : رجل يقول ابي ازوج عليك؟ ايش ردت زوجته عليه!!!
اقتباس:
بطيبته واخلاقه وتعامله وكل شئ فيه وانا عندي كل رجال الدنيا هاذي كلها ماتساوي ظفره بالنسبة لطلبك لعنوانه يا اخي ماودنا نتعبك ونغلبك معانا لأنه هو لو يبغى يتزوج كان تزوج من زمان بس هو رافض التعدد واقسم بالله اني قد سبق وعرضت عليه انه يتزوج وانا راضيه من كل قلبي وجلست اخيره بين مطلقة وارمله وبكر ورفض نهائيا وتطوعت انا بنفسي ارو ح اخطبها له وكان ذلك لأسباب خاصة بس هو مارضي ورفض ذلك وزعل كل ماجبت طاري الموضوع له بالنسبة لكلامك انه ياخذ امرأة تدفع فيه هيه كل شئ ليش ماتاخذها انت علشان تنبسط ويزيد دخلك الشهري انت معدد وباقي لك في السنة زوجتين ليش ماتتزوج وزيادة الخير خيرين لهاذي الدرجة كاسر خاطركم زوجي وتبغون تزوجونه وبالنسبةلسالفة التمنن خير ان شاء الله اللي يسمع كلامك يقول كل يوم نازله شكاوي على زوجي في المنتدى عطيت زوجي وعطيت زوجي وزوجي عمل كذا وكذا وغير كذا هو معترف بوقفاتي معاه مايعرف يزلط ويبلع وهو سكيتي والحمدالله اهم شئ هو طيب ومتعافي هذا اهم شئ عندي في حياتي اني اشوف زوله قدام عيوني صبح ومساء الله يحفظه ويطول بعمره يارب ويكفينا شر الحاسدين والحاقدين يارب . |
رد : رجل يقول ابي ازوج عليك؟ ايش ردت زوجته عليه!!!
يانوعيتكم كلكم هههههه
حسستوني أن الرجال عبارة عن روح شريرة تكفون جيبو لنا شي يدعو للتفاؤل ، شعندكم ادورون النكد وضيقة الخلق أضحكوا ، أفرحوا ، أستانسوا ، أنبسطوا ، فرفشوا ، حرام عليكم ارحموا قلوبكم مابتعيشون مرتين لاتخلوني أعصب والا والله أخلي أمي تدعي عليكم ههههه |
رد : رجل يقول ابي ازوج عليك؟ ايش ردت زوجته عليه!!!
اقتباس:
الله يهدي بعض الرجال بس مانقول الا الله الحاكم بيننا وبينكم |
رد : رجل يقول ابي ازوج عليك؟ ايش ردت زوجته عليه!!!
حسيت انها تحمست و " كلته بقشوره " اوكي انا بنت غيوره ولاابي زوجي يجيب علي ضره لكن ماراح اجرده من رجولته واهجي فيه لو انه طلب حرام كان ممكن يكون ردها كذا و في الاخير انا قريت هالقصيده قبل كم سنه بس مو بهالطريقه البنت على حسب المكتوب ردت على شخص مغازلجي و"يتميلح" |
رد : رجل يقول ابي ازوج عليك؟ ايش ردت زوجته عليه!!!
بنت الحكمي
عيني خير ، النبي علية الصلاة والسلام قال (لايزال الخير في امتى إلى أن تقوم الساعة) والله العظيم فيه أرجال ينحطون على الجرح يبرى ، وفيه حريم ينحطون على الجرح يورم ، والعكس كلا الجنسين فيهم الزين والشين ، واللي يجية الشين هذا حظة ، والطيبون للطيبات يالله أمدحيني ترى احب المدح ههههههه تكفون أضحكوا والله لايعة جبدي من ضيقة الخلق |
رد : رجل يقول ابي ازوج عليك؟ ايش ردت زوجته عليه!!!
اقتباس:
وانا اختك من يوم دخلت للمنتدى ماشفت اشرار وبس الا شياطين مو اوادم الا دينصورات والا ناس ماتفهم في الحياة نهائيا كأنهم عايشين بكوكب آخر مو معقوله في هذا الوقت وهذا الزمن باقي فيه ناس تفكيرها محدود ومتحجر وتعاملها قاسي وجاف مع النساء بالذات يا اخي النسوان بشر من لحم ودم وعندهم احاسيس ومشاعر وبعض الرجال مايبغون يفهمون كيف يتعاملون مع النساء دائما مستعلين ومستقوين على الحرمة وشايفين انفسهم على النساء . على طاري الوالدة الله يحفظها لك ويطول بعمرها يارب ويرزقك الذرية الصالحة وتفرح قلبها بشوفة اطفالك يارب . |
| الساعة الآن 08:46 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©