في احد حاس فيني
 

السلام عليكم ورحمة الله وبركاته

دائما اللجأ لهالمكان الاني واثقة ان في احد بيخفف عني الهم اللي على قلبي ..

في احد بيسمعني ؟؟ ...

رد : في احد حاس فيني
 

هلا اختي حيااااااك وبياااك المكان مكانك
افااااا عليك كلنا لك ياوخيتي وكلنا اذان صاااغية
تفضلي وقولي اللي عندك وبقي البحصه اللي بتمك:d

هاه سمعينا تراااانا منتظرينك

رد : في احد حاس فيني
 

بكل حب في الله
بنسمعك ونقرالك .. تفضلي

رد : في احد حاس فيني
 

حياك الله
قلوبنا معك واذانا تسمعك

يامرحبا

رد : في احد حاس فيني
 

جزاكم الله الجنة ...


ماادري وش اقول .. لكن اعذروني على التعبير بقول كل اللي في قلبي
يضايقني تصرفات اهلي جدا ولا استطيع ان اجد حل تعبت

ماادري هل لاني اول بنت تتزوج .. ولا وش المشكلة
الحمدلله اني انسانة واعية وفاهمة ولا كان عيشت زوجي بنكد وعذاب من اللي اسمعه

انا طرحت مشكلتي اللي اعدمت نفسيتي قبل اتوقع البعض يعرفها
لكن انا الان اتخذت الصبر الصبر
وهذي المشكلة لسا مانتهى موضوعها لكن خف شوي ..

الشي الثاني تصرف امي بجد عذبني ومااقدر اقول شي امي وش اقولها لواحد ثاني كان تصرفت اي تصرف
اماادري هل انا حساسة بزيادة ولاكيف
من يوم تزوجت واهلي كذا ارهقوني نفسيا ماادري ليه وش السبب .. امي تقول اني بارده
اللي فهمته منها انها تبين ارهق زوجي بالطلبات .. لكن انا عندي قناعات ومااحب اسوي شي الا وانا راضية عنه انا تزوجت لاجل اكون زوجه بمعنى الكلمه ابي اكون زوجه صالحة ترضي زوجها

لكن عندها اللي تطيع زوجها وماتعصيه هذي ضعيفة شخصيه وزوجها مسيطر عليها .. وش هالكلام؟
امي تهتم لكلام الناس كثير .. هي تعرف تقرا و تكتب
وابوي امي لايعرف القراءة والكتابة
احيانا يفرض قرارات صعب تنفيذها ... الله يهديه ويخليه لنا
بجد تعبت ابوي مايتفاهم ابدا لدرجة ان عمري ماناقشته في اي موضوع اخاف من ردة فعله
حتى موضوعي السابق فكرت اكلمه بس خفت .. وخليت زوجي يكلمه وياليتني ماخليته

امي دائما تقولي ليه زوجك مايزورنا وش هذا مايجي يسلم على خاله ولايدور..
زوجي زياراته قليلة كلمته في هذا الشي قالي مااحب اكثر زيارات وهذا طبعي

اخر مره جا عند اهلي وقالي ماابغى لاشاهي ولا قهوه بس بشرب مويه وبسلم واطلع
امي سوت سالفة وش هذا حتى الشاهي والقهوة مايبغى .. والله ماعرفت لامي

كلامها مثل السكاكين في قلبي ... وانا ماارضى على زوجي ابدا .. ماارضى تنقال عنه كلمه وحده
لاني اشوفه ونعم الزوج

هذي مجرد فضفضة من القلب

دعواتكم .. احبكم في الله

رد : في احد حاس فيني
 

رد : في احد حاس فيني
 

رد : في احد حاس فيني
 

لا طبعا .. ان عايشة عند اهلي
وزوجي يجي ياخذني في الاجازات
لكن هو لما يجي ياخذني احيانا يدخل واحيانا لا
اوقات يجلس ويطول مع ابوي واحيانا لا بس يسلم ويطلع

رد : في احد حاس فيني
 

رد : في احد حاس فيني
 

ياعالم وش فيكم انتم تقول الرجال يدخل احيانا بس ضربت مثال جا مرة مستعجل وامها سوت سالفه


اختي الحبيبه حاسة بكل كلمة كتبتيها للاسف امي كانت كذا مع اختي الكبيرة دائما تسب زوجها قدامنا وينتقدونه على الصغيرة والكبيرة بس اختي ماشاء الله على الرغم من صغر سنها في ذالك الوقت كانت صبورة ومكافحة والله يااختي وبدون مبالغه اتذكر لما يجي ينام عندنا كانت تدخل واطفي عليه المكيف وتصحيه بطريقه فيها استفزاز واحتقار وكانت دائما تحرض اختي علي الطلاق ...... لم ينتهي المسلسل تزوجت اختي الثانيه نفس الحكاية بدأت الانتقاد والتحريض لكن هالمرة للاسف اختي كان عقلها مو راحج مثل اختي الكبيرة ارخت اذنها لنصائح امي خليك قويه اطلبي حطي افعلي والنهاية ماذا الطلااااااااااااااااااااااق

تطلقت اختي الثانيه وطاحت على كبد امي وصحت امي من غفلتهاا الان ولكن بعد ايش والحمدلله تزوجت انا بعد ماصحت امي وعرفت قيمة زوج البنت هالحين تركض لا زواج بناتها وحاطتهم على راسهاااااا

اختي نعم ارضي امك وتووددي لها بكل شي الا في زوجك لاصرتي مطلقه بكرة مااحد راح ينفعك

رد : في احد حاس فيني
 

رد : في احد حاس فيني
 

انت اصبر ع كلام امك يعني ايش تقولي لها
الكبار بالسن لاتردي عليهم اسكتي
تقدير لهم وخاصه امك
ولو ع الشاي والقهوه عادي قولي هوا اصلا يقول ان بطنه يوجعه
قبل لاييجي كان شارب شاي او قهوه
اهم شيء ان زوجك راضي عليك

رد : في احد حاس فيني
 

بصراحه فعلا عيب انه ما ينزل يسلم... خاصة انه مب بشكل يومي يجي ياخذك... يعني بين فترة و الثانية و الأصول انه يسلم على الكبار... يا اختي جبر خاطر...

لو انتي تعاملتي مع اهله بنفس المعامله كان زعل منج...

بس انا بعلمج على شي...

العبي على الحبلين مثل ما يقولون...

طلعتوا مع بعض... اول ما تدخلين السياره قولي له ابوي و امي يسلمون عليك (و مثلا خذي اي شي امج تكون مسوتنه كيكه صغيره او حتى حبة بسكوت وقولي له امي تعرف انك ما بتنزل لأنك مستعجل و لزمت علي آخذ لك قطعه) هذا يقرب القلوب من بعضها... و انتي راجعه معاه خذي هدية لو غرشة عطر و قولي لها امي فلان يسلم عليج و يستسمح منج انه ما نزل يسلم و قال لازم اخذ شي لخالتي الغاليه و لا تنسين طبعا ابوج في الموضوع..

و احيانا يوم يجي ياخذج... اتأخري شوي و خليه يدخل بحجة التأخير و لازم تنبهينه لسالفة الضيافة انه ما يجوز يرد ضيافة أحد....

بالتوفيق اختي..

رد : في احد حاس فيني
 

كوني كما انتي ولاتتضايقين
وحاولي تفهمين امك ( لانك مربيتني احسن تربيه هذا تعاملي مع زوجي )
يشابه تعاملك مع ابوي ( اتوقع راح تفرح وتحس بالفخر )

اما كلامها الثاني وتعليقاتها على تصرفات زوجك
حاولي انك فكل مره تتلطفين معاها مهما كان هذي امك وتبغى لك الزين
وبنفس الوقت لاتتغيرين مع زوجك
والله يسهل امرك ويبعد عنك كل هم

رد : في احد حاس فيني
 

رد : في احد حاس فيني
 

ياحبيبتي فضفضي وقولي اللي بقلبك كلناا آذان صاغية
ومثل ماقالو الاخوات قبلي سايسي الوالدة وطيبي خاطرها بكلمتين وداعبيها ومازحيها ووضحي لها انك سعيدة
ولاتلتفتي لتحريضاتها ابدا ..انت بنت واعية وذكية وتقدري تحافظي على بيتك وزوجك ربي يجمعكم على خير ويسخركم لبعض

وطبقي نصيحة الاخت لكل شئ حد صدقيني بتجيب نتيجة فعالة ويطيح الحطب :)
دايما انقلي سلام الوالدة لزوجك والعكس صحيح حتى لو ماسلمو على بعض
وبكل تلطف وود ودلع وغنج حاولي تقنعي زوجك يجلس مع اهلك ويقبل ضيافتهم
وان شاء الله لااستقريت في بيت مع زوجك بتخف هالضغوط كلها

الزمي الاستغفار واقري سورة البقرة وادعي لزوجك ولوالدتك

رد : في احد حاس فيني
 

مشكورين تسلموووون .. بصراحة اكتشفت ان الغلط مني انا باذن الله اصلح هالغلط

وزوجي لازم انبهه للاشياء هذي ..

بجد انا محتاجة خوات كبار يوجهوني يعلموني كيف اتصرف في بعض المواقف

الله يوفقكم دنيا واخره