|
الشوفه الشرعيه والاسئله
السلام عليكم وحيا الله الاعضاء الحلوين الطيبين
حبيت اسألكم هل المفروض الواحد اذا خطب يشوف البنت قبل مايروحون اهلها يسألون ولابعد لاني خطبت وحده واهلها نقدر نقول واصلين وقعدوا يحققون معي وابوها جالس يشوف ميولي السياسيه وتسحيب في الكلام ومافيه احد اعرفه الا وصلوا له وكل الناس عرفت اني خاطب وكلن يسألني وش صار بس يوم شفتها ماعجبتني ابدا وصراحه جلست افكر اني ماارفضها تجنبا للاحراج وبعدين فكرت اني بقابلها طول حياتي والحمدلله مالي علاقات وحارم نفسي ليه اصوم اصوم وافطر على بصل صراحه مليت وزعلت على اهلي لانهم احرجوني لدرجه الثماله ارجوا منكم الارشاد لاني بديت انحرف :27: نرجع لسوالنا هل الشوفه افضل تكون قبل الاسئله ولابعد وووش اصرف هلعالم اللي تسأل وش صار على المشروع افيدونا ? |
رد : الشوفه الشرعيه والاسئله
اعتقد
الشوفه بعد التحقيق .. بس بصراحه اهل البنت مرره بالغو ..والله يعجبوني ..حريصين ليها ..ينشرون ذولا والله واذا عن الي يسألون ..عادي ..ماكتبه الله والسبب ..ماكتبه الله ..مو لازم يكون فيه سبب .. |
رد : الشوفه الشرعيه والاسئله
الشوفه تكون دائما بعد ما يسألوا أهل البنت عن الرجل
ولكن يمكن أن تخبر أهلك بالمواصفات التي ترغبها في زوجة المستقبل ولكن ياأخي لا يصح أن تصف بنت الناس ومخلوقه من مخلوقات المولى بأنها بصله، ثم إن كنت أنت الرجل ستحرج إن لم يحصل نصيب فالبينت ستحرج أكثر وستتأذى أكيد إذا صار الرفض بعد الشوفه ولكنه أكيد أفضل من أن تتابع الموضوع مجاملة فقط. إذا لم تحس بالراحله فالأفضل أن تترك بنت الناس والله يرزقك باللي تسر قلبك ويرزقها باللي يقدرها. |
رد : الشوفه الشرعيه والاسئله
هل الشوفه افضل تكون قبل الاسئله ولابعد
السؤال ثم الشوفة <<<<< وين عقلك وووش اصرف هلعالم اللي تسأل وش صار على المشروع افيدونا ? ما حصل نصيب ... من غير ذكر أسباب. الله يسر أمرك انت دايم يا بصله يا قصيرهــ:d |
رد : الشوفه الشرعيه والاسئله
الله يصلحك اخوي كيف تقول فكرت اني ماارفضها عشان الاحراج يعني حاب تكرر تجربتك السابقه مثلاً
الله يهديك هذا زواج مو لعب وبعدين عادي مااعجبتك انسحب وطنش كلام الناس وان حد سألك مافي نصيب وبعدين اهلك ولا الناس مابيعيشون معك ببيت واحد ولاراح يتحملون حياتك ان كان فيها تنغيص فكر بالمواصفات اللي تبغاها وشدد على اهلك فيها وربي بيسرها لك بإذن الله انا حاااسه انها جالسه وحاطه رجل ع رجل وانت تدور عليها اقصد زوجة المستقبل:d وبعدين ترى تعبنا معك متى نشوف موضوع تفرحنا فيه عشان نرتاح من قروشاتك :23: دعااااابه :d اتمنى لك التوفيق بالزوجة اللتي تتمناها وتستحقها وتستحقك وزيادة |
رد : الشوفه الشرعيه والاسئله
اكيد الشوفه تكون بعد السؤال بس المفروض ماتقدم على الخطبه الا وانت متأكد وواثق من كلام اهلك وصفاات البنت لان وضع البنت مو زي الولد وضع البنت صعب اذا انرفضت بعد الشوفه بعيدن يا اخي المفروض محد يعرف انك شفتها انسحب بسكات وقل لأهلها استخرت وما ارتحت او مافيه نصيب وما عليك من الناس انا خطبت لولدي وحده من الاقارب وسألو عنه وبعدين رحنا للشوفه وكانو اهلها مسوين اعلان وعزيمه وعشا للشوفه بس الحمدلله ان البنت عجبته ....(لكن انا كنت واصفتها له وصف كامل حتى لما شافها كانه يعرفها من الوصف) الله يوفقك لما فيه خيرا لك ولها |
رد : الشوفه الشرعيه والاسئله
احسم امرك ... وبالصالح لك ولها ..
ومالك شغل بالناس .. |
رد : الشوفه الشرعيه والاسئله
مو تتزوجها عشان محرج
وبعدين ماتعطيها الحب والحنان ترا زيها زي غيرها لا تتزوج الا وحده مقتنع فيها عشان تعطيها الحب والحنان وكككككككل شي بحياتك. |
رد : الشوفه الشرعيه والاسئله
يااخي معليش سؤال غريب انت الان في مشكلة حلها وبعدين مجال المواضيع
وابداء وجهات النظر له وقته رايي وانا اخوك المراه جزء كبير من تقبل الرجل لها جمالها وناس واصلين العلم عند الله لكن عادة بناتهم مدلعات وماتعرف الحقوق الزوجيه اذا مااعجبتك قل لهم الله يوفقها واستخر وقل مافيه نصيب |
رد : الشوفه الشرعيه والاسئله
وعليكم السلآم ورحمه الله وبركاته ... الله يحييك أخووي ..
سبحان الله لي فتره اقوول ان شاء الله بينزل موضوع يبشرنآآ فيه عن موافقته لزوجه المستقبل <<< لكن الايام الجاية تبشر بخير ان شاء الله والثالثه ثــــــآبته قوول ياارب طنشش وعيشي يومك ولا تتضايق ... عايدي مثلك وكثير شباب يخططبوا ولا عشر بنات وفي النهايه ربي رزقه بأحلى واجمل مــلآك ... اصبببببر وادعي ربك في السجود كثير بالزوجه الصالحه الجميله العفيفه لا ترفع من السجود إلا وانت طالب ربك بكل ماتريده واستغفر كثير وتصدق بنيه الزواج .... وهي ماهي أول وحده تنرفض من الشووفه مع أني اشووف ارحم لهآآ كيف ترضى تعيش مع انسان يجاملها فأناا أشووف رفضك لهآآ خير لهاا أولآ .. وثانيا لك .. عمومااا أنااا مايقهرني إلا كــلآم الناس الملآقيف قولهم صلينآ استخاره وماحصل نصيب .... وانتهى لآتجـــآآدل معااهم ترى يصدعوا راسك بأسألتهم هههههههههههههههههه... وأكررهااا للمليون مثل هاللأمور لا تتسرعوا في نشرهاا إلا بعد مايحصل موافقه رسميه .. طبعاا عتبي على أهلك وانت أول ذكرت انك كل ماتسألهم يقولوا لك نسينآآ مو معقول لو وصف عام .. المهم الآن شد عليهم شووي وبين زعلك انه المره الثانيه مافيه نسيناا .. وخليهم يووصفوا لك وصف دقيق .. خلك زي ولد خالتي يووم خطب مسك اخته في غرفه تحلفلي تقوول مو أخوي اللي اعرفه يسألني أسأل دقيقه وشرحتله بالتفصيل ومن جد لماا دخل على زوجته في الملكه انهبل الرجال يقول احلى من وصف اختي بكثر ... هههههههههههه.. بحق هالوقت المستجاب بين الآذان والاقاامه يارب تفرج هم أخووناا وتفتحله أبواب رزقك يارب وتستره يااارب وترزقــــــه بأجمل وأعف وأطهر بنوته وتكون قرة عين له ويكون قره عين لهآآ وتسعده يــآرب ويسعدهآآ عااجل غير آجل .... آميييييييييين .. |
رد : الشوفه الشرعيه والاسئله
السؤال أول
وبعدين الشوفة الله يوفقك .. |
رد : الشوفه الشرعيه والاسئله
اقتباس:
اشكرك على الاهتمام |
رد : الشوفه الشرعيه والاسئله
اقتباس:
اقتباس:
انا اقول زي اللي يصوم يصوم ويفطر على بصل يعني واحد يمسك نفسه يمسك نفسه واخر شي يطيح بشي مايعجبه ومااقول فيها الا كل خير هي واهلها :25: >>>> خايف ومن ناحية الحرج والله انحرجت والبنت حست اني ماانجذبت لها وشكلها ضاق صدرها ويعلم الله انه ماكان قصدي وانشالله ربي بيرزقها واحد احسن مني يمكن ماني كفوا لها والله يجزاك بمثل ماتمنيتي لي واكثر |
رد : الشوفه الشرعيه والاسئله
اقتباس:
ردودك دايم تواسيني ودايم احصلك في صفي اهنيك على طاقتك الايجابيه الله يوفقك ويهنيك ويبعث لي وحده مثلك :23: وبالنسبه لعقلي فهو طار كله من الزواج اقتباس:
واروح ادور زوجه ثانيه وبالنسبه للاهل صراحه قصتي محزنه لان امي الله يحفضها من النوع الفاهي يعني كل شي بالبركه ومحرصها تبقق عيونها ومحرص اختي الفاهيه الثانيه ويوم رحعوا منهم اقول لهم هاه كيف البنت لازينه زينه بتعجبك طيب اوصفوها ااااااااا ماادري شكل جديد طيب البنت اكيد بتعجبني ايه ماعليك وقبلها بيوم جالس معهم وفي التلفزيون فلم امريكي وجت وحده ماهي ذيك الجمال بس حلوه يعني مملوحه بس جبهه شوي واقول لهم هاه خطيبتي تشبه لذي يقولون لا والله خطيبتك احلى بكثير رحت اشوفها صراحه حقدت عليهم رجعت قعدت مع الوالده ليه يا اميمتي تسوين فيني كذا احرجتيني عند الناس وكل التسئيل واخر شي كذا انتي تشوفينها مناسبه لي قالت ااااااااا بسم الله علينا تصدق ماانتبهت لوجهها قلت نعم قالت لاهي اصلا جت وقعدت معنا وكان شعرها نازل على وجهها وعلى طول قامت وشوله رايحه ماادري والادهى والامر اختي محرصها تحريص واكلمها الصباح تقول لي يمكن عشانها حطت مكياج طلعت مو زينه واللي اضحكني صراحه خالتي اقولها مااعجبتني تقول لي طيب تكلمت معها تشوف وش منطقها اي منطق وش اسوي به ذا اقتباس:
امين وياك ويتمم على ولدك ويوفقه ويرزقه من حيث لايحتسب اقتباس:
اقتباس:
اقتباس:
والحمدلله ماني فمشكله ولاشي وكان ودي اني تفاديت اني اشوفها ولاتعجبني لاني ماحبيت اني اكسر خاطرها وانتم يالبنات قلوبكم رهيفه اسأل الله انه يوفقها بواحد احسن مني يارب |
رد : الشوفه الشرعيه والاسئله
اقتباس:
وعجزت وانا احرص في الاهل بس مافيه فايده يلهون في السواليف وينسون وش الموضوع ولاماادري وش قصتهم الله يجزاك خير على دعائك امييين الله يسمع منك ويرزقك ويرزق كل من يعز عليك بمثله واكثر وشاكر اهتمامك اقتباس:
خلاصة الكلام انا قررت اتزوج من الرس :22: يمدحونهم اقتصاديات وجمال وذبها في البر ترجع مشي اللي يخبر رقم خطابه من الرس لايبخل علينا وخروا انا اوريكم بااخطب لعمري :23: |
رد : الشوفه الشرعيه والاسئله
أقول يا أخوي لاتفكر بغير نفسك ولاتجامل على حساب حياتك هذي زواجة وحياة عمر ووحدة بتجلس وجهك بوجهها العمر كله إذا الله راد
فإذا البنت ماعجبتك خلاص انتهى والشوفة ماوضعت إلا لهذا الغرض وإلا وش فايدتها..؟!! وبعدين السؤال أولاً عن الشاب ثم تليه الشوفة مو معقول كل من طق بابكم يخطب أختك خليتوه يشوفها بدون ماتعرفون عنه شيء أو سلوكياته أو تربيته فيه ناس ترى ما تنئمن وينخاف منهم فالسؤال لازم إذا ثقة وولد عالم وناس ومتربي ويخاف الله يشوف البنت وأهلك الله يهديهم ماهم مأخذين الموضوع جد وصهم المرة الجاية ينتبهون وعطهم مواصفاتك إلي تبغاها وأكد عليها وإلي تكرهه في البنت وماتحبه نبه عليه وخلهم يركزون في النظر قلهم مثلاً أنا أبغاها عيونها كذا وجسمها كذا وماحب إلي كذا وإلي كذا وحاول تقرب لهم الفكرة وريهم مثلاً ذوقك في الحريم لأن فيه إلي يحب النحيفة وفيه إلي يحب المليانه وفيه إلي يهمه الشعر وفيه إلي تجذبه العيون وفيه إلي يفضل البيضاء وفيه إلي يفضل القمحيه وفيه إلي يفضل السمراء وفيه إلي يبغاها طويله وفيه إلي يبغاها قصيرة أو متوسطة كل رجل وميوله وتطلعاته وبالأخير أبحث عن وحدة تكافئك يعني التكافىء بينك وبينها معقول من جميع النواحي وأهم شيء الدين قبل كل شيء ولو تلاحظ أنا شرحت لك عن الشكل لأني واثقة أن الشكل مهم لإعفاف الرجل بعد الدين ولما تكتحل عينه بما يرغبه يرتاح نفسياً مع شريكة حياته وحتى البنت لازم تهتم بكل النواحي في الرجل حتى شكله وعلى فكرة بعض الناس يعتقد أن الشكل = الجمال الخارق لا الشكل = أرتياح العين للشريك وياما شفنا ناس متزوجين نساء عاديات وشايفينهم ملكات جمال وياما نساء متزوجين شيون وشايفينهم حلوين والدعوة ترجع للإرتياح لشكل هالشريك ومايكتبه الله للإنسان بقلب شريكه من حب وسبحان الله مسخر القلوب والله يرزقك بوحده يحبها قلبك وتعجبك وتعجبها وتنسجمون مع بعض |
رد : الشوفه الشرعيه والاسئله
ضاق صدري يوم قلت انها حاسة انها ماعجبتك خنقتن العبرة وانا مالي دخل
ياقلبي عليها الله يجبر كسرها ويعوضها ويعوضك با احسن من ماتتمنى قوي قلبك وقل مافيه نصيب استخرت وماارتحت طبعاً قبل اي خطوة استخر وربي بيعينك وبيرضيك باي شي تسوية و لاتتضايق من اللي صار ربي بيختبر صبرك الحمدلله على كل حال ولاتشيل هم البنت ربي بيرزقهاالله مايضيع احد * |
رد : الشوفه الشرعيه والاسئله
الله يجبر بخاطرها وبخاطرك ويعوضكم خير
اتخذ قرارك بناء على قناعة وربي يرزقك ماتتمنى ويفرحنا فيك ياعتريس :) |
رد : الشوفه الشرعيه والاسئله
عندي احساس ان امك واختك
من النوع الخجول الي مايحط عينه بعين الي قدامه لو وش مايصير ويخافون لو دققو بالنظر ..تجيهم النقده .. |
رد : الشوفه الشرعيه والاسئله
أكيد السؤال قبل كل شيء و إذا مناسب لهم تتم الشوفه.
الوالد الله يحفظه إذا جاء أحد يخطب يجيب خبره طبعاً من حرصه علينا ثم يشرح له كل شيء وافق على شروطه كان بها ماوافق الله يستر عليه لوكان غريب مايعرف عنا يخليه يدخل ويكلم الوالده تستلمه بالأسئلة. الأغلبيه صح مايعجبهم كذا؛ لكن هذا الصح عشان يعرف انه وراها أهل حريصين مو همهم يزوجون بناتهم وبس. عندي أخ من نوعيتك أحس ذوقه صعب ' فاقترحت عليه يخطب لنفسه ويشوف وبعده يقول لنا نبارك له يريحنا ويرتاح. . |
رد : الشوفه الشرعيه والاسئله
صح لا تقدم على خطوة إلا و أنت مرتاح لها.
هذا زواج مافيه مجاملات. سبحان الله من أول نظرة الواحد يرتاح أو العكس. الله يعين أمك و أختك مو ذنبهم انهم شافوها بغير نظرتك نصيحه إلي يتشرطون واجد آخرتها يرضى بالقليل انتبه تكون من هالنوعيه. الله يرزقك بالزوجه الصالحه إلي تقر عينك بها. |
رد : الشوفه الشرعيه والاسئله
ماتصيرين امي شهرين الين اتزوج بس وارجعك امين وياك ويتمم على ولدك ويوفقه ويرزقه من حيث لايحتسب ماعندي مانع واخطب لك اخت خطيبة ولدي ماشاء الله عليها:d بس اتخذ قرارك مع خطيبتك والله يرشدك للصواب ولاتنسى الاستخاره قبل ماتتخذ القرار حتى ماتندم وترى الجمال مو كل شي ياما نساء ماعندهم جمال لكن معيشه زوجها احلى عيشه بالتوفيق ان شاءالله |
رد : الشوفه الشرعيه والاسئله
اقتباس:
والله يهدي ذا اللي عندي لانهم طلعوا لي بتقليعه جديده يقولون اكيد انك مازلت تحب زوجتك الاولى عشان كذا ماعجبتك :11: |
رد : الشوفه الشرعيه والاسئله
اقتباس:
ووالله حتى انا ضاق صدري حيل عليها وضاق صدري زياده يوم قالت لي امي اليوم انهم اتصلوا ثانيه عليها يقولون نبغاه وصراحه مااودي اني اجامل احد خصوصا فهالموضوع الحمدلله اني قوي ولامتحزبين علي :( الله يكتب لها الخير مااتمنى لها الا كل خير |
رد : الشوفه الشرعيه والاسئله
اقتباس:
امين الله يجزاك خير ويرزقك بس حلو عتريس شكلي بااسمي ولدي عتريس انشالله اذا جا ولقيت الكنز المفقود اللي هو امه والثاني هريدي والثالث قندل يعني جندل :22: اقتباس:
والله اني مميزات حبوب وامي من النوع البارد يعني اللي بتتزوجني ماراح تحصل مشاكل :d بس امرالله اقوى اقتباس:
وكيف بيخطب اخوك لعمره ماادري اذا انت من بلد محافظ ولالا يعني يقدر يشوف البنت قبل مايصير اي شي ولا خذني جيتك مثلنا الله يجزاك خير على اهتمامك واسف كثرت عليك الاسئله |
رد : الشوفه الشرعيه والاسئله
اقتباس:
الله يجزاك خير وهذا اللي حصل ماجاملتهم وحتى اليوم متصله علي امي تحاول قلت لها اسف بس هاذا مشروع خاص فيني وانا اللي بعيش معها وبقابلها وطلعوا يتكلمون وراي يقولون يحب زوجته الاولى عشان كذا ماعجبته بس لاتوصي حريص قعدت لهم :29: اقتباس:
الثالثه ثابته ان تمت ولاببطل صراحه كنت مليان مشاعر واحاسيس ...... وشعنده الفرنسي بس الحين صار هم الزواج ماعادهو وناسه والله يخلي لي اميمتي حبيبتي والله لو يحطون نساء العالم في كفه وامي بكفه لاخترتها حلوة اللبن ماابدلها لو بنجوم السماء الله يخليها لي ويحفضها حبيبتي :15: |
رد : الشوفه الشرعيه والاسئله
أخوي الكريم ,,
ماراح أزيد عن اللي قالوه الأعضاء بس عندي إقتراح هالمره ان شاء الله خلي الوالده واختك ياخذون احد معاهم شوف في العائله مين عندكم من النوع الا يدقق وجريئ شوي يقدر ياخذ ويعطي مع البنت .. عماتك او خالاتك او بناتهم يعني يكون في طرف ثالث في الموضوع يحكم ويوضحلك الصوره ,, وبالنسبه للمشاعر والأحاسيس ترى اللي تمر فيه طبيعي .. لكن صدقني لو جات بنت الحلال جمال ودلال وأسلوب وأخلاق بيطير عقلك فيها .. وبتفجر مشاعرك كلها وبتصير روميو زمانك لاتستعجل على رزقك ,, ربنا يوفقك ويكتبلك مافيه الخير .. بشرنا ايش يصير معاك |
رد : الشوفه الشرعيه والاسئله
تبيني اروح مع الوالده المره الجايه ؟؟
انا اخطب لاخواني من يومي بالثانوي .. اقز قز مووو طبيعي .. ومااسكت هذره من ادخل لين اطلع .. كني اسولف وانا اتقصى .. واذا طلعت من هنا تخطبني ام البنت من هنا ... |
رد : الشوفه الشرعيه والاسئله
اقتباس:
تكفين يا اختي ساعدينا ،،، اخوي له سنتين يبينا نخطب له وحنا الله يخلف علينا عليميات أنا وخواتي ،،، ممكن تحطين لنا خطوات تتبعينها دائماً في الخطبة ،،، خصوصا اذا كانوا من برى العائلة وودنا نعرف معدنهم وأخلاقهم اللقاء الاول ما يكفي ،،، تكسبين أجرنا والله ،،، لأننا ندور في حلقة مفرغة بالأخير اخوي مل وقال والله ما تدرون الا أنا داخل فيها عليكم ،،، مشكلتنا انه اول اخ ،، ( والله انها مهمة صعبة ما توقعتها كذا ) |
رد : الشوفه الشرعيه والاسئله
اقتباس:
امين واياك وشكلي مابتزوج لين افرق العائله كلها لان هالمره كانت من طرف خالتي وشكلهازعلت :25: والمرهاللي راحت من طرف عمامي واكيد زعلوا طبعا ماهمني بكيفهم يصطفلوا شكلي بافرق العائله واخر شي بتزوج من برا الله يعين بس |
رد : الشوفه الشرعيه والاسئله
اقتباس:
هههههه طيب خليني اخطبك ونرتاح من الروحه والرده يسلموا والله ماتقصرين بس تخيلي اقول لامي فيه وحده في المنتدى بتروح معكم تشوف خطيبتي وش ردها بيكون تتوقعين :29: بتقول ماذا تقول ياولد اااه يابطني انتبهوا لاتاكلون من صب واي |
رد : الشوفه الشرعيه والاسئله
والله انت حالك يالوووف يرثى له
الله يفرجها عليك لكن تأكد ان بنت الحلال ربي بعده ماأذن لك بها الله يوفقك وييسرها لك وتطلع فوق ماتتمنى وزيادة |
رد : الشوفه الشرعيه والاسئله
اقتباس:
هههههههههههههههه الله يعينك |
رد : الشوفه الشرعيه والاسئله
امين الله ييسر الامور واتوقع اختبار من الله لاني بعض الاحيان افكر انحرف :27:
بس اتعوذ من ابليس :29: يوووو عاد يشين اللي ينحرف على كبر :d ماتنفع |
رد : الشوفه الشرعيه والاسئله
اقتباس:
يَ كثر الزواجات خليهم يروحو ويقنّصو ع بنات الناس هع بس حرآم البنت , قولو مَ في نصيب مَ ارتآآح أي شي غير إنهآ مَ عجبتك , الله يرزقهآ يَ رب وبعدين آنت لا تتشرط مرره :( , اهم شي الاخلاق والدين وبعد كذآ الجمال مو شرط تكون صآروخ المهم تكون مملوحه :25: , والله يوفقك ويكتب لك اللي فيه الخيير |
رد : الشوفه الشرعيه والاسئله
والله هذا اللي ابغاه دين واخلاق ومملوحه ماتشرطت اهمشي ارتاح للشكل
والله يوفقها يارب وامي تقول انهم اتصلوا يقولون رح شفها ثاني مره وانا خايف اروح نفس الشي ماتعجبني وعاد تكون بايخه من جد فحقها ايش رايكم |
رد : الشوفه الشرعيه والاسئله
دخلت داعيا ... لأني حسيت بمعاناتك مع التجربة الأولى
يارب يوفقك في حياتك ،، ويرزقك اللي تملى عينك ويسعدكم ببعض ... ويكتب لك كل خير وين مارحت |
رد : الشوفه الشرعيه والاسئله
اقتباس:
يمكن كانت لاعبة بوجهها ذآك اليوم وحاطه مكياج ومخربه عمرها بعض البنات مايعرفون يتزينون ويخبصون أنفسهم ويطلعون شيف وبعدين مدام هم إلي مصرين تشوفها ثاني فيتحملون كافة النتائج يعني أكيد خلاص حاطين ببالهم أي رد فعل وأنك ممكن ترفضها والله يكتب لك الصالح |
رد : الشوفه الشرعيه والاسئله
اقتباس:
وآنت م أحسسك مرتآح لو مرتآح كان قلت بشوفهآ ثآني , اهم شي الراحه قبل الإعجآب احس لو رحت ثآني بتجرحهآ لو مَ عجبتك ! والمصيبه الأكبر لو آنهآ ارتآحت لك حتتأثر مره والله مدري = ( أستخير وخلي ربي يمشي الأمور ! الله يكتب لكك اللي فيه الخيير يآآرب والله يكتب لهآ اللي فيه الخييير يآرب |
رد : الشوفه الشرعيه والاسئله
الله يعينك يالوف من حد موقف لاتحسد عليه
استخر وشاور امك وفي حالة انه بعد النظرة الثانية ماارتحت هم يتحملون نتيجة تلزيمهم مو ذنبك الله يوفقك ويختآر لك اللي فيه خير |
| الساعة الآن 11:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©