|
كبيرة..والا مكبرتها..كلمات خادشة للحياء على سيارتنا..
السلام عليكم ورحمة الله وبركاته
بصراحة ترددت بكتابة هذا الموضوع بسبب حساسيته والمشكلة حساسيته تمنعني اخذ رأي من يعرفني قبل امس زوجي طالع مع شباب ولما جاء ياخذني تفاجأت انه مكتوب على غبار سيارته كلمات خااادشة للحياء وكلمات وسخة انا على بالي واقف يصلي بمسجد ومجهول خربط بالسيارة نبهته ردة فعله باااردة عطاني منديل امسح اللي قدامي وهو مسح اللي قدامه طبعا وهو مبتسم كانه مكتوب كلام عادي قال هذولا الشباب اكيد!! انا مامشت براسي ولابلعتها عدتها مرة ثانية قلت اكيد وانت تصلي احد كتب على سيارتك قال لالا هذولا الشباب بربكم شي عادي يُكتب بسيارة واحد متزوكج وقدام مقعد زوجته كلمة عيييييب تنقال الا بين عيال الشوارع هي كبيرة والا انا مكبرتها بصراحة بعد هالموقف عرفت فعلا سبب تغير زوجي لانه السنتين الاخيرة تغير دنينا وبدرجة فضيعة وهو عمر تعرفه على هالشلة السخيفة مقدار تقديري له نزززل خصوصا لما شفت بروووده من الموقف الله المستعان |
رد : كبيرة..والا مكبرتها..كلمات خادشة للحياء على سيارتنا..
شو كان مكتوب
عشان نفهم |
رد : كبيرة..والا مكبرتها..كلمات خادشة للحياء على سيارتنا..
أنا مثلك أتضايق من الأشياء هذه و أحسها تنزل زوجي من نظري
لكن اكتشفت إنه أغلب الشباب كذا مزحكم و تريقتهم كلمات وسخة و ما تنقال :( |
رد : كبيرة..والا مكبرتها..كلمات خادشة للحياء على سيارتنا..
بصراحه غريبه!!!
يعني الشخص اللي يمشي دغري وماعندو اي حركات من هنا ولا هنا اكيد اكيد ماراح يتعرض لمثل هذي المواقف . لكن خلاص ادعي الله انو يهديه ويبعدو عن اولاد الحرام والله يسخره لكي ان شاءلله |
رد : كبيرة..والا مكبرتها..كلمات خادشة للحياء على سيارتنا..
مهما وصل المزاح بين الأصحاب الرجل المحترم مايرضى بهكذا تصرفات من ربعه
ويفرض عليهم أحترامه وأحترام أهله وأصحاب زوجك قليلين أدب وذوق لأنهم لو عندهم شوية أحترام ماكتبوا كلام خارج عن حدود الأدب على سيارة رجال متزوج وهم عارفين أن زوجته بتركب معه وبتشوف هالكلام البايخ أدعي ربك أن الله يصرفهم عنه ويبعدهم وترى الصاحب ساحب |
رد : كبيرة..والا مكبرتها..كلمات خادشة للحياء على سيارتنا..
نبض الدان
لا تتضايقي أغلب الشباب عندهم الكلمات هذي مثل شربه الماي .. أعرف وحده تعاني من هالناحيه تقووول يسولف قدامي ويمزح ويتكلم كلام جدااااا خادش للحياء ... عديهااااا ... لكن علي السياره شوي قويه كونه متزوج والمفروووض مايسمح لهم بهالشي لأنك راح تركبين السياره ... فأنتبهي علي زوجك من هالنوعيه ... وقعدي معاه قعده مصارحه بأنه هالشي يضاااايقك وأنه كل كلمه محسوووبه عليك بدفتر اعمالك وما الي ذلك من هالكلام .. وخلاص اللي عليك سوتيه ... واذا سمعتي منه اي كلمه .. رددي بلكمه استغفر الله وهو راح يستحي مع نفسه ... وبكل صلاه ادعيله..اللهم أني استودعتك زوجي فرده اللي ردا جميلا ... وباعد بينه وبين اولاد الحرام كما بعدت بين الجنه والنار ... والله يفرج همك ويريح بالك ... تحياتي لك .. . . . |
رد : كبيرة..والا مكبرتها..كلمات خادشة للحياء على سيارتنا..
فهمت☺
نبض الدان كبرتيها هذول الشباب اغلبهم يتعاطون هالكلمات كنوع من المززح بينهم وبين بعض موشرط اذا تعاطوا هالكلمات يعني انهم اشخاص سيئيين والله اعلم اتوقع بل واجزم انها لن تتكرر صغريها بتصغغغر |
رد : كبيرة..والا مكبرتها..كلمات خادشة للحياء على سيارتنا..
الشباب يمزحون مزح ثقيل مع بعض... فعديها يا اختي...
|
رد : كبيرة..والا مكبرتها..كلمات خادشة للحياء على سيارتنا..
لا تنصدمي و لا تنقهري عبالك انه الرجال كلهم مثل اخوك و ابوك؟؟؟
معظم شباب هالوقت تعتبر هذه الكلمات عادية عندهم الله يعين ادعي و قول اللهم اكسب زوجي حياء عثمان ... |
رد : كبيرة..والا مكبرتها..كلمات خادشة للحياء على سيارتنا..
اقتباس:
المشكلة المجتمع مو مستوعب ان الفحش بالقول منهي عنه الله المستعان اقتباس:
مو هذا اللي قهرني منه ردة فعله اقل بكثير من المتوقع اقتباس:
والله كريم يصرفه عنهم ويصرفهم عنه انا فعلا اتخذت منهم موقف واحتقرتهم اقتباس:
مشيتها لاجل يمشي المركب ولو انها وااقفة بحلقي مو راضية تنبلع اقتباس:
اقتباس:
|
رد : كبيرة..والا مكبرتها..كلمات خادشة للحياء على سيارتنا..
لا حول ولا قوة الا بالله
|
رد : كبيرة..والا مكبرتها..كلمات خادشة للحياء على سيارتنا..
اليوم طلعتهم
والي امس وزوجي يقول ماراح اطلع والحين بيروح... احس اني محبطة يعني اقلها خلهم مرة لحشمة زوجتك.. بصراحة احس ان زواجي فااااااشل الوحدة ببيت اهلها تشترط الدين شيء اساسي تجيها صدمات مو عادية.. هذا وهو يحسب ع المتدينين.. احس اني مشتتة وتفكيري مشوش.. اشياء كثيرة بحياتي تنازلت عنها بس مااشوف. بالمقابل اي نتائج.. احاول احبه واركز ع الايجابيات بس هو يحطم كل محاولة.. فكرت اقوله مالك حق تروح بس وبعدين اذا ماجت من نفسه مالها داعي.. هذا اذا استجاب لي.. والله لو ماراح اليوم كانت تفرق معي كثيييييييير بس الله المستعان |
رد : كبيرة..والا مكبرتها..كلمات خادشة للحياء على سيارتنا..
اهلين اختي لا والله انك مكبرتها مررره وهي متستاهل وبعدين همن اذا كتب العبارات هاذي وبعدين اتركي عنك الوسوسه مره وحده تغير زوجك في الكلامات هاذي ... انا ماقول الكلامات حلوات بس منزله موضوع عاادي مررره .............. شكلك انتي في مجتمع مغلق مررره .... الحين بعض البنات عنده التصرفات هاذي ........................ لاتكوني موسوسه بزياده مشكلك ماتستاهل اي شي يعني عاااادي مررررره ........ |
رد : كبيرة..والا مكبرتها..كلمات خادشة للحياء على سيارتنا..
اقتباس:
علشان كلامات زوجك فاشل اسمحيلي انتي مرره نكديه وبعدين لاتكوني متشدده بالدين ... وبعدين يوم تقول مششتة تفكيرك هو رايح لشباب ياكلون مخدرات كله كلام تاااااااافه مع مررتبة شررررررف بالتوفيق لكي |
رد : كبيرة..والا مكبرتها..كلمات خادشة للحياء على سيارتنا..
اقتباس:
قلت عرفت سر التغير لانه صار يتهاون بالصلاة وهو كان جدا محافظ عليها.. وصار مايحفظ بصره ويتكلم بالعلماء ويتهاون بالموسيقى واشياء ثانية كلها كانت من ايام تعرف على هالمجموعة اقتباس:
ركز قبل لاترد انا كتبت زواجي فاشل ماكتبت زوجي ابدااا لان فيه اشياء كثيرة تصير تبعدنا عن بعض والكلمات انا عارفة ان الشباب يتداولونها بينهم وان كانت قلة ادب ومو من الاخلاق لان النبي صلى الله عليه وسلم لم يكن فاحشا ولامتفحشا.. بس تكتب على سيارة هذه فعلا قمة الوقاحة وقلة الادب |
رد : كبيرة..والا مكبرتها..كلمات خادشة للحياء على سيارتنا..
اقتباس:
........ انا ارد على موضوعك وعلى الكتبات الي في السياره فقط لاغير ........ انا اقول يكون فيه جلسة مصارحه في كل شي وعطيه حطي النقاط على الحروف ذكريه بالله عطيه اشرطه ... مو تجين تنصحنني وانتي منفعله السلوب الحلو له دور كبير مرره وتقدرين تخطفين قلب زوجك بالكلام الحلو .. ولاتقولي لاتروح للشباب لانه يبغى يقولك ماني صغير يوم تقولي لاتروح وتكون مشكله ... حبه حبه اسحبيه منهم .. انتم يالحريم عندكم اسلوب بس ماتبغون تطلعونهن ليش مادري اقتباس:
لاتخلي ابليس يفرق بينكم ... ولاتقولي زواجي فاشل .. لا تاخذين الدنياء كله تبغين تجي على كيفك .. فيه سلبي وفيه اجابي ... واتمنى انك تمسكي ورقه وتكتبي السلبي الي فيه والجابي الي فيه وشوفي كيف المعادله .. قبل ماتسوين اي شي وبعدين انا ماقلت ان الي يفعلونه صح .. طيب وبعدين اذا كتبو بالسياره همن طيب بالحرقه (( وحسيت من كلامك انتي مو معصبه على الكتبات الي في السياره )) شوفي من جد اتكلم مشكلك هاذي ليس بمشكله احمدي ربك لانه فيه مشاكل تعور القلب الله يوفقك |
رد : كبيرة..والا مكبرتها..كلمات خادشة للحياء على سيارتنا..
نبض..
انا معك .. امر يضايق من تربت على الدين ومثالية الاخلاق.. لكن :: لا يمكن ان نجبر من حولنا ان يكون مثلنا .. او ان نضعهم في قالب واحد .. ولا تغلطين غاطة الكثيرات .. ممن تزوجوا من يختلف عنهم .. ولا تطفشينه .. انزلي له وخليه يطلع لك .. لبناء توافق تسعدين به ويسعد بك .. الزوج خاااصه التعامل معه .. يجب ان يكون بخصوصيه و حذر .. فهو ليس ابن ستربينه من جديد .. لا ادري كيف اوصل فكرتي .. ولكن اتمنى فهمت علي .. |
رد : كبيرة..والا مكبرتها..كلمات خادشة للحياء على سيارتنا..
اقتباس:
ردك اعطاني فكرة عن تفكير الشباب عموما وساعدني اكثر على تقبل اللي صار اقتباس:
والله فرحت لما شفت لك رد الله يسعدك فهمت عليك انا اللي مضايقني انه كان اكثر مني مثالية بس تغير تغيُر واضح وفعلا احيانا اغلط هالغلطة وربي يوجهني للصح ويهدينا جميعا لما يحب ويرضى |
رد : كبيرة..والا مكبرتها..كلمات خادشة للحياء على سيارتنا..
بسم الله الرحمن الرحيم
أختي الطيبة ما فعله زوجك يعاب عليه و الله كيف يقبل ان تمسحي ما أمامك من كلمات وسخة... سبحان و من قال لك أنها أفعال شباب بيتمازحوا بها فهؤلاء رفقة سيئة و خطيرة على زوجك يمكن ان يغيروه 360 درجة من الأخلاق إلى الرذيلة. أختي ادعي لزوجك بالهداية و ناقشيه في رفقتـه فالصالحة خير من الطالحة. والمنطق السليم يقول لصاحبه بقاؤك مصاحبا للصالحين حتى لو وقعت في التقصير خير من مفارقتك إياهم ، وحين تفارقهم فلن يؤدي بك ذلك إلى التوبة والإقلاع ، بل سيؤدي بك إلى استمراء السوء ، وإلى مزيد من الارتكاس حمانا الله وإياك. |
رد : كبيرة..والا مكبرتها..كلمات خادشة للحياء على سيارتنا..
اذا هو مايستحى على نفسه وعلى الناس إلى يمر منهم ، تبينه يستحى منك ؟!
يعني مهما كان ما اكتبها على سيارتي وقدام الناس ، ممكن يقول هالكلمات مع اخوياه نمشيها بحكم الميانه ولكن قدام الناس ويظهرها وعند اهله ، صعبه الله يكون بعونك والله يهديه ويسخره لك |
رد : كبيرة..والا مكبرتها..كلمات خادشة للحياء على سيارتنا..
خليه يوسع صدره لو تسمعين الكلام اللي ينقال عندي في المكتب كان تعذرين زوجك
كلام قذر عربي - انقليزي معجم اغلب الرجال يتكلمون كلام يخدش الحياء اذا كانوا جالسين مع بعض بس مو معناه انهم مايستحون او انهم يروحون يرتكبون محرمات لا بالعكس ناس محترمه وعندها بيوت تخاف عليها لاكن مع بعض ينفتح مجال الهستره ولاتتوقعين انهم صغار في السن طايشين الا كل ماكبر انهبل زياده يعني الشياب هم اللي يجيبونها على الصميم صح غلط انه ركبك في السياره وهو مكتوب الكلام بس يمكنه يبغى يحرك فيك حاجه اجلسي معه واسأليه ليه سوا كذا واذا مانفع استغبي عليه قولي وش معنى الكلمه هذي وايش الكلمه هذي وبكذا راح يستحي منك وماراح يتعودها الله يستر عليك |
رد : كبيرة..والا مكبرتها..كلمات خادشة للحياء على سيارتنا..
هو ماكان عارف انها مكتوبه
ربعه اللي كتبوها وانا اللي نبهته ومعناها مايحتاج توضيح بيني وبينه مافيه حواجز نهائيا بس بين الناس عيب تنقال ومن الفحش |
رد : كبيرة..والا مكبرتها..كلمات خادشة للحياء على سيارتنا..
انا زوجي كان دايم كثير الطلعات مع ربعه ياغدا ياعشا ماعمري قلت له لا تطلع معهم
الين مامل هو من نفسه وصاروا هم يشحتونه عشان يطلع معهم يقولهم لاااااااااا خليك مثلي طنشي وادعي ربك دايم انه يصرفهم عنه وربي بيستجيب دعائك اما اذا قلتي له لا تطلع بيعاند وبيزيد حتى لو ماكان له خاطر بيطلع عشان مايمشي كلامك الصبررر والدعاء وربي يسخره لك ويبعد عنه رفقاء السوء |
رد : كبيرة..والا مكبرتها..كلمات خادشة للحياء على سيارتنا..
زش طبيعية الكلمات
وهل هي موجهه لشخصك ولا لزوجك |
رد : كبيرة..والا مكبرتها..كلمات خادشة للحياء على سيارتنا..
تذكرت موقف زوجتي فتحت جوالي وانا اتحمم وجلست تفتش
ثم طاحت على رسايل بيني وبين صديقي المهم انها لا تمس الشرف ولا العرض ولا فيها قذف فهذه الأمور بعيدة كل البعد المهم اني طلعت من الحمام وهي مباشرة فتحت تحقيق وش هالكلام طحت من عيني ماله داعي هالكلام وانتوا وسخين رديت عليها وش دخلك وسخ نظيف بين اصحابي مالك شغل اذا كان لك الكلام او لأحد له طرف بيننا تكلمي اما انا واصحابي نصطفل لاتحشرين نفسك ولاعاد اشوفك فاتحه جوالي ولا مايصير خير من جد وش دخلها باللي بيني وبين اصحابي اهم شئ الكلام اللي بمحيط العائلة هذا له حدود والكلام اللي بيني وبينها وبس وش انا متزوج وكيل رقيب يراقب كل تحركاتي وكل كلامي اذا الكلام هذا مزحه من اصحابه فهي مزحه بايخه يمكن يبونه هو يمسحها ويتفاجأ فيها وصار المقلب بايخ ماشافها ولا انتبه لها وتلقين زوجك قالهم حسبي الله عليكم زوجتي شافت هالكلام البايخ اللي كاتبينه واحرجتوني اما انك تتدخلين في زوجك وتعلمينه من يصاحب ومن يترك او تعلمينه اصحابك مو كويسين بتنقلب عليك ويعتبرها تدخل وتسلط وتوجيه كأنه طفلك وليس زوجك اهم شئ اسلوبه معاك خالي من هالأسلوب الفاحش ومحترمك ومحترم اهلك خلاص التعامل مع الاصحاب مختلف عن الأهل والزوجه |
| الساعة الآن 01:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©