|
ماذا تحبين ان يرتدي زوجك في البيت
السلام عليكم
انا مقبل على الزواج قريبا جدا ان شاء الله المشكلة اني في هذه الأيام لا ارتدي غير السروال والفنيلة داخل البيت لأنها عملية جدا، يعني متى ما بغيت اطلع ألبس الثوب فوقها واروح وبرضه أنام فيها عادي خاصة أني 90 بالمية من الاوقات البس الثوب ما احب البدل والجنوز هذا وضعي كعزوبي لكن بعد الزواج لازم يتغير الوضع اعرف اني لازم أراعي زوجتي وأتجمل لها مثل ما تتجمل لي وانوع في اللبس داخل البيت، مو سروال وفنيلة داخلية على طول ! لذلك ودي أعرف من الزوجات وش يحبون أزواجهم انهم يلبسون داخل البيت ووقت النوم والاشياء هذي شاكر للجميع مقدما |
رد : ماذا تحبين ان يرتدي زوجك في البيت
فديت زوجي شنو مايلبس
اهم شي الاخلاق وشكرا |
رد : ماذا تحبين ان يرتدي زوجك في البيت
أنا أعاني من هالناحيه كثيرررر ...
كون اني اهتم بنفسي بأقل التفاصيل .. لكن ما ألاقي المقابل وهذا بحد ذاته يخليني أشعر بالاكتئاب .. والملل من شكله علشان كذا حاول تلبس وتتهندس لزوجتك .... وأعطي عيونها حقها الكامل واذا تسأل من ناحيه اللبس ... لبسكم محدود مايحتاج ابداع هذا أسهل مافيه ... وقت النوم : بجامات ساتان ( أذا كانت نفسيتك حلوه وحاب تبسط زوجتك ) و قطنيه ( لليوميات) شورتات و تي شيرتات قطنيه أو قماش اللي ترتاح له وأهم شي العطر ماتخليييه يفارقكك أبد ومنظر السروال والفانيله دخيلك خليها وقت ماتلبس الثوووب فقط وقت الطلعه : مو شي أجباري البدل لأنه موضوع أختياري لزوج واللي يرتاح له .. والله يهنيك بحياتك ومبروووكـ مقدما .... |
رد : ماذا تحبين ان يرتدي زوجك في البيت
الحمدلله لايلبس زوجي الزي السعودي إلا بالمناسبات والسروال والفنيلة البيضاء أسمع فيها من إلي حولي
كزي أساسي في البيت للرجال ولاعمري شفته لابسهم في البيت وأكثر لبسه تي شيرتات وأسبورات وبجايم أما عمله فله زي خاص مايدخل فيه الثوب ولا الشماغ وبصراحة لو زوجي يلبس لي سروال وفنيلة راح أطالبه يتجمل لي زي ما أتجمل له ولا راح أرضى بهذا اللبس مدام فيه خيرات عدة تبهج العين وتفتح النفس |
رد : ماذا تحبين ان يرتدي زوجك في البيت
في ملابس عملية غير الفانيلا والسروال
في شورتات وفنايل قطن تنفع للبيت وبرا البيت انت لو تتقبل الفكرة براسك بتكون سهلة طبعا انا احب هالملابس جوا البيت وبرا شبابية |
رد : ماذا تحبين ان يرتدي زوجك في البيت
تحمل تلبس 24 ساعه سروال وفانيله
انا زوجي للاسف علئ طول. ولما انسافر يكشخ لما نطلع بس ودي يهتم في البيت بعد بشكله علشاني علئ الاقل لو شي بسيط مثل ما قالوا الاخوات واللبس اللي اذكروه انا استانس علئ اخوي لان يهتم بنفسه |
رد : ماذا تحبين ان يرتدي زوجك في البيت
نصيحه لا تلبس ثوب نوم البس اي شي الا ثوب النوم تكميله او بدلة رياضيه شورت
|
رد : ماذا تحبين ان يرتدي زوجك في البيت
شكرا لك أهتمامك البس قميص
|
رد : ماذا تحبين ان يرتدي زوجك في البيت
نصيحه اكشخ والبس لنفسك قبل زوجتك حتى في حياتك العزابيه ليش يعني (ان الله جميل يحب الجمال)
في بجامات رووعه وفضفاضه نفس السروال وتي شيرتات قطنيه مريحه جدا للبيت ومافيها مضايقه لك بالنسبه لزوجي دايم بها البجامات يعني يهتم بنفسه مع كثر حديث الناس على ابو سروال وفنيله مقوله لاتنطبق على الرجال في كثير من الرجال شديدي الاهتمام بنفسهم وبهندامهم000 موفق |
رد : ماذا تحبين ان يرتدي زوجك في البيت
اتمنى يلبس شورتات مع بديات كت او تيشيرتات شياكه ومتناسقه
وبرا البيت ماعليه قاصر انيق جداااااا الشماغ مع الثوب وريحته عود يعجعج بس اتمنى جوا البيت يكون انيق .. ومااتمنى اشوفه ببجامه ستان ؟؟الله يستر اتوقع تكون صدمه نفسيه قويه جدا لي ؟؟ |
رد : ماذا تحبين ان يرتدي زوجك في البيت
احيانا عندما اقرا مثل هذه المواضيع افكر هل زوجي من عالم اخر او هل انتم يا من تكتبون هذه المواضيع مجرد متحمسون؟؟؟
رائع جدا ان تبحث عن ما يعجب زوجتك في المنزل و يسر خاطرها |
رد : ماذا تحبين ان يرتدي زوجك في البيت
شكرا للجميع
فقد أنرتموني بأشياء لم تكن على بالي حتى دعواتكم لي اقتباس:
ما فهمت ليش انتي تعتقدين ان زوجك من عالم آخر ما يهتم بنفسه مثلا ؟ |
رد : ماذا تحبين ان يرتدي زوجك في البيت
أخي الكريم.. جميل جداً أن تفكر بهذه الطريقة الراقية .. لك ولزوجتك .. فعلاً زي ما قالت العزيزة .. سماري برازيلي .. تجمل لنفسك أولاً .. معقولة ( طول الوقت بنفس اللبس ونفس اللون ؟؟؟؟؟؟؟) في بيجامات قطنية ناعمة وفيه بأزارير شكلها مرتب.. و ممكن بنطلونات أو برمودا وعليها تي شيرت وفيه شورتات وبلوزات كت .. جلابية .. أتفنن مدى الحياة روح bhs عندهم أشياء حلوة وأكيد في أماكن ثانية.. الفلينلة والسروال لما تلبس ثوب وتخرج بسسسسسسسسسس.. تخيل زوجتك لابسة نفس اللبس كل يوم ..! .. أدعوا الله العلي القدير أن يوفقك ويجمعك انت وزوجتك على خير .. |
رد : ماذا تحبين ان يرتدي زوجك في البيت
البس أي شي ماعدا السروال والفنيله لان هاللبس صراحه مقزز ...
شورت أو برمودا مع بلايز سبورت < تعجبني هالملابس وزي ماقالت الاخت اللي قبلي : أهم شي ريحة العطر ماتفارقك |
| الساعة الآن 08:36 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©