|
وش راح يكون تصرفك في هالموقف ؟؟؟
السلام عليكم
بدخل في الموضوع مباشره في حال عرفتي بخاااااينه زوووجك ومكالمته لنساء غيييييرك سواء في الجوال او غييييره وش احسن تصرف هل تواجهينه بالادله هل تستخدمين اسلووب التطنيش هل تتطلبين الطلاق لانه مايستاهلك هل ... هل ... هل ....الخ ..... ابغى اراء حكييييييمه .... اذكرو التصرف اللي راح تسووينه ..... وسبب اختيارك له من وجهه نظركم طبعااااا يقولون الاستشاره هي التفكييييير باكثر من عققل لا مانع من مشاركه النسااء والرجااااال ... تشرفون موضوعي بردودكم جميعا :28: |
رد : وش راح يكون تصرفك في هالموقف ؟؟؟
راح أواجهه بالأدله ... أذا كانت موجوده وواضحه مافي مجال يحاججني أو يكذبني ... وهو الأسلوب المعتمد عند الرجال
بعدها أروح لبيت أهلي لأني أنا كشخصيه أكرهه الخيانه والأستغفاااال أن أحسست أنه نادم بشدددددددددده ( احتمال ضعيف)... راح أفكر أرجع مع أنه الثقه ان كانت مهزوزه فالزواج راح يكون شبه جحيم ورجعتي فقط علشان الأطفال ... ومو غريبه مني وقتها ... أروح لأهلي ولا أرجع نهائي ... هو علي حسب نفسيتي أنا ... . . تحياتي لك .... |
رد : وش راح يكون تصرفك في هالموقف ؟؟؟
بالنسبة لي
صار هالموقف وصارت لي صدمة قووووية وعلى طول رحت لاهلي لاني فعلا خلاص طابت نفسي وفكرت جديا بالانفصال مابلغت ولا واحد من اهلي بالموضوع لانه سمعة بنتي كسرت جواله قبل لاطلع<<كان نايم وكتبت له انساني وروح لها لانها كاتبة بالرسالة ليش ماترد علي مااتحمل وكتبت لاراعيت زوجتك ولا سمعة بنتك ولا النونو اللي ننتظره طبعا مااقول ردة فعلي صح بس صدمتي هي اللي حركتني مثل المجنونة من غير تفكير |
رد : وش راح يكون تصرفك في هالموقف ؟؟؟
هلا فيك انا صارلي نفس الموقف وانصدمت مرررررة وكتبت قصتي في المنتدى اقريها وردي عليها وللحين هاجرني مايتصل ولايرد
|
رد : وش راح يكون تصرفك في هالموقف ؟؟؟
هذا الشيء يشبه قرار طبيب بالتدخل الجراحي أو لا ... أنصحك بأن يراك كل مايدخل البيت في صلاة أو قراءة قرآن لأنه سيقارن بينك كإنسانة عفيفة وبين بائعات الهوى...والأمر الثاني لا يعتبر الرجال الموضوع خيانة إلا إذا كان هناك اتصال جسدي أما غيره فيرونه موضوع عابر وعادي جدا...وربي الرجل لما يجيه بنشر أو شيء تافه ينسى الحب كل الحب فلاتقلقي كثير أحيانا تكون نزوة عابرة فقط فلا تكسري حاجز الاحترام بينكم لكن أرسلي له عبر جواله رسائل: أنا زوجتك، أنا أكثر إنسانة بالوجود تحب حتى عيوبك، أنا سعيدة بزواجي منك فهل تبادلني نفس الشعور...إلخ
|
رد : وش راح يكون تصرفك في هالموقف ؟؟؟
ابيك تعرفين يا اختنا ان كمية التواصل الحالي اوجدت حالة كسر لحاجز الاتصال بين الجنسين
هذا الثقب الذي بدأ يتسع ويأخذ في طريقه الكثيرين والكثيرات وللاسف اوردنا المهالك هذا التواصل لانه حلل قيم كنا نعتبرها فضائل فاصبحت من المتساهل فيها الخيانه شيء لا يغتفر .. ولكن هناك انواع يمكن معها رأب الصدع وتمشية الحال وهناك منها ماهو نهائي الحكم |
رد : وش راح يكون تصرفك في هالموقف ؟؟؟
مواجهه
صراحه حوار معرفة اسبابه تلمس احتياجاته الدعاء له بالهدايه الدعاء بإن يجعلني قرة عينٍ له العمل على الإصلاح تقوية الوازع الديني لديه وقبل كل ذلك ... ضبط حالتك النفسيه.. جداً مهم ويكون بخطوات مدروسه ... وليكن ؛؛ همك رضا الله .. وطاعته وليس حب الإنتقام لنفسك .. واشدد على العفو والمسامحه وبقدر المستطاع |
رد : وش راح يكون تصرفك في هالموقف ؟؟؟
ما أبغى أفكر في شيء لم يحدث بعد وأسأل الله لي وله العفاف والبعد عن الحرمات
ومجرد تصور أمر كهذا يجعلني أشعر بالمرض وكأن زوجي أخذ فأس وضرب به أواصر علاقتنا وجعلها هشه قابلة للهدم لذلك أكره التفتيش خلفه أكره التنقيب أكره البحث أقول لاقدر الله أن حدث شيء اتمنى أن يتوب لربه ويعود له وينصلح حاله دون علمي أو تدخلي المهم إلا تكون خيانة جسدية هذه لن ولن أغفرها الخيانة تكسر المرأة حتى لو مكالمة بسيطة لأنها راح تطرح على نفسها ذآك السؤال الصعب (لماذا خانني مالذي ينقصني ووجده عند غيري..؟!) وخاصة لو كانت الزوجة زوجة صالحة غير مقصرة وقائمة بحقوقها ومراعية زوجها الخيانة (معول هدم لشيء كان متين وقوي) |
رد : وش راح يكون تصرفك في هالموقف ؟؟؟
السلام عليكم ورحمة الله تعالى وبركاته
في بداية الأمر أسئل الله العلي العظيم أن يخفف مصابك ، وأن يكون في عونك ، وأن يفرج همك ، ويشرح لكِ صدرك ، ويوفقك لما فيه الخير والصلاح لكِ ولعائلتك. الخيانة من أبشع الصفات التي يواجهها الإنسان في حياتهِ ، وفي الأعراف القديمة وقبل الإسلام كان حكم الخيانة هو القتل ، لما في هذه الصفة شيء تكرهة النفس ولاتمقته ولاتطيقة ، بل وحتى الحيوانات أجلكم الله قد جُبلت على كرة وبغض الخيانة ، ولما أتى الإسلام شنع هذه الصفة وجرمها ووضع لها عقاباً رادعاً ، وقد وردت آيات كثيرة في القرآن تبين كرة الله سبحانه وتعالى للخونة !! لذلك لابد أن نتفق جميعنا أن الخيانة جريمة لاتقل شأناً عن القتل ، ولايوجد في هذا الكون شيءُ أسمه خيانة صغرى ( مكالمات فقط ) أو خيانة كبرى ( زنى وخلافة ) ف الخيانة هي خيانة مهما كانت درجتها أو مستواها !! قاتل الله الخيانة ما أمرها على القلب !! ماذا تفعلين يا أوخية أذهبي له وبكل رجاحة عقل ودون تردد وبكل هدوء مع تحكمٍ بالأعصاب ، وبيني له فعلتة وسوءها وبيني له ما تستدلين بهِ من دلائل ، ثم وضحي له بالدلائل أيضاً بغض الله للخونة وجزاء الخائنين يوم القيامة ، وطالبية بالأسباب التي جعلت منه يسلك هذا الطريق ، ومن ثم أذهبي إلى أهلك وقولي له أنكِ لستِ برخيصة ولا بغبية ولا ساذجة وبأنكِ فقدتِ الثقة بهِ ، ولايمكن أن تستمري مع شخص يكن لغيركِ مشاعر حتى لو كانت عابرة وبطريقة الشياطين ، فإن تاب وأعتدل بعدها ف سامحية بمعروف ، وأن لم يتب وأكتشفتي مستقبلاً المزيد من الخيانات فلا تتردي أن تنفصلي عنه (بإحسان). مللنا و بلغ السيل الزبى من هكذا مواضيع ، إلى متى ونحن خانعون لهكذا سلوكيات. لو خانت المرأة قالوا للرجل طلق ، ولو خان الرجل قالوا للمرأة أصبري أقسم بالله إنها لمعادلة ظالمة ، مع أن الخائن سواء ذكر أو أنثى جزاءه عند الله سبحانه وتعالى واحد وبنفس القدر والمكيال . أرجوا المعذرة يا أختي ولكني لا أطيق الخيانة ويخرج مني الكلام دونما حكمة عندما أواجه مواضيع بهذه القسوة . أسئل الله لكِ السداد في الأمر. |
رد : وش راح يكون تصرفك في هالموقف ؟؟؟
شوفي بقولك من تجربة
الحلال حلال والحرام حرام مافيه شي اسمه عابر او مرور كرام واللي يشوف المكالمات والرسائل شيء عابر ياخذ وحدة من ربعه تسوي من وراه هالعابر المهم بالبداية بيقلب عليك الطاولة وليش فتشتي وليش نبشتي انتي خلي كلمتك وحدة ياتترك هالطريق وتغير رقمك ياكل واحد يشوف دربه وبالنسبة لي قلتله قلي انتي طالق بالثلاث لو رجعت لهالطريق اليوم مكالمات بكرا طلعات بعدها الفاس بالراس وانتبهي قبل لاتسلمينه الشريحة امسحي رقمها ورسائلها فقط انسخي ارقامه الباقية علشان لاطلع رقم بالنسبة لي هالمواضيع اكبر خط احمر |
رد : وش راح يكون تصرفك في هالموقف ؟؟؟
المواجهه طبعا
وتحمل جميعع النتايج |
رد : وش راح يكون تصرفك في هالموقف ؟؟؟
التطنيش والهروب من المواجهه لم يكن حل إلا للجبناء ولا احسبك منهم الهروب من المشكل يفاقمها... واللي هو صغير اليوم وبسهولة حله... غدا سيصبح كبيرا ولا طاقة لك لحله... عالجي مشكلة زوجك في أسرع وقت لكن بكل تروي وحكمه.... واجهيه بالأدله... ويا حبذا يكون في الأول بالترهيب ليعلم حجم خطأه ومن بعده بالترغيب وحبك له وحبه لك كي لاتخسريه... لأن بعض الرجال هذاهم الله حتى عند خطأه صعب يعترف فما بالك إذا جرحته المرأه بكلام خاذش لذى أتمنى أن تختاري الوقت المناسب والكلام المناسب... ربي يسهل أمورك |
رد : وش راح يكون تصرفك في هالموقف ؟؟؟
اشكركم من اعماااااق قلبي
مالي غير الله ثم انتو تساعدووونني انا ما ابي اخــــــســــــره ما ابي زواجنا ينتهي ماراح اتحمممممل صح اني مجروووووحه مخنووووقه متضايقه ... بس انا ابي الحل وصلت فيه يكلم نساء مطلقات من اقاربه ؟؟؟؟؟؟؟ تخيلو الصدمه اجلس معاهم ويعرفوني وزوجي طايح معاهم ميااااااانه وضحك وغزل طييييب لييييشش؟؟ بنات في الفيس بوووك بنات في الواتس اب بنات في الايميل ايش اسوووي يمكن اهوون انه يكلم وحده مانعرفها لكن بنات اقاااااربه احسها قوووووويه في حقي سااااااعدوني تكفووون لاتخلوووني انا ما اعرف وش اسووي مطنشششششه وما كاني ادري عن اي شي بس اراقببببه من بعيييييد لبعييييييد ابي اتصرف تصرررف يحفظ كرامتي هو مايعرف اني ادررري بالبنات اللي بالفيس بووك مايدري اني فتحت جواله بالمستشفى ماااااايعرف اني ادري اشكركم كلكم على تفاعلكم |
رد : وش راح يكون تصرفك في هالموقف ؟؟؟
على حسب الخيانة والوضع اللي فيه الزوجين ، أحيانا تكون الخيانة ما ينفع فيها إلا المواجهة ، وأحيانا المواجهة تجيب نتائج عكسية ..
فلو تقولين وش صار بدون تفصيل ، ممكن نفهم الموضوع أكثر .. مثلا لو كانت الخيانة لا سمح الله فيها لقاء وطلعات هذي مو من الحكمة أبدا أنك تتساهلين فيها ،، أما لو كانت مجرد مكالمات عابرة عن طريق الفيس أو بالجوال مع وحدة حتى اسمها ما يعرفه ، فهذي لها حل ثاني .. ونفس شخصية زوجك لها دور في الموضوع ،، والخيانة محد يقبل بها إطلاقا ، لكن التعامل معها لازم يكون بحكمة . |
رد : وش راح يكون تصرفك في هالموقف ؟؟؟
انتي واضح ماهزك الموضوع مرة
عموما يناسبك انك تصبرين لحد مايطلع بالسلامة بعدها قوليله انا احب بيتي ولا ابي اخرب على نفسي بس انصدمت من اللي يصير وراي مخليني مثل المغفلة قدام العالم تعاكسهم وانا اضحك معهم مافكرت بصورتي قدامهم!! ماتستحي من رب العالمين ماخفت على سمعتك وسمعتي قدام الناس انا الحين اخيرك بيني وبينهم واذا تبي تحافظ على بيتك لازم تغير الشريحة اختي عندك اطفال؟ |
| الساعة الآن 08:56 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©