|
تعرفون الحسرة والندم كلها فيني الحين وشكلي بتهور واخسر زوجتي !
السلام عليكم .... كيف حال الأخوان والاخوات ان شاء الله طيبين .... انا باقي لزواجي شهر ونص تقريبا وزوجتي من بداية الملكة لاحظت تصرفات غريبة عليها عدم مبالاة عدم اهتمام يعني ولاكأنه موجود رجل بحياتها كأنها عزابية وصبرت وصبرت وصبرت صبر أيوب المهم اخر شئ حصل سوء فهم وارسلت قالت انه مانناسب بعض وانها ماهي مرتاحة معاي ولاتحبني وماتبي تظلمني معاها وتقول هالكلام الحين احسن من بعدين المهم انا حاولت وحاولت وحاولت اثنيها عن قراراها وفي الاخير استسلمت وخلاص بدأت الغي حجوزات الزواج وبعدين اتصلت علي امها تقول والله ماتقصد وهي زعلت بس وانتا رجال محترم وشارينك ومن هالكلام الحلو وقالت حاول تراضيها مع اني ماغلطت في شئ بس عشان امها وافقت وراضيتها ورضيت واعترفت انه الكلام كان وقت زعل وقالت اني مااتعوض لكن انا حاس كرامتي انداست في الارض لكن اكراما لأمها كلمتها والحين مادري احس في قلبي شئ عليها مستحيل انسى كلامها اللي قالته وكل مااتصل الحين اقعد انتظر بالساعات الطويلة لين ترد والله طفشت نفسي كان في وحدة تنسيني همومي وتشاركني حياتي بحلوها ومرها وماني لاقي في زوجتي الشئئ هذا هل انفصل عنها من الحين وادور لي على وحدة ترضيني وتناسبني مع انو الكل يقول انها تحبني مررررررررة لكن مشكلتها ماتبين هالحب وانا عاطفي جدا ابغا وحدة تشبع هذا الشئ فيني فالحين شوروا علي وش اسوي هل انفصل والا اصبر ؟؟
|
رد : تعرفون الحسرة والندم كلها فيني الحين وشكلي بتهور واخسر زوجتي !
يعني الزبدة اخاف اتهور واجيب العيد معاها وننفصل لاني ماقدر اتحمل طفشت وربي طفشت واحس لو انفصلت مو سبب مقنع يعني فابغا شوركم الله يخليكم .
|
رد : تعرفون الحسرة والندم كلها فيني الحين وشكلي بتهور واخسر زوجتي !
لاااصبر رح عندها يوم وخذ معاك ايس كريم باسكن كبير وخذ لك ملعقتين واجلس انت وياه واقلبوها مصارحات وقلها عن الكلام هذا كله وانك انجرحت منها وتغيرت نضرتك لها وان بقلبك شي عليها وشف اذا صارت تهتم لك زياده وترد على اتصالاتك ولااماانصحك تكمل
|
رد : تعرفون الحسرة والندم كلها فيني الحين وشكلي بتهور واخسر زوجتي !
أغلب البناااااااااااااااااااااااااااااااات صاروا مثل خطيبتك ...
أش الساااااااااالفه .. لازم نفتح موضوع خاص بالمنتدى باسم ( نفور الزوجات "الخطيبات" )... يا عالم اللي يصير لي ولصاحب المشكلة ولبعض الأعضاء ما أدري هل هي طبيعية أم لآ ...؟؟؟!!!!!!!!!!!!!!!!!!!! |
رد : تعرفون الحسرة والندم كلها فيني الحين وشكلي بتهور واخسر زوجتي !
يعني كلنا في الهوا سوا ههههههههههههههههههههه ولله مادري اش الصح نفسي الله يعطيني إشارة او شئ يخليني استمر او انفصل .
|
رد : تعرفون الحسرة والندم كلها فيني الحين وشكلي بتهور واخسر زوجتي !
طنشها يا رجال واضغط على نفسك المشكلة أهلها شاريني وحتى البنت تقول ما أقدر استغني عنك بس بالواقع غييييييير ..
وأنا أحيانا أفكر بالانفصال وأحيانا أتعوذ من أبليس .. |
رد : تعرفون الحسرة والندم كلها فيني الحين وشكلي بتهور واخسر زوجتي !
بصراحه وضعكم محزن لكن في نظري والله يعفو عني يارب ان هؤلاء النساء مستهتارات لا يقدرن الحياة الزوجيه والبعد عنهم غنيمه الله يوفق الجميع |
رد : تعرفون الحسرة والندم كلها فيني الحين وشكلي بتهور واخسر زوجتي !
ترى هالبنت الي انت خاطبها ..
غير البنات الي ايام المراهقه ..هذوليك متعودين طق حنك .. اما العفيفه ..تستنى لما ينامون اهلها وكل اخواتها ويخلى الجو .. ثم تكلم على رواق .. |
رد : تعرفون الحسرة والندم كلها فيني الحين وشكلي بتهور واخسر زوجتي !
اقتباس:
ممكن توضح أكثر ... |
رد : تعرفون الحسرة والندم كلها فيني الحين وشكلي بتهور واخسر زوجتي !
وش محتوى كلامكم ؟
هل يصير بينكم سوالف عادية كنكم اصدقاء ؟ ولا غزل وسوالف المخطوبين ؟ |
رد : تعرفون الحسرة والندم كلها فيني الحين وشكلي بتهور واخسر زوجتي !
بقولها لك صريحة:
البنت وقت الملكة إذا قالت للرجال ما أبغاك وأحنا مانناسب بعض فتأكد أنها صادقة ولو هي حاسة بقبولك وإلا إنجذاب وإلا طايحه عليك وربي لتمسك فيك بيديها ورجولها ترى البنات بالملكة يكونون على البر ولسى ماتدبسوا فتصارح الرجال بينها وبينه لعله يفهم بدون مايلجأ لأهلها وتجي الفكه منه ويتركها بس بعض الأهل هم إلي يصرون ويرغمون بناتهم على الإستمرار ويهددونهم يخافون تطيح بكبدهم فنصيحة أجلس معها جلسة مصارحة وبكل جدية وقل لها يابنت الناس أنتِ مغصوبة...؟؟ أنت حاسه أنك ماتقبلتيني وما تبغيني .....حاسة أننا ما نناسب بعض...؟؟ ترانا تونا على البر ومانبي نبني بيت على يمكن نتقبل بعض ويمكن لا وأنا رجال بتخسر خساير واجد ومابي هالخساير تروح على الفاضي فمن الآن عطيني الخبر اليقين |
رد : تعرفون الحسرة والندم كلها فيني الحين وشكلي بتهور واخسر زوجتي !
اقتباس:
|
رد : تعرفون الحسرة والندم كلها فيني الحين وشكلي بتهور واخسر زوجتي !
مشكلة كل شخص يتكلم من منظوره الخاص ويعمم على البنات
انا بنت واشوف بعض البنات تسوي نفس افعال خطيبتك بس هي تكون خايفة من المرحلة الجديدة اللي مقدمة عليها والالتزامات والمسؤوليات او تكون خجولة ومثل ماقالت الاخت توفي انه ماتقدر تتكلم امام اهلها فلذلك ماترد على اتصالاتك وتتاخر بالرد لانه البنت المخطوبة العيون عليها واهلها يراقبوها مو زي الولد حر نفسه ويقدر يخرج او يكلم من اي مكان اعرف وحدة من زميلاتي كل مااتصل خطيبها ابوها يعصب ومايخليها ترد وتضطر ترد بالدس عليه او تكون فعلا غير راغبة في الزواج وهذا احتمال واحد امام عدة احتمالات , او تكون صغيرة وجاهلة وتقول شئ وتندم عليه بعدين ولابد يااخي الكريم تدخل دورات تاهيل للزواج وتتعرف على طريقة تفكير الانثى او تقرا كتاب الرجال من المريخ والنساء من الزهرة احيانا البنت تقول شئ وتقصد شئ ثاني او تتكلم بالتلميح او تكون تحت ضغط ممكن انت ضغطت عليها في طلب الاهتمام وهي انفعلت حاول تجلس معاها جلسة هادئة وبكل مودة تستفسر منها هل هي تحبك ام لا وهل هي متمسكة بك وماالاسباب الفعلية لكلامها وربي يصلح ذات بينكم ويجمع مابينكم على خير اتمنى من الان نصيحة لك وللزمن لاتلتفت للغة التحريضية على زوجتك وحاول تبحث عن الاسباب الحقيقية للمشكلة |
رد : تعرفون الحسرة والندم كلها فيني الحين وشكلي بتهور واخسر زوجتي !
سبحان الله كأنك تتكلم عن أخوي نفس اللي مر فيه تعرف أيش صار صبر عليها ألين ماتزوجوا بعد الزواج كانت الكارثه
قالت له أنا مابغاك في ناس قالوا لي راح تندمي هو مو كويس ومادري صراحه كلام ينذكر وما ينقال وأمها اللي كانت تهدي الوضع يوم ماكانوا مملكين قلبت على أخوي بعد الزواج آآآآآآآآآه بس ماأقول إلا الله يعوض أخوي تبغى تعرف النهايه أيش تطلقوا وطليقته طلعت كلام عليه مالوا داعي بس لوتعرفوا بلاويها كان كرهتوا البنات ما أقول غير الله يستر عليها طولت في الكلام أعذروني لكن موضوعك مهم عندي الله يوفقك و ينور طريقك. |
رد : تعرفون الحسرة والندم كلها فيني الحين وشكلي بتهور واخسر زوجتي !
إذا لا تريد الطلاق لا تطلق لكن لا تتزوج حتى تتاكد من مشاعرها آجل زواجك |
رد : تعرفون الحسرة والندم كلها فيني الحين وشكلي بتهور واخسر زوجتي !
اقتباس:
عزيزتي: فيه فرق بين خجل البنت وحياءها وبين أنها تمسك خطيبها بكل جدية ووضوح وتقول له أحنا مانناسب بعض وماني مرتاحة معاك وماحبيتك وما أبغى أظلمك معي والإنفصال الحين أفضل من بعدين هالعبارة ياعزيزتي ماتقولها وحدة غير مدركة لأبعادها تقولها وحدة فعلاً غير سعيدة وغير مرتاحة وتبغى الإنفصال وماتبي تظلم ولد الناس معها ولو هي شاريته كان بعد هالموقف مايتصل عليها بالساعات ومطنشته ومخليته ماترد عليه ليش لما أمها حاولت تصحح الوضع البنت ظلت على موقفها...؟؟!! وأنا هنا ما أحرضه ولا أخرب عليه ردي واضح جداً طلبت منه يجلس معها جلسة مصارحة ويكون جاد ومايجلس يضيع وقته في وضع فرضيات تحبني ماتحبني تبغاني ماتبغاني لحد مايوصل مثل غيره عشر شهور وهو ضايع ورى جفاء الخطيبة وصدها أو يتزوجها بسبب إقناع أهلها تعذرهم الدائم له ويطلع بزواج فاشل واللغة التحريضية صدقيني لاتكون كما تصورتي بردي :d إلي بيحرض مايضع حلول والغريب حلك إلي طرحتيه مطابق لحلي ..!! ولاتقولي ماقصدتك أنتِ بالذات بل قصدتيني لأني الوحيدة إلي ردي مختلف عن غيري من حيث المبدأ وعطيته حقيقة غائبة عنه وهي أن بعض البنات ممكن يكونو مرغمات أو كارهات وإذا طلبو الإنفصال فهم صادقات جداً وليس تغلي وثقل وخجل |
رد : تعرفون الحسرة والندم كلها فيني الحين وشكلي بتهور واخسر زوجتي !
تذكرت أبو خطيبتي عند الملكة يقول البنت عجبتك .. قلت إيه ..
قال : لا تجينا بعدين ثم تقول خلاص ما أبي بنتكم ... بذكره فيها و أقول شفت مو أنا اللي قالها ياليت كان قدمت نصيحتك لبنتك ... |
رد : تعرفون الحسرة والندم كلها فيني الحين وشكلي بتهور واخسر زوجتي !
اقتباس:
انا فعلا مااقصد احد محدد بس في مواضيع اخرى كثيرة كانو الاخوات ينصحون عضو بالطلاق الفوري بدون معرفة الاسباب او الوقوف عليها وانا ضد هالشئ بعدين انا وانت متفقين انه لابد من جلسة مصارحة ليعرف السبب الحقيقي وانا ماقلت انه السبب الخجل فقط !!! انا قلت ممكن خجل وممكن ضغط نفسي واقع عليها وممكن خوف من المرحلة الجديدة المقبلة عليها وممكن تكون الفتاة صغيرة ومتهورة وممكن تكون فعلا قاصدة الانفصال لكن الاخ صاحب المشكلة قال بس عشان امها وافقت وراضيتها ورضيت واعترفت انه الكلام كان وقت زعل وقالت اني مااتعوض يعني البنت اتراجعت عن كلامها ولما يجتمع معها بجلسة مصارحة بوقت مافيه ضغط امتحانات ولا توتر نفسي مثل ماحضرتك ذكرت سيتضح كل شئ مايهمني هو معرفة السبب الحقيقي وبعد ذلك يتخذ القرار المناسب بناء على السبب واعذريني غاليتي الاختلاف لايفسد للود قضية |
رد : تعرفون الحسرة والندم كلها فيني الحين وشكلي بتهور واخسر زوجتي !
طيب وش تشوفون الحل في مثل هذه الحالات ؟؟
البنات أعتقد أدرى ... |
رد : تعرفون الحسرة والندم كلها فيني الحين وشكلي بتهور واخسر زوجتي !
والله الحل الوحيد انك تستخير ربك وكثر من الصلاة ,, وربي يسخر لكم الخير
|
رد : تعرفون الحسرة والندم كلها فيني الحين وشكلي بتهور واخسر زوجتي !
السلام عليكم ورحمة الله وبركاته أخوي في الله / الله ييسر أمرك ويعينك لإتخاذ القرار الصائب . أوصيــــــــك / 1- بالإستخـــــــــــارة الإستخارة ,الإستخارة , الإستخارة إحفظ الدعاء , افهمه , تدبر معناه , إجعله عباده وتفكر وتأمل في عظمة الله عز وعلى شأنه . فلايعلم الغيب إلا الله سبحانه وتعالى أدع بهذا الدعاء وأستشعر عظمة الخالق البارئ عالم الغيب والشهادة عزوجل وأدع بـ - ياحي ياقيوم أصلح لي شأني كله ولا تكلني إلى نفسي طرفة عين - لاحول ولاقوة إلا بالله العلي العظيم . - حسبي الله الذي لاإله إلا هو عليه توكلت وهو رب العرش العظيم - أكثر من الصلاة على نبينا محمد صلى الله وسلم وبارك عليه وعلى آله وصحبه . ومن والاه , - بما تشاء من الأدعية لأن / السعادة والارزاق والهبات والتوافق بيد مقلب القلوب فأرجع له سبحانه وتعالى وإبذل الدعاء ,,,, تعرف على الدعاء ,آدابه , اليقين بالإجابة . 2- الاستشــــــارة وهذا انت ماشاء الله تبارك الرحمن تستشير خذ بالرأي النابع من تفكير عقلاني وأفضل أن تستشير أهل التقوى والصلاح والعلم فأوصيك وصية محب / بأن تستشير من هم من أقاربك عليه ذلك . او شيخ . لأن هوءلاء يرون بنور التقوى والعلم ورجاحة العقل. وكذلك المستشارين رقم 1 الوالدة والوالد الله يحفظمها ,, ثم إجمع الإستشارات ثم أستخيــــــر ثم خذ بما تبين لك . والله أعلى وأعلم وهو الموفق المستعان . وصلى الله وسلم وبارك على نبينا محمد وعلى آله وصحبه والحمد لله رب العالمين . |
رد : تعرفون الحسرة والندم كلها فيني الحين وشكلي بتهور واخسر زوجتي !
والله هالبنات مابهن الا الدلع
شف حاول تسحب عليها فترة وشف هل تسال عنك اذا شفت انها مافكرت فيك ترى كثير اللي تبي زوج تسعده ويسعدها |
رد : تعرفون الحسرة والندم كلها فيني الحين وشكلي بتهور واخسر زوجتي !
يمكن هي مغصوبه عليك.. تأكد قبل لا تتزوجها
|
رد : تعرفون الحسرة والندم كلها فيني الحين وشكلي بتهور واخسر زوجتي !
والله حتى أنآ احس فيني نفور بسيط
والسبب لانكم يالشباب مندفعين تبونآ 24 ساعه معكم وتبونآ نرسل صور كل شوي .. وزيارات متكرره >< وتبونآ غصب نفتح معكم مواضيع الاحم الاحم كل شي بوقته حلو لكن صدقني بعد الزواج بتلصق فيك قضينآ عآد ارحمونآ = ) |
رد : تعرفون الحسرة والندم كلها فيني الحين وشكلي بتهور واخسر زوجتي !
اقتباس:
يعني كنه شاري سياره مايحس بشعور البنت نهائيا 000000000000000000000000000 |
رد : تعرفون الحسرة والندم كلها فيني الحين وشكلي بتهور واخسر زوجتي !
اخي تاكد انها تريدك قبل متخسر علي فاضي
ان اعرف واحده كانت لاتحب خطيبة وتلمح لها ولكن امها كانت دايم تتهددها الي ان وجدت فرص قبل الفرح باسبوع واصرت بعدم الزواج منة وكانت صدمه له وخسرة والثاني نفس الطريقة لارضي والدتها وافقت ورجعت بيت اهلها بعد اسبوعين و والثالثة لم تحضر يوم الزفاف وقد كانت صدمه لشاب |
رد : تعرفون الحسرة والندم كلها فيني الحين وشكلي بتهور واخسر زوجتي !
هذي قصيدة إهداء لكل خطيبه تنفر من خطيبها
بعنوان : تبيني صدق والا ما تبيني .. للشاعر حامد زيد .. http://www.youtube.com/watch?v=y20ElHQSQIs أرجوا عدم حذف القصيدة من الادارة .. |
رد : تعرفون الحسرة والندم كلها فيني الحين وشكلي بتهور واخسر زوجتي !
أحساس ولهان جبتها على الجرح والله الله يسعدكم ياارب ويوفقكم لكل خير يارب |
رد : تعرفون الحسرة والندم كلها فيني الحين وشكلي بتهور واخسر زوجتي !
والله البنات غريبات ،،،، أنا أعرف اثنين من خوياي عزيزين علي
وثقل ،، يقولون والله ما نكلم الا كل 3 ايام مرة واذا طولنا طولنا نص ساعة ومع ذلك انواع السحبات على الاتصال ولا كأن فيه أحد ، دق أو أرسل ما أدري فاهمين الثقل غلط والا كيف ، ياخي من الادب لو واحد زميل مهو بزوج دق عليك وما رديت انك اضعف الايمان ترسل له بعذر والا سبب ولو طنش الواحد وسحب عليهم ، قالوا الجاف اللي ما عنده احسااااس والله عالم غريبه ،، أنا أقول يا أخوي لا تستعجل ، وادع ربك يكتب لك الخير والمصارحة حلوة ،، تريح وتفتح خفايا للطرفين ، أهم شي اشتر الاسكريم من اللحين على قولة لووووف |
رد : تعرفون الحسرة والندم كلها فيني الحين وشكلي بتهور واخسر زوجتي !
كلكم تعانون. الله يسهل أموركم ويصلح زوجاتكم.
|
رد : تعرفون الحسرة والندم كلها فيني الحين وشكلي بتهور واخسر زوجتي !
حبيبي التطنيش احلى شي ... وبعدين ماشفنا االمشااكل الى يوم بديتو تكلمون على خطيباتكم |
رد : تعرفون الحسرة والندم كلها فيني الحين وشكلي بتهور واخسر زوجتي !
اقتباس:
يعني تقصد إن المكالمات هيا السبب ..!!!!! |
رد : تعرفون الحسرة والندم كلها فيني الحين وشكلي بتهور واخسر زوجتي !
اقتباس:
ايوه نسبة 200% كله مشاكل في مشاكل ... تخيل انت في الدوام ومشغول ماترد عليه كان قامت يوم القيامه مايبغني يكرهني وانت مشغول من كل الطرفين ... وانا انصح اي شخص يبعد عن المكالمات قسم بالله يرتاح راحه... ربي يووفقك |
رد : تعرفون الحسرة والندم كلها فيني الحين وشكلي بتهور واخسر زوجتي !
اقتباس:
ماشاء الله تتصل عليك ... لي حوالي 9 أشهر ما عمرها اتصلت أو بادرت .. كل شي علي أنا ...:26: |
رد : تعرفون الحسرة والندم كلها فيني الحين وشكلي بتهور واخسر زوجتي !
والله يا اخى لا اعرف ماذا عندهم بنات هذة الايام الله يهديهم
|
رد : تعرفون الحسرة والندم كلها فيني الحين وشكلي بتهور واخسر زوجتي !
ممممممممممم
والله مشكله ايش نسوي اذا فعلا مو مرتاحين مع ازواجنا ايش نسوي؟ |
رد : تعرفون الحسرة والندم كلها فيني الحين وشكلي بتهور واخسر زوجتي !
اقتباس:
كلامك عين العقل اسألها إذا قايله هالكلام بس لأنها زعلانه ولا مقتنعة فيه..؟ لأنها لو شاريتك حتى بالزعل ما تقول كذا هذا .. ولا تكون طيب معها بزيادة تحسسها إنك ضعيف شخصية ^^ حلو الواحد يكون ثقل و يخفف مكالمات .. و الله يكتب لكم اللي فيه الخير ^_______^ |
رد : تعرفون الحسرة والندم كلها فيني الحين وشكلي بتهور واخسر زوجتي !
لالازم تتاكد قبل اي شي من مشاعرها ناحيتك يمكن قالت الكلام بوقت احيان يمر علينا بالشهر الوحده ممكن تقول لاخطيبها مأبغاك وهذا شي غصب عننا وانا وحده منهم وربي اكثر من مره ابي ارسل لزوجي مابيك وكل شهر اكره انت لازم تتاكد من هالناحيه وعليك بالاستخاره
|
رد : تعرفون الحسرة والندم كلها فيني الحين وشكلي بتهور واخسر زوجتي !
اصبر اخى الحبيب والله انا اتعامل مع نفس النوعية بس ربنا يستر علينا ........ الظاهر ان بنات الايام دى كلهم كدة ربنا يسترها المهم .........اصبر ثم اصبر ثم اصبر
|
رد : تعرفون الحسرة والندم كلها فيني الحين وشكلي بتهور واخسر زوجتي !
اخي الكريم
دام البنت قالتها لك بصريح العباره ماابغاك فثق تماماً ماقالتها وهي مجبوره قالتها من جوا قلبها فأنتبه اخي لاتستعجل بأمور زواجك وهذا كلامها نحن نعطيك وجهة نظرنا حسب ماافدتنا بدون اي تحريض لأن لي صاحب لما خطب ويبي يذبح ذبايح الملكه اتصلت فيه وقالت له انا ماابغاك من شاف ردها كذا علي طول طلقها بدون اي فضايح وبكل ستر والحين تزوج وحده غيرها عز الله انه سعيد ماشاء الله عليه فأنت يااخي دام البنت قالتها لك فأعلم ان البنت تشق والأم ترقع فلاتصير ضحية وتخسر واخرتها انت اللي تاكلها مفلفله ترى مكالمات الخطيبه ماوراها الا المشاكل بعد الزواج لأن الشاب بفترة الخطوبه مايردها بشئ ويأملها بأحلام خياليه ويوم تتزوجها وتأتي لبيت الزوجيه تختفى هذه الأحلام وتجيك الزوجه وتقول وين وعودك لي وقتها تحدث المشاكل وتبدأ من طلب الزوجه لك ورفضك لمطالبها ويالله عاد ابدأ بوجع الراس والهموم اسبوعين عندك واسبوع عند اهلها لكن اخوي الله الله فكر بعقلك ترى البنت ماقالت كلمتها لك وهي تضحك ولا معصبه قالتها لك من جوا قلبها ومن جوف مشاعرها فأنتبه من الأستعجال ودي واحترامي |
| الساعة الآن 02:42 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©