|
محتار كيف أتعامل معها ؟
السلام عليكم .... كتبت فى هذا المنتدى المبارك عن مشكلتى سابقاً وهى ان خطيبتى صغيرة فى السن ((17)) شديدة الخجل ولا تعطينى وجة فى الكلام ومن خلال الايام سألتها ان كانت تريدنى ام لا تضايقت جداً وحدثت مشكلة كبرى واخذ والدها يبادرنى كيف تقول مثل هذا الكلام الخ .....
المهم فى احد المرات ذكرت لها اننى كنت اتحدث الى والدتى بانهاء الموضوع ولكنها صبرتنى وكذا ...المهم هى ما اخبرتنى انها تضايقت والدتها اخبرتنى .... والان داخليين فى شهر ونصف من بدء امتحاناتها وايام امتحاناتها حتى و كلامها معايا غير مظبوط تعطينى الكلام بالقطارة اقل من الاول يعنى ضاعت الدنيا كلها وانا حالتى زى الزفت حتى انى اخبرتها بذلك ورجعت ندمت انى اخبرتها الان حادثتها بالتليفون و سألتها عن هذة الامور قالت (( لما تيجى هتعرف )) سالتها فية اية يا بنتى (( لما تيجى تعرف )) قللتلها (( مش جاى )) قالللتلى براحتك خلاص ,و, سألتها الخروج لكى نحل مشاكلنا بعيد عن اهلها والبيت عندهم قالت (( لا مش هينفع انا مش عايزة اخرج )) والوضع دة من زمان احنا مخرجناش من اكتر من شهرين سألتها اكتر من مرة قالت مبحبش انك تلح على لما تيجى هتعرف كل حاجة انا الان مصمم انى لو رحت هبوظ الدنيا و هقول كل شىء امام ابوها واعرفة انها مبتتكلمش معايا كويس بس انا خايف اجرح شعورها وانها ما عادت تأمنلى بعد كدة خصوصاً انى حاسس ان فى اضطراب اصلاً بالموضوع وان ابوها كلمنى قبل كدة وقاللى ربنا يقدم اللى فية الخير يابنى .... وبصراحة الكلمة دى مش مطمنانى انا الان محتار اتكلم بالسياسة واحس انها ممكن تفكرنى ضعيف وتتسلط على او اكلمها بالعنف ممكن تكرهنى او اتكلم بالراحة جداً واقول لابوها على كل شىء وفى الحالة دى ممكن يزيد الجفاء وتحس بعدم الامان معايا بالله عليكم كيف اتعامل دلونى انا رايح كمان نص ساعة |
رد : الحوووووونى بالله عليكم
هدي شوي ليش العصبية دي كلهــآ
ليش مآ تروح عندهــآ ؟ العنآد ماينفعش ابدآ وأنتا الطرف العآقل يعني المفروض عليك تهدي اعصابك وتروح عندها تتفاهم بهدوء وتحاول تطيب خـآطرها بكلمتين وتشوف شو اللي زعلهـآ مــآ انصحك تكلم ابوهـآ ابدا لأن الاهل دايما ياخذوهآ بحساسية حبتين تفاهم معاها هي أولا يمكن هي زعلانة من حاجة انتا مو ماخد بالك منهـآ وضح لهـآ الأمور وأكد لهـآ أنك لسى تحبها |
رد : الحوووووونى بالله عليكم
اقتباس:
هتخسرها لو عملت كدا هاذي الطريقة مش حل بالعكس هتبعدها منك كثير |
رد : الحوووووونى بالله عليكم
يعني البنت قالت لك (لما هتيجي هتعرف)
ليه مارحت وشفت إيه عندها وفهمت منها ليييه قلت لها مش جاي....؟؟؟ أنت تصنع مشاكل لنفسك من لاشيء يعني هي حبت تخبرك بأسبابها وأنت عندت ورفضت ثم رجعت وقلت نخرج برى نتفاهم وكأنك تحاول تمنع حدوث أمر أنت خايف منه ومش حاب تسمعه هل أنت خايف أنها مثلاً تقولك مش عيزاك وراح تترك..؟؟ طيب ليه تقدم البلاء قبل وقوعه...؟؟ روح لخطيبتك وشوف إيه عندها وأسمع منها وبلاش أفتعال مشاكل معاها أفتعال المشاكل ماراح يأخر إلي أنت خايف منه يمكن البنت عندها ظروف معينه مضايقتها أو عندها كلام مهم تقوله لك توكل على الله |
رد : الحوووووونى بالله عليكم
انا ما افتعل مشاكل والله .....محادثتها لى بالتليفوون حسستنى ان الامر فى شىء مش مظبوط وطريقتها كأنها تقوللى هتيجى والا ..... مش عارف حاسس منها بتسلط على
|
رد : الحوووووونى بالله عليكم
انا رايح بالله عليكم ادعوووووووووووووولى
|
رد : الحوووووونى بالله عليكم
ربنا معاك ولاتنسى تتوكل على الله و تتعوذ من الشيطان
|
رد : الحوووووونى بالله عليكم
يا أخي يمكن متضايقة من أهلها بشيء ...أو في خلاف
يؤثر على مكالماتها لك و يحد منها و أنت مسرع ,بتقول لأبوها!! تريث اذهب لترى ,ما هو السبب , فقد تفك كل علامات الأستفهام بينكما! |
رد : الحوووووونى بالله عليكم
الحمد لله جلسنا ووالدها وضحللى انها شرحت لة الامر وقالت له على ما ضايقها منى مع انى اغتظت انها لم تقل لى انا المهم الحمد لله جلست معها و اكتشفت ان الامر كان سؤ تفاهم والحمد لله خرج الشيطان وأسأل الله ألا يعود ثانية .....
أريد ان اعرف الان كيف احافظ على شعورها وكيف اشعرها بالمسؤولية وانها ستكون زوجة وام دون ان اقلقها من هذا الامر لانها قلقة جداً مع سنها الصغير وكيف اشعرها بحبى وحنانى وعطفى واهتمامى بها دون ان اوصلها ان ضعيف الشخصية او غير واثق بنفسى او و دون ان اعطيها الحق فى ان تتسلط على |
رد : الحوووووونى بالله عليكم
الحمد لله الله يسعدك معها ان شاء الله ويبعد الشيطان عنكم ولكن لم تخبرنا ما كان يضايقها بلكي نستفيد منك
|
رد : الحوووووونى بالله عليكم
البنات تحب تتدلع والله اخى الحبيب ..... كنت حكيتلها انى قبل الالتزام كنت على علاقة ببنات ومن يومها وهى واخدة على خاطرها ...للاسف دة من غبائى بس انا حبيت اصارحها بكل شىء وقلت هى هتفهم انى حالياً ملتزم والكلام دة كلة ولا شىء عندى بس هى اخدتها بحساسية كبيرة جداً وما نسيت المهم الحمد لله راضيتها وخلص الموضوع ...الحمد لله
|
رد : الحوووووونى بالله عليكم
من حقهــآ تدلع
الحمدلله إنكم تصالحتو وتفاهمتو والمشاكل ملح الحيآآة ممكن تخبرنا شو تعلمت من هالمشكلة؟ وما الاخطـآء المسببة لحدوثهـآ ؟ |
رد : الحوووووونى بالله عليكم
والله انا هحكى بالظبط اية اللى حصل لانى اليوم حاسس احساس غريب ومش كويس ..... اولاً ابوها فتح الحوار انت محترم و كذا وكذا ...الخ ثم بدأ وانا مش عايز افرض عليك اشياء يا ابنى ان مكنتش مرتاح احنا لسة فيها وكلام يقلب الدماغ ....المهم انهى الكلام انها بعد ضغط واصرار عليها قالت انها اتضايقت لما انا كنت بحكيلها فى مرة ان اكتر علاقة لى ببنت كانت واحدة زميلتى فى الكلية ومكنش بينى وبينها اى حاجة اكتر من سلام سلام واتصلت على فى البيت مرتين بس بجد انا مش فاكر انى قلت مرتين دى مع انها مرة واحدة بس المهم شرحتللها الموقف وحسيت انى اتضايقت انى شرحتللها والله انا كنت حاسس كأنى فى استجواب وعمال احلفلها والله ما كان بيننا اى حاجة وانا حتى نسيت اسمها وكدة و تقوللى طيب المكالمة التانية كانت امتى افتكر افتكر والله حسيت كانى فى استجواب قللتلها والله ما انا فاكر المكالمةالتانية دى ...حسيت كأنها مش لاقية حاجة وعمالة بتتلصم على اى شىء تطللعنى غلطان وبس المهم عملت بنصيحة الاخوات هنا وحاولت اراضيها علشان الامور تمشى المهم الموضوع دة خلص قالتتلى انها مرة كانت جيت عندنا البيت و اختى دخلت تفرحها عالمكتبة عندى كنت انا لسة شارى موسوعة جينيس من معرض الكتاب وموسوعة جينيس كما تعلمون فيها صور بنات واشياء من دى وانا من عادتى الحمد لله والله يعلم انى لو شفت اى صورة بنت على اى شىء امحية او احاول اطمسة بقلم حبر او شىء عالعموم هى شافت النجلة قبل ما اعمل فيها اى شىء زعلت انى انسان ملتزم واحوى الاشياء دى عندى بالمكتبة و فكرت انها عندى من سنتين حلفتللها انى كنت لسة شاريها وانى الان ومن غير ما هى تتكلم طمست الصور المهم كانى بحاول اراضيها وهى تقول خلاص خلاص عادى ......بصراحة والله صدرى ضايق احس انى غلطان انى ارتبطت بواحدة صغيرة وتفكيرها بالطريقة دى ....انتوا اية رايكوا؟؟؟؟؟
|
رد : الحوووووونى بالله عليكم
عايزة اوضح لك شيء
الصراحة كويسة ومطلوبة لكن تصرح إن كان معاك اتصالات سابقة مع بنات هو سبب المشكلة دي كلهـآ يآراجل ماتعرف الغيرة وعمآيلهـآ؟ تصرف خطيبتك متوقع مو علشان سنها صغير ..لأا أي بنت مهما كان عمرهـآ كانت عملت نفس الشيء وكانت هتتضايق جداا من هذا التصريح خطيبتك الآن مابتحسش بامـآن معاك وصارت تسيء الظن و بدأت تشك فيك مثل ماحصل لما شافت الموسوعة وحتفضل تعمل كذا وارجوك ماتلومها ..لأنه الخطأ منك في البدآية فتكونت ردود افعال سلبية منها ولآزم تبدأ تصلح الخطـأ حتى تقطع اي شك تاني وتطمن قلبهـآ عآرفة تماما إنك لما صارحتهـآ بالماضي كـآن قصدك إنك تكون صادق معاها و تثبت لها أنك تبت لله و التزمت ..حتى تبدأ حيـآة جديدة في ظل طـآعة الله وهذا جميل جدا وأهنئك عليه وأسأل الله لك الثبـآت لكن ردة فعل خطيبتك كان عكسية وهاذا متوقع جدا واي بنت في مكانها كان عملت مثلها الغيرة غريزة فطريـة في الأنثى ..وانتا أثرت الغيرة بدون قصد فضروري ترجع تطمنهـآ وتحسسهـآ بالأمـآن أتمنــى إن الصورة اتضحت اعذرني هنـآ راح أحملك جزء من المسؤولية لأنك إنت الرآجل و رب الأسرة ولازم تبذل كل جهدك حتى تبني بيتك على اسس قوية وتشيل من بالك فكرة إن خطيبتك سنهـآ صغير..مصيرها تكبر أول حـآجة هتعملهـآ تتجه إلى الله و تسأله التوفيق والصلاح لأن الله هو الوحيد القـآدر إسعادك ثاني حاجة تبدأ تقرأ كويس عن كل ماله علاقة بالزواج والأسرة واسلوب التعـآمل المناسب حتى توسع مداركك آخر حاجة تحب خطيبتك وتحمد الله إنه يسر لك الحلآل واصطفاك من بين كثير ناس محرومين يتمنوا الزواج ولا يستطيعون اخبر خطيبتك دآئمـآ أنها الحب الوحيد الصادق وأنها هي ماضيك ومستقبلك وكل حيآتك حتى تضمد جرح قلبهـآ الأنثى قلبهـآ رقيق ماتتحملش فكرة إن خطيبها كان يعرف احد قبلهـآ إذا بدأت خطيبتك تسألك عن الماضي أو عن أي علاقة سابقة لآتناقش بل حوله إلى كلام عاطفي رقيق.. قل الماضي انتهى وانتي حبي الوحيد انتي اللي هعيش معاكي العمر كله قول لها: ربنا اكرمني بيك و رزقني بأحلى بنت تعيني وتساعدني.. واسمعها بعض الدعوات الطيبة ( اتمنى أن تقول هذا الكلام صادقا ومن قلبك ) الله يجمعكم على خير ويجعل حيـآتكم سعيدة إن شاء الله |
رد : الحوووووونى بالله عليكم
اااااامين يا رب ربنا يجزيكى خير ... والله كان صدرى ضايق حسيت انها هتكون مسكالى عالواحدة ومش هتسيب شاردة او واردة الا وتسأل عنها ..... بسش كويس ان كل البنات كدة
|
رد : الحوووووونى بالله عليكم
سؤال بسيط بس هو لو فى حب حالياً من طرف اعلى من التانى واظهار للحب دة يعنى بالعربى انا مظهرلها حبى زيادة عن الالازم جداً وهى احسة منها لكن مش زى البنات يعنى اشوف هنا فى المنتدى بنات تتمنى خطيبها يتصل عليها يسأل عنها و انا معايا العكس ما احس منها رومانسية هل ممكن حبى دا يموت بعد الزواج او هل من الممكن ان يكون حبى لانها فعلاً اول ارتباط لى بحياتى ؟؟؟؟؟!!! انا محتار
|
| الساعة الآن 06:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©