|
زوجي طردني من البيت((المستجدات بالرد 23))
متزوجه من سنه
زوجي انسان مشكلجي درجه اولى لم اذق طعم الراحه والهدوء كل يوم مشاكل معاه مع اني مدللته اخر دلال ولم اقصر بشيء على العكس تماماً كنت اقوم باكثر من واجبي مشكلتي الاساسيه هي: على اي مشكله يفتعلها يطردني من البيت يقول : اطلعي من بيتي ! كأنه يمن علي بهذا المسكن لم احس بطعم الاستقرار والهدوء والطمأنينه ابداً وكان هذا هدفي من الزواج اريد الهدوء والإستقرار مع كل مشكله و( طرده من البيت) ابكي امامه وانهار ولا اخرج من البيت ورده هو الضحك علي وتقليد طريقة بكائي باسلوب ساخر اخر مره طردني امس جرجرني بالاسياب مع اهانات لفظيه وضرب الى ان وصلت الى الغرفه لاجمع اغراضي هذه المره لم ابكي ابتسمت اخذت بعض الاغراض ولبست عبايتي وطلعت اول مره وصلني بيت اهلي مثل المجنون يسوق السياره بسرعه وده يسوي فيني حادث عشان ( اسقط) وصلت بيت اهلي الى الان ماقويت اقولهم على اللي صار قلتلهم مسافر الديره ابوه تعبان احس زوجي يكرهني ما ادري ايش السبب هو كان يعشق وحده قبلي ويكلمها لكن تقدم لها ورفضته وتزوجت غيره اغنى وارقى ومتعلم والحين عندها اطفال طبعا انا دريت عن هالكلام من اخته احس مانساها يتسمع اغاني خالد عبدالرحمن" تقوى الهجر" ويدمع هل هذا السبب ولا انا بس موسوسه ليه يكرهني ليه يعاملني كذا ايش اسوي معاه افكر بالطلاق والخلاص خصوصا بعد سالفة هالعشيقه اللي موراضي ينساها رايكم اقول لاهلي ولا اسكت اشوف هو ايش راح يعمل ؟ انا بحيره واحس اني وحيده ومادري ايش اسوي |
رد : زوجي طردني من البيت
يعني واحد يقولك أطلعي من بيتي وتجلسين تبكين وتضعفين قدامه
كيف تبغينه يقيم لك وزن أو يحترمك....؟!! المفترض من أول مرة قالها ماسكتي له وأتخذتي موقف قوي وطلعتِ وطلبتِ من أهلك يتفاهمون معه إذا أنتِ واثقة من نفسك ومن قيامك بجميع حقوقه ومحترمته ليش ترضين الإذلال...؟!! مفكرة أن الوحدة إذا زوجها قلل من أحترامها وطردها وذلها وسكتت له وجلست تبكي وتستضعف قدامه وترجوه يحسن معاملتها بيقدرها..؟ هو شايفك ضعيفة عشان كذا يستقوي عليكِ ياعمري الحياة الزوجية إلي مافيها أحترام حياة فاشلة وإلي ترضى بالهوان تعيش فيه طول عمرها أطلبي من هذا الرجل بكل وضوح أن يحترمك كما تحترميه |
رد : زوجي طردني من البيت
أكيد ياعزيزتي لابد من دخول أهلك في الموضوع يعني صعبة راح تعيشي طول عمرك في المذلة مع واحد مايقدرك ويهينك ويطردك عند كل مشكلة ابلغي أهلك بكل التفاصيل لابد أن يجد من يردعه عن جنونه وتصرفاته الهوجاء .أسأل الله أن يفرج همك ويكشف كربك .
|
رد : زوجي طردني من البيت
ترددت اقول لاهلي لاني الى الان متردده من الطلاق وانا حامل
لان هو سبق وقالي لو قلتي لاهلك عن مشاكلنا خلاص game over برسلك ورقه طلاقك بالحرف الواحد !! بالله عليكم ايش الحل |
رد : زوجي طردني من البيت
حسبنا الله ونعم الوكيل
انت زوجه واكرمك الله اوقفي وقفه حااااااازمه هذه اول سنه عاد كيف السنوات الجايه وقفيه عند حده |
رد : زوجي طردني من البيت
اقتباس:
لاحول ولاقوة الا بالله كمان يهدد ياختي طفل واحد ولا اثنين او 3 عالاقل يولد الولد بدون مشاكل صعبه يجونك عيال ويطردك قدامهم من وجهة نظري لو انا مكانك على طول اخبر اهلي بالسالفه هذولا عزوتك وسندك بالحياه اما انه يهددني ويقول قيم اوفر ........لاتعليق صراحه الظاهر لم يأخذ الزواج بجديه مادري كيف يكون اب الله يفرج همك ويتمم حملك |
رد : زوجي طردني من البيت
الله يفرج همك
لا تبكين عنده وخلك قوية لما توصل المسالة للكرامة ماعاد فيها تنازل لمي اغراضك وروحي بيت اهلك حتى لو مارتحتي عندهم ..اذا كانت الي خطبها باعته عشان واحد اغنى منه فانتي مو محطة انتقام وللاسف هناك بعض الرجال ماينسى من تبيعهم لانها بالنسبة له صعبة المنال لكن هذا طبع بني ادم الاناني يترك الشى الي بيده ويدور ع شى باعه ونفر منه يسوق بسرعة ويبي يسوي فيك حادث عشان تسقطين هذه يبغالها وقفة ! استقري في بيت الاهل فترة حملك ووكلي الله في امرك لعل اذا جاك مولود يتبدل حاله مايكرم المراة الا كريم ومايهنيها الا لئيم..الله ييسر امرك ويسخره لك ويصلح حاله |
رد : زوجي طردني من البيت
اكيد تعلمين اهلك عشان مايتمادي
واسمح لي انتى شلون تاخذين واحد يعشق م قبل مراح يشوفك شي نهائي لانه عاشق ثاني شي ان افضل تتطلقين منه تدرين ليش لان لى يحبها في باله وش تبين فييييييييييه دام شايفه الاهانات وساكته خله يولي عساه مايجي ياماما عززززززززي نفسك ولا ذلين لنفسك لرجل نصيحه دام مابينكم اطفال اتركيه وبيجيك احسن منه |
رد : زوجي طردني من البيت
اقتباس:
المشكله برجال يعرفون نقطه ضعف المراه وين انتى عرف نقطه ضعفك وعشان كذا يهددك انت تعلي ليه بالعكس قليلو سوى الى براسك واعلى مافي خليك اركبه بيعيه خليه دايج مايعرف ارضه من سماه استغل نقطه لان عرف شخصيتك ضعيفه |
رد : زوجي طردني من البيت
اقتباس:
والله من قلة الحياء والمرؤة صار الزواج عنده لعبه وانتهت أجل...؟! وش تبغين في إلي مايبغاك ..؟ أتركيه وعوضك على الله ترى مافي عيشة بالغصب دامه مستبيع بيعيه أنتِ بعد |
رد : زوجي طردني من البيت
اقتباس:
اذا هو يتسغل ضعفها ترى الله اكبر منه واقوى منه ولاهي رجوله منه يطردها من بيتها اختي غريبة الدار اذا تقدري تطبقي كلام دفئ وتكون ردة فعلك مفاجئة له اعتقد يا انه راح يتغير مع للافضل او يطلق ولك رب اسمه كريم ومن هنا لذاك الوقت لين تولدين بالسلامة يحلها اللف حلال لان زوجك فعلا متهور ولا يحس بالمسؤولية كوني قوية يمكن هو يدور من تتعبه ويجري وراها في هالنوع |
رد : زوجي طردني من البيت
انا حاس فيك بس لازم توضعي حل لحياتك مش راح تعيشي حياتك كلها تحت الرعب و التهديد الي خلقو خلق غيرو ، لازم تكوني قوية و عندك شخصية ....ليه يضحك عليك ويسخر منك ويطردك كل مرة ، موجودة في حياة وكأن شئ مالو لزما امرأة في البيت و السلام ...لا حبيبتي ، اي شغالة ممكن تقوم بدورك....وللاسف هو شعر بضعفك وخوفك من ردة فعل اهلك تخافين من مصيرك ومصير ابنك لو لا قدر الله طلقك و خوفك من كلام الناس ووو...ايه الي يجبرك على هيك عيشة حبيبتي " قل لن يصبنا الا ما كتب الله لنا" . على فكرة هو بيهددك اذا قلت شئ لاهلك يطلقك علشان تخافي ويستعبدك .............
اتشجعي و اخبري اهلك على كل شئ لكي يوقف معاك و هو يخاف ويعود يحسبلك لحساب و ترجعي لبيتك ان شاء الله معززة ومكرمة ... ملاحظة: بيت الزوجية حبيبني منو مكان للاكل و النوم فقط هو بيت فيه امان ،فيه راحة و حنان ..... اسال الله تعالى ان يفرج عليك كربك. |
رد : زوجي طردني من البيت
ياعمري الضرب هذا كله والاهانه والسخريه وقله الاحترام كله متردده تقولي لاهلك اتشجعي وقوي ثقتك بنفسك بعد هذا كله ولادقيقه تقعدي عنده هذا ابد مايستاهلك الله يفرج همك ويعينك00
|
رد : زوجي طردني من البيت
أختي الفاضلة
قبل ما تدخلين أهلك وتكبر المشكلة أجلسي معه جلسة مصارحة .. لأن يأختي مافيه عصبية بدون أسباب أفهمي منه ليه كذا يعاملك .. يمكن يكون فيه أسباب منحرج يقولها أو هي بسيطة بس بنظرته أنها كبيرة المهم تركيه يطلع كل الل في خاطره وحاولي بطريقتك الخاصة معرفة الاسباب واستخلاص الحلول إذا ثبت لك أنه الموضوع ما فيه له حل أو إنه مو يمك دخلي الأهل والله يسهل أمرك |
رد : زوجي طردني من البيت
اختي احيانا الزوج يطرد ولكن داخليا لا يريد ذلك وما يتمنئ تتركين البيت
مجرد ردة فعل انتوا اعرفوا ايش اسباب الخلاف بينكم وعيدي الشريط واعرفي متئ عصب ومتئ انتي عصبتي لا تجعلين هذه الخلافات تفرق بينكم وصارحوا بعض وبهدوء وتجنبوا ما ينرفزكم |
رد : زوجي طردني من البيت
حبيبتي في رجال مايحبو المراة التي تستجدي العاطفة ويعتبرو بكاء المراة دموع تماسيح
حاولي تكوني متماسكة ولاتستفزي زوجك والله يسخره لك ومثل ماقالو الاخوات انتي استرجعي شريط الذكريات واتعرفي على الاسباب اللي ادت لردات فعله العنيفة وطردك وياليت لو تدرسي شخصيته عبر مقياس بوصلة الشخصية وربي يسخركم لبعض ويهديه هو متهور وشخصيته اندفاعية لكن حاولي معه محاولة اخيرة وربي يكتبلكم اللي فيه الخير |
رد : زوجي طردني من البيت
شكرا لكم اخواتي الفاضلات
انا ماكنت ادري انه كان يحب الا قبل شهر تقريبا اخته قالت لي صارت جلساااات مصارحه ومافيه اسباب حقيقيه صدقوني حاولت بكل اللي اقدر عليه احافظ عليه اهنت نفسي وكرامتي وتحملت وراجعت شريط الذكريات مع كل مشكله يقولي انا تركت بنات قبيلتي واخذتك يمن علي بنفسه وبقبيلته عنصري لابعد حد طبعا عشيقته من نفس قبيلته واكتشفت انها ماخذه واحد من نفس قبيلتي انا شكيت ان الموضوع انتقام وتصفية حسابات وانا الضحيه |
رد : زوجي طردني من البيت
لاحول ولا قوة الا بالله يعني عشان عنده عشيقة خلاص تستسلمي ..!!
أش التفكير الغلط هذا ، أنا مو مع الاعضاء اللي نصحوك تستغنين عن زوجك و حياتك عشان حرمة و في الماضي ، و الحمدلله انه مو باقي متواصل معها تقدرين بتعاملك و شخصيتك تحببينه فيك و الله العظيم كثير أعرفهم من جماعتنا كانو يحبون و تزوجو غير البنات اللي يبونهم و عادي مشت حياتهم حلووة هنا يا غريبة يجي دورك خليك ذكية و صبورة و غيري من طريقة تعاملك معاه انتي جربتي العاطفة و الضعف ما نفعت معاه استخدمي الوجه الثاني بيني انك ما تبينه ولا تبين ترجعين له و انك منتظرة تولدين له و تشوفين حياتك ، تشوفين اذا ما قلب خاصة لو بدا يتخيلك مع واحد ثاني ترا الرجال ينلعب عليهم مثل الاطفال و لا تخبرين اهلك بس ارسلي له رسالة وحدة تبين جفاك و بعدها لا تردين عليه مهما ارسل و لا تنسين تدعين الله و تتقربين له ادعي لزوجك ربي يهديه و يقر عينه بك صدقيني مشكلتك بسيطة بسيييطة الحمدالله و لو أنا مكانك مستحيل اترك ابو عيالي عشانها بالعكس اتحدى نفسي لغاية ما ارده لي و لبيته الله يسهل أمرك و يفرج همك يارب |
رد : زوجي طردني من البيت
موقاهرني الا انه يجرك بالاسياب ونتي حامل
الله يعينك على ماابتلاك مافيه لاحنيه ولا رحمه حسبي الله ونعم الوكيل |
رد : زوجي طردني من البيت
حسبي الله ونعم الوكيل ""صراحه لا أملك إلا الدعاء لك
لأني والله تخيلت نفسي مكانكٌ(الله لايبلانا ) يعني الوحدة تكون ببيت أهلها معززة مكرمه ويجي إلي يسمونه زوج ويمد يده ويهينها. بأي عقل تقولون لها أصبري !!!! إلا خبري أهلك غلطتك تتحملين الإهانه. صراحه مع احترامي الشديد إلي تتحمل مثل الإهانات جاهله وماتعرف حقوقها الشرعيه. والله مايخلي مثل هالرجال الحثاله يمدون يديهم على بنات الناس إلا ضعف المرأة خليك قوي في الحق ولايستضعفك. |
رد : زوجي طردني من البيت
والله انا اشوف الغلط الاول والاخير منك
طردك اول مره وتسكتي ؟! اكيد الرجال بيتمادى ويسوي شي اعظم وتوصل انه يسحبك بالاسياب وانتي حامل وتروحي لاهلك تقولي مسافر !! والله ماينلام لو يسوي اعظم ولاقي وحده تسكت له .. انا مااقول تطلقي منه انا اقول بس الى هنا وخلاص الواحد مايرضاها على اخته ولا بنت الناس كيف يسويها وحتى لو نقول يحب وحده قبلك ايش المشكله تتوقعي اي واحد يحب وحده قبل زوجته بيسوي كذا !؟ لا والله الواحد يخاف على زوجته اكثر لانها زوجته ولها واجباته .. اذا سكتي عن هذه التصرفات راح يتمادى اقل شي لما يهدى وتهدؤون كلكم قولي ترى التصرفات هذي ماتحملها وراح يتدخل الكبار فيها ... بكرا لو سكتي راح يسحب فيك بالاسياب وانتي بأولادك حتى عيالك ماراح يحترموك اذا شافوا ابوهم يتعامل معك كذا هذا رأيي الشخصي طبعا .. |
رد : زوجي طردني من البيت
من يهن يسهل الهوان عليه
|
انا اللي طردني زوجي .. هذي تطوراتي
هذا موضوعي السابق
http://www.66n.com/forums/showthread.php?t=236748 اشكر كل الاعضاء اللي ردوا وساعدوني طول الاسبوع الماضي احاول اقول لأهلي ماقدرت قلت بكلمه للمره الاخيره قبل ما اقولهم اليوم كلمته رد علي حسيت انه مبسوط اني اتصلت لكن بنفس الوقت شاف نفسه اني انا اللي بادرت بالاتصال طبعا اسلوبه معاي كان مو حلو وفيه تكبر وشوفة نفس انا حطيت شروط عشان ارجع نهاية الحديث والمكالمه معاه قالي انه بياخذني اليوم لكن انا قلتله مو اليوم الجمعه الجاي ابي وقت افكر فيه وبصراحه انا بالوقت هذا ابي افكر شلون اكون قويه وارجع للبيت قويه شلون اتعامل معاه لما ارجع بطريقه تخليه يحترمني ومايمد ايده ومايغلط علي بالكلام ايش اسوي اسفهه ما اتكلم معاه اعامله بجفاف ؟؟؟ وبخصوص عشيقته السابقه ايش اسوي معاه بالموضوع هذا ؟؟ ارجوكم اقروا موضوعي السابق عشان تعرفون شخصيته كيف شورو علي |
رد : زوجي طردني من البيت
انا انصحك ترسلي رساله على موبايله وتبلغيه انكماخبرتي احد بالمشكله علشان تكبري في نظره ويعرف انه غلطان ويرجع لك
منها يعرف انك صبرتي واكيد بيقدر صبرك ويعرف ايضا انك حفظتي اسرار البيت وكمان تكسبي الجوله عليه ويعرف انه مابيلقى مثلك .... اللي اقصده تحاولي تنسيه العشيقه القديمه تترسي عينه بلبسك باخلاقك بفنك وتعاملك وحفظك اسراره ونصــــــــــــــــــــــــــــيحه لك ياخت العزيزه لاتسمعي كلام اي احد يقولك ليش وماليش وليش يهينك وليش مايهينك ماعليك منهم المهم تشوفي طريقه تحافظي فيها على زوجك وتكسبيه وشوفي يمكن ينبسط منك انك ماكبرتي السالفه وحفظتي خصوصياته وانك مقدره ظروفه يوم كان معصب الرسول عليه الصلاة والسلام يبلغنا بان نخلق 70 عذر لاحبائنا وان لم نجد نسامح لوجه الله فهذا التصرف يعود عليك بالفايده ولو بعد حين حاولي تكسبيه وهذي اول سنه زوجاج لابد ان يكون فيها منغصات فاللله الله بالحكمه يارزينه وصلي وادعي الله يهديه لك .................. الله يسخره لك يارب . |
رد : انا اللي طردني زوجي .. هذي تطوراتي
بطلي هوان لنفسك
الشخص اذا ماعز نفسه وهي نفسه ماراح احد يعزها وكلن بياطى عليه (يدعس عليه) لاتروحين له الا وانتي مخبره اهلك بكل شي ولا ترى بتندمين طول عمرك الا اذا حساباتك غير ورافضه الطلاق تمااااااما بمعنى تعيشين ذليله عنده ولا يطلقك اسأل الله لك التوفيق وهداية زوجك ترى فيه احتمال يتغير بس متى الله اعلم |
رد : زوجي طردني من البيت
تم دمج الموضوعين لأرتباط المحتوى
|
رد : زوجي طردني من البيت((المستجدات بالرد 23))
كل وحده نصحتك
لاكن شوفي وحطيها بالك اذا رجعتي وماخلتيه يعتذر ع الى سواها فيك فانتي راح تصيري لعبه بين يدينه اولا انتى الى بادرتي بالاتصال وعرف نقطه ضعف ودام سكتي وماقلتي لاهلك تحملى مايجيك منه ولاتسمنيب دفئ اذا ماعادها لك وبتقولين لتني مارجعت السبب لان مو شخص عاقل وراكز |
رد : زوجي طردني من البيت((المستجدات بالرد 23))
أختي الكريمة زوجك ما يهده إلا رجال مثله
عندي مجموعة أسئلة: كيف كان زوجك في فترة الملكة؟ وكذلك في اول الزواج كيف كان تعامله معك؟ متى بدأ منعطف الإستهزاء والطرد وحبذا تذكرين الموقف؟ وش دايماً يقول عنك وعن شخصيتك ووضعك كزوجة؟ وسالفة العشيقه اصحك تذكرينها له حتى لو بالتلميح وحتى أهلك مالهم خص بالسالفه خصوصاً إن مافي شي ملموس وأخاف بكره يقارن ويعيب ويذكر كلام سامج انت في غنى عنه |
رد : زوجي طردني من البيت((المستجدات بالرد 23))
اقتباس:
انا خوفي وترددي لاني اعرفه تصرفاته هوجاء بدون تفكير شكرا اختي دفيء اقتباس:
|
رد : زوجي طردني من البيت((المستجدات بالرد 23))
يا اختي اطلعي من بيتو و اتركيه هذا النوع مستحيل العيش معه بلا مشاكل:( الافضل تشوفين حياتك قبل فوات الاوان الله يسعدك و يوفقك
|
رد : انا اللي طردني زوجي .. هذي تطوراتي
اقتباس:
يطردك ويهينك وأنتى لتبادرين تتصلين ؟ لاتلومين ألا حالك على تصرفات روجك |
| الساعة الآن 05:34 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©